مشاهدة النسخة كاملة : اية رايكوا في جدول الدروس دة
matrixmickel 31-07-2011, 11:41 PM السبت : فرنساوي 2-4 كيمياء 5.5-7
الاحد : عربي 11.30 --- 1
الاتنين : رياضة 8-9 صباحاً انجليزي 12-2 كيمياء 5.30-7
الثلاثاء : فرنساوي 2-4
الاربعاء : عربي 11.30-1 كيمياء 5.30-7
الخميس : رياضة 8-9 صباحاً انجليزي 12-2
اطلب منكوا تعقيبكم على جدولي في الدروس :] علشان حاسس انو مش تمام :] خايف انا جداً منو و خصوصا اني داخل على ثانوية عامة :]
محمد فتحي عبد الفتاح 02-08-2011, 01:28 AM هو الكيمياء 3 حصص في الاسبوع ؟ مين المدرس ده اللي بيعطي 3 حصص في الاسبوع واحنا لسه في الاجازة ؟؟ والله حراااااام مش كده رافة شوية باولياء الامور انا معلم وبدي حصة كيمياء واحدة في الاسبوع وافية وكافية في الاجازة وان شاء الله هخليها اتنين كفاية قوي في الدراسة بكده ممكن ان شاء الله اخلص المنهج على شهر مارس يعني في فترة كافية للمراجعة
PrinCeSs MeRaMar 02-08-2011, 05:29 PM بس هي المواعيد الصبح ليه في الدراسه مش هينفع الصبح
و عادي عندنا برده فيزيا و كيميا و احياء 3 مرات في الاسبوع
karimadel7 02-08-2011, 06:36 PM ثانية واحدة بس
انا ملاحظ ان الدروس كتير شويه
انا السنة اللي فاتت كنت 6 حصص اسبوعيا فقط 2 كيميا و الباقي حصة في الاسبوع
انت عندك 11 حصة!!!!!!!!!!!!
ربنا معاك بس عموما بالنسبة لترتيب الجدول انا شايفه فيه مشاكل
الفوارق الزمنية بين الدروس كبيرة شويه
مثلا يوم الاتنين عندك فرق 3 ساعات بين كل درس و التاني
الوقت ده اغلبه بيضيع و المشكلة ديه متكررة في الجدول
حاول تخلي اقصي وقت بين درس و التاني ميزيدش عن ساعة
انما كده اغلب وقتك ضايع
PrinCeSs MeRaMar 02-08-2011, 10:25 PM لا عادي احنا عندنا الكيميا 3 مرات و الانجليزي بيبقي مرتين و الرياضة مرتين و حاجات كده عادي
وبعدين 3 ساعات فرق احسن من فرق ساعه انا عندي السنة ده غصب عني في فرق ساعه في كذا يوم فرق ساعه ده الي ضايعه ميه ميه لكن 3 ساعات في امل للمذاكره احسن من 2 و 1
matrixmickel 03-08-2011, 12:43 AM يعني انت من رايك اني اقلل الفرق الزمني بين الحصص صح ؟
karimadel7 03-08-2011, 01:47 AM يعني انت من رايك اني اقلل الفرق الزمني بين الحصص صح ؟
في سؤال مهم جداً
هي الدروس في بيتك و لا بره و لو بره ايه الوقت اللي تحتاجه عشان ترجع؟؟؟؟؟؟
ola omar 03-08-2011, 02:02 AM انا عندي راي :
اذا كان المدارس هتتاخر وهتبدا في 10 ليه كل ده دلوقتي !!
وبعدين انا رايحة تانية ثانوي ان شاء الله ودلوقتي بدات كيمياء وانجليزي والماني وعربي والرياضة في اخر 8
وكل واحدة فيهم حصة بس في الاسبوع !!
matrixmickel 03-08-2011, 05:14 PM في سؤال مهم جداً
هي الدروس في بيتك و لا بره و لو بره ايه الوقت اللي تحتاجه عشان ترجع؟؟؟؟؟؟
برة و الوقت علشان اوصل بالكتير اوي اوي 15 دقيقة :022yb4: بس انا شايف انو حلو جداً و الوقت اللي بين الدروس دة اراجع فية و لا اية رايكوا ؟؟؟
matrixmickel 03-08-2011, 05:16 PM انا عندي راي :
اذا كان المدارس هتتاخر وهتبدا في 10 ليه كل ده دلوقتي !!
وبعدين انا رايحة تانية ثانوي ان شاء الله ودلوقتي بدات كيمياء وانجليزي والماني وعربي والرياضة في اخر 8
وكل واحدة فيهم حصة بس في الاسبوع !!
احنا النظام عندنا كدة في طنطا على الاقل مرتين للمادة غير حصص الامتحانات و المراجعة :o
Asa7be Wawa 03-08-2011, 07:22 PM دروسك كتيير قوي قوي على فكرة هو كفاية حصتين كيمياء والباقي حصة واحدة في الاسبوع
matrixmickel 03-08-2011, 09:30 PM اعمل اية بس هو النظام عندنا كدةةة :] :] مافيش اللي انت بتقول علية خالص هنا
أجمل زهرة 03-08-2011, 10:10 PM اه فعلا انا من طنطا
زالكميا والفيزيا والاحياء والرياضة كمااان 3 حصص ف الاسبوع
المهم انا عايزة اقول حاجة بالنسبة لتلات دروس ف اليوم حاول تخلى كل يوم درسين
لانى كنت كده السنة اللى فاتت وكان اليوم بيضيع باروح المغرب ما اذاكرش حاجة
وتانى يوم اذاكر اربع مواد
فيارريت المواعيد لو تقدر تعدلها...عشان ترتاح وتبقى مركز ف المذاكرة
صحيح مين المرسين اللى هتاخد عندههم؟
أجمل زهرة 03-08-2011, 10:13 PM واحب اقول حاجة المجتهد هيذااكر
لكل مجتهد نصيــــــــب
لو عنده خمسين درس.... اهم حاجة التركيييز:)
انا اعرف ناس كانت بتاخد درسين ف الماده وحابت مجاميع حلوة جداا
وبالتوفيق للجميع وكل سنة وانتم طيبــــــــــين:022yb4:
matrixmickel 03-08-2011, 10:23 PM اة ميرسي ليكي على المتابعة :
انا حجزت العربي عند سامح سند و الناس كلها بتقول علية وحش بس هو فعلاً جامد جداً و انا متحمس لية جداً
الفرنساوي عند ايهاب الشيخ و اذ كان حلو هكمل و لو كان وحش هروح لمرقص منصور
الانجليزي مستر احمد عبد الوارث
الكيميا : مس منيرة :d
الرياضة بالانجليزي مستر ميشيل يسى :] :]
بس متهيئلي انا عندي يومين فيهم مادة واحدة :d يعني اعرف اذاكر للبعدية :] بس ممكن اعرف انتي جبتي كام في تانية ؟
أجمل زهرة 03-08-2011, 10:31 PM بالتوفيق ليك:)
وبالنسبة لليوم اللى فيه مادة انوى انك تذاكر وما تنامش من التلات دروس
لانى كنت باعمل كده ههههه
:d
بس ف المراجعة ما كنتش بانام غير قليل خالص
انا الحمـــــــد لله جبت 98.5 ...بالرغم ان المجاميع ف العالى بس الحمد لله
مع انى مظلومة ف الكيميا حاجة متصححة لاصحاابى صح وجات عليا انا وانقص فيها
يارب رجعلى حقى....يلا قدر الله وما شاء فعل
matrixmickel 03-08-2011, 10:35 PM برافو ليكي بس اية رايك في المدرسين ؟؟؟
matrixmickel 03-08-2011, 10:37 PM هاااااااااا ؟
matrixmickel 03-08-2011, 10:38 PM انتي كنتي بتاخدي فين؟
أجمل زهرة 03-08-2011, 10:41 PM بصراحة انا مكنتش باخد عند ولا واحد فيهم
لانهم بعيــــد عنى
بس مستر عبد الوارث كويش بس مجموعته كبيرررة
معلش هاقفل دلوقتى
karimadel7 04-08-2011, 12:59 AM شوف انت هتقدر تذاكر بعد الدرس علي طول و لا بتحتاج شوية راحة لان فروق الزمن مش مريحة قوي يعني انت محتاج ترجع تذاكر علي طول من غير تضييع وقت
ديه حاجة ترجعلك
انا عن نفسي مكناس يعرف اعمل كده يمكن عشان في القاهرة الزحمة متعبة
أنا يحتاج 45 دقيقة عشان ارجع فكنت يحتاج حوالي ساعة بعد ما ارجع البيت عشان ابتدي
فانا منظم دروسي كلها ورا بعض و بليل عشان كده
لو الظروف عندك تختلف
ظبطهاحسب ما ترتاح
بس بصراحة ربنا معاك أنا السنة اللي فاتت كانوا 6 حصص و كنت بقول الاسبوع حلو اوي كده
و السنادي 8 و بقول انهم كتير شويه !!!!!!!!
beta777 04-08-2011, 02:16 AM الجدول جميل جدا انا عندى الجدول خربا بمعنى كلمة خربا
ومتحير "انا طالب لغات ومتحير اخد الكميا عربي ولا انجليزى "
ارجو الرد
matrixmickel 04-08-2011, 10:44 AM انا طالب لغات برضوا وواخد الكيمياء بالعربي :d
karimadel7 04-08-2011, 12:32 PM انا طالب لغات برضوا وواخد الكيمياء بالعربي :d
علي فكرة أنا لغات و انصحك بلاش كيميا بالعربي لسببين
اولا انت متعود طول عمرك لغات فمتلغبطش نفسك
ثانيا منهج الكيمياء مفهوش حفظ كتير عشان يستاهل انك تحول
اغلب شغلك معادلات و سطرين تحتهم و خلاص
أنا راي تجرب حصتين عربي و زيهم لغات و شوف ايه اريحلك *
matrixmickel 04-08-2011, 03:44 PM على فكرة برضوا انا اعرف ناس معايا في المدرسة لغات يعني و اخدوا الكيمياء بالعربي و جابوا فيها 50 .
karimadel7 04-08-2011, 04:11 PM على فكرة برضوا انا اعرف ناس معايا في المدرسة لغات يعني و اخدوا الكيمياء بالعربي و جابوا فيها 50 .
عشان كده بقولك جرب ده و ده و شوف هترتاح اكتر في ايه
أنا اخويا الكبير حاول يعملها في الاحياء معرفش خالص و اضطر يرجع لغات و جاب 49 :)
شوف هترتاح في ايه
لان السنة متستحملش تضييع وقت كتير :(*
matrixmickel 04-08-2011, 06:06 PM اوكى :d شكرا على الرد بس عايز المشرفين و الاساتذة يقولوا رايهم في الجدول
حِلــــﮱـم العُمـﮱـرَ 04-08-2011, 06:19 PM الجدول انا حاسس انو كتير لان الكيمياء مش لازم 3 حصص
ربنا يوفقك يارب
انا جبت مدرس الكيمياء والفرنساوي ع البيت عندي عشان أسهل ع نفسي لاني بحتاج ساعه الا ربع عبال اوصل لببيوتهم ..والباقي بياخدو نص ساعه العربي والانجليزي والـرياضه
يعني ف وقت ضايع ضاايع ربنا يستر !!!!
matrixmickel 04-08-2011, 11:07 PM ربنا معاك و اهم حاجة المجهود و التركيز
matrixmickel 09-08-2011, 12:54 AM فين الباقي يا جدعان عايز مشرفين و اساتذة متخصصين و يقولوا المطلوب علشان انا عايز اجيب مجموع عالي انشاء الله
|