أنا طالب الحمد لله خلصت الثانوية العامة .....

انا طبعااا علمى رياضة و للأسف جبت 372.5 ( 90.85% )

و طبعااا المفروض اكتب رغباتى .....

و طبعااا هكتب فنون تطبيقية رغبة أولى و حاسبات و معلومات رغبة ثانية (( و طبعاا عارف انى عمرى ما هدخلهم لو رقصت بلدى )).......

طبعااا هكتب بعدهم كلية العلوم بس انا عايز أدخل قسم الجيوفيزياء أو الجيولوجيا ... (( طب و ايه المشكلة برده ؟؟؟ ))

هقولك انا بقى على المشكلة ....

المشكلة ان فى بعض كليات العلوم مفيهاش قسم الجيوفيزياء و كمان فى كليات بيبقى فيها قسم الجيولوجيا لعلمى علوم (( و زى ما انت عارف أنى علمى رياضة ))

و انا طبعا خايف اكتب كليات العلوم كلها و بعدها تيجى كلية مفيهاش قسم الجيوفيزياء أو قسم الجيولوجيا لعلمى علوم ......

(( طيب و ايه المطلوب منى دلوقتى؟؟؟ )))


المطلوب منك يا سيدى أنك تكتب بس كليات العلوم اللى فيها قسم الجيوفيزياء ,,, و اللى فيها قسم الجيولوجيا لعلمى رياضة و علوم ((( شفت الموضوع سهل ازاى ))



و رمضان كريم عليكم يا رجالة ... و يا رب كل واحد فينا يحقق حلمه

انت محافظة ايه ؟

مع انى مش عارف هى هتفرق ايه معاك المحافظة ... عموما انا من الجيزة بس انا مش عايز ترتيب انا عايزك تقولى على كليات العلوم اللى فيها قسم الجيوفيزياء

انت كده كده لازم هتكتب (( غصب عنك )) الكليات الاقرب ليك من حيث التوزيع الجغرافى اللى هما القاهرة وعين شمس وحلوان
والتلاتة فيهم القسم اللى انت عايزه .... ولو جتلك اقاليم ليك الحق بكل سهولة انك تحول الى اى جامعة من الجامعات التلاتة السابق ذكرها واللى فيهم القسم اللى انت عايزة

حد يرد عليااااااا يا بشر ....

انا عايز حد يقولى كليات العلوم اللى فيها قسم جيوفيزياء

حد يرد عليااااااا يا بشر ....

انا عايز حد يقولى كليات العلوم اللى فيها قسم جيوفيزياء

الراجل ده ((scrubs)) بيتكلم صح وعلي العموم الكليات اللي فيها جيوفيزياء ومتأكد منها القاهرة _عين شمس_الاسكندرية _حلوان بس حلوان فيها القسم من سنة تانية

واللجي جايب 90.6 ايه مصيرو بقي مزبط ؟؟

لو انت علمى رياضة فى امل كويس فى علوم اقاليم

اما لو انت علمى علوم فرصتك كويسة فى علوم القاهرة او عين شمس

لو انت علمى رياضة فى امل كويس فى علوم اقاليم

اما لو انت علمى علوم فرصتك كويسة فى علوم القاهرة او عين شمس



ازاى يعنى ؟؟؟؟

انت قصدك العكس أكيد ... صح ؟؟؟

ازاى يعنى ؟؟؟؟

انت قصدك العكس أكيد ... صح ؟؟؟


---------------------------------------------------------
1. لو انت علمى علوم
---------------------------------------------------------

فى تنسيق 2009

كانت اخر كلية علوم فى مصر هى

علوم أسيوط وكانت واخده من 333 = 81.2 %

وبما ان التنسيق السنادى ناااااااااااار

يبقى من المتوقع والمحتمل انها تزيد من 8 الى 10 درجات على اقصى احتمال

يبقى اخر كلية علوم فى مصر لشعبة علمى علوم هتبقى

333 + 10 = 343 ------- > 83.6 %


---------------------------------------------------------
2. لو انت علمى رياضة
---------------------------------------------------------

فى تنسيق 2009

كانت اخر كلية علوم فى مصر هى

علوم أسوان جامعة جنوب الوادى وكانت واخده من 361 = 88 %

وبما ان التنسيق السنادى ناااااااااااار

يبقى من المتوقع والمحتمل انها تزيد من 8 الى 10 درجات على اقصى احتمال

يبقى اخر كلية علوم فى مصر لشعبة علمى رياضة هتبقى

361 + 10 = 371 ------- > 90.4 %