كل ما تريد ان تعرفه عن كلية الهندسة ببنها

http://profile.ak.fbcdn.net/hprofile-ak-snc4/187767_112922398760521_1162633_n.jpg

لوجوهات الاقسام
http://www.bhit.bu.edu.eg/bhit/images/bhit.png


وبيدج التواصل علي الفيس بوك
http://www.facebook.com/Benha.FE?sk=app_106878476015645


كلية الهندسة ببنها
المعهد العالي للتكنولوجيا ( سابقا ) ;)
تم إنشاء كلية الهندسة ببنها طبقا للقرار الوزارى رقم 334 فى 23/4/1988 وبتاريخ 26/4/1988 صدر القرار الوزارى رقم 347 بتشكيل لجنة لوضع فروع خطة الدراسة للصفوف الدراسية بالكلية.
وضمت اللجنة العديد من عمداء وأساتذة الجامعات المصرية ورجال الصناعة في القطاعين العام والخاص وقطاع الإنتاج الحربي وخبراء المناهج المصريين بوضع المناهج الدراسية مستعينين بخبرة الدول المتقدمة في هذا المجال وخاصة ( إنجلترا – ألمانيا الغربية – الولايات المتحدة الأمريكية – فرنسا – الهند – كندا ) وتطويع أفكارهم بما يتناسب مع قدرات الطالب المصري والعربي .
ورد إلى المعهد كتاب الاتحاد الدولي للجامعات التابع لمنظمة اليونسكو المؤرخ في 11/12/2000 والمتضمن قبول المعهد عضواً في الاتحاد وهو ما يضع المعهد في مصاف الجامعات المصرية والعالمية.
:p:p:p:p

وتم تغيير مسمي المعهد الي كلية الهندسة ببنها وفقا للقرار الجمهوري الصادر عن المجلس الاعلي للقوات المسلحة

العنــوان
بنها-قليوبية
التليفــون
013-3230297
الفاكــس
013-3230297
رؤية الكلية
الوصول بالتعليم الهندسي والتكنولوجي والبحث العلمى لمستوى العالمية.
رسالة الكلية
اعداد كوادرهندسية مزودة بالمعرفة والمهارات وقادرة على التعامل مع التكنولوجيا الحديثة لتنافس فى سوق العمل وتقديم البحوث والاستشارات الهندسية لخدمة المجتمع والبيئة
الأهداف
تتمثل الأهداف العامة للكلية فى الآتى:
1- الموائمة المستمرة بين متطلبات سوق العمل ومخرجات العملية التعليمية .
2- زيادة الفاعلية التعليمية فى ظل مناخ متكامل من القيم الاخلاقية والتربوية .
3- الاهتمام بالدراسات ذات التعاون المشترك بين الاقسام لتواكب التقدم التكنولوجى الراهن.
4- العمل على تطوير وتدريب المهندسين بشكل مستمر لتحسين الاداء وبما يتفق والتطور التكنولوجى المستمر .
5- توجية الدراسات لخدمة وتطوير البيئة .
6- زيادة عدد المشروعات البحثية الممولة من الهيئات القومية والدولية .
7- زيادة عدد الابحاث المنشورة فى دوريات عامية متميزة .
8- استخدام إمكانات المعهد بما يخدم المجتمع .



الدرجات العلمية التي يمنحها الكلية

الهندسة الميكانيكية في إحدى الشعبتين الآتيتين :
أ - شعبة التصنيع في أحد التخصصات الدقيقة المبينة بجداول المقررات
ب- شعبة الطاقة في أحد التخصصات الدقيقة المبينة بجداول المقررات

الهندسة الكهربية في إحدى الشعبتين الآتيتين :
أ - شعبة القياسات والتحكم في أحد التخصصات الدقيقة المبينة بجداول المقررات
ب- شعبة الإلكترونيات الصناعية في أحد التخصصات الدقيقة المبينة بجداول المقررات

الهندسة المدنية في إحدى الشعبتين الآتيتين :
أ - شعبة الإنشاءات
ب- شعبة المرافق

بسم الله الرحمن الرحيم

اولا شكرا لعرضك تاريخ معهد التكنولوجيا سابقا , للاسف انا كان نفسي ادخل المعهد بس لو كان اسمه كليةهندسة وده كان يفرق وقتها كتير ,
مجموعي كان جايب هندسة القاهرة وعين شمس لكن للاسف التوزيع الجغرافي وداني شبرا ودلوقتي داخل بكالريوس اهو والحمد لله ,
المشكلة ان المعهد ماكنش راسي على حاجة اعتصامات عشان الاسم يتغير ده غير ان النقابة كانت بتلعب كل شوية في مضووع المعهد والاعتصامات ماكنتش جايبة نتيجة والحمد لله ان ربنا وفقكوا وقدرتوا توصلوه لكلية هندسة , لان بصراحة اسم المعهد في مصر او الخليج مش اوي .. معهد تكنولوجيا امكانياته رهيبة بالذات في قسم ميكانيكا لكن فيه مشكلة خطيرة جددددا
هو ان الدكاترة بتتعامل وكأن الطلبة دول كلهم اينشتين معظم الطلبة بيسقطوا مش عارف ليه !!

والي بيبقى عبقري بيعدي بمواد ..

عامة ربنا يوفق الجميع وشكرا مرة تانية للموضوع

بسم الله الرحمن الرحيم

اولا شكرا لعرضك تاريخ معهد التكنولوجيا سابقا , للاسف انا كان نفسي ادخل المعهد بس لو كان اسمه كليةهندسة وده كان يفرق وقتها كتير ,
مجموعي كان جايب هندسة القاهرة وعين شمس لكن للاسف التوزيع الجغرافي وداني شبرا ودلوقتي داخل بكالريوس اهو والحمد لله ,
المشكلة ان المعهد ماكنش راسي على حاجة اعتصامات عشان الاسم يتغير ده غير ان النقابة كانت بتلعب كل شوية في مضووع المعهد والاعتصامات ماكنتش جايبة نتيجة والحمد لله ان ربنا وفقكوا وقدرتوا توصلوه لكلية هندسة , لان بصراحة اسم المعهد في مصر او الخليج مش اوي .. معهد تكنولوجيا امكانياته رهيبة بالذات في قسم ميكانيكا لكن فيه مشكلة خطيرة جددددا
هو ان الدكاترة بتتعامل وكأن الطلبة دول كلهم اينشتين معظم الطلبة بيسقطوا مش عارف ليه !!

والي بيبقى عبقري بيعدي بمواد ..

عامة ربنا يوفق الجميع وشكرا مرة تانية للموضوع




يا باشا المشكله انه محدش كان يعرفه باسم معهد و محدش كان عارفه انه بكالوريوس هندسة عادي جدا و كان كله بيفتي من بره عشان كده طالبا بتغيير اسمه ده حتي الجامعه اللي الدكتور زويل شغال فيها اسمها كالتك اختصار معهد كالفورنيا للتكنولوجيا انما نعمل ايه في ثقافة الشعب
وموضوع النقابة علي فكره احنا اعضاء في النقابه من اول ما المعهد اتفتح بس المشكله شويه يكتبولنا في الكارنيه بكالوريس هندسة جامعة بنها و شويه بكالوريوس المعهد العالي للتكنولوجيا علي الرغم اننا بكالوريوس هندسة و الهبل ده بس حاليا الحمد لله كل ده اتحل بتغير الاسم لكن النظام المميز في الدراسه زي ما هوا

وعلي فكره مفيش مشاكل من الدكاتره و لا حاجه اللي بيذاكر بيجيب تقدير انا الحمد لله بقالي 3 سنين و بجيب جيد جدا و عمري ما شيلت مواد

وحاليا كل حاجه اتغيرت الدكاتره بقوا طيبين شويه ههههه

وعلي العموم ربنا يوفقك يا هندسة و عقبالنا ما نوصل للبكالوريوس زيك كده لان الواحد طلع عينه خلاص
قر علي فكره مش حسد

طيب أنا قبلت فيها السنة دي ينفع احول لكلية الهندسة اللي عندي في النطاق الجغرافي و لا هي لسه حاجة لوحدها

جزاك الله خيرا عالافاده يا بشمهندس

طمنا ايه مستقبل قسم عماره فيها؟؟هل زى ميكانيكا ومدنى وكهربا متميز؟؟

انا اول سنه فيها ان شاء الله التوزيع الجغرافى كان عامل معايا شغل جامد فى التنسيق

انا سمعت ان امكانيات الكليه ضعيفه شويه هل الكلام ده صحيح؟؟؟ وهل ينفع احول لهندسة القاهره بعد اعدادى؟

طيب أنا قبلت فيها السنة دي ينفع احول لكلية الهندسة اللي عندي في النطاق الجغرافي و لا هي لسه حاجة لوحدها


اكيد طبعا ينفع حاليا بقت كلية الهندسة ببنها زي اي كلية هندسة بس هيكون في حدود المسموح لكل كلية بس اللي هوا ال 10 %

جزاك الله خيرا عالافاده يا بشمهندس

طمنا ايه مستقبل قسم عماره فيها؟؟هل زى ميكانيكا ومدنى وكهربا متميز؟؟

انا اول سنه فيها ان شاء الله التوزيع الجغرافى كان عامل معايا شغل جامد فى التنسيق


علي فكره انتي كده بتتكلمي عن هندسة شبرا مش هندسة بنها لان مفيش في هندسة بنها قسم عمارة و ربنا يوفقك و الللي اعرفه عن شبرا ان افضل قسم فيها هوا مدني بس والباقي عادي جدا

انا سمعت ان امكانيات الكليه ضعيفه شويه هل الكلام ده صحيح؟؟؟ وهل ينفع احول لهندسة القاهره بعد اعدادى؟

لو هندسة بنها بالعكس الامكانيات هايلة جدا هيا كانت قلت الفترة الاخيرة عشان الدعم الالماني اتشال و الجامعة كانت بتستغلها لكن ما زالت المعامل و الورش بيها كبيرة جدا و كل حاجه بنعملها عملي

اما لو هندسة شبرا اعتقد فعلا ان الامكانيات ضعيفه شويه و كمان عدد الطلاب في هندسة بنها يعتبر اقلل دفعه في هندسات مصر كلها عشان يبقي متاح لهم العملي

وحكاية التحويل تقريبا مش مؤكد ينفع بس لو جبتي فوق جيد جدا في اعدادي

ايوه فعلا بتكلم على هندسة شبرا انا قلقانه اوى حاسه انها كليه ضعيفه يعنى ممكن الشهاده اللى اتخرج بيها منها متبقاش ليها مكانه كويسه فى مجال العمل
وانا مجموعى اصلا يجيب هندسة بنها نفسها بس المشكلة انى كتبت شبرا قبل بنها فى الرغبات...
نفسى حد يدلنى اعمل ايه اخلينى فيها ومحاولش اتنقل اى جامعة تانيه زى عين شمس والقاهره؟ولا هى هندسة زى اى هندسه بجد ليها مكانتها؟!

الله يكرمك يا بشمهندس طمنى اكتر وقولى اعمل ايه؟؟؟؟؟؟

يا بشمهندس في الاخر علي فكرة مبتفرقش بنها من شبرا من القاهرة
المهندس بيثبت نفسه بنفسه و الخريج اللي بيبين اسمه و زي ما قولت كل كلية و فيها المميز و اللي مش مميز
يعني شبرا مميزة بمدني و بنها مميزة بميكانيكا و عين شمس و القاهرة عشان قدام جدا فمهتمين بيهم
لكن بردوا في الاخر مبتفرقش توكلي علي الله و طالما شبرا اقربلك يبقي متشغليش بالك
واللي اهم من كل ده التقدير في الاخر
وهما بيقيسوا بالتقدير في الشغل مش باسم المكان كلنا بننضم لنقابة المهندسين و كلنا اسمنا مهندسين

هو هندسة شبرا امكانيتها ضعيفة الى حد ما في ميكانيكا وكهربا . لكن كإسم هي فيها دكاترة كويسين من الناحية العلمية , بالنسبة لهندسة بنها (معهد تكنولوجيا) فهي افضل من ناحية الامكانيات .. لكن عامة في النهاية الحكاية مش بتفرق ونصيحة مني اقرب مكان ليكي روحيه اوعي تتعبي نفسك في السفر لان ده بيضيع وقت ومجهود كبير جدااااا , وعلى فكرة التفوق في كلية هندسة بالذات بالنسبة للاقسام ميكانيكا وكهربا .. هو انك تتابعي السوق برة وتاخدي تدريبات وكورسات بالتزامن مع الكلية ده هيوصلك للمكانة الي انتي عاوزاها.. ونصيحة تانية حاولي تقري كتير جدا عن الاقسام ومجالهم برة في السوق قبل ماتدخلي اعدادي عشان تبقي حاطة هدفك ادامك وتوصليله بإذن الله بالمذاكرة .. لكن متعتمديش على تنسيق الكلية نفسه في الاقسام لانك ممكن تتحطي في قسم انتي مش طايقاه

انتي كده جبتي الزتونه يا بشمهندسة بس علي فكره الدكاتره في هندسة بنها جامدين بردوا دكتور عندنا لسه واخد جائزة الدولة التقديرة لعام 2011 للعلوم الهندسية و التكنولوجية

طيب الزيتونة مؤنث انا بقا مذكر هههههه .. صحصح يابشمهندس داحنا لسه الفجر مأذنش والصيام لسه يعني :d

ربنا يكرمكوا يارب ويوفقكوا ويحفظكوا ويارب دايما يكون النجاح حلفيكم

افدتونى كتييييييييييييييييييييييييييييير ..وطمنتونى لانى كنت داخله الكليه وحاسه انى مش هلاقى حد يرشدنى فى الحاجات اللى تقف عليا.....يارب دايما كده المهندسين لبعضيها

علي العموم بغض النظر عن الصيام هههههه ربنا يوفق الجميع يارب و يعينكوا علي دراسة الهندسة ده انتتوا هتشوفوا احلي ايام
وعلي العموم احنا ولاد جامعه واحده بردوا