ياجماعه انا داخل هندسة الفيوم وخايف اوى من سنة اعدادى دى ياريت تجاوبولى ع الاسئله اللى جايه دى من واحد ذو خبره من هندسة الفيوم برضو
نبدا الاسئله:-
1- مالمواد التى سندرسها فى هذه السنه؟
2- احنا لازم نجيب ايه قبل ماندخل زى الاله والمسطره حرف t وكده؟
3- ياريت اى موقع يدينا مناهج اعدادى ناخد فكره عامه عنها قبل ماندخل ونتصدم ياريت والنبى
حد يرد عليا ولما يتم الرد تكن للاسئله بقيه
والسلام احلى واجمل ختام

والله مايرضى ربنا ده
حراااااااااااااااااااااااااام

تقريبا منهج الاعدادى هو واحد فى جميع الكليات
اعدادى
رياضيات (1) أ- فيزياء (1) أ - هندسة كيميائية – حاسبات - الرسم الهندسي والإسقاط - ميكانيكا (1) - ميكانيكا (1) - رياضيات (1) ب - فيزياء (1) ب - لغة إنجليزية فنية - تكنولوجيا الإنتاج - حقوق الإنسان
وممكن فى بعض الكليات بيبقى بدل حقوق انسان تاريخ الهندسة

بُص يا هندسة المواد زي ما علي قالك بس تقريباً تاريخ الهندسة بيكون في الترم الأول مش التاني، الأدوات هما إللي هيطلبوها منك في الكلية وبتكون بمواصفات معينة ودقيقة ولازم تستني لحد ما تعرف هما عايزين إيه بالظبط

خد بقي السايت بتاع هندسة الفيوم وعيش مع كليتك براحتك

http://www.fayoum.edu.eg/engineering/

وده منتدي هندسة الفيوم تقدر تسأل هناك برضه علي أي حاجة مش عارفها من زمايلك السابقين والمناهج بتاعتك إن شاء الله

http://eng-fayoum.forum3.info/forum

شكرا جدا
بس معلش انا عاوز مناهج انقنق فيها كده

مناهج تنقنق فيها ,
بص انت ممكن تشتغل في الاساس .
انت كويس في فيزيا ثانوية عامة و رياضيات ثانوية عامة
و مستوى رياضيات ثانوية عامة , دي اسس نقنق فيهم اصدي راجعهم .
وادخل على كام موقع اكتب هندسة وصفية و طلع شوية صور حاول ترسمها
و دي برضوا نقنقة , ,

انا برده هندسه الفيوم وقلقانه من المشوار الصعب عليا قوى ده i wanna somebody to tell me what to do