مشاهدة النسخة كاملة : اعمل ايه
dr /nada 31-07-2011, 11:49 PM السلام عليكم ورحمة الله وبركاته
انا الحمد لله جاتلي صيدلة طنطا وعايزه اعرف اعمل ايه في الاجازه عشان ابقى كويسه في الكليه ومحسش انها صعبه انا قصدي استعد من دلوقتي ازاي يعني مثلا اخد كورس انجليزي ولا اكتفي باني احفظ شوية كلمات من القاموس ولا اقعد اراجع الكيمياء العضويه اللي احنا خدناها في تانيه ثانوي عشان انا اعرف اننا هناخدها في الكليه وهتبقى مادة اساسيه وعشان كمان افتكر اسماء المركبات العضويه ولاالجاحات دي ملهاش لزمه عايزاكم تنصحوني
Ph Fouda 01-08-2011, 12:23 AM على فكره كيميا صيدله مش زى كيميا ثانوى
:)
و نصيحه
اعزلى حياتك اللى فاتت عن اللى جايه
dr /nada 01-08-2011, 02:26 PM برده محدش نصحني اعمل ايه
hippara 02-08-2011, 07:10 AM برده انا صيدله طنطا و مش عارفه اعمل ايه عشان احضر تفسي للكليه
و ممكن حد يقولي التقديم امتي في كليه طنطا يا جماعه
star-55 02-08-2011, 09:07 PM بسم الله الرحمن الرحيم
السلام عليكم
لو محدش رد عليكو افتحو اى جروب فيس بوك يخص صيدلة طنطا او منتدى بتاع صيدلة طنطا
وابقو تعالو قولولنا قالولكو ايه هههههههه
homs tareek 05-08-2011, 02:42 PM في سنتر أسمه سنتر السعدني موجود في شارع البحر مع عمر بن عبد العزيز عند كشري أصالة ودة بيدي كورسات ببلاش كنوع من الدعايةة ودة لحد قبل الدراسة فقط أنا أخذت فيه أول محاضرة عن الكيمياء التحليلية وبيديكي ورق وسنتر كويس أوي
ودا مش لكلية صيدلة فقط لأ بل ولأسنان ولطب بشري ومعيدين هما اللي بيدولنا وبيحضر ناس كتيرة صبيان وبنات
والمرة الجاية :
يوم السبت 2011/08/06 :الساعة 1(((((((((cell biology(((((((((((((والساعة 2.30((((((((((((كيمياء تحليلية ))))))))))
الإثنين : الساعة 2 كيمياء عضوية والساعة 3.30 إحصاء
الأربعاء الساعة 1 تحليلية والساعة 2 OTC"""أدوية علي الرف"""""
وكل دا مجاني
والتقديم في الكلية يوم 20/8 بإذن الله
dr /nada 05-08-2011, 04:52 PM اصل انا من محافظة القليوبيه مفيش سنتر قريب شويه
fatma darweesh 06-08-2011, 12:47 AM السلام عليكم ورحمة الله وبركاته
انا الحمد لله جاتلي صيدلة طنطا وعايزه اعرف اعمل ايه في الاجازه عشان ابقى كويسه في الكليه ومحسش انها صعبه انا قصدي استعد من دلوقتي ازاي يعني مثلا اخد كورس انجليزي ولا اكتفي باني احفظ شوية كلمات من القاموس ولا اقعد اراجع الكيمياء العضويه اللي احنا خدناها في تانيه ثانوي عشان انا اعرف اننا هناخدها في الكليه وهتبقى مادة اساسيه وعشان كمان افتكر اسماء المركبات العضويه ولاالجاحات دي ملهاش لزمه عايزاكم تنصحوني
سلام عليكم
اولا مبروك الكلية انا الحمد لله صيدلة بس القاهرة اول سنة زى حضرتك انا بحاول في الكميا في سلسلة اسمها سلسلة شوم في العلوم منها الكمياء العضوية انا قراتها قبل كده واعتقد انها هتفدنا حاولي تجبيها وان شاء الله خير بالنسبة للانجلش ان شاء الله الكورسات هتبقي كويسة وربنا يوفقنا جميعا
dr /nada 06-08-2011, 01:05 AM يعني سلسلة شوم دي بتتباع في المكتبات
homs tareek 06-08-2011, 02:19 AM لأ والله ماعرفش بس ححاول أدور وأقولك قريباً بإذن الله
The Genius 06-08-2011, 03:34 AM الف مبروك اولا ان جالك صيدلة طنطا وان شاء الله تنورينا ف الكليه
انا طالب بالفرقة التالته صيدلة طنطا وعضو ف اتحاد طلبة الكلية
احنا لما دخلنا الكليه يعني موضوع اللغه والكلام دا هتحسي انه غريب ف الاول بس بعد كدا بتاخدي على الجو جدا يعني فاكر اول ترم دا ان جوجل تعب معايا جدا ف موضوع الترجمه بس متقلقيش من اي حاجه كله بيبقى كويس بعد كدا ولو عايزه فعلا ف سنتر السعدني بيعمل كورسات كبدايه كدا للتعريف بالمواد ونظام الكليه وكدا وكمان ان شاء الله احنا كاتحاد طلبة هنحاول نكون موجودين يوم 20 علشان نساعدكم ف التقديم وكمان لو حد عنده استفسارات
Ph.Mohamed Elbery 06-08-2011, 07:42 AM كُل الكلام دا مالوش لزمة
ولا كورسات إنجليزي ولا غيره ... وكله هايجي بالتعود
بالنسبة للعضوية اللي خدتيها في ثانوي شيء ... وفي الكلية شيء تاني خالص
لتواصل اكتر مع ناس من الكلية
ادخلي موقع
الجمعية الأدبية صيدلة طنطا
اكتبي كده على جوجل وهايطلع معاكي
ربنا يوفقكم
fatma darweesh 06-08-2011, 11:10 PM يعني سلسلة شوم دي بتتباع في المكتبات
سلام عليكم
سلسلة شوم موجودة في بعض المكتبات وان شاء الله تلاقيها وربنا يوفقنا جميعا
dr /nada 06-08-2011, 11:31 PM شكرا وانا هحاول ادور عليها
homs tareek 07-08-2011, 01:32 AM أنا أخذت محاضرتين إلي الأن واحدة يمياء تحليلية والثانية كيمياء عضوية
ولقيت والمعيد قالنا إن اللإعدادي معظمه مواد درستها في ثانوي عليها إضافات +باللإنجليزي
وخلي بالك إن الكيمياء العضوية فعلاً معظمها من ثانوي يعني مثلاً في موجود تهجين sp3 والأوربيتالات والزاوية المحصورة بين الشكل الهرمي 109.28 وحاجات من كدا كتير زي التوزيع الإلكترون مثلاً للكربون ..............
لذا أنصحك أي مذكرة كيمياء أو كتاب لمادةو الكيمياء أوعي ترميها وإحتفظي بيها
Ph.Mohamed Elbery 07-08-2011, 03:42 PM أنا أخذت محاضرتين إلي الأن واحدة يمياء تحليلية والثانية كيمياء عضوية
ولقيت والمعيد قالنا إن اللإعدادي معظمه مواد درستها في ثانوي عليها إضافات +باللإنجليزي
وخلي بالك إن الكيمياء العضوية فعلاً معظمها من ثانوي يعني مثلاً في موجود تهجين sp3 والأوربيتالات والزاوية المحصورة بين الشكل الهرمي 109.28 وحاجات من كدا كتير زي التوزيع الإلكترون مثلاً للكربون ..............
لذا أنصحك أي مذكرة كيمياء أو كتاب لمادةو الكيمياء أوعي ترميها وإحتفظي بيها
دا مُعيد مين اللي قالك الكلام دا ؟؟
dr /nada 07-08-2011, 05:31 PM دا مُعيد مين اللي قالك الكلام دا ؟؟
في الاخر انا اعمل ايه اراجع على الكيمياء بسرعه ولا ايه انا اخويا صيدلي واتخرج خلاص من الكليه وقالي برده كل الكلام ده ملهوش لزمه وروقي في الاجازه بس انا قلقانه اوي
homs tareek 07-08-2011, 05:32 PM الدكتور / محمد يسري """"معيد في صيدلة طنطا"""""""
الدكتور / مصطفي عطية """"معيد في صيدلة طنطا"""""""
وبقولك إن أنا أخذت محاضرتين في الكلام دا ولقيت بيبتدأ بما درسته في الثانوية العامة وهما اللي قالوا الكلام دا بلسانتهم وبكرة تشوف لما تدخلها حتلاقي كلامي كله صح
dr /nada 08-08-2011, 12:16 AM يا جماعه عايزاكم تدعوا لاخويا توامي عشان هو مرحله تانيه
ادعولوه يارب يدخل فنون تطبيقيه
ندى نيدو 08-08-2011, 03:57 AM ربنا يكرمة ويوفقة يارب
انا صيدلة القاهرة وموضوع الانجلش دة محيرني جدا
elmahallawy 08-08-2011, 04:30 AM السلام عليكم انا بردو جالى صيدلة طنطا وموش عارف اعمل ايه
The Genius 08-08-2011, 04:36 AM الدكتور / محمد يسري """"معيد في صيدلة طنطا"""""""
الدكتور / مصطفي عطية """"معيد في صيدلة طنطا"""""""
وبقولك إن أنا أخذت محاضرتين في الكلام دا ولقيت بيبتدأ بما درسته في الثانوية العامة وهما اللي قالوا الكلام دا بلسانتهم وبكرة تشوف لما تدخلها حتلاقي كلامي كله صح
اولا انا مش بعترض على كلامك بس احنا ف كلية صيدلة طنطا معندناش معيدين اسمهم دوك محمد يسري او دوك مصطفى عطيه وميقدرش اساسا معيد ف الكليه يدي كورسات ف سنتر ودا لانى تلت سنين ف الكليه فاكيد عارف مين المعيدين اللى عندنا
بخصوص الاستعداد للكليه والله انا شايف انكم تعيشوا اجازتكم وكله هييجي بالتعود ف الكليه دي اعدادى عندنا هي اعلى سنه فيها تقديرات معظم الناس كانت جايبه جيد جدا وامتياز فيها فمش تقلقوا
وموضوع اللغه بييجي بالتعود والدكاتره مش بيضغطوا عليكوا ف الاول علشان عارفين نظام الثانوي وانكم لسه ف اللغه يعني مش وصلتوا يعني للنبغه فلسه مش تقلقوا خالص واللي عايز يقرا اطلس بمصطلحات او كلمات يقرا مفيش اي مشاكل
وان شاء الله يوم التقديم هنحاول اننا نكون موجودين كاتحاد طلبة للرد على كل اسئلتكم
Ph.Mohamed Elbery 08-08-2011, 06:49 AM في الاخر انا اعمل ايه اراجع على الكيمياء بسرعه ولا ايه انا اخويا صيدلي واتخرج خلاص من الكليه وقالي برده كل الكلام ده ملهوش لزمه وروقي في الاجازه بس انا قلقانه اوي
اتكلي على الله وادخلي الكُلية وهتتعاملي
لو مش هتاخدي كورسات تابعي الورق في مكتبة خالد اللي عند بوابة نجف الجمعة
وانا قولت لحضرتك اشتركي في مُنتدى الجمعية الأدبية صيدلة طنطا ... ولما تستفسري هناك هاتلاقي كتير قوي يقدر يفيدك عن هنا ويرد بإستفاضة وتقدري تشوفي المواضيع القديمة
وحوار إنك تزاكري في الأجازة دا مش في الحسبان خالص ... ومهما عملتي بريباريشن للدراسة ... كل دا هايختلف بإختلاف دكتور المادة ... لأن كل دكتور له سيستم معين
حضرتك تستقري هتحضري وياريت ماتسمعيش لكلام حد عن نقده لدكاترة ... جربي بنفسك مرة واتنين لو لقيتي نفسك لسه تايهة قدامك حلين
تزاكري من ورق كورسات صحابك اللي بيحضروا لو المادة كتباها رخم ومش واضح زي العقاقير والأورجانك
يا اما تاخدي بنفسك كورسات ... ولو عايزة ترشيحات أسامي دكاترة ارشح لحضرتك
واي استفسار انا موجود
Ph.Mohamed Elbery 08-08-2011, 06:51 AM الدكتور / محمد يسري """"معيد في صيدلة طنطا"""""""
الدكتور / مصطفي عطية """"معيد في صيدلة طنطا"""""""
وبقولك إن أنا أخذت محاضرتين في الكلام دا ولقيت بيبتدأ بما درسته في الثانوية العامة وهما اللي قالوا الكلام دا بلسانتهم وبكرة تشوف لما تدخلها حتلاقي كلامي كله صح
حضرتك انا السنة الجاية بكالوريوس إن شاء الله
أغلب المعيدين اعرفهم كويس وعلى علاقة كويسة بيهم
أولاً : مصطفى عطية دا مش معيد ... وكان في رابعة السنادي ومش عارف إذا كان اتخرج ولا لأ كمان
ثانياً : محمد يسري دا عمري ما سمعت عنه
ومافيش ولا معيد بيدي كورسات من الكلية
هو واحد بس د. خالد في قسم العقاقير ودا حوار طويل
MuHaMeD kHaLeD 08-08-2011, 11:39 PM السلام عليكم ورحمة الله وبركاته
انا الحمد لله جاتلي صيدلة طنطا وعايزه اعرف اعمل ايه في الاجازه عشان ابقى كويسه في الكليه ومحسش انها صعبه انا قصدي استعد من دلوقتي ازاي يعني مثلا اخد كورس انجليزي ولا اكتفي باني احفظ شوية كلمات من القاموس ولا اقعد اراجع الكيمياء العضويه اللي احنا خدناها في تانيه ثانوي عشان انا اعرف اننا هناخدها في الكليه وهتبقى مادة اساسيه وعشان كمان افتكر اسماء المركبات العضويه ولاالجاحات دي ملهاش لزمه عايزاكم تنصحوني
ههههههههههه لا طبعا الكميا غييييييير خالص بصي للو عايزة نصيحتي هاتي كتاب عن الصيدلة و اقريه و ترجمي كلاماته هتبقي كويسه اهو تمهيد
dr /nada 08-08-2011, 11:45 PM طب اسمه ايه الكتاب ده
homs tareek 10-08-2011, 03:43 AM حضرتك انا السنة الجاية بكالوريوس إن شاء الله
أغلب المعيدين اعرفهم كويس وعلى علاقة كويسة بيهم
أولاً : مصطفى عطية دا مش معيد ... وكان في رابعة السنادي ومش عارف إذا كان اتخرج ولا لأ كمان
ثانياً : محمد يسري دا عمري ما سمعت عنه
ومافيش ولا معيد بيدي كورسات من الكلية
هو واحد بس د. خالد في قسم العقاقير ودا حوار طويل
إلي Ph.Mohamed Elbery
أولاً :ألف مبرووووك وعقبال الماجستير والدكتوراة
ثانياً :الإثنين اللي أنا بتكلم عليهم معرفين نفسهم قدامنا بس بدام إنت بتقول الكلام دة يبقي ممكن يكونوا كدابين
dr /nada 10-08-2011, 03:47 AM خلاص يا جماعه حصل خير
|