طبعا كلنا عرفنا مسألة إعادة توزيع من سيعين بالقرار 244 ..
عشان كدا يوم الأحد القادم إن شاء الله ( 7 / 8 / 2011 ) ستتوجه مجموعة من معلمى فاقوس .. مادة اللغة العربية .. إلى المديرية والمحافظ لتوضيح رفضنا التام لهذا القرار الظالم ..
معلمو فاقوس - على سبيل المثال - تقرر أن ينقلوا إلى الحسينية .. وجاءتنى معلومات أكيدة عن موجه أول مادة اللغة العربية بالحسينية أن جميعنا سوف يستلم التعيين بصان الحجر ..
ودا معناه طبعا بهدلة لينا بعد السنين الطويلة اللى قضيناها متعاقدين فى مدارس فاقوس من شرقها لغربها .
اللى ناوى ينضم إلينا من سائر المواد وسائر الإدارات يا ريت يوضح دا فى تعليق يرفع معنوياتنا ..
وشكرا .

مافيش ولا رد واحد ؟؟ إيه الهمة دى كلها ؟؟

اللى من فاقوس بقا يرد :)

نحن من ديرب نجم ومعاكم

اللى من فاقوس بقا يرد :)

حضرتك لازم تعرف إن قرار إعادة التوزيع دا مش هيقع على معلمى فاقوس فقط ، بل سبقع على جميع المعلمين فى جميع الإدارات .. ودا طبعا حسب العجز والزيادة فى مختلف المواد ..
وأنا أعطيت معلمى فاقوس على سبيل المثال وليس الحصر..
يعنى مبدأ إعادة التوزيع موجود .. واحنا بنسعى للقضاء على هذا المبدأ .. [/size]

فعلا دى مصيبه والموضوع ده لكل اللى نجحو فى 4/1 ولكل التخصصات انا فى شرق وعرفت اننا برضو هننتقل الى ادارات تانيه ربنا يستر

انا معاكم

هى ناقصة التوجية تانى احنا تعبنا معاهم من اول ما اشتغانى

فعلا دى مصيبه والموضوع ده لكل اللى نجحو فى 4/1 ولكل التخصصات انا فى شرق وعرفت اننا برضو هننتقل الى ادارات تانيه ربنا يستر

انا معاكم

عظيم جدا ..
بس بالإضافة إلى الكلام الشفهى مع المحافظ لازم نبعت فاكسات للوزير ، ونحضر مذكرات للمحافظ نقدمهاله يوم الأحد إن شاء الله ..
يا ريت كل معلم يحضر مذكر محترمة يوقع عليها أكبر عدد من المعلمين فى نفس مادته ، المذكرة دى يذكر فيها انه قام بسد العجز فى إدارته لعدد كبير من السنوات ، وإن نقله إلى إدارة أخرى يهدد استقراره الأسرى .. ومن حقه إن يتثبت فى نفس إدارته ..
ونتقابل يوم الأحد إن شاء الله الساعة التاسعة عند المحافظة ..

لازم كلنا نتحرك يا جماعة اشمعنى احنا اللى بيعملوا معانا كدة لابد من التحرك الفورى

........................

يا جماعة انا كنت بعت فاكس للوزير وللمحافظ من حوالى أسبوع حول موضوع إعادة التوزيع ..
وزمايل لى بعتوا بردو .. وسمعت إن المحافظ القديم اهتم بالأمر ..
وأنا هحط صيغة الفاكس .. يا ريت كل معلم يكتبها على هيئة مذكرة ، ويوقع عليها عدد من زمايله ، ونقدمها للمحافظ الجديد يوم الأحد إن شاء الله .. فأرجو الاهتمام .. ولا يضيع حق وراءه مطالب ..
وإليكم صيغة المذكرة ..

بسم الله الرحمن الرحيم

السيد المحترم / الوزير أو المحافظ ..
تحية طيبة وبعد ..
فمقدمه لسيادتكم / معلمو ................. عاملون بالمرحلة الإعدادية بإدارة .................
صدر قرار معاليكم رقم ( 244 ) الخاص بتعيين المعلمين المساعدين بوظيفة معلم ممن اجتازوا اختبارات الكادر التى عقدت فى يوم 1/4/ 2011 .
ونحن – المعلمين – قد حصلنا بالفعل على شهادة الصلاحية من الأكاديمية لمزاولة التعليم بالمرحلة الإعدادية ، وذلك بعد أن أمضينا أكثر من ست سنوات فى العمل كمعلمين مساعدين لسد العجز بإدارة ...............
إلا أننا علمنا باعتزام مديرية التربية والتعليم على الزامنا بتنفيذ قرار التعيين فى إدارات أخرى غير إدارة ................. التى عملنا بها متعاقدين لسد العجز لأكثر من ست سنوات ، وهو ما يهدد استقرارنا الأسرى .
كما نفيدكم علما أن زملاءنا السابقين الذين عينوا بالقرار الوزارى رقم ( 53 ) الصادر بتاريخ 14/2/2011 ، قد قاموا بتنفيذ قرار التعيين فى نفس المدارس التى يباشرون بها العمل منذ كانوا معلمين متعاقدين.
وبناء على ما سبق نرجو من سيادتكم سرعة التحقيق فى تلك المسألة ، نظرا لما تمثله من تهديد واضح لاستقرارنا الأسرى ، كما نطالب بتنفيذ قرار التعيين رقم ( 244 ) فى نفس الإدارات التى نباشر بها العمل حاليا أسوة بزملائنا السابقين.
ولسيادتكم خالص الشكر ،
مقدمه بالنيابة عن المعلمين بإدارة ............. :
مسلسل الاسم المدرسة الرقم القومى التوقيع
1
2
3
4
5

المفروض تبقى المذكرة عامة ولا نحدد ادارة بعينها

المفروض تبقى المذكرة عامة ولا نحدد ادارة بعينها

الهدف إنها تكون أكتر من مزكرة .. عشان المحافظ يتأكد إن الشكوى هنا عامة .. زى قضية رأى عام .. ومش مجرد شكوى واحدة فردية .. وصدقونى إذا كان الضغط مننا كبير أكيد المحافظ الجديد هيعمل حاجة إن شاء الله ..

أتمنى من الجميع الانضمام والمشاركة فى جروب

http://www.facebook.com/#!/groups/128732913864265/?id=173678412703048&notif_t=like

بيقولوا المحافظ الجديد راجل محترم .. وهو على العموم رجل جامعى ودى بشرة خير ..
ربنا يسهل .. وماتنسوش موعدنا غدا إن شاء الله

يا اساتذه ده توزيع لسد العجز تظرا لوجود زياده في بغض الادرات وعجز في اداره اخري

ربنا يسترها..................احنا من ادارة بلبيس وكلنا معاكم

يا اساتذه ده توزيع لسد العجز تظرا لوجود زياده في بغض الادرات وعجز في اداره اخري

مع احترامى لكلام حضرتك .. أنا بقى كنت بعمل إيه السنين اللى فاتت دى كمتعاقد فى إدارتى ؟ مش كنت بسد عجز فيها بردو ؟؟
اشمعنى لما جيت أتعين اصبحت زيادة فى إدارتى ؟؟ الجواب بمنتهى البساطة : مش أنا الزيادة .. الزيادة حصلت فى مدرسى المرحلة الثانوية .. عشان كدا هما عايزين ييجوا على الغلابة اللى لسة مافرحوش بالتعيين ويمرمطونا تانى فى آخر الدنيا .. وينزلوا معلمى المرحلة الثانوية بدلا منا نحن ..
من هنا بقى من حقنا نسأل : إيه اللى خلى الزيادة فى المرحلة الثانوية تحصل من الإساس ؟ وليه احنا اللى نتعاقب بسببها ؟
وإذا كانت الإدارة فيها زيادة طب ليه اتعاقدوا معنا من البداية ؟
والإدارة اللى فيها عجز ليه ماطلبتش متعاقدين أيام هوجة التعاقدات ؟؟ وليه بتسمح للانتقال منها مادام فيها عحز ؟؟

لما يتنفذ قرار التعيين الاول يا جماعة ما تسبقوش الاحداث وبعدها ربنا يسهل بعد كدة دة الكلام اللى هتسمعوة من اى حد فى المحافظة انا ليا زمايل لينا سمعوا الكلام دة الصبر شوية لما نشوف اية اللى هيتم وربنا يوفقنا جميعا http://www.thanwya.com/vb/life/icons/star.gif

وانا وزملائى معاكو كمان بكرة ان شاء الله عند المحافظ
علشان نضع حد للموضوع ده
ربنا يسترها ان شاء الله ويعمل اللى فيه الخير

وانا وزملائى معاكو كمان بكرة ان شاء الله عند المحافظ
علشان نضع حد للموضوع ده
ربنا يسترها ان شاء الله ويعمل اللى فيه الخير


المحافظ بكرة هيحلف اليمين امام المشير طنطاوى

المحافظ بكرة هيحلف اليمين امام المشير طنطاوى


لو مش لقينا المحافظ نتوجه إن شاء الله إلى وكيل الوزارة عشان نشوف نرد فعله .. ونعلمه رفضنا جميعا لهذا الأمر ..
والله المعين