هذا هو شعار ثورة 25 يناير فلماذا لا يكون شعار ثورة المعلمين فى مصروبداية نهضة تعليمية زى النهضة التعليمية ايام محمد على
فالحرية للمعلم ضرورية حرية فى ابداء راية فى المناهج حرية فى التعبير عن راية بمدرسته حرية فى التعبير عن مشاكلهم حريه فى اختيار من يدافع عنه باختيار اعضاء نقابة تطالب بحقوقة كاملة مش نقابة همها الاستيلاء على فلوس المعلمين واقامة الرحلات وغيرها من الاشياء اللى انتوا عرفنها
حريه فى اختيار وزيرها وشرط الاساسى فى توليه الوزارة ان يكون مدرس فى التعليم قبل الجامعى حاسس بمشاكل المعلم مش خايف على الكرسى يطير انما بالمسؤلية فى نهضة التعليم فى مدرسين كتير معاهم دكتوراه وباحثين يعنى عندهم افكار لنهضة التعليم
عاوزين سياسة تعليمية واضحة مش حقل تجارب شوية الثانوية سنة وشوية سنتين وشوية تقويم شامل وشوية الامتحان بيسرب وشوية المجاميع مرتفعة الطالب اللى جايب 95%مش لاقى كلية كويسة نتيجة تعبة طول السنةليه ميتحدد نسبة ثابتة على طول الطالب اللى يجبها يدخل الكلية اللى عايزها ونفسه فيها ليه بدل مايكون عندنا طلاب يدخلوا كليات نظرية كتير نفتح مجال كليات عملية بدلا منها ونخلى الكليات النظرية اعدد ها شوية الدول فى الخارج عايزة الجانب العملى اكتر من النظرى
الكرامة هو جانب مهم لابد ان يرجع هيبة المدرس من جديد ازاى اقل شى نوفره مناخ تعليمى كويس وذلك بتوفير مدارس مثل المدارس التجريبية وكمان فصل اى طالب لا يحترم مدرسة فى الفصل لمده شهر لو تكرر يفصل ترم ولو تكرر يفصل سنة دراسية ولابد من التطبيق الفعلى سنجد ان كرامة المعلم تزداد عند الطالب وكمان ولى امره
العدالة الاجتماعية اعطاء المعلم بما يكفيه ماديا لان المعلم فى الاول والاخر انسان يعيش فى مجتمع فليس من المعقول ان مرتب المعلم لا يكفيه فيطر لاعطاء دروس بدلا من المرتب القليل ليكمل شهره اى عدالة اجتماعية تقول ان بعض الوظائف الاخرى وليكن عامل فى وزارة من الوزارات اللى بيقولوا انها منتجة المفروض نلغى موضوع وزارة منتجة واخرى خدمية كلنا ابناء مصر مفيش الفرق الكبير بين الدخول اتعجب من مرتب 2 زملاء واحد اتعين فى البترول واحد اتعين فى التربية والتعليم الاول بيقبض قد التانى 10 مرات وحوافز الاول قد حوافز التانى 20 مرة محدش بيستغى عن التانى المواطن لا يستغنى عن المعلم ورجل الشرطة و الطبيب وكلهم فى وزارات خدمية محدش مننا يستغنى عنهم ابدا كله بيكمل التانى
فى النهاية لابد من شخص يتبى النهضة التعليمية الحديثة لرفعة شان مصر مش نجيب وزير مش قادر يرد ولا يعمل النهضة التعليمية احنا عايزين مصر تكون زى واحسن من اليابان لان اليابان اهتمت بالتعليم فاصبحت اليابان الدولة المتطورة بفضل العلم والنهوض بالتعليم :friendsxs3:

هذا هو المطلوب فعلااااااااااااااااااااااا

كلام سليم اخي الكريم ولكن لمن نوجه هذا الكلام نحن ندور في حلقة مفرغة فللأسف سياسة التعليم في مصر لم ولن تتغير وكل عام وانت بخير تقبل تحياتي

اولا تحية للقائد الذى يدير بروح القائد متمثلا فى معالى السيد خضرى على احمد وكيل وزارة التربية والتعليم بقنا والذى قرر صرف حافز الاثابة 200% من اساس المرتب طبقاللقرار51\2011 لكل معلمى محافظة قنا اسوة بباقى موظفى الدولة دون المساس بالكادر واننى ادعو كل معلمى مصر بوقفة احتجاجية امام كل المدريات التعليمية والوزارة باسلوب راق وليكن بعد العمل حتى نعضد منمعالى السيد الوزير وابناء التربية والتعليم الشرفاء منهم الذين يحاولون الحصولعلى حقوق المعلمين ومرة اخرى سيدى المشير نشكو اليك وزارة المالية التى تسلبنا حقوقنا المالية وفى خضم هذه الزحمة مرة اخرى اين درجاتنا المالية المحبوسة من العام الماضى

عداله اجتماعيه

خلاص يا جماعة القرار نزل الادارات التعليمية

من مسئول إدارة نبروه التعليمية محافظة الدقهلية

تم احتساب المكافأة من الحافز 200%

يعنى الزيادة فى المرتب هتكون 90 % فقط للمدرسين

40 % فقط للاداريين

فماذا نحن فاعلون هنسكت

ولا هيكون لنا رد فعل زى الاطباء

انا قلت له انا هعمل اضراب اول يوم الدراسة

فهل انتم معى

اضراب اول يوم الدراسة

ولا هنشتغل ونقول المسامح كريم والكلام ده

محلوظة
ده مش مرتبك لو حدك ده حقك وحق عيالك

ولو سبت حقك هتبقة قصرت فى حق اولادك

فإن شاء الله انا اول واحد هعمل اضراب اول يوم الدراسة وبالفعل بلغت مدير المدرسة والمدرسين معايا فى المدرسة موافقين

ومستنى باقى المدراس تقول معاك