كارثة جديدة في التنسيق واحدة تدخل كليه اكبر من مجموعها ازاي ما اعرفش ؟؟؟؟؟؟؟؟ [الأرشيف]

سارةالنودى

02-08-2011, 11:19 PM

بسم الله الرحمن الرحيم

في تنسيق الجامعات طبعا الكل عارف ان الحد الادني للكليات معناه ان المجموع دا اقل حاجة للقبول بالجامعة وتقبل الجامعة الزيادة وخليكو فاكرين انها زيادة مش نقص كدا جميل جدا
خدو دي بقي كلية تربية جامعة عين شمس الحد الادني لها لعام 2011/2012 هو358.5 فأكثر يعني ما ينفعش اقل من كدا نص في المية دا الي احنا عرفينه لكن لما نجد غلطة مش في نص ولا درجة وحد دخل كليه مجموعه مش جايبها دا هو الظلم والفساد بعنيه والدليل اهو دي بطاقة ترشيح من موقع تنسيق الجامعات الدليل علي كلامي (( طبعا انا ما اعرفش صاحبة البطاقة دي انا لقيتها بالصدفة لما كنت بدور علي نتيجة واحدة قربتي فأنصدمت بالي شفته ))

بطاقة الترشيح للقبول عام 2011م
الطالب : زينب رضوان عارف النمر يتـشـرف مكــتب التنســيق بإخطــــاركـم بأنه قد تم ترشيحكم
الكلية / المعهد: تربية عين شمس رقم الجلوس / الإيصال : 1153192 المجموع: 333
شهادة الثانوية : العامـة شعبة : الأدبية تاريخ اعلان النتيجة :30/7/2011

وعشان محدش يقول اني لعبت في الارقام ولا حاجة دا لينك من موقع الاستاذ وهتلاقو الطالبة دي اخر طالبة علي فكرة دي من محافظة القليوبية ادارة شبرا الخيمة واللينك
http://natiga.elostaz.com/as7ab.php?gn=7&tansik=%CA%D1%C8%ED%C9%20%DA%ED%E4%20%D4%E3%D3&from=260&order=

ودا اخر الكشف
>> رقم الجلوس (http://natiga.elostaz.com/as7ab.php?gn=7&tansik=%D8%AA%D8%B1%D8%A8%D9%8A%D8%A9%20%D8%B9%D9% 8A%D9%86%20%D8%B4%D9%85%D8%B3&from=260&order=seatno) الاسم المدرسة الإدارة المحافظة المجموع بالمستوى (http://natiga.elostaz.com/as7ab.php?gn=7&tansik=%D8%AA%D8%B1%D8%A8%D9%8A%D8%A9%20%D8%B9%D9% 8A%D9%86%20%D8%B4%D9%85%D8%B3&from=260&order=all2) المجموع الكلي (http://natiga.elostaz.com/as7ab.php?gn=7&tansik=%D8%AA%D8%B1%D8%A8%D9%8A%D8%A9%20%D8%B9%D9% 8A%D9%86%20%D8%B4%D9%85%D8%B3&from=260) 261 1144723 (http://www.elostaz.com/than2011.php?ID=1144723&stage=2&type=seatno) منى عبدالغني السيد عبدالغني طحانوب الثانوية المشتركة شبين القناطر القليوبية 358.5 358.5 262 1146405 (http://www.elostaz.com/than2011.php?ID=1146405&stage=2&type=seatno) نورهان فكرى ابراهيم بيومى القلج الثانوية المشتركة الخانكة القليوبية 358.5 358.5 263 1148579 (http://www.elostaz.com/than2011.php?ID=1148579&stage=2&type=seatno) رانيا احمد مصطفى عبد العزيز درويش قليوب الثانوية للبنات قليوب القليوبية 358.5 358.5 264 1150938 (http://www.elostaz.com/than2011.php?ID=1150938&stage=2&type=seatno) هناء احمد محمد حسن الجبالى ابو الغيط الثانوية المشتركة القناطر الخيرية القليوبية 358.5 358.5 265 1152994 (http://www.elostaz.com/than2011.php?ID=1152994&stage=2&type=seatno) شيماء محمد عبد التواب محمد بهتيم ث بنات شرق شبرا الخيمة القليوبية 358.5 358.5 266 1153362 (http://www.elostaz.com/than2011.php?ID=1153362&stage=2&type=seatno) هدير عادل عبد العزيز محمد بهتيم ث بنات شرق شبرا الخيمة القليوبية 358.5 358.5 267 1153192 (http://www.elostaz.com/than2011.php?ID=1153192&stage=2&type=seatno) زينب رضوان عارف النمر بهتيم ث بنات شرق شبرا الخيمة القليوبية 333 333

الي عايزة اعرفه حاجة واحدة لما هي تدخل كلية مش بمجموعها واحنا فينا الي الكلية فيتاه علي كسور يبقي دا اسمه ايه ودا يخلينا نشك في نزاهة التنسيق دا لما واحدة في محافظة ما ادراك ممكن يكون في غيرها

soley93

02-08-2011, 11:22 PM

بس الحد الادني الي حاضرتك كتباه مش موضح هل هو الحد الادني للعلمي ام للادبي
لانه من المعروف ان الادبي اقل في التنسيق

soley93

02-08-2011, 11:23 PM

+ هي الطالبة الي حضرتك ناشره بياناتها دي انتي مستأذنه منها عشان تنشري حاجة زي كده . ؟

يا سنين عمرى

02-08-2011, 11:32 PM

انا اعرف ٢ مجموعهم اقل ب٣% من تجارة انجليزي ودخلوها بردو

سارةالنودى

02-08-2011, 11:33 PM

عموما انا قلت اني ما اعرفهاش وانا قلت كدا لو حضرتك قرأتي الموضوع كويس ثانيا البنت دي ادبي والتنسيق بتاع تربية جامعة عين شمس الحد الادني لها لعام 2011/2012
هو 385.5

سارةالنودى

02-08-2011, 11:35 PM

انا اعرف ٢ مجموعهم اقل ب٣% من تجارة انجليزي ودخلوها بردو

طب احنا عايزين نعرف ايه السبب

karimadel7

02-08-2011, 11:35 PM

علي فكرة الموضوع ده الوزارة اعلنته و اعترف سلامة بيه و الخطأ كان في حوالي 9000 اسم و وعد بتصحيحه و قال ان السبب هو خطا في ادخال كود الكلية

karimadel7

02-08-2011, 11:36 PM

مش هيتم قبولهم في الجامعة

محب الجنة 10

02-08-2011, 11:42 PM

لا حول ولا قوة الا بالله

حرااااااااام تنشرى معلومات عن واحدة ما تعرفيهاش

سارةالنودى

02-08-2011, 11:46 PM

لا حول ولا قوة الا بالله

حرااااااااام تنشرى معلومات عن واحدة ما تعرفيهاش

ما تقوليش حلال وحرام في حاجة حضرتك ما تعرفيهاش انا لم انشر شئ يخل بشخصيتها بل انا اعرض شئ واقع ودا مش ذنبها وانا عارفة دا كويس وعارفة ان دي غلطة الوزارة النايمة والي لسه الفساد منتشر فيها ولما 9000 طالب غلط في مرحلة يبقي ادي بقي انشاء الله ؟؟؟؟؟؟؟؟؟ اذا كان ادبي مرحلة اولي كله 6000 طالب دول بقي يتقال فيهم ايه

ALLALL

02-08-2011, 11:51 PM

على فكرة الحد الادنى لكلية تربية عين شمس 358.5
يعنى حضرتك كتباه غلط

سارةالنودى

02-08-2011, 11:58 PM

عموما انا قلت اني ما اعرفهاش وانا قلت كدا لو حضرتك قرأتي الموضوع كويس ثانيا البنت دي ادبي والتنسيق بتاع تربية جامعة عين شمس الحد الادني لها لعام 2011/2012
هو 385.5

على فكرة الحد الادنى لكلية تربية عين شمس 358.5
يعنى حضرتك كتباه غلط

معلش انا اسفة انا فعلا كتبت الرقم غلط لكن اتوقع ان المجموع دا اقل بكتير من الكلية ودي غلطة التنسيق ولا انا غلطانة

سارةالنودى

03-08-2011, 12:01 AM

والدليل اني مش بتكلم وبقول اي كلاااااااام وان الوزارة نايمة الخبر دا
خطاء جسيمة في تنسيق المرحلة الأولي بالجامعات
الثانية اليوم بحد أدني 324 درجة علمي و266 أدبي وحتي السبت
كتب ــ مجدي طنطاوي :
اكتشف عبدالحميد سلامة وكيل أول وزارة التعليم العالي خطأ جسيما في ادخال كود الكلية التي يتعرف الحاسب الآلي من خلالها علي عدد المرشحين لكل كلية مما أدي إلي ترشيح أكثر من 9 آلاف طالب وطالبة لكليات لم يطلبوها ولم تقع ف...ي الحدود الدنيا للمجموع الذي قبلته الكلية. صرح د.سمير شاهين المسئول عن التنسيق الالكتروني بإصلاح الخطأ وتعديل ترشيح الطلاب وارسل الكشوف الصحيحة لتقوم كل كلية بمراجعتها ليحصل كل طالب علي حقه.
بينما يبدأ اليوم رسميا تسجيل رغبات طلاب المرحلة الثانية بحد ادني 324 درجة علمي "79%" وعددهم 65 ألفا و974 طالبا وللأدبي 5.266 درجة "65%" وعددهم 7927 طالبا ويستمر التسجيل حتي السابعة مساء السبت القادم.

MS Nada

03-08-2011, 12:28 AM

على فكره انا اؤمن تماما ان كل نفس بنتنفسه باذن ربنا .,

يعني اللي حصل ده بأذن ربنا .,

مش معنى يعني الناس دول بالذات الكومبيوتر غلط معاهم .,

عامه كل واحد هياخد حقه وبردوا باذن ربنا سبحانه وتعالى .

Shamy shemo

03-08-2011, 12:36 AM

اية الحقد دة

1z1z1z

03-08-2011, 01:08 AM

ياريت يتم حذف اسم البنت من الموضوع حرام

سكر مملح

03-08-2011, 01:30 AM

لا مينفعش كده
كاتبه اسم البنت عادي كده حرام عليكي
حطي نفسك مكانها
هترضي حد يحط اسمك

the spider mido

03-08-2011, 01:32 AM

يا جماعه عادي مأجرمتش يعني هي حاطه نموذج مش قاصده اساءه للبنت

issac-newton

03-08-2011, 01:36 AM

عمومآآ : - مش محبذ نشر البيانات الكاملة حضرتك ممكن تقولي من غير اسماء غير لو رايحة مثلن تشتكي .. ألخ
اما في الموضوع فا أقول , حاجة غريبة ,, ازاي كمبيوتر يغلط الغلطة دي , لازم يكون في حاجة حصلت ,, بس ربنا يوفقها ودا نصيب , وفي التقديم ممكن يلاحظوا الحكاية دي على اعتبار انها ليست مستند رسمي ( بطاقة الترشيح )

محب الجنة 10

03-08-2011, 08:07 PM

ما تقوليش حلال وحرام في حاجة حضرتك ما تعرفيهاش انا لم انشر شئ يخل بشخصيتها بل انا اعرض شئ واقع ودا مش ذنبها وانا عارفة دا كويس وعارفة ان دي غلطة الوزارة النايمة والي لسه الفساد منتشر فيها ولما 9000 طالب غلط في مرحلة يبقي ادي بقي انشاء الله ؟؟؟؟؟؟؟؟؟ اذا كان ادبي مرحلة اولي كله 6000 طالب دول بقي يتقال فيهم ايه

اسف كل اللى انا اقصده انى وانا ولد مش بنت كمان مش اتمنى يكون اسمى مكتوب بالطريقة دى

مرة تانية اسف بس حسيت انها بنت مش حاسه ان معلوماتها بقيت على اكبر موقع تعليمى فحبيت انصرها

بكلمة حرام ليكى على امل انك تمسحى معلوماتها

وياريت اعرف لو حضترك جالك الغلطة دى فى التنسيق كنتى هتكتبيها هنا

مش عايز رد حضرتك هنا بس عايزة بينك وبين نفسك

ووالله عارف انك مش قصدك بردة تشهير بس لو فكرتى وحسيتى انك غلطانه ياريت تمسحى الاسم والمعلومات

pure soul

03-08-2011, 08:54 PM

سبحان الله العلي العظيم

بأي منطق بتتكلموا ؟

اعتقد لما جت تنشر كان التركيز الاساسي على المبدأ مش البنت ذاتها

البنت مرتكبتش جريمة ووجب عليها او علينا سترها علشان نقول حرام او حلال

دي قضية صاحب او صاحبة الموضوع بتنشرها لهدف معين انتو تركتو الهدف ده وبتتكلموا في فروع

وايه يعني اسمها يتنشر على اكبر موقع تعليمي

انا لو كنت مكانها مفيش اي مشكلة بل بالعكس ولو قدرت اعمل الموضوع بنفسي مفيش مشكلة

غير كدة لو حد اتحط في نفس الموقف وقال ده نصيبي و و و و الى آخرة , تبقى مصيبه مينفعش نقول ليه هي بالذات اللي الكومبيوتر يخطأ فيها
المفترض ان اللي يتحط في موقف زي ده اول واحد يبلغ

وبعدين ليه بتتعاملوا مع الموضوع بطريقه غير موضوعيه , في مشكلة الاولى ندور على المخطئ ونطلب منه تصحيح المشكلة بعيدا عن الاهواء والمشاعر

لنفرض ان العكس حصصصل

واحدة جالها كليه اقل من مجموعها في حين ان من حقها حسب الرغبات كلية اعلى

لو نشرنا مشكلتها وقتها هيكون رد الفعل ,, بارك الله فيكم وجعله في ميزان حسناتكم

قيسوا بالمثل

على الجانب الاخر هنلاقي ناس وقفت معاهم الكلية اللي عيزنها على درجات بسيطة ,, ايه مدى احساهم بالظلم لما يلاقوا اخطاء زي دي

يمكن الخطأ مش جسيم لأنه يمكن معالجته على المدى القريب اثناء التقديم وخلافة

لكن طريقة التعامل معاه وتحويلة الدفه لنقاط تانيه هي المشكلة

غير كدا ان كان صاحب الموضوع فعلا اخطأ بشكل فطريقة توجيه النصيحه والاتهام بالحقد وغيرة شئ غير مقبول

وبعدين ما اسماءنا كلها منشورة على المواقع الاستاذ وموقع الوزارة وغيرة وغيرة ,,, مكنتش امانة عند واضع الموضوع وفضحها
كل واحد حتى لو كان لا ينتمي للثانوية العامه بشكل او بآخر ليه الحق في الاطلاع على البينات الشخصيه لكل شخص , الاسم والمدرسة والمجموع والكلية , ودي معلومات عادية جداً

فبلاش نتهم حد بالحقد وخلافة

الملاك الازرق

03-08-2011, 08:55 PM

قمة الاستهبال .. يعنى حتى لو صححوا الغلط ده والناس دى ما دخلتش الجامعة هيكون ظلموا عدد كبير كان ممكن يدخل

واللى قاعد يقول حرام عليكى البنت ... يعنى فكروا شوية هى مش بتشتمها ولا حاجة
ولو كانت قالت الكلام ده من غير دليل ما كنش فى حد هيصدق
ارجوكوا كفاية عليا استحمل الناس السببوا الغلط ده !!!!!!!!!!!!!!!!!

micheal abadeer

03-08-2011, 10:22 PM

مش هيقبولها فى الكلية فى اجراءات معقدة جدا كل واحد بياخده اللى تعبه

ساره سرسورة

03-08-2011, 10:29 PM

مش عارفة بس ربنا اكيد هيظهر الحق وحرام نشر اسم البنت

naghamahmed

03-08-2011, 10:43 PM

ياجماعة فى اييييييييييييييييية هو مأجرمش يعنى اصل حرااااااااااااااااااام بجد حد ياخد مجهووووووووووود حد فى اية بقة هو ماجرمش هو بيوريكوا الظلم اللى حصل عشان يقدر ينقلة ليكم عشان الكرم يوصل للكل مش احسن مهى تاخد حق مش حقها ودة اسمها يعنى مهواش حط صورتها ياجماعة مهو اللى ايدة فى المية مش زى اللى ايدة فى النار احنا بنقف على واحد من عشرة على كلية ودى تتخدلها بمجموعها دة انتوا بتهزروا و كل واحد عمال يفتى ويقول حرام بجد حرام عليكوا انتوا عشان محدش حاسس بالاحنا فية والظلم اللى اتظلمناة السنة اللى فاتت من احمد زكى الله يخرب بيتة والسنة دى من التنسيق حتى حقنا مش عايزنا ننشرة ارحمونا شوية بقققققققة يانااااااااااااااااااااااااااااااااااس

سارةالنودى

03-08-2011, 11:00 PM

حرام عليكى يا شيخة من تتبع عورات الناس فضحه الله ولو فى جوف بيته[/

quote]

ياريت لما حضرتك تتكلمي تتكلمي برقي اكتر من كدا لان دي مش طريقة حوار انا ما نشرت صورتها ولو ماكنتش حطيت اسمها وبيانتها كنت هتقولو بقول اي كلام والسؤال هيبقي ايه الدليل ؟؟؟؟؟؟؟؟ يعني انتم مش بيعجبكم العجب

[quote=الملاك الازرق;3786011]قمة الاستهبال .. يعنى حتى لو صححوا الغلط ده والناس دى ما دخلتش الجامعة هيكون ظلموا عدد كبير كان ممكن يدخل

واللى قاعد يقول حرام عليكى البنت ... يعنى فكروا شوية هى مش بتشتمها ولا حاجة
ولو كانت قالت الكلام ده من غير دليل ما كنش فى حد هيصدق
ارجوكوا كفاية عليا استحمل الناس السببوا الغلط ده !!!!!!!!!!!!!!!!!

طب الحمد لله اني لقيت حد يفهم وجهت نظري

مش عارفة بس ربنا اكيد هيظهر الحق وحرام نشر اسم البنت

تعرفي اماتقوليش حكم وانتي ما تعرفهوش ؟؟؟؟؟؟؟؟؟؟؟ هو انا عملت ايه هو انا لفقتلها تهمة

ياجماعة فى اييييييييييييييييية هو مأجرمش يعنى اصل حرااااااااااااااااااام بجد حد ياخد مجهووووووووووود حد فى اية بقة هو ماجرمش هو بيوريكوا الظلم اللى حصل عشان يقدر ينقلة ليكم عشان الكرم يوصل للكل مش احسن مهى تاخد حق مش حقها ودة اسمها يعنى مهواش حط صورتها ياجماعة مهو اللى ايدة فى المية مش زى اللى ايدة فى النار احنا بنقف على واحد من عشرة على كلية ودى تتخدلها بمجموعها دة انتوا بتهزروا و كل واحد عمال يفتى ويقول حرام بجد حرام عليكوا انتوا عشان محدش حاسس بالاحنا فية والظلم اللى اتظلمناة السنة اللى فاتت من احمد زكى الله يخرب بيتة والسنة دى من التنسيق حتى حقنا مش عايزنا ننشرة ارحمونا شوية بقققققققة يانااااااااااااااااااااااااااااااااااس

ماهو الي مش مجرب بقي يقول ايه بقي ؟؟؟؟؟؟؟؟

AHMED 00

03-08-2011, 11:09 PM

معلش ليا تعليق بس على الناس الى بتقول حرام تنشرى اسم البنت
هو اسم البنت عورة يعنى ولا ايه مش فاهم
ما النتيجة متاحة بالاسم وبرقم الجلوس والمدرسة والمحافظة وكل حاجة.. يعنى كل حاجة موجودة على النت

سارةالنودى

03-08-2011, 11:39 PM

drmahmoud007

04-08-2011, 02:21 AM

غلطت فى ايه يا جدعان دا انتوا ماتعرفوش البنت وحتى لو عارفينها مافيهاش حاجه انا مش عارف انتوا بتقولوا ايه ؟؟

Analyzer.Mn3m55

04-08-2011, 02:46 AM

انا عاوز اصحح بعض المفاهيم .. اولا صاحبة الموضوع لم تعيب فى شخصية البنت صاحبه بطاقة الترشيح او خلافه .. ثانيا مجرد انها عرضت حقيقة حصلت و اخطاء بالتنسيق و ان لم تعرض .. فسوف يعرضها الغير و الغير .. و ياما بنشوف فى الاخبار ناس بتقول ان الفلان الفلانى راح و عمل هل ده حرام .. لم نتكلم عن عورات او شخصيات بحلوها او وحشها انما مجرد كلام عن حقيقة الامر و ليس عن ذات شخص صاحبه البطاقة .. و موفقه يا صاحبه الموضوع و يارب البلد تنصلح و يصلحواا الاخطاء دى قبل بدأ نتيجة المرحله الثانيه وربنا يوفق الجميع

soma_love2010

04-08-2011, 03:18 AM

ياريت كل واحد يبص لنفسه ومصلحته ويبطل يبص على غيره عشان ربنا يكرمه
وبدل م يضيع وقت فى الكلام الفارغ ده يبص لمصلحته
لان لما ربنا يكون رايد الخير لحد محدش يقدر يتكلم

m_cabo

04-08-2011, 05:27 AM

سارةالنودى

04-08-2011, 03:52 PM

ياريت كل واحد يبص لنفسه ومصلحته ويبطل يبص على غيره عشان ربنا يكرمه
وبدل م يضيع وقت فى الكلام الفارغ ده يبص لمصلحته
لان لما ربنا يكون رايد الخير لحد محدش يقدر يتكلم

لا تعليق علي كلامك لاني انا فعلا مش هضيع وقتي في الرد علي الكلام الفارغ الي بتقوليه

سارةالنودى

04-08-2011, 04:00 PM

اولا يا جماعه انا مقرتش كل الكومنتات
ومش عارف كل الناس اللى بتهاجم
يا جماعه هى عملت برنامج تجسس
وجابت المعلومات دى
دى حاجات مرفوعه على شبكة النت
اى حد فى العالم يوصلها
وانا معاها بصراحه فى اللى هى عملته
ولكل واحد فينا ليه رأى ولازم نحترم رأى بعض

ياريت الناس تفهم كدا لان ما فيش احترام لرأي الاخر نهائيا

انا عاوز اصحح بعض المفاهيم .. اولا صاحبة الموضوع لم تعيب فى شخصية البنت صاحبه بطاقة الترشيح او خلافه .. ثانيا مجرد انها عرضت حقيقة حصلت و اخطاء بالتنسيق و ان لم تعرض .. فسوف يعرضها الغير و الغير .. و ياما بنشوف فى الاخبار ناس بتقول ان الفلان الفلانى راح و عمل هل ده حرام .. لم نتكلم عن عورات او شخصيات بحلوها او وحشها انما مجرد كلام عن حقيقة الامر و ليس عن ذات شخص صاحبه البطاقة .. و موفقه يا صاحبه الموضوع و يارب البلد تنصلح و يصلحواا الاخطاء دى قبل بدأ نتيجة المرحله الثانيه وربنا يوفق الجميع

شكرا

غلطت فى ايه يا جدعان دا انتوا ماتعرفوش البنت وحتى لو عارفينها مافيهاش حاجه انا مش عارف انتوا بتقولوا ايه ؟؟

انا مش شايفة اني عملت حاجة غلط ولا يوجد نص او اية في القران تحرم ذلك ولا مادة في القانون دا حتي في الصحافة بيكون مطلوب نشر دليل لاثبات صحة الموضوع
ولكن احنا المصرين ما يعجبنا العجب ولا الصيام في رجب احط اسم البنت تقولو حراااام واحس اني بكلم عقول غريبة ولوما حطيت الاسم هتقولو حرااام برضو بلاش كدب فين الدليل ؟؟؟؟؟؟؟؟؟

اسف على الاحلام

04-08-2011, 04:20 PM

اولا رمضان كريم وكل سنة وانتم طيبين
ثانيا اختلاف الراى لا يفسد للود قضية الاخوة الاعضاء
العضوة طرحت مشكلة وعاوزة تعرف الخطا والحل فبلاش كل واحد يفتى ويتكلم باسلوب قاسى
يرجى الرد يبقى فى اطار الموضوع وعدم التجريح فى صاحب الموضوع او فى احد
ارجو الكلام يكون وصل الرد يكون على سياق الموضوع ولا يسمح بالخروج عن النص او تجريح احد
وصاحب الموضوع جاب المستند عشان يكون فى مصداقية للخبر ارجو الالتزام بالقوانين وبنود المنتدى
لكم جزيل الشكر لا تعليق على كل ما بدر من كل الاعضاء
وارجو من ام شاهدة ومشرف القسم الاطلاع على ردود الاعضاء والمراجعة

josephmorris

04-08-2011, 05:10 PM

حرام عليكى يا شيخة من تتبع عورات الناس فضحه الله ولو فى جوف بيته

أحـــــــم .. هى فين عورات الناس دى !!

كل ده علشان حد شاف مشكله وبيعرضها ... طيب هو المفروض لما حد يشوف مشكله ... ميقولهاش يعنى ؟؟

ولو قالها من غير دليل هنقول عليه بيكذب !!

يا سلام ع الشعب المصرى !!!!

Dr.mahmoud ragab

04-08-2011, 06:22 PM

أحـــــــم .. هى فين عورات الناس دى !!

كل ده علشان حد شاف مشكله وبيعرضها ... طيب هو المفروض لما حد يشوف مشكله ... ميقولهاش يعنى ؟؟

ولو قالها من غير دليل هنقول عليه بيكذب !!

يا سلام ع الشعب المصرى !!!!

انا دى سوال واحد هى البنت الى انتو عارضينها دلوقتى وبتقطعوا فيها تكون موافقة على انكم تعرضوها كدهيا ناس حرام عليكو وعلى فكره انا ولد مش بنت

اسف على الاحلام

04-08-2011, 07:56 PM

يا جماعة ارجو من مشرف القسم او المراقب يدخل يشوف اية الوضع

حفيدة(عائشة) رضى الله عنها

04-08-2011, 10:04 PM

السلام عليكم ورحمة الله
اولا رمضان كريم كل عام انتم بخير
سارة ما تقصدش شخص البنت لان البنت مالهاش ذنب ودى حاجة مش بارادتها
يعنى هى ما زورتش ورق او بيانات علشان تدخل الكلية يمكن ربنا اراد ليها الكلية دى وسبحان الله الكمبيوتر غلط
الكمال لله وحده
سارة حبت تقدم دليل مش اكتر ويا ريت اللى ينقد يبقى بطريقة احستشوية علشان محدش
يزعل ده كلام موجه لكل واحد تعليقه يضايق
اما الموجه لسارة كان ممكن تكتبى رقم الجلوس بس واللى عاوز يتأكد يدخل ع موقع الاستاذ
اتمنى قبول النصيحة بصدر رحب والسلام عليكم

soley93

05-08-2011, 02:01 AM

ياريت كل واحد يبص لنفسه ومصلحته ويبطل يبص على غيره عشان ربنا يكرمه
وبدل م يضيع وقت فى الكلام الفارغ ده يبص لمصلحته
لان لما ربنا يكون رايد الخير لحد محدش يقدر يتكلم

كلام مظبوط جدا

سارةالنودى

05-08-2011, 02:46 PM

سارةالنودى

05-08-2011, 02:58 PM

لحظة علشان انا اتخنقت من الكلام دا والله لو كنت حطيت موضوع تاني غير دا ما كنت لقيت الردود دي كلها ولا الخلاف دا كلة اشوفكم كدا متجمعين عند النبي بالاعداد دي كلها

طبعا المصرين احسن ناس تتكلم ومعندهاش حل جذري ولا حتي سطحي مسكتم في الفروع وتركتم الاساس ودا دائما الي يخلينا نقع في المصيبة وبعد كدا نقول ليه حصل كدا؟؟؟؟؟؟؟ يعني هو لازم توقع وبعد كدا تفكر كل واحد وتصرفه (( يعني احنا ما كنا بعيد عن الوضع الي فيه البنت وغيرها ......))
نقطة تانية احب اقولها انا لا اسمح لاي شخص بتجاوز الحدود والخروج عن النطاق المسموح به مش عشان حاجة ولكن لان احنا متعودين في المنتدي علي الحوار البناء وليس المبني علي التعصب الي مش عاجبه الكلام مايردش زي ما كتير عمله كدا وانا احترم وجهت نظرهم واحترم وجهة النظر الرافضة للموضوع وليس طريقة العرض والي عنده حاجة يقولها ما يبعتهاش علي الرسائل الخاصة بعد اذنكم .
وشكرا

داليا 123

05-08-2011, 04:26 PM

مكن تكون عندها تفوق رياضي او مركز علي الجمهورية في اي رياضة
وبعدين دي مش غلتطه علشان تكتبي اسمها

palscorbion

05-08-2011, 04:32 PM

هو الاسم ده ايه المشكلة فيه

هى كاتبة اسمها وبتقول عليها حاجة وحشة !!!!!!!!!!!!!!!!!!!!!!!!!!!!!!!!!!!!!!!

ماتسيبكوا بقى من الحوارات دى بتاعت الاسم وتركزوا فى الموضوع

the spider mido

05-08-2011, 04:45 PM

انتو نسيتو المشكله الاساسيه والرئيسيه وافتكستوا مشاكا من صنعكوا
يعني من الاخر انتوا عايزين تعملوا مشكله من فراغ

Mohamed Zidan91

05-08-2011, 06:03 PM

بالنسبة للى بيتكلم حلال ولا حرام يا ريت يقرا الآية دى

لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعاً عَلِيماً [النساء : 148]

إلااااااااااا من ظلم يا جماعة
وده ظلم بين
أدعوكم إلى التفقه فى دينكم ولو قليل القليل
أثابكم الله لحرصكم على ألا تغتاب أختكم زينب
ويا ريت يا أخت سارة نودى تحطى الآية دى فى أول الموضوع عشان الناس يعرفوا
ربنا يكرمك لأنك بتسعى لإظهار الحق

سارةالنودى

05-08-2011, 10:28 PM

هو الاسم ده ايه المشكلة فيه

هى كاتبة اسمها وبتقول عليها حاجة وحشة !!!!!!!!!!!!!!!!!!!!!!!!!!!!!!!!!!!!!!!

ماتسيبكوا بقى من الحوارات دى بتاعت الاسم وتركزوا فى الموضوع

انتو نسيتو المشكله الاساسيه والرئيسيه وافتكستوا مشاكا من صنعكوا
يعني من الاخر انتوا عايزين تعملوا مشكله من فراغ

بالنسبة للى بيتكلم حلال ولا حرام يا ريت يقرا الآية دى

لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعاً عَلِيماً [النساء : 148]

إلااااااااااا من ظلم يا جماعة
وده ظلم بين
أدعوكم إلى التفقه فى دينكم ولو قليل القليل
أثابكم الله لحرصكم على ألا تغتاب أختكم زينب
ويا ريت يا أخت سارة نودى تحطى الآية دى فى أول الموضوع عشان الناس يعرفوا
ربنا يكرمك لأنك بتسعى لإظهار الحق

جزاكم الله خيرا مرور كريم

السيد السيد حسن

06-08-2011, 12:19 AM

التوأم المتشابه

06-08-2011, 12:54 AM

اولا السلام عليكم ورحمة الله وبركاته
ان مش عارفة انتوا ليه عملتوا موضوع من مافيش
خلاص اللى حصل حصل وقدر الله وما شاء فعل والحمد لله على كل حال
من ناحية ان سارة كتبت اسم البنت فهى قالت ان فكرة تكتكب رقم جلوسها ما خطرتش على بالها
خلاص وبعدين بالأسلوب ده هتخلوا الواحد ولا يقول مشكلة ولا غيره
المهم دلوقتى رمضان وان احنا ان شاء الله نقدر نستنفع بيه اعاده الله علينا وعلى الأمة الاسلامية بالخير واليمن والبركات
والسلام عليكم ورحمة الله وبركاته

josephmorris

06-08-2011, 01:38 AM

انا دى سوال واحد هى البنت الى انتو عارضينها دلوقتى وبتقطعوا فيها تكون موافقة على انكم تعرضوها كدهيا ناس حرام عليكو وعلى فكره انا ولد مش بنت

البنت اللى احنا عارضينها وبنقطع فيها !!!!!
انت عايز تعمل مشكله من أى حاجه
فين اللى بنقطع فيها دى انا مليش علاقه بالموضوع اساسا انا بس استفزتنى الردود
يابنى هو اسمها ماله هو حد عارف هوية البنت دى أصلا .... !!!!!!!!!!
ده مجرد مثال !!
شايف سيبنا المشكله الاساسيه وفضلنا نتكلم فى حاجات فارغه
ويارب ما يبقى ده نظامنا الفتره اللى جايه !!!

بأمانه موضوع يضحك .. وميستاهلش الكلام اللى احنا بنقوله ده

سارةالنودى

06-08-2011, 04:09 PM

السلام عليكم ورحمه الله وبركاته

اولا رمضان كريم عليكم جمميعا

ثانيا انا بنت مش ولد ولكن الاكونت بتاعى باسم ولدى

ثالثا والاهم موضوعك ياساره مهم جدا والغريب والعجيب اللى انا مش قادره استوعبه ازاى الاعضاء سايبين المشكله الاساسيه وماسكين فى الفروع بجد شئ غريب جدااااااااااااااا

ومش فاهمه ايه العوره فى انها تكتب الاسم امال لوحطيت صورتها كنتم هتعملوا ايه

الاهم اننا نعرف الحقيقه فين ولو فعلا البنت دى قبلت ياريت تفهمنا ايه اللى بيحصل ده يمكن بتلعب رياضه ما فبيزودا المجموع بدون اضافه على المجموع الاساسى الله واعلم

رابعا لاداعى اطلاقااااااااااااااااااااااااااااا لهذا التعصب والكلام الغير لائق الذى يقال لانه فى الاول فى الاخر هيه عارضه مشكله ما ياتقبل ياترفض ولكن باسلوب مهذذذذذذذذذذذب وجزاكى الله خيرا ياساره وياريت لو عرفتى حاجه عن الموضوع ده تقوليلنا عشان نفهم بردوا وكل سنه وانتى طيبه

اكيد انشاء الله

اولا السلام عليكم ورحمة الله وبركاته
ان مش عارفة انتوا ليه عملتوا موضوع من مافيش
خلاص اللى حصل حصل وقدر الله وما شاء فعل والحمد لله على كل حال
من ناحية ان سارة كتبت اسم البنت فهى قالت ان فكرة تكتكب رقم جلوسها ما خطرتش على بالها
خلاص وبعدين بالأسلوب ده هتخلوا الواحد ولا يقول مشكلة ولا غيره
المهم دلوقتى رمضان وان احنا ان شاء الله نقدر نستنفع بيه اعاده الله علينا وعلى الأمة الاسلامية بالخير واليمن والبركات
والسلام عليكم ورحمة الله وبركاته

البنت اللى احنا عارضينها وبنقطع فيها !!!!!
انت عايز تعمل مشكله من أى حاجه
فين اللى بنقطع فيها دى انا مليش علاقه بالموضوع اساسا انا بس استفزتنى الردود
يابنى هو اسمها ماله هو حد عارف هوية البنت دى أصلا .... !!!!!!!!!!
ده مجرد مثال !!
شايف سيبنا المشكله الاساسيه وفضلنا نتكلم فى حاجات فارغه
ويارب ما يبقى ده نظامنا الفتره اللى جايه !!!

بأمانه موضوع يضحك .. وميستاهلش الكلام اللى احنا بنقوله ده

جزاكم الله خيرا

Eng.Ahmed Hagag

06-08-2011, 04:21 PM

أقسم بالله شعب متخلف ساب المشكلة وبيقولها حرام تحطي اسم البنت أنتم اللي جايبنا الارض يا متخلفين فاكروا بقى شوية وشكرا يا سارة على عرض المشكلة ويا ريت نشوف حال للظلم ده مش معقول واحد ياخد حق واحد تاني مش ده ظلم !!

Dr.mahmoud ragab

06-08-2011, 04:42 PM

متزعلوش يا جماعة اصلى انا حطيت نفسى مكانها ومرضيتش على نفسى انى اطلع بالصورة دى:(

Eng.Ahmed Hagag

06-08-2011, 05:01 PM

متزعلوش يا جماعة اصلى انا حطيت نفسى مكانها ومرضيتش على نفسى انى اطلع بالصورة دى:(
مع احترامي ليكي بس هي متستحقش تدخل الكلية ده وخدت حق واحد تاني
ترضي على نفسك تتحطي في الموقف التاني ده بقى إن واحد ياخد حقك
حُطي نفسك فالموقف ده وردي عليَّ ؟

soley93

06-08-2011, 05:01 PM

Mohamed Zidan91

06-08-2011, 05:10 PM

يا جماااااااااااعة السؤال دلوقتى
إيه الحل فى المشكلة دى..؟؟
فى طريقة نوصل بيها المشكلة دى للوزارة..؟؟
ويا ريت تنخطى نقطة أسم البنت دى لأنها طولت وزى ما قلت

لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعاً عَلِيماً [النساء : 148]

إلااااااااااا من ظلم

soley93

06-08-2011, 05:11 PM

Mohamed Zidan91 (http://www.thanwya.com/vb/member.php?u=560058)
------------------------------------------
انا رأيي احسن حل اللجوء للقضاء

eng/eslam

06-08-2011, 05:26 PM

مينفعش اللي بيقول شعب مصر متخلف ايه يا اخ لو شعب مصر متخلف يبقي انت متخلف وانا مسمحش منك تقول علينا متخلفين لو عاوز تقول علي نفسك متخلف يبقي متعممش اوووك

eng/eslam

06-08-2011, 05:31 PM

وبالنسبه للاخت صاحبه الموضوع انت ترضي حد يحط بياناتك كده؟
وعلي فكره انا مادتش تصريح لموقع الاستاذ بنشر بياناتي وممكن ارفع عليهم قضيه واكسبها بسهوله

heshammmmm

06-08-2011, 07:37 PM

بصوا يجماعه بمنتهي البساطه كده ربنا مش بيظلم حد يمكن هي ذاكرت كويس واتظلمت في التصحيح وربنا عمي الكومبيوتر عنها عشان ربنا يديها حقها فمحدش يفكر ولو للحظه انه اتظلم وغيره خد حقه واللي تعب ومدخلش الكليه اللي هو عايزها بس شرط انه يكون تعب فيقينا هتكون الكليه البديله خير وربنا ذهب عنه شر ورمضان كريم علينا كلنا

soley93

06-08-2011, 08:19 PM

heshammmmm (http://www.thanwya.com/vb/member.php?u=557387)
----------------------------------------
وجهة نظرك تحترم وبشدة

Touty Potter

06-08-2011, 09:37 PM

بسسسسسسسسسسسسسس
كفااااااااااااااااااااااااااااااية
لحظة صمت بقي
اهدوا شوية حرام عليكم
انا تعبت من مجرد قراية التعليقات

هقول رأيي في صورة نقط
عشان يبقي فيه شوية تنظيم
لأن حقيقي الفوضي اللي الناس
بترد بيها دي متعبة بجد

سارة ماغلطتش انها طرحت الموضوع
وحطت عليه دليل لأنها لو ماكانتش عملت كده
كان الكل قالها وفين دليلك ولا انتي كدابة

كل الموضوع ان ماجاش علي بالها انها تحط
رقم الجلوس واللي عايز يدور يدور
وانا نفسي ماكنتش هفكر في الفكرة دي
رغم اني متأكدة ان فيه ناس برضه هتطلع وتقول
حرام عليكم تحطوا رقم الجلوس بتاع البنت

فرقت ايه بنت من ولد يعني
لو كانت جابت اسم ولد كان بقي عادي؟

سارة ما بتتكلمش عن شخص البنت
هي فعلا بتتكلم علي مثال
والمثال مابيطرحش البنت نفسها
هو بيطرح غلطة الكومبيوتر عملها
يعني مالهوش اي علاقة بالبنت اساسا

مش حاجة ظريفة ان اي حاجة ماتعجبش حد
يقوم قايل حرام وبتاع ويدخل الدين في الموضوع
لأن حتي اللي عملوا كده ردينا
عليهم برضه بالدين
لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعاً عَلِيماً [النساء : 148]
وبعدين ماتنسوش ان الحرام بعينه
تحريم حاجة مش حرام
فبلااااااااااااااااااااش فتي يا جماعة

مع كل احترامي يا هشام
احنا كده بنخترع قصص وحواديت
عشان نطلع سارة غلطانة
ونقول طيب ايش ضمنك ان الموضوع مش كده
مافيش حاجة طبعا بعيدة عن ربنا
بس برضه انا مش معاك بصراحة

اللي بيسألوا انتي ترضي تتحط بياناتك؟
ايه المشكلة يعني
ماحدش حط العنوان ولا رقم التليفون
ولا قال علي البنت كلام غلط
وبعدين المعلومات دي موجودة علي النت
كان ممكن اي حد فيكم يشوفها
ومعروضة علي الملأ
كون ان سارة قربت المعلومة
وجابتهالنا دي ماتتحسبش ضدها

اللي بيقول عورة ده بجد ضحكني جدا
اولا زي مانا قلت احنا مش بننقاش
حاجة تعيب في البنت بأي شكل من الاشكال
ثانيا ماجبناش صورتها يعني
ولا كتبنا عنها اي حاجة مشينة

التحفة اللي بيقول شعب مصر متخلف
شكرا لحضرتك كتير جدا جدا علي أدبك
واتفضل ارفع راسك لفوق لأن انت كمان مصري

احنا فعلا بنمسك في الفروع اللي مالهاش لازمة
ونسيب الفكرة الاصلية اللي بنتكلم عنها
ولا كأنها موجودة اصلا
يعني كل الحوار دلوقتي بقي علي حرام ولا لأ
اننا نحط اسم وبيانات البنت اللي هي اصلا
موجودة علي النت وممكن اي حد يشوفها
خلاص كلنا بقينا شيوخ ونقدر نحرم ونحلل

شوية هدوء بقي
عشان انا بدأت اتخنق
من الطريقة اللي الحوار
بدأ يتجه ليه بجد يعني
كفاية كده

soley93

06-08-2011, 10:27 PM

فعلا ياجماعة احنا زوداناها حبتين سواء بقصد او بدون قصد
وانا بدات موضوع البيانات ده
عموما حصل خير ياجماعة والموضوع مش مستاهل والبنت اصلامش هتعرف تخش الكلية لانها داخلة بخطأ فني

العضو Touty Potter (http://www.thanwya.com/vb/member.php?u=411543) انا بحييك بشدة لان كلامك جه في الوقت المناسب وكان عادل نوعا ما
واتمني الموضوع يخلص بالتوافق

Touty Potter

06-08-2011, 11:41 PM

Eng.Ahmed Hagag

07-08-2011, 01:12 AM

حاسب علي كلامك ياكابتن شعب مين الي متخلف اعتقد ان ردك بيوضح فين نقط التخلف في الحوار :blush:
أنا مش قصدي على شعب مصر أنا قصدي على طريقة الحوار بتاعتنا سبنا الاساس وروحنا نتكلم في تفاهات
وبعدين الاخ اللي بيقول ميمكن ذكرت بس ربنا موفهاهاش فانتيجة فوفقها فالتنسيق
يا راجل حرام عليك حُط نفسك مكان واحد جايب اكتر منها وهي خدت مكانه
بيتهيألي إن العدل إن الراجل ده هو اللي يدخل
أنا معتقدش إنها هتدخل الكلية أكيد هيعملوا فحص قبل متدخلها وكل واحد هياخد حقه
بس أنا معتقدش إنه خطأ كمبيوتر أكيد في حد عمل كده اصل الكمبيوتر بتقوله حاجة بيعملها ولا إيه ؟؟!!

Touty Potter

07-08-2011, 02:00 AM

أنا مش قصدي على شعب مصر أنا قصدي على طريقة الحوار بتاعتنا سبنا الاساس وروحنا نتكلم في تفاهات
وبعدين الاخ اللي بيقول ميمكن ذكرت بس ربنا موفهاهاش فانتيجة فوفقها فالتنسيق
يا راجل حرام عليك حُط نفسك مكان واحد جايب اكتر منها وهي خدت مكانه
بيتهيألي إن العدل إن الراجل ده هو اللي يدخل
أنا معتقدش إنها هتدخل الكلية أكيد هيعملوا فحص قبل متدخلها وكل واحد هياخد حقه
بس أنا معتقدش إنه خطأ كمبيوتر أكيد في حد عمل كده اصل الكمبيوتر بتقوله حاجة بيعملها ولا إيه ؟؟!!

ياااااااااااارب صبرني
بيشو الموضوع خلاص شبه اتقفل
مش هنقعد نفتحه تاني ونبرر ونتناقش
ودلوقتي انت بتحاول تعمل بلبلة من ولا حاجة
يعني ايه حد عمل كده؟؟؟؟؟؟؟
لو حد هيعمل كده هيعملها لـ 9000 طالب؟
ازاي يعني؟ وهتبقي مصلحته ايه؟
ولا تفتكر انه قبض منهم كلهم؟
ثانيا الكمبيوتر بتاع حضرتك عمره ما عطل؟
ما حصلش system failure
او حتي علي الاقل هنج يا اخي؟
ياريت نفكر قبل مانكتب بقي عشان كده كتير

وانا اسفة لو طريقة كلامي ممكن تضايق حد
بس انا بجد بدأت اتعصب من اللي بيحصل هنا

Eng.Ahmed Hagag

07-08-2011, 02:11 AM

ياااااااااااارب صبرني
بيشو الموضوع خلاص شبه اتقفل
مش هنقعد نفتحه تاني ونبرر ونتناقش
ودلوقتي انت بتحاول تعمل بلبلة من ولا حاجة
يعني ايه حد عمل كده؟؟؟؟؟؟؟
لو حد هيعمل كده هيعملها لـ 9000 طالب؟
ازاي يعني؟ وهتبقي مصلحته ايه؟
ولا تفتكر انه قبض منهم كلهم؟
ثانيا الكمبيوتر بتاع حضرتك عمره ما عطل؟
ما حصلش system failure
او حتي علي الاقل هنج يا اخي؟
ياريت نفكر قبل مانكتب بقي عشان كده كتير

وانا اسفة لو طريقة كلامي ممكن تضايق حد
بس انا بجد بدأت اتعصب من اللي بيحصل هنا

مع احترامي لحضرتك أنا كنت برد على الناس اللي بيتكلموا عليَّ
وبعدين تهنيج الكمبيوتر لا يعني إنه يحسب غلط يعني يكون بطيء ولكن ميحسبش خطأ

سارةالنودى

07-08-2011, 11:55 PM

طبعا انا مصدومة من كمية الردود دي واكيد انا بأيد كتير منها والحمد لله انا مش بفكر تفكير من كوكب تاني بل علي العكس المؤيد اكثر من المعارض ولله الحمد وفكرتي واضحة واحب اشكر الاعضاء الي واخدة الموضوع ببساطة ومش متعصبة في رأيها او شخصيات ناقدة ولا تقبل النقد ودا اسوء شئ
انا اسفة ولكن انا فعلا ما اقدرش ارد علي كمية الردود دي علي الرغم انها بينت عقليات منيرة جدا وناس راقيه عقليا واخلاقيا واشكر
kingdomofbeauty (http://www.thanwya.com/vb/member.php?u=306627) علي الرغم الاختلاف في وجهات النظر
Touty Potter (http://www.thanwya.com/vb/member.php?u=411543) فعلا كلام حكيم وبجد بعد كلام حضرتك ما فيش كلااااام

pure soul (http://www.thanwya.com/vb/member.php?u=316805)

medo_messi30 (http://www.thanwya.com/vb/member.php?u=164044) اسف على الاحلام (http://www.thanwya.com/vb/member.php?u=550565)

طبعا واعضاء كتييييير بأشكركم جدا علي الحوار البناء

(http://www.thanwya.com/vb/member.php?u=550565)