اى حد دخل صيدله حلوان يدخل ويقول هيفضل ولا يحول ويعرف ايه عن الكلية هناك .. ويعرف ايه عن الصيدله بوجه عام يعنى عشان نبقى فاهمين واحنا داخلين هنجيب ايه والحاجات دى كلها ؟؟

من شوية اصحابى اتكلموا عنها هم معاكى عموما ف صيدلة حلوان كتير حوالى خمسة


وانا كنت بقنعهم يحولوا ع اساس البعد

بس هم حابين هناك وف مميزات كتير ليها هناك حتى المدينة الجامعهية جميلة جداااااااااااا والخدمات هناك احسن كتير

هشوفلك اكتر وارد عليكى

اناااااااا معااااااااااااااااكى
والمشوار بعيد عليا
بس مشهحول لان سمعت انها جميله اووووووووووى

هوميعاد التقديم امتى

انا بشكرك انك خلتنى اسأل عنها انا كمان باذن الله هحول ليها

اولا المميزات ف الدراسة اسهل كتير من عقد المنصورة لان الدكاترة صعبه جدا ف المنصورة

ثانيا صيدلة كلينكال ع طول ومجانى والمنصورة 12000وانتى عارفه مميزات كلينكال عن العادى

المدينة الجامعيه خدمة مريجه جدا وبمقدم حوالى 200 جنيه

العيوب المسافه فقط وانك هتعتمدى ع نفسك بشكل كبير تتحملى المسئولية

اما غير ذلك فهى جميلة جدا وربنا يوفقك

اولا انا ولد مش بنت .. ثانيا ياريت تشرح حكاية كلينيكال المجانى دى لانها مش مفهومه اوى .. ومسافه ايه بالظبط اللى بعيده طالما هنعد ف المدينه .. ياريت توضح كلامك شوية .. وشكرا ع اهتمامك

اولا انا ولد مش بنت .. ثانيا ياريت تشرح حكاية كلينيكال المجانى دى لانها مش مفهومه اوى .. ومسافه ايه بالظبط اللى بعيده طالما هنعد ف المدينه .. ياريت توضح كلامك شوية .. وشكرا ع اهتمامك



اولا بتاسف ع الخطا السابق

هقول لحضرتك اولا صيدلة كلينكال يعنى من حقك تشخص زى الطبيب وتكتب روشتة مش بس بتصرف الدواء زى نظام الصيدلة العادى

دى طبعا لها مميزات اكتر وبتكون مطلوبة ف الدول العربية بشكل اكبر لانها اكثر كفاءة

الصيدلة الكلينكال موجودة بحلوان والمنصورة وعين شمس

بالنسبة لحلوان فهى اصلا صيدلة كلينكال مش عادية يعنى مش فيها الاتنين عشان كده تكاليفها مجانى اما لو هتأخدها ف المنصورة او عين شمس بتكاليف طبعا وبتتراوح ف المنصورة حوالى 12000 وبتكون ع مرحلتين مش الدفع مرة واحدة

اتكلمت عن مميزات المدينة الجامعيه هناك ونظام الدراسة نفسه والتقدير كمان كويس


اما المشكلة اللىب تتمثل للبعض بتكون البعد او الغربة بالنسبة للبنات بشكل كبير خصوصا لو من بلد تانى


وطبعا كلية المنصورة جميلة جدااااااااا لا ينكر احد ذلك بالرغم من صعوبتها الا انها خرجت عباقرة ف جميع المجالات

وف النهاية التوفيق للجميع وبعتذر عن الخطا الاول

بالتوفيق يا دكتور

شكرا لاهتمامك .. بس انت متأكد ان ف حلوان مجانى وزى مانت بتقول كدة ؟؟؟ ياريت تتأكد م الموضوع ده لان انا والدكتورة وغيرنا كتير عاوزين نعرف الموضوع ده .. وياريت تقولى كمان انت خلاص فعلا هتحول معانا ولا هتفضل ف الجامعه اللى انت فيها ؟؟ وهى اصلا جامعه ايه ؟؟

الجامعة اللي اللي فيها إكلينيكي ببلاش
1- عين شمس
2-حلوان
3- طنطا
ومفهوم كلمة ببلاش """"إنك بتدرسها مجاني """"""""ولكن مثلاً في طنطا عشان تتكتب في الشهادة لازم تدفع 10 آلاف جنيه في السنة""""""""""5آلاف كل ترم"""""""""""""
ولكن عين شمس بتدرسها وبتتكتب في الشهادة ببلاش تماماً

طب وحلوان .. تعرف مجانى كلها ولا زى طنطا كدة ؟؟؟؟؟؟؟؟؟؟؟؟؟؟؟؟؟؟ ياريت الرد

شكرا لاهتمامك .. بس انت متأكد ان ف حلوان مجانى وزى مانت بتقول كدة ؟؟؟ ياريت تتأكد م الموضوع ده لان انا والدكتورة وغيرنا كتير عاوزين نعرف الموضوع ده .. وياريت تقولى كمان انت خلاص فعلا هتحول معانا ولا هتفضل ف الجامعه اللى انت فيها ؟؟ وهى اصلا جامعه ايه ؟؟



انا عرفت ده من طالبة هناك والحمد لله من اكتر من مصدر ولسه مستمرة انى بسأل اكتر وعموما هتواصل مع طالبة هناك هتفيدنى اكتر


وانا فعلا صيدلة المنصورة وان شاء الله هحول حلوان عشان كلينكال لان المنصورة صعبه جدا ف الموضوع ده

وانا لسه بسأل بشكل كبير عشان ادخلها عن اقتناع واى معلومات بعرفها انا بضيفها ع طوووووول ف موضوعى او ف اى استفسارات

شوفى كده المقال ده

بسم الله الرحمن الرحيم

السلام عليكم ورحمة الله وبركاته


في ناس كتير بتسال ايه هى

CLINICAL PHARMACY

الكليات اللي بتدرسو ببلاش صيدله عين شمس وصيدله حلوان
لقيت اسئله كتير من الصيادلة تستفسر عن المجال ده وملقتش اجابه وافية.
بس دلوقتي في دفعات كتير اتخرجت وطبعا تم تطبيق المجال ده في مستشفيات خاصه كتير ولكن لم يعترف بيه حتي الان في وزاره الصحه
واللي بقتصر علي الصيدلي الاكلينيكي في مستشفيات الحكومه لو تم تعينه هوا الجانب التحضيري
طب ايه هوا بقه المجال ده بالتفصيل


اولاً clinical pharmacy
فرع كبير جدا في عالم الصيدله والجديد اللي نزل وبقه احدث هوا
pharmacy practice
وده القسم الام للصيدله الاكلينيكيه
وخارج مصر هناك كليه للصيدله العاديه اللي كلنا نعرفها اللي توهلك للتصنيع واعطاء الدواء وتركيبات الادويه وما اللي ذلك
وهناك كليه متخصصه للصيدله الاكلينيكيه
طب ايه هيا الصيدله الاكلينيكيه
معنا كلمه كلينيكال هي سريري ... وهيا ان الصيدلي بقه ليه علاقه بالسرير واحد يضحك عليا ويقول ايه المجنون ده
اقولو لا السرير ده مش هوا اللي المريض بينام عليه يبقي الصيدلي الاكلينيكي بقه ليه علاقه وطيده بالمريض وخدمته في العنابر زي الطبيب بالظبط
ازاي...يعني بمعني اصح ايه المجالات بتاعت الصيدلي الاكلينيكي:::::::::::

لو هيشتغل في مستشفي يبقي هيعمل الاتي:

1-متابعه المريض في المستشفي من الناحيه الدوائيه فقط ...عشان محدش يقولي انتو هتبقو اطباء ولا ايه..انا عارف في ناس بتتكلم وهيا مش فاهمه .يعني ازاي أقولك مهامو في المستشفي هى:

1- اولا حساب الجرعه المظبوطه اللي المفروض المريض ياخدها ودي مش سهله زي ما اى حد ممكن يفتكر وده بيدرس في كورس
hospital pharmacy & pharmaceutical care

2- اهم حاجه في الدراسه وهيا drug drug interaction وهيا الوظيفه الاساسيه ليه انو يتجنب اي تفاعل دوائي دوائي وده يدرس بالتفصيل في كورس
drug drug interaction&clinical pharmacokinetics

3- تجنب حدوث مايسمي بــ adverse drug reaction ودي تاني وظيفه اساسيه بعد تجنب تفاعلات الادويه وده بيدرس في كورس
adverse drug reaction

4- تحويل الصيدلي من وجهته كصانع للدواء الي عالم بكل مايحيط بالدواء من الناحيه الاكلينيكيه يعني ازاي الجسم بيتعامل مع الدوا ده دي حاجه والحاجه التانيه دراسه جميع الامراض دراسه تفصيليه من الناحيه اللي تفيدنا فقط وده بندرسو في كورس therapeutics

5- وطبعا اهم حاجه عشان تعمل ده كلو انك تدرس بقه ازاي تتعامل مع المريض بعد ماكنت في علاقه غير مباشره معاه سواء بالتصنيع او بصرف الدوا وده بيدرس في كورس
pharmaceutical care & psychology

طب في مجالات تانيه ....اكيد
هو قسم
TPN = TOTAL PARENTRAL NUTRITION
IV ADMIXTURE ROOM

يعني ايه:

يعني احنا مكنش عندنا بني ادم بيعمل TPN او IV MIXTURE
وده مش سهل لانو بيعتمد اعتماد كلي علي تفاعلات الادويه وكيفيه تجنبها عشان لو حته في تفاعل بين دوايين وانا عايز اعمل mixture معين ازاي اتفاداه واعملو
وكانت اول IV ADMIXUTRE ROOM تتعمل في مصر هيا في مستشفي 57357 وعينو منها خريجي صيدله اكلينكيه عين شمس وحلوان والقاهره
اخيرا الصيدلي الاكلينيكي ممكن يعمل في قسم

CHEMOTHERAPY

وده موجود في معظم المستشفيات ولكن كان مفيش كلينيكال فيه ولكن دلوقتي اهم واحد في القصر العيني طبعا كلو كلينيكال شغالين فيه

يارب اكون نقلت المعلومه بطريقه مبسطه وياريت تفيدكم المعلومات
__________________

بجد مجهود كبيييييير اوى يا دكتورة وياريت اى معلومه جديدة تنزليها لينا عشان كلنا نستفيد .. وقبل ما التحويلات تبدأ تقولى هتعملى ايه بالظبط لان انا شخصيا بفكر احول المنصورة بس بعد كلامك .. اكيد هفضل ف حلوان .. مستنى ردك يا دكتورة واخر الاخبار

الصيدلي هو خبير الأدوية و هو الأدري بالأمور الدقيقة الخاصة بها مثل: كيفية حساب الجرعات, تعديل الجرعات، تداخلات الأدوية مع بعضها, كيفية تحضير أدوية الحقن و كيفية حفظها... إلخ.

تولي الصيدلي هذه المهام يوفر علي الطبيب عمل كثير و يجعله يتفرغ أكثر للأستماع إلي المرضي و التركيز علي مهامه الأصليه فى تشخيص المرض.

وجود الصيدلي ضمن الفريق الطبي يتيح وجود خط دفاع ضد الأخطاء الطبية و خاصة تفاعلات الأدوية و الجرعات الزائدة و التي غالباً ما تكون أكبر من أن يتولاها فريق التمريض. و بالتالي يحمي المريض و كذلك الطبيب.

يشكل الصيدلي مصدر معلومات غني و قريب لفريق التمريض يتيح لهم المعلومات عن كيفية إعطاء الأدوية المختلفة و ترتيبها و مواعيدها و علاقة ذلك بالطعام.

يتيح الصيدلي الإكلينيكى توفير معلومات عن الأدوية المختلفة و بدائلها مما يساعد إدارة المستشفيات علي إتخاذ قرارات شراء الأدوية و المفاضلة فيما بينها علي أساس علمي و بدون تحيز.

يكون الصيدلي مصدر معلومات سهل الوصول إليه بالنسبة للمريض للإجابة علي استفساراته عن جرعة الدواء و ميعاد أخذه و غيرها من تساؤلات المرضى.

تعظيم الفائدة من استخدام الادوية عن طريق إعطاء انسب جرعة لكل مريض فى الوقت المناسب وبالطريقة المناسبة.

تقليل المخاطر الناتجة عن استعمال الأدوية مثل الآثار الجانبية أو الأخطاء فى وصف أو تناول الأدوية.

تقليل الإنفاق على الأدوية عن طريق ضمان الاستخدام الأمثل للدواء فى كل حالة مرضية.



بعض صور التدخل الايجابي الذى يمكن أن يحققه الصيدلي

المشاركة فى وضع السياسات الدوائية التى تحقق الاستعمال الامثل لكل نوع من الأدوية والبروتوكولات العلاجية المختلفة.

توفير المعلومات للمرضى والأطباء والممرضين : وهذه نقطه مهمة للغاية من عمل الصيدلى الإكلينيكى حيث يحرص على توافر المعلومات عن الأدوية لكل فئة بالصور التى تتناسب معها وتحقق أفضل استفادة من المعلومة.

التعاون مع الطبيب المعالج فى اختيار الدواء الامثل وحساب الجرعة المناسبة له ، كذلك التأكد من عدم وجود أى تداخلات أو تفاعل بين الادوية وبعضها البعض.

إعطاء الدواء للمرضى : وفيها يتعاون الصيدلى مع الممرض فى كيفية إعطاء الدواء للمريض وزمن الإعطاء فى حالة الحقن أو توقيته بالنسبة للطعام فى حالة الأقراص.

تحضير الدواء وخاصة أدوية الحقن او تلك الأدوية التى تحتاج إلى ضبط الجرعات بدقه أو تتطلب طرق خاصة للتحضير مثل العلاج الكيماوى لأمراض السرطان ، وغالباً ما يتم هذا فى أماكن مخصصة لذلك تعرف بغرفة التحضير والتى تكون معقمة.

متابعة انتظام المريض فى أخذ الدواء وشرح الطريقة المثلى للاستعمال له أو تحضير الجرعات الخاصة بالمريض فى حالة الأدوية التى تؤخذ عن طريق الحقن الوريدى.





برنامج الصيدلة الإكلينيكية بصيدلة المنصورة

الرسالة والاهداف:

برنامج الصيدلة الإكلينية برنامج مرن يتلاءم مع ميول الطلاب ورغباتهم ويبرز طاقتهم ويهدف الى تخريج صيدلى ملم بكافة متطلبات المهنه واحدث فروع علم الصيدلة وكل التقنيات الحديثة والتى تجعل منه صيدليا متميزا وتؤهله للعمل بالصيدليات العامة والخاصة ومصانع وشركات الادوية ومعامل الرقابة الدوائية وتحليل الأغذية بالإضافة الى العمل فى مجال الإعلام والتسويق الدوائى ومراكز البحوث والجامعات .

والجديد الذى يضيفة هذا البرنامج هو التركيز على دور الصيدلى فى تقديم الرعاية الصحية المناسبة للمريض بداخل المستشفيات وخارجها وذلك من خلال متابعة النظام الدوائى له ودراسة مبادئ حركية الدواء الإكلينيكية وتطبيقاتها فى العلاج للحالات المرضية المختلفة وإيجاد الأنظمة العلاجية المناسبة وذلك بالتعاون مع الطبيب المعالج.

الدرجة العلمية التى تمنح للخريج:

يمنح مجلس الجامعة بناءعلى طلب مجلس كلية الصيدلة درجة البكالوريوس فى العلوم الصيدلية(صيدلة إكلينيكية بنظام الساعات المعتمدة ).







نظام الدراسة

مدة الدراسة بالبرنامج خمس سنوات وفق نظام الساعات المعتمدة .ينقسم كل عام دراسى الى فصلين دراسيين ومدة كل فصل خمسة عشر أسبوعا.

كما يجوز طرح بعض المقررات فى فصل دراسى صيفى مدتة من ستة الى ثمانية أسابيع من الدراسة المكثفة .

والساعة المعتمدة هى وحدة قياس دراسية وتعادل ساعة دراسية وتعادل ساعة أسبوعية نظرية أودرساً عملياًلايقل عن ساعتين أسبوعيا لمدة خمسة عشرأسبوعا وتدرس على مدى فصل دراسى واحد.

تصميم البرنامج الدراسى:

صمم البرنامج الدراسى بحيث يتم التعلم عن طريق المحاضرات والدروس العملية وحلقات النقاش وايضا اجراء بحوث بالإضافة الى التعاون مع المجتمع المحيط بالجامعة.

التســجيل:

تحدد الكلية لكل مجموعة من الطلاب مرشدا أكاديميا من أعضاء هيئة التدريس يقوم بمهام الرعاية والإرشاد العلمى ويكون مسئولا عن الطالب فى الشئون العلمية والاجتماعية والنفسية وتوجيهه فى كل مايتعلق بحياته الجامعية ويقوم بمساعدة الطلاب فى إختيار المقررات من قائمة المقررات التى تطرحها الكلية فى كل فصل دراسى.

على كل طالب ان يقوم شخصيا بتسجيل المقررات التى يرغب فى دراستها فى كل فصل دراسى مع ضرورة أن يتم اختيار المقررات وعدد الساعات بالتشاور والإتفاق مع المرشد الأكاديمى.

يشترط لتسجيل المقرر أن يكون الطالب قد إجتاز بنجاح متطلب هذا المقرر.

ينبغى أن يملأ الطالب نموذج تسجيل المقررات فى الأوقات المحددة حسب التقويم الجامعى ولا يجوز الإنتظام فى الدراسة الا بعد انتهاء عملية التسجيل.

لا يسمح للطالب بالتسجيل المتأخر إلا بموافقة عميد الكلية على ألا تزيد مدة التأخير عن أسبوع من نهاية فترة التسجيل.

العبء الدراسى:

هو عدد الساعات المعتمدة التى يقوم الطالب بتسجيلها فى الفصل الدراسى.

يجب مراعاة ألا يقل العبء الدراسى المسجل لطالب فى أى فصل دراسى عن 12 ساعة معتمدة والا يزيد عن 22 ساعة.

العبء الدراسى خلال الفصل الصيفى يتراوح بين 4 - 10 ساعات معتمدة.

المــواظبـــة:

على الطالب أن يواظب على حضور المحاضرات النظرية والدراسات العملية ولمجلس الكلية بناء على طلب الأقسام المختصة أن يحرم الطالب من التقدم للإمتحان التحريرى إذا تجاوزت نسبة غيابة 25% من إجمالى الساعات المقررة للدروس العملية.

الإضافة والحذف والإنسحاب:

يجوز للطالب بعد إكمال إجراءات التسجيل أن يحذف أو يضيف الى ساعاته المعتمدة مقررا أو أكثر على أن يكون ذلك فى خلال الفترات المحددة للحذف والإضافة فى كل فصل مع مراعاة الحد الأدنى والحد الأقصى للعبء الدراسى.

يجوز للطالب بعد تسجيله الإنسحاب من مقرر أو أكثر فى أى فصل دراسى دون أن يعتبر راسبا فى هذا المقرر وذلك إذا قدم طلب الإنسحاب خلال الفترة المسموح بها والتى يعلن عنها فى الجدول الدراسى لكل فصل.

ومن ينسحب بعد المدة المقررة يعتبر راسبا.

لغة الدراسـة:

الدراسة فى الكلية باللغة الإنجليزية .

يجوز مع ذلك تدريس بعض المقررات باللغة العربية بناء على توصية القسم المختص وموافقة مجلس الكلية ومجلس الجامعة .

التدريب الصيفي:

على الطالب أن يكمل فترة تدريب عملى لا يقل عن 200 ساعة تدريب ( 100 ساعة معتمدة ) تحت إشراف عضو هيئة تدريس متخصص وذلك فى إحدى المؤسسات الصيدلية التى يقرها مجلس الكلية. بالإضافة الى عدد 100 ساعة معتمدة تدريب إكلينيكى فى إحدى المستشفيات التعليمية.

شروط القبول:

يشترط فى من يتقدم للإلتحاق بالبرنامج أن يستوفى الشروط التى يحددها المجلس الأعلى للجامعات.

حضرتك يا دكتور ممكن تتابع معانا ع الرابط ده

http://www.thanwya.com/vb/showthread.php?t=349360&page=2


اما بالنسبة ليا انا مش عارفه خالص احول حلوان لانها بعيدة وبالتوزيع الجغرافى عندى مشكلة السكن لازم اثبت اقامة قبل ما احول ومش هقدر اكون مدين جامعيه

حاليا بحاول احل المشكلة دى لو اتحلت هحول ان شاء الله حلوان بلا شك

واما الطريق التانى هحاول اشوف حل ف المنصورة لانها تكلفتها عاليه جدا جدا يا اما هتحملها

يا اما صيدلة عادى وبعدين دبلومة

بحاول اسال بشكل اكتر حل للموضوع الاول انى ادخل مدينة جامعيه

ربنا يوفقنا جميعا يا دكتور

يادكاتره ممكن اعرف هو انا انتظر نتيجة التحويل
وبعدين اقدم للكليه ولا اروح اقدم عادي قبل نتيجة التحويل وشكرا

وياريت تشوفوا الخبر دا بخصوص الصيدله الكلينيكال حلوان
http://www.facebook.com/topic.php?uid=2299350486&topic=8188

أنا اسفه يا جماعه الخبر لسه جديد حلوان ما بقتش مجان خلاص الي عاوز يحول ف الكليه الي قريبه منه يحول وأنا خلاص بالنسبه ليا مش هحول وباق التفاصيل سأوافيكم بها

اوك يا دكتورة .. وع فكرة انا عندى حل ممكن ينفع .. اولا انا عرفت فعلا انها ف حلوان وعين شمس والمنيا وطنطا مجانى تماما .. وحلوان بزات هى اصلا كلينيكال وده كلام دكتور ف سنه 3 هناك وشرحلى كل حاجة عن كلينيكال واقنعنى انى افضل ف حلوان واستغل الفرصة دى انها جاتلى ف التنسيق لانها لو مكنتش جات مكنتش هعرف احول خالص لانى من ( كفر الشيخ ) المهم انا عندى حل لحضرتك ..

ممكن تعدى سنه اعدادى ف المنصورة عادى جدا وكدة كدة الاعدادى ملهاش دخل كلينيكال ولا عادى وبعد الاعدادى تحولى حلوان لانك من تانى سنه ف الكلية تقريبا من حقك تحولى اى جامعه ف مصر .. ياريت تشوفى الحل ده وتردى عليا اكيد ان الحل ده خطر ف بالك ؟؟!؟!؟!؟

وياريت تشوفوا الخبر دا بخصوص الصيدله الكلينيكال حلوان
http://www.facebook.com/topic.php?uid=2299350486&topic=8188


يا جماعة الرابط دا يؤكد ان صيدلة حلوان لو لسه فيها الكلينيكال دا لو

مش هيبقى مجانى بعد اليوم

كله يقرأه ممكن يكون مقصد الكلام حاجة تانية

اوك يا دكتورة .. وع فكرة انا عندى حل ممكن ينفع .. اولا انا عرفت فعلا انها ف حلوان وعين شمس والمنيا وطنطا مجانى تماما .. وحلوان بزات هى اصلا كلينيكال وده كلام دكتور ف سنه 3 هناك وشرحلى كل حاجة عن كلينيكال واقنعنى انى افضل ف حلوان واستغل الفرصة دى انها جاتلى ف التنسيق لانها لو مكنتش جات مكنتش هعرف احول خالص لانى من ( كفر الشيخ ) المهم انا عندى حل لحضرتك ..

ممكن تعدى سنه اعدادى ف المنصورة عادى جدا وكدة كدة الاعدادى ملهاش دخل كلينيكال ولا عادى وبعد الاعدادى تحولى حلوان لانك من تانى سنه ف الكلية تقريبا من حقك تحولى اى جامعه ف مصر .. ياريت تشوفى الحل ده وتردى عليا اكيد ان الحل ده خطر ف بالك ؟؟!؟!؟!؟


الحل ده فعلا خطر ع بالى يا دكتور وانا بفكر ف موضوع حلوان والاقى حل لموضوع المدينة الجامعيه يعنى دلوقتى لو حولت بعد اول سنة اعدادى هدخل حلوان ومدينة جامعيه عااااادى ؟؟؟؟؟؟؟؟

وهبدا بعدها اولى كلينكال وكده اكون ضيعت سنة كامله ؟؟؟؟؟

وبعدين عاوزين نتأكد من كلينكال هناك مجانى فعلا ولا لا

شوف الرابط الاول لان المغامرة والبعد ف حلوان مش حاجة سهله انا كنت ناوية انى استحمل بس عشان كلينكال بس لو نفس التكاليف يبقى المنصورة افضل


ويا ريت لو تساله عن دبلومة كلينكال نفس الكفاءة والفرص ف العمل ولا لا وتكاليفها برضه

واسفة لو بعطل حضرتك

النهاردة زميل لنا في سنة خامسة بلغني الخبر ده
وهما عرفوا الخبر من رابعة قديم اللي نصهم كان حظوا حلو و لحق ياخد الشهادة قبل ما القرار ما يطلع والنص التاني اهو بيحاول يحل المشكلة دي
و طبعا احنا معاهم
المفروض ان في نسبة مننا اتحمل الكلية بكل مشاكلها علشان بس يكون صيدلي اكلينيكي و كمان جايين يلغوها
طب تعرفوا ايه المفاحاة كمان
ان الشهادة دي هتخصص لنظام جديد من السنة اللي جاية لما يسمي يالتعليم المتميز (زي جامعة القاهرة) بمبلغ 11 الف في السنة
الفكرة ان دكتور مسعد في سنة اولي فهمنا اننا صيادلة كلينيكال و دلوقتي فاجاة غير كلامه
و ده جزء من الحوار اللي دار بين طلبة خامسة و دكتور مسعد:

النهاردة التقيت ب د / مسعد معي سارة عزت و محمود حنفي و امين لاتحاد في الكلية و انضم الينا بعد كده حسام جمال وعبدالله يونس و محمد السيد
و دار النقاش حول مشكلة تعريفنا في شهادة التخرج بالنسبة لدراسة الصيدلة الاكلينيكية و كان رد د / مسعد كالاتي
1- الائحة بتقول ان البرنامج المعد لتدريس العلوم الصيدلية مصصم لتخريج صيدلي غير متخصص

2-المراد الدراسية التابعة لقسم الممارسة الصيدلية جزء من الائحة االي وضعت في الاعتيار مرونة تطوير المقررات الدراسية و بالتالي المواد الدراسية المتعلقة بقسم الممارسة الصيدلية جزء من التطوير في الائحة و يحق للطالب الحصول علي قائمة بالمواد التي درسها في الكلية متضمنة تفاصيل المواد Corse content و تعتمد من ادارة الكلية

3- بالنسبة للطلبة السابقين الحاصلين علي شهادات صيدلة اكلينيكة بجانب شهادات تخرجهم الاصلية دي كان عن طريق الاعميد الاسبق د/صبحي سعيد و كان مجهود خاص منه و اللي عمله اعطي للطلبة شهادات بتقول انهم صيادلة اكلينيكين بجانب شهادتهم الاصلية و الشهادات الصيدلة الاكلينيكة كانت مختومة من ادارة الكلية وليس الجامعة
لكن علي الرغم من كده النقابة اعترفت بيهم كصيادلة اكلينيكيين واستفادوا جدا من التعريف الجديد لهم كصيلدلة اكلينيكين في مجال التخرج !!!!!!!!!!!

و رفض د/ مسعد تقليد د/ صبحي و اكد التزامة بالائحة والقانون

4-الشهادة الاكلينيكية اللي حصل عليهل الطلبة السابقين هي نفس الشهادة اللي حيحصل عليها طلبة التعليم المميز و دي من اسباب رفض د/مسعد لطلبنا الخاص بنفس الشهادة و قال ان ده مصدر اللي بيميز التعليم المتميز اللي حيبدأ تطبيقة العام القادم في الكلية بمصاريف 11 الف جنية في العام

5-بالنسبة لدورة الصيدلة الاكلينيكية المقدمة من مركز الخدمات الصيدلية برئاسة د/ رمضان الدوماني ف دي دورة اختيارية يصدر عنها شهادة تفيد باتمتم الطالب لدورة في المممارسة الصيدلية و هي غير الزامية مختلفة تماما عن شهادة التخرج اللي حصل عليها الطلبة السابقين


يا ريت يا جماعة لو اي حد عنده اي اقتراح بالنسبة للمشكلة دي يا ريت تشاركونا الرأي و المشورة
وشكرااااااااااا

هبقى اسألك ع موضوع الدبلومه ده .. بس فى حاجة
لو فعلا الكلام ده صح ومعدتش هتبقى حلوان مجانى طب ازاى وهى اصلا كلينييكال
اصلا حلوان كلينيكال يبقى ازاى هيخلوها بفلوس يعنى معقول اللى يدخل صيدله حلوان هيطلبوا منه فلوس ويقولوا عشان كلينيكال ماهى ساعتها هتبقى صيدله خاصة لانهم بيطلبوا فلوس غصب عنك لانها اصلا مش فيها صيدله عادية يبقى ازاى هيعملوا كدة ؟؟؟

هبقى اسألك ع موضوع الدبلومه ده .. بس فى حاجة
لو فعلا الكلام ده صح ومعدتش هتبقى حلوان مجانى طب ازاى وهى اصلا كلينييكال
اصلا حلوان كلينيكال يبقى ازاى هيخلوها بفلوس يعنى معقول اللى يدخل صيدله حلوان هيطلبوا منه فلوس ويقولوا عشان كلينيكال ماهى ساعتها هتبقى صيدله خاصة لانهم بيطلبوا فلوس غصب عنك لانها اصلا مش فيها صيدله عادية يبقى ازاى هيعملوا كدة ؟؟؟


اللى واضح من كلام الطالب السابق انها هتبقى عادية يعنى الشهادة اللى هتأخدها ف تخرجك صيدلة عادية وقال ان هيطبق النظام المميز بس بفلوس زى ما قال

وحاسه الكلام ده صادق فعلا لانه قايل اشخاص اجتمعت وموضح العميد السابق والحالى

وبالنسبة للدبلومة يا دكتور ؟؟؟؟؟؟؟؟؟؟؟؟؟؟؟

هبقى اسأل لحضرتك ع موضوع الدبلومه ده حاضر من عينى .. بس بجد انا محتااااااااار جدا وخايف التحويل يبدأ قبل ما اقرر احول المنصورة ولا لا .. وعاوز اتأكد من الموضوع ده وحيراااااااااااان .. ايه رأيك ؟؟

dr.agwa2010***********

لو مكنش يضايقك ممكن نتكلم ع ده لانى حيران ومش عارف اعمل ايه واكيد ظروفك قريبه منى .. او لو مش هينفع ياريت تقولى هنا ايه رأيك ؟؟!؟!؟!؟

ده ياهوووو

انا استقريت ع المنصوره خلاص ودبلومه ان شاء الله كلينكال اما حلوان موضوعها منتهي فقط ربنا يوفق الجميع

مفاجأه
حلوان كلينيكال وكمان لأول مرة اللى هيتخرج هياخد الشهاده .. الحمد لله

مفاجأه
حلوان كلينيكال وكمان لأول مرة اللى هيتخرج هياخد الشهاده .. الحمد لله
لو سمحت ممكن توضح اكتر وممنين حضرتك جبت المعلومات

لو سمحتم يا دكاترة انا راحه 3ث جبت في تانية 88.5 و كان نفسي ادخل صيدلة يا ترى في معهد ادخله و منه ادخل صيدله
:028ja7:

بصراحه يا اسماء مفيش .. بس ممكن طالما نزلتى ف المجموع شوية تدخلى رياضة وتدخلى هندسه او حاسبات مع العلم هيبقى صعب كمان لان المجاميع عالية اوى فى سنه تانية السنه دى والتنسيق هيبقى عالى اوى .. يعنى لازم تجيبى اخرك وممكن تلحقى هندسه ان شاء الله او ع الاقل حاسبات .. اما صيدله بعيدع جداااااااااااااااا ..