السلام عليكم و رحمة الله و بركاته

ولا يحلى الكلام الا بذكر النبي عليه الصلاة و السلام

و كل سنة و حضرتكم طيبين و رمضان كريم و ان شاء الله تحققوا كل الي بتتمنوه السنة ده

انا عاوزه اعرف من الي خلصوا 3 قصة الايام بتاعت طه حسين ازاي كانوا بيذكروها


يعني يقولولنا من الاول نعم ايه فيها لان القصه ده سمعتها سبقاها ما شاء الله من قبل ما نبدأ


و ياريت الي عنده خبره ميبخلش علينا و شكرا

وانا معاكي في انه سمعتها سبقاها..وياريت اللي يقدر ينفعنا بحاجة مش يبخل علينا...:):)

القصة دى عقيمه بس المهم الجزء الأول سهل جدا فيتذاكر بسهوله من غير تعب زى مكنت بتذاكر وآإسلاماه
انا كنت بقرأه من كتاب المدرسه و بعدين أذاكر المذكره
الجزء التانى فيه حاجات سهلة تتذاكر زى الجزء الأول و حاجات صعبه تتذاكر من المذكرات بس
الجزء الثالث مش بيتذاكر و مش بيجى فى الأمتحانات و لما بيجى لازم يكون معاه حاجه من الجزء الأول أو التانى
و ربنا معاكم

بصوا يابناتيت
القصة تلات اجزاء
بييجي في الامتحان جزئين منها
اساسي منهم الأول ده ضرووووووووووري ييجي في الدور الأول وغالبا كمان في التاني بعد الشر عليكم
المهم الجزء ده قصير وصغنون واصلا عسول جدا
وغالبا هتذاكروا معاه جزء كمان وتدخلوا ضامنين القصة
انا شخصيا ذاكرت الأول بس وقفلت القصة بس بلاش تفكروا كده مش مضمون مية في المية يعني

لو عوزتو اي حاجة انا في الخدمة :)

يعنى
هى طويلة شوية
بس اى حاجة بتيجى بالمذاكرة ان شاء الله
والتركيز بيكون على الجزء الاول والثانى
وعادى تقرأها فى وقت الفراغ

انا كرهت القصة ديه من قبل ما اخدها
ربنا يستر ...........

دي قصه غبيه
أنا سبحان الله كانت حاجه لله في لله مجرد مابشوف كتابها بس بيجيلي اكتئاب
وكل ماالمستر يعملنا امتحان عليها نقوم غايبين كلنا
لدرجة انه في مره حلف قال اللي هايغيب مش هيحضرلي درس بعد كده
أنا يوم الخميس اللي هو كان المفروض امتحان العربي يوم السبت ذاكرت بس التعليق على كل فصل في الجزء الاول فقط ولما كنت بحس ان الجزئيه مهمه كنت بحددها ب الهاي لايتر واحفظها
ع السريع بدون معاني كلمات تخيلو وسبحان الله جبت فيها درجه حلوه ازاي ماأعرفش

شكرا ليكم كلكم

هي 3 اجزاء
الجزء الاول هايف وبيحكي عن ايام الطفولةبتاعة الكاتب وبتحفظي فيه حاجات معينة زي اليوم المشئوم مثلا
احلي فصل كنت بحبه في الجزء الاول كان سهام القدر لان في كمية مشاعر من الكاتب والجزء ده بالذات بيتقرأ من الكتاب وبتقرأي التلخيص وبعدين تحلي الاسئلة لانه مهم جدا وحرام اوي تضيعي اي درجة فيه لانه سهل بس ابقي ركزي ع المعاني
نيجي بقي للجزء التاني بيحكي عن حياته في الازهر وبصراحة هو في اجزاء تقيلة وعاوزة حفظ شوية لكن اول 4 فصول فيه مهمين اوي بس فس حاجات ممله اوي وحاجات كاتبها بتفصيل رهيب زي الغداء اللي كان بياكله
والجزء التالت مش بيجي كتير بس هو لو قرأتيه هيبقي ممتع اوي بس انا من كتر قلقي ذاكرته بس مش باتقان اوي زي الباقي
هي في المجمل قصة كويسة بس اقرأيها ككل قبل ما تاخديها كمنهج وحطي في دماغك دايما انك بتقراي قصو واحد اعمي وبيوصف الحاجات وكأنه شايفها بعينه وكمان كان مجتهد اوي
وعلي العموم ربنا يوفقكم كلكم وبالمذاكرة كل حاجة بتبقي كويسة

مرسي ليكي يا جميل