السلام عليكم
رمضان كريم

{ضاعت كل أحلامى فى مسلسل أوهامى !!!}

اه عنوان غريب شويه لكن حقيقى جدآ

اوهام اوهام
=
احلام احلام

بتدمر حياتنا
وفى النهايه بنقول خيرها فى غيرها
طيب ليه خيرها مش يبقى فيها !

ماحدش فاهم حاجه طبعآ
ابسطهالكم

>>1<<

دلوقتى مثلآ عندنا طالب ثانويه
حلم حياته يكون دكتور
وهو اصلا مش بيحب المواد العلميه
بس صمم يدخل علمى علشان يحقق حلمه ويبقى دكتور
ونيجى نقابل الاخ اخر السنه
عملت ايه
55%بس والحمد لله
يدخلك ايه ده؟
ولا حاجه ، ما الاستاذ رسم حياته ومستقبله على طب
وهو اصلا مش يقدر على المواد العلميه
بس ده كان مجرد حلم
حتى محطتش له بديل
وبعدها طبعآ حياته ادمرت
ويدور بقى على اى ورشه يشتغل فيها ولا يدور بقى على اى نجار يشغله.
مع انه كان ممكن يدخل ادبى ويدخل كليه محترمة ويبقى انسان متفوق دراسيآ فكريآ
لكن احلامه دمرته
فى مسلسل من تأليف اوهامه
وانتاج احلامه

>>2<<

واحد متخرج من كليه ما
وعنده كذا فرصه عمل
وكلهم مناسبين
ده حط امله فى حاجه واحده
ورسم حياتها كلها عليها
ولما جه معاد التقديم ما قدمش ولا سأل فى اى مكان غير مكان واحد
ولما راح يقدم فيه على الشغل
لقه نفسه مش حيتقبل لان العدد اكتفى
طيب اروح فين واجى منين ؟
ما خلاص، هو رسم حياته فى مسلسل من تأليف اوهامه والحمد لله فشل
ودلوقتى طبعآ قاعد على القهوه
،،،،،،

الامثلة كتير
وغرضى اوضح لكم بس فكره موضوعى
موضوعى اليوم بيتكلم عن الاحلام بل الاوهام
اللى احنا بنرسمها ونعشها من غير تفكير
انا شايفه ان كلنا بنمر باوقات نرسم فيها احلامنا ونألف مسلسلات بيها وفى الاخر مش بتحصل
واحنا اللى بفسيتنآ بتدمر طبعآ
وكل ده علشان بصينا بنظره واحده
نظره الاحلام مع الاوهام

لكن لو بصينا بنظره الواقع اكيد ماكناش حنقول
ضاعت كل احلامى فى مسلسل اوهامى

ايه رأيكم فى المسلسل ده ، الكلام ده يعنى
كلامى صح ولا غلط ؟
احنا فعلا بنعمل مسلسلات فاشله من انتاج احلامنا وتأليف اوهامنا ؟
احنا فعلا حنفضل كده على طول
دايما نبص بنظره تشائم او نظره احلام واوهام ؟
حنفضل على طول مانبصش للواقع
حنفضل على طول نسمع الناس بتقول علينا هما دول المصريين ؟

اتمنى ان الموضوع يكون عجبكم
تحياتى ،،،

موضوع رائع
بصى بقى ياستى


اذكر نفسى كمثال
فأنا كنت بالثانوية العامة علمى رياضة بمدرسة يعمل فيها والدى مدرس رياضيات ثانوى
وطبعا كنت ناوية على هندسة
لكن شاء القدر ان سنة ثالثة ثانوى تخذلنى
ولقيت مجموعى جاب كلية تربية قسم رياضيات
طبعا كانت صدمة لكن والدى قالى حققى فيها اللى كان نفسك فيه
وفعلا عديت الاربع سنين بين تقديرات جيد وجيد جدا والتقدير النهائى جيد ولما اتخرجت كملت فيها برده دبلوم مهنية بتقدير جيد جدا
ثم دبلوم خاصة بتقدير جيد جدا ايضا بفضل الله
ثم تمهيدى ماجستير بتقدير جيد جدا برده
والمفروض انى بحضر رسالة الماجستير
وللعلم كل الدبلومات دى مش فى الرياضيات وهو مجالى العملى حيث انى الان مدرسة رياضيات
وانما فى المجال الذى عشقته من زمان وتمنيت انى اعمل فيه
الا وهو الصحة النفسية وذوى الاحتياجات الخاصة

من القصة الطويلة العريضة دى
حبيت بس اوضح انك مهما كان مجموعك
حقق هدفك فى اللى هيأهله لك مجموعك
مش شرط يكون مجموع عال


المهم انك تحقق اهدافك فى ضوء الواقع اللى اتفرض عليك وباديك انتا بس تخليه احلى واقع

شكرا على االموضوع الجميل ده دى والله حقيقة وبيحصل مع ناس كتير]

اهم حاجة ان الواحد يكون عارف قدر نفسه ويبنى عليه حلمه

فعلا كلامك صيحي و عاقل بس ممكن تكون انت رسمت حلمك بنظرتك و اوشكت تحقيقة و تحصل حاجة تانية هيا التدمر حلمك و حياتك و يبقي مسلل من تاليف احلامك و تدمير حظك ... زي واحد كدا اسمو أسامة نزل من كلية أقتصاد و علوم سياسية بدرجة واحدة بعد مذاكر كل دا
عادي بتحصل و كل دا في الاخر مكتوب و مقدر من ربنا
يسلموا الموضوع جميل

موضوع رائع
بصى بقى ياستى


اذكر نفسى كمثال
فأنا كنت بالثانوية العامة علمى رياضة بمدرسة يعمل فيها والدى مدرس رياضيات ثانوى
وطبعا كنت ناوية على هندسة
لكن شاء القدر ان سنة ثالثة ثانوى تخذلنى
ولقيت مجموعى جاب كلية تربية قسم رياضيات
طبعا كانت صدمة لكن والدى قالى حققى فيها اللى كان نفسك فيه
وفعلا عديت الاربع سنين بين تقديرات جيد وجيد جدا والتقدير النهائى جيد ولما اتخرجت كملت فيها برده دبلوم مهنية بتقدير جيد جدا
ثم دبلوم خاصة بتقدير جيد جدا ايضا بفضل الله
ثم تمهيدى ماجستير بتقدير جيد جدا برده
والمفروض انى بحضر رسالة الماجستير
وللعلم كل الدبلومات دى مش فى الرياضيات وهو مجالى العملى حيث انى الان مدرسة رياضيات
وانما فى المجال الذى عشقته من زمان وتمنيت انى اعمل فيه
الا وهو الصحة النفسية وذوى الاحتياجات الخاصة

من القصة الطويلة العريضة دى
حبيت بس اوضح انك مهما كان مجموعك
حقق هدفك فى اللى هيأهله لك مجموعك
مش شرط يكون مجموع عال


المهم انك تحقق اهدافك فى ضوء الواقع اللى اتفرض عليك وباديك انتا بس تخليه احلى واقع

كلام حضرتك كويس جدآ
بس ان المثل الاول بتاع طالب الثانويه مجرد مثال حيوى جه فى دماغى وانا بكتب
لكن طبعآ الامثلة الواقعية أكتر

جميل جدآ كل حاجه حضرتك قوتيها
لكن قلة اللى بتعمل زيك
الناس كلها لما حلمهم بيضيع
بيضيعوا معه
وده زى ما انت قولت فى الموضوع بسبب الاوهام

وده هدفى من الموضوع
اننا نبص لبكره بنظره واقعيه تحليلة
مش نظره احلام مختلطه باوهام

اشكرك على المرور الجميل
بجد نورتى،،

شكرا على االموضوع الجميل ده دى والله حقيقة وبيحصل مع ناس كتير]

اهم حاجة ان الواحد يكون عارف قدر نفسه ويبنى عليه حلمه


ياريت طبعآ نبص لبكره بنظره احسن من اللى بنشوف بيها ايامنـآ
شكرآ على المرور
نورتى،،

فعلا كلامك صيحي و عاقل بس ممكن تكون انت رسمت حلمك بنظرتك و اوشكت تحقيقة و تحصل حاجة تانية هيا التدمر حلمك و حياتك و يبقي مسلل من تاليف احلامك و تدمير حظك ... زي واحد كدا اسمو أسامة نزل من كلية أقتصاد و علوم سياسية بدرجة واحدة بعد مذاكر كل دا
عادي بتحصل و كل دا في الاخر مكتوب و مقدر من ربنا
يسلموا الموضوع جميل


طبعآ ماحدش يقدر يقول حاجه
وطبعآ لازم نقول " قل لن يصيبنآ الا ما كتب الله لنـآ "

بس لازم احنا كمان نرسم احلامنا بالمعقول
مش نرسمها بالخيال والاوهام
احنا لو سكتنا وقولنا ان ربنا كاتب لنا كل حاجه
نبقى سلبين
واحنا لازم نكون ايجابين
علشان احنا لينا دور فى مجتمعنا
وكل حاجه او قرار بناخده فى حياتنا بيأثر على المجتمع
قبل ما يأثر علينــآ

شكرآ على المرور
نورتى،،

الواحد مايزعلش لو مش اتحققت امنيته
مثلا لو كان عايز كلية من كليات القمة و مجموعــه مش جاب الكلية دى
ودخل كلية تانية , المفروض بقى مش يزعل ويضايق , لا ده يدخل الكلية اللى ربنا قدرها له
ويثبت نفسه فيها .... ده ممكن لو ذاكر واجتهد فيها يبقى دكتور أو معيد فى الكلية دى ويثبت فيها نفسه
وزى ما قلتى يا عزة الأمثلة كتير ...
وبعدين غلط ان الواحد يرسم حاجة فى دماغه ويرتب عليها كل احلامـه , هو المفروض نبقى لينا هدف بس يكون فى بديل...

احييكى على الموضوع يا عزة
جزاكى الله خيراً

ما شاء الله عليكـِ بجد يا عزة موضوعكـ هادف و جميل جداً بجد ..

و اللى بتتكلمى عليه بيحصل فعلاً ف اغلب الاوقات ( و ركزى على كلمة أغلب دى ) لانى اعرف ناس كتييير رسموا طريق لحلمهمـ و اجتهدوا و فعلاً حققوا حلمهـمـ ..

دا مش يمنع كلامكـ أكيد فى فئة كبيرة من الناس بتمشى على أحلامـ و هى مش قدها اساساً و لازمـ يفكروا الاول ف قدارتهمـ ..

انا من وجهة نظرى ان الحل الامثل ان اننا نقضى على المشكلة دى ان الواحد اول حاجة يفكر فيها يفكر ف قدراته و بعدين يحسب حلمه على قدراته دى ..

ربنا يساعدنا و يعينا على تحقيق احلامنا ..

بجد موضوع تحفة يا عزة يا حبيبتى :)

الواحد مايزعلش لو مش اتحققت امنيته
مثلا لو كان عايز كلية من كليات القمة و مجموعــه مش جاب الكلية دى
ودخل كلية تانية , المفروض بقى مش يزعل ويضايق , لا ده يدخل الكلية اللى ربنا قدرها له
ويثبت نفسه فيها .... ده ممكن لو ذاكر واجتهد فيها يبقى دكتور أو معيد فى الكلية دى ويثبت فيها نفسه
وزى ما قلتى يا عزة الأمثلة كتير ...
وبعدين غلط ان الواحد يرسم حاجة فى دماغه ويرتب عليها كل احلامـه , هو المفروض نبقى لينا هدف بس يكون فى بديل...

احييكى على الموضوع يا عزة
جزاكى الله خيراً




من وجهت نظرى
اننا دايما نكون عارفين اننا مش حناخد اكتر من نصبنا
اللى ربنا كتبه لينا
وطبعآ لازم نحط بدائل لاحلامنا
علشان مش ننهار
انا شفت بعينى انهيار طالب ثانويه عامه
بعد ما حلم حياته ضاع
وبعدها دخل كليه مش بيحبها وقعد فيها عمره كله وضيع شبابه فيها
اشكرك حبيبتى على المرور الجميل
جزانآ الله واياكى
نورتى،،،

ما شاء الله عليكـِ بجد يا عزة موضوعكـ هادف و جميل جداً بجد ..

و اللى بتتكلمى عليه بيحصل فعلاً ف اغلب الاوقات ( و ركزى على كلمة أغلب دى ) لانى اعرف ناس كتييير رسموا طريق لحلمهمـ و اجتهدوا و فعلاً حققوا حلمهـمـ ..

دا مش يمنع كلامكـ أكيد فى فئة كبيرة من الناس بتمشى على أحلامـ و هى مش قدها اساساً و لازمـ يفكروا الاول ف قدارتهمـ ..

انا من وجهة نظرى ان الحل الامثل ان اننا نقضى على المشكلة دى ان الواحد اول حاجة يفكر فيها يفكر ف قدراته و بعدين يحسب حلمه على قدراته دى ..

ربنا يساعدنا و يعينا على تحقيق احلامنا ..

بجد موضوع تحفة يا عزة يا حبيبتى :)

لالالالالا انا مش بحب اعمم الكلام
فى ناس كتير بيحققوا احلامهم

بس انا بتكلم عن الناس التانيه
اللى انا حاسه انى حكون منهم باذن الله
اللى بيرسموا احلامهم ويحطوا املهم فى طريق مسدود

فعلا نفسى الناس كلها تعرف بتحب ايه وبتكره ايه
بتفهم فى ايه ومش بيتعرف فى ايه
علشان نعرف نحقق احلامنا
علشان تكون واقع
مش اوهام

يارب يا حبيبتى ونحقق احلامنا كلها يارب
ميرسى يا قمر
نورتى ،،،

المفروض ان الطالب او اى شخص يحدد قدراته ويعرفها
من خلال مواقفه فى الحياة او تجاربه مع الناس او فى امر ما
عشان يعرف يحدد مستقبله صح
ويعرف اى اللى يسلك فيه
وايه اللى بيحبه
والعكس
لكن لوجيتى لبعض الطلاب مثلا
هتلاقى ان فيه طلاب ممكن تدخل علمى رياضة او علوم
وممكن يكونوا ممتازين بس مش حابين موادها
لكن دخلوا رغبة من الاهل او عشان يتقال عليه لقب كويس
ومفكرش هوه ارادنه ايه
ممكن يبقى دكتور اومهندس بس مش ليه توفيق فى مهنته
لانه داخله مش حب فيها
تملى اللى بيحب حاجة بيخلص فيها ويتفانى فى اداءها
وربنا بيكرمه فيها
وده مايمنعش انه ممكن يتفوق فيها
كل شىء قسمه ونصيب
وشكرا يازوزا بيه :d

تقريباً كنت ناوي اعمل موضوع بيتكلم عن نفس الاطار

وهو فكرة الهدف الواحد

من اكتر الاسباب اللى بتخلي الناس تفشل
انها بتحط اهداف تعجيزية بالنسبالها

يعني واحد ملوش في الرياضة وحاطط هدف إنه يدخل هندسة

واحدة مبتحبش الأحياء ومصرة تدخل طب

واحد حاطط هدف إنه لازم حيخلص عمل شهر في اسبوع

واحد مقتنع إنه محاولته لأول مرة لازم حتاخد المركز الاول

وبدلاً من ان تكون خسارته وقوداً لبذل المزيد من المجهود
يعتبر نفسه انتهى واماله تحطمت وخلاص يسلم نفسه لنفسه
ويقعد في البيت

موضوع رائع لكن ده فعلا اللى بيحصل فى الواقع

العادى اننا نحلم لكن الاحسن اننا نسعى لتحقيق الحلم

&quot;ومن يتهيب صعود الجبال يعيش ابد الدهر بين الحفر&quot;

لكن مش نحلم فقط لابد من السعى والمجاهدة لتحقيق الحلم

ولازم كل شخص يعرف قدراته وامكانياته عشان يعرف يحقق حلمه

تحياتى لك

كل واحد فينا ليه احلامه اللى بيحاول تحقيقها وفيه ناس بتنجح
وناس بتفشل بس فشلهم بسبب سوء اختيارهم او حلمهم كان
اكبر منهم .. لكن لو بصيتى هتلاقى ممكن من غير قصد نساعد
غيرنا على تحقيق حلمه ..عمر الاحلام ما تكون اوهام لانها مش
مستحيلة .. كل شخص عارف امكانياته واحلامه .. ولازم احلامى
تناسبنى وتناسب مجالى والا عمرى ما هحقق شئ فى حياتى
انا عن نفسى شايفة ان احلامى اللى صنعتها بنفسى ممكن تتحقق
بالصبروالارادة.. كل اللى بينقصنا علشان نحقق حلمنا
انى اختار حلمى الواقعى اللى يعير عنى وعن امكانياتى ..
ان يكون عندى ايمان وثقة بنفسى وهحقق احلامى
ان لازم احاول واحاول ومش اقبل هزيمتى من اول محاولة
كده احلامى مش هتكون اوهام .. كل واحد يقدر على حلمه
بس لازم يفهم نفسه .. شكرا على الموضوع الجميل ..

وللاسف البطل والضحية بيكونوا شخص واحد هو انت

المفروض ان الطالب او اى شخص يحدد قدراته ويعرفها
من خلال مواقفه فى الحياة او تجاربه مع الناس او فى امر ما
عشان يعرف يحدد مستقبله صح
ويعرف اى اللى يسلك فيه
وايه اللى بيحبه
والعكس
لكن لوجيتى لبعض الطلاب مثلا
هتلاقى ان فيه طلاب ممكن تدخل علمى رياضة او علوم
وممكن يكونوا ممتازين بس مش حابين موادها
لكن دخلوا رغبة من الاهل او عشان يتقال عليه لقب كويس
ومفكرش هوه ارادنه ايه
ممكن يبقى دكتور اومهندس بس مش ليه توفيق فى مهنته
لانه داخله مش حب فيها
تملى اللى بيحب حاجة بيخلص فيها ويتفانى فى اداءها
وربنا بيكرمه فيها
وده مايمنعش انه ممكن يتفوق فيها
كل شىء قسمه ونصيب
وشكرا يازوزا بيه :d

الاهل !!
هما الاهل
نفسى اعرف اهلنا ليه بيخلونا نعمل كل حاجه على مزاجهم
مش ممكن احنا يكون لينا نظره تانيه افضل من نظرتهم
انا اهلى عايزنى ادخل علمى وانا عايزه ادبى وحدخل ادبى علشان ده مستقبلى مش مستقبلهم
استاذ مبروك نورت الموضوع :)

تقريباً كنت ناوي اعمل موضوع بيتكلم عن نفس الاطار

وهو فكرة الهدف الواحد

من اكتر الاسباب اللى بتخلي الناس تفشل
انها بتحط اهداف تعجيزية بالنسبالها

يعني واحد ملوش في الرياضة وحاطط هدف إنه يدخل هندسة

واحدة مبتحبش الأحياء ومصرة تدخل طب

واحد حاطط هدف إنه لازم حيخلص عمل شهر في اسبوع

واحد مقتنع إنه محاولته لأول مرة لازم حتاخد المركز الاول

وبدلاً من ان تكون خسارته وقوداً لبذل المزيد من المجهود
يعتبر نفسه انتهى واماله تحطمت وخلاص يسلم نفسه لنفسه
ويقعد في البيت


وده اللى المفروض نعمله
اننا نبص للمستقبل القريب بنظره واقعيه تحليله
مش نظره وهمية !
وعجبتنى جدآ
يسلم نفسه لنفسه
احنا فعلا بنخسر كتير بسبب اوهامنا المخلوطه باحلامنا
نورت يا هندسة :d

موضوع رائع لكن ده فعلا اللى بيحصل فى الواقع

العادى اننا نحلم لكن الاحسن اننا نسعى لتحقيق الحلم

&quot;ومن يتهيب صعود الجبال يعيش ابد الدهر بين الحفر&quot;

لكن مش نحلم فقط لابد من السعى والمجاهدة لتحقيق الحلم

ولازم كل شخص يعرف قدراته وامكانياته عشان يعرف يحقق حلمه

تحياتى لك

كلام حضرتك مظبوط
وعلشان نسعى لحلمنا
لازم نحلم على قدنا
على قد ماقدرتنا
نحلم بالواقع اللى احنا عيشينه
مش نحلم بوهم كتير
ونرجع نقول ضحكت علينا السنين!
اشكرك على المرور الجميل
نورتى،،

كل واحد فينا ليه احلامه اللى بيحاول تحقيقها وفيه ناس بتنجح
وناس بتفشل بس فشلهم بسبب سوء اختيارهم او حلمهم كان
اكبر منهم .. لكن لو بصيتى هتلاقى ممكن من غير قصد نساعد
غيرنا على تحقيق حلمه ..عمر الاحلام ما تكون اوهام لانها مش
مستحيلة .. كل شخص عارف امكانياته واحلامه .. ولازم احلامى
تناسبنى وتناسب مجالى والا عمرى ما هحقق شئ فى حياتى
انا عن نفسى شايفة ان احلامى اللى صنعتها بنفسى ممكن تتحقق
بالصبروالارادة.. كل اللى بينقصنا علشان نحقق حلمنا
انى اختار حلمى الواقعى اللى يعير عنى وعن امكانياتى ..
ان يكون عندى ايمان وثقة بنفسى وهحقق احلامى
ان لازم احاول واحاول ومش اقبل هزيمتى من اول محاولة
كده احلامى مش هتكون اوهام .. كل واحد يقدر على حلمه
بس لازم يفهم نفسه .. شكرا على الموضوع الجميل ..



وده اللى انا اقصده من موضوعى
اننا نحلم على قدنا
نحلم بالمعقول
نحلم بالعقل
مش بالوهم
ولازم اصر على تحقيق حلمى مادام واقعى ووبسيط
واكيد لو كل انسان عارف هو بيحب ايه وبيكره ايه
ايه مميزاته وعيوبه مش حيكون عندنا سوء اختيار
واحلامنا كلها حتتحقق باذن الله طبعآ
شكرآ حبيبتى على المرور الجميل
نورتى،،،

وللاسف البطل والضحية بيكونوا شخص واحد هو انت

أكيد طبعآ
شكرا للمرور

ضاع الحلم لأنه اكبر من الامكانيات
كل واحد فينا قبل مايرسم حلمه
يشوف هو عنده ايه ؟
والحلم عاوز ايه ؟
ويشوف المعادلة هتبقى ازاي
مانخليش احلامنا سقفها عالي
واحنا ايدينا مش تطول السقف دا
عشان مانضيعش نفسنا بنفسنا
ونوصل للنهاية الحتمية !
حلم صغير ناجح اجمل واجدى من تاني كبير
ضاع وضيعني !

موضوع جميل يازوزا
تسلم ايدك

بس انا ميهيقليش ان في حد ممكن يكون عامل مستقبلة علي شيء هو مش حابة

يعني لو مش بيحب الرياضة و عاوز يدخل هندسه

لا يعني بيكون يحب اكتر انه يدخل الي هو فاهم فيه و بيحبه

بتتكلم عنى .. بس مش فى دراستى
للاسف حصل معايا من يومين ان املى الوحيد ادمر
مكنتش حاطه اى افتراض عليه .. كنت شايفه حل واحد بس قدامى
ربنا يقف معايا بقى

>>1<<

دلوقتى مثلآ عندنا طالب ثانويه
حلم حياته يكون دكتور
وهو اصلا مش بيحب المواد العلميه
بس صمم يدخل علمى علشان يحقق حلمه ويبقى دكتور
ونيجى نقابل الاخ اخر السنه
عملت ايه
55%بس والحمد لله
يدخلك ايه ده؟
ولا حاجه ، ما الاستاذ رسم حياته ومستقبله على طب
وهو اصلا مش يقدر على المواد العلميه
بس ده كان مجرد حلم
حتى محطتش له بديل
وبعدها طبعآ حياته ادمرت
ويدور بقى على اى ورشه يشتغل فيها ولا يدور بقى على اى نجار يشغله.
مع انه كان ممكن يدخل ادبى ويدخل كليه محترمة ويبقى انسان متفوق دراسيآ فكريآ
لكن احلامه دمرته
فى مسلسل من تأليف اوهامه
وانتاج احلامه



انا متفق معاكي تماما في الكلام ده..... وبيحصل كتير مع البنات بيفتكروا انها جزء من الميك اب والنتيجه بتكون وحشه في اغلب الحالات..شكرا علي الموضوع

ضاع الحلم لأنه اكبر من الامكانيات
كل واحد فينا قبل مايرسم حلمه
يشوف هو عنده ايه ؟
والحلم عاوز ايه ؟
ويشوف المعادلة هتبقى ازاي
مانخليش احلامنا سقفها عالي
واحنا ايدينا مش تطول السقف دا
عشان مانضيعش نفسنا بنفسنا
ونوصل للنهاية الحتمية !
حلم صغير ناجح اجمل واجدى من تاني كبير
ضاع وضيعني !

موضوع جميل يازوزا
تسلم ايدك



بجد كلام جميل اوى يا دكتوره وعجبنى جدآ
فعلا لازم نحط سقف لاحلامنا
ميرسى يا نقاء على المرور الجميل
نورت يا دكتور

بس انا ميهيقليش ان في حد ممكن يكون عامل مستقبلة علي شيء هو مش حابة

يعني لو مش بيحب الرياضة و عاوز يدخل هندسه

لا يعني بيكون يحب اكتر انه يدخل الي هو فاهم فيه و بيحبه
المشكله مش انى حابه او مش حابه
الفكره اننا بنحلم بمستقبلنا بطريقه غير واقعيه
طريقه وهميه
وده اللى بيخلينا ننهار
وفى الاخر احنا اللى بنخسر احلامنا وحياتنا ومستقبلنا وكل حاجه
شكرا على المرور
نورتى،،،،

بتتكلم عنى .. بس مش فى دراستى
للاسف حصل معايا من يومين ان املى الوحيد ادمر
مكنتش حاطه اى افتراض عليه .. كنت شايفه حل واحد بس قدامى
ربنا يقف معايا بقى



ربنا معاكى ويعينك ويوفقك يارب
شكرا للمرور
نورتى،،

انا متفق معاكي تماما في الكلام ده..... وبيحصل كتير مع البنات بيفتكروا انها جزء من الميك اب والنتيجه بتكون وحشه في اغلب الحالات..شكرا علي الموضوع



هو انا مش فاهمه اوى حته الميك اب دى
بس ماعلينا
اكيد مش كل البنات كده:mad:
شكرا للمرور الجميل
نورت،،

علينا الحلم وعلينا السعي وعلى الله التدبير
ما شاء الله كان .. وما لم يشأ لم يكن

علينا الحلم وعلينا السعي وعلى الله التدبير
ما شاء الله كان .. وما لم يشأ لم يكن


طبعآ لله امر من قبل ومن بعد
وطبعآ كل حاجه مكتوبه لينا
بس احسن برضه لازم نعمل اللى علينــآ
مش نبقى سلبين ونقول اللى ربنا عايزه حيكون
اكيد طبعآ اللى ربنا عايزه حيكون
بس المفروض احنا كمان نشوف عايزين ايه ونسعى لتحقيق هادفنا ده
شكرآ على المرور
نورتى،،،،

لازم الواحد قبل ما يحلم يشوف حدود قدراته إيه.. لازم نفكر كويس عاوزين نبقى كده ليه ... هوه عاوز يبقى دكتور ليه .... و يكون صريح مع نفس هوه قدها و لا لأ؟؟؟؟

لازم الواحد قبل ما يحلم يشوف حدود قدراته إيه.. لازم نفكر كويس عاوزين نبقى كده ليه ... هوه عاوز يبقى دكتور ليه .... و يكون صريح مع نفس هوه قدها و لا لأ؟؟؟؟


طبعآ لازم نشوف قدراتنا ايه
علشا نقدر نرسم عليها احلامنا
علشان متتحولش لوهم
شكرآ على المرور
نورتٍ،،،