انا محتارة ما بين 3 كليات :(


انا علمى رياضة جتلى هندسة المطرية فى التنسيق لكن مكانها بعيد عنى يعنى ساعتين مواصلات :giljotiiniug3:
ومش عارفة اذا كانت كويسة ولا لأ

ولو قررت انى ادخل هندسة خاص قدامى جامعة 6 اكتوبر وجامعة مصر للعلوم والتكنولوجيا مع العلم ان جامعة مصر جمب بيتى لكن سمعت ان مستواها الدراسى مش حلو مش عارفة صح ولا لأ ومش عارفة اعمل ايه




ياريت حد يفيدنى ياجماعة :friendsxs3: ومعلش اذا كنت طولت عليكو

لأ بالعكس جامعة مصر للعلوم والتكنولوجيا كويسه جدا جدا يعني المستوي التعليمي في الجامعتين كويس . .
والبعدين حضرتك بتقولي إن جامعة مصر جمب بيتكم . . معني كده إن حضرتك ساكنه في الحي المتميز (ماشاء اللـــــــــه)
أه نسيت أقلك حاجه المسافه بين الجامعتين صغيره جدا يعني لو حضرتك حابه 6 أكتوبر ممكن تروحيها عادي دي مس بعيده عنك خااااالص !

شكرا للرد فعلا بيقولوا مستوى الجامعتين كويسين
لكن ناس كتير بيقولوا ان هندسة المطرية احسن لأنها حكومى

انا رأيي انك تروحي اقرب حاجة ليكي وبلاش بهدلة

لا لا لا الخاص كمان كويس مش وحش ونفس الشهاده . . بل دول كمان في الخاص بيوفروا فرص عمل أكتر .

بس بصراحه نصيحه اخويه خليكى فى بنها على الاقل اسمها حكومى واوفر فى المصاريف وبعدين بصراحه يعنى اكتوبر بتقبل من 68 % يعنى حرام تتساوى بيهم
ولو مش عايزه عادى ممكن تبدلى معايا انا ان شاء الله رايح الشروق