أعلن الدكتور حازم الببلاوى نائب رئيس الوزراء للشئون الاقتصادية ووزير المالية، انتهاء وزارتى المالية والتربية والتعليم من تدبير المبالغ المالية اللازمة لتمويل حافز الأداء للمعلمين، والذى يبدأ صرفه قريبا، بحيث يتم منح حافز أداء بنسبة 75% من الأجر الأساسى للمعلم المساعد ، و50% للمعلم، و25% للمعلم الأول والمعلم الأول (أ) وللخبير ولكبير المعلمين.

وأوضح الببلاوى فى بيان له اليوم الأربعاء، حرص الحكومة على تحسين دخول العاملين بقطاع التعليم، لما يمثله من أهمية ودور كبير فى تنمية الثروة البشرية لمصر، مشيرا إلى تفعيل المادة 85 من القانون 155 لسنة 2007، والتى تعطى رئيس الوزراء الحق فى منح المعلمين حوافز أداء.

وأوضح الوزير إن الحكومة حريصة على زيادة دخل كل العاملين بالقطاع التعليمي، مع منح الأفضلية لشباب المعلمين، وذلك لتقليل الفوارق فى الدخول بين العاملين بالمجال التعليمى.
وأضاف الببلاوى أن هذه الحوافز ستبلغ تكلفتها نحو 1.468 مليار جنيه سنويا، وهى تمول ذاتيا ودون إضافة أية أعباء على الموازنة العامة الجديدة، فى إطار جهود وزارة المالية للسيطرة على عجز الموازنة والدين العام.

وقال الوزير إنه بالنسبة للإداريين بوزارة التربية والتعليم، فسوف يستفيدون من قرار رفع حافز الإثابة والذى تضمنته الموازنة العامة الجديدة، حيث سيتم رفع حافز إثابة نحو 570 ألف إدارى هم إجمالى عدد الإداريين بالتربية والتعليم، والذين سترتفع نسبة حوافزهم الشهرية من 110% إلى 200%.

مشكور لنقل الخبر اخى الفاضل

يا جماعة الحل هو الاضراب عن العمل و لو حد قالى مصلحة البلد ها قولوا شوف الاطباء بيسيبو المرضى و بيعملوا اضراب عشان الفلوس.انا شخصيا لو فى اعتصام كبير فى القاهرة انا هاجى من اسيوط ومعاكم.و لو ما حدش عمل اضراب المرة دى انسوا يا معلمين اى حق ليكم تانى

السلام عليكم يجب على الجميع الاعداد للاضراب عن العمل ويكون الاضراب مفتوح كيف يصبح اجر العامل اكبر من اجر
المعلم ارجو من الجميع تكوين مجموعات فى كل محافظة
انا من البحيرة ياريت الكل يتكاتف هذه المرة وليكن عن طريق الهاتف الكل يدخل ويترك رقم تلفونه

يا جماعة هما هيصرفوا مرتب شهر 8 بالنسبة للمعلمين الجدد فى المنيا على اساس اية على المرتب القديم ولا الجديد انا محمود من المنيا

الاضراب هو الحل

يا جماعة بعد إذنكم لازم نكون كلنا ايد واحدة وكفايا كلام ووالله مفيش سلبية بعد النهاردة ويا ريت ننسق مع بعض

كونوا جميعاً يا بنى إذا اعترى خطب ولا تتفرقوا آحادا
تأبى الرماح إذا اجتمعن تكسراً وإذا افترقن تكسرت أفرادا

ياريت بقى المرة دى نبقى جاديين الاضراب عن امتحانات الثانوية العامة الدور التانى اللى هيبدا السبت6/8/2011 والاضراب عن اعمال التصحيح ومحدش يقول اية ذنب الطلبه زى ما حصل فى الدور الاول وانضحك علينا لما قالوا هيطبقوا علينا الحد الادنى وطلع الموضوع فشنك وضحك على الدقون احنا مش صغيرين نضحك علينا

حرام عليك ياوزير التعليم شعرنا شاب ومش عرفين نعيش الله يخرب بيتكم زى ماتخرب بيوتنا

هنفضل ساكتين عن حقنا لامتى احنا مش اقل من الاطباء ولا الضرائب ولا غيرها من الهيئات مفيش غير الاضراب حتى ناخذ حقوقنا

يا جماعة الحل هو الاضراب عن العمل و لو حد قالى مصلحة البلد ها قولوا شوف الاطباء بيسيبو المرضى و بيعملوا اضراب عشان الفلوس.انا شخصيا لو فى اعتصام كبير فى القاهرة انا هاجى من اسيوط ومعاكم.و لو ما حدش عمل اضراب المرة دى انسوا يا معلمين اى حق ليكم تانى

والله معاك حق

حسبى الله ونعم الوكيل

الله عليك يا حبيب والديك أيه يا عم يا ببلاوى الجمال والحلوة دى إيه العظمة دى أنا مبسوط خالص مش عشان إنى إحنا أتظلمنا فى الحد الأدنى لكن أنا مبسوط أننا ممكن تلوقتى أضرب المدير بتاعنا

بحث مجلس الوزراء في اجتماعه الخميس برئاسة الدكتور عصام شرف رئيس المجلس الإجراءات التى اتخذتها وزارة المالية لصرف حوافز الإثابة الاضافى للعاملين بالدولة.
كما ناقش المجلس عددا من السياسات العامة وبرامج الحكومة، ومنها استعراض الوضعين الأمنى والاقتصادى وكذلك الموقف الخارجى.
وبحث المجلس كذلك خطط وبرامج الحكومة خلال المرحلة القادمة ومن بينها برنامج التنمية السياسية والتحول الديمقراطى.
كما سيتم تناول إجراءات وزارة المالية لتوفير السلع التموينية ، وتحسين الأوضاع المالية للمعلمين وسداد مستحقات المقاولين والموردين، إضافة إلى موضوعات أخرى من بينها استعراض الموقف من تنفيذ قرارات لجنة الأزمة فى اجتماعها يوم 25 يوليو الماضى، وتعديل قانون المرور لسنة 2008.


المصدر موقع اجى نيوز