http://www.youm7.com/News.asp?NewsID=468


منح شاغلى الوظائف التعليمية 75% من الراتب الأساسى

الخميس، 4 أغسطس 2011 - 17:10

http://www.thanwya.com/vb/images/NewsPics/large/s7201127224024.jpg059&SecID=97&IssueID=168 (http://www.youm7.com/News.asp?NewsID=468059&SecID=97&IssueID=168)

يبلها ويشرب ميتها بلا حافز اداء بلا حافز قرف وامتى انشاء الله الكلام ده بعد 5 او 6 سنوات ما فيش فايده
اضراب ولا حل غير الاضراب

زملائنا فى المجالس المحلية بعدما اخذوا 200 % وعلى الاساسي الجديد وخدوا الدرجة المالية وعلاوتها على الاساسي وبدون امتحانات كادر وبدون شهادة icdl وبدون دبلومات تربوية مرتباتهم اكثر منا مره ونصف
يبقى ايه الحل لا حل غير الاضراب فى كل مدارس الجمهورية

واضح ان هناك شىء مقصود ضد معلمى مصر
1- تلاحظ انه لا توجد عدالة اجتماعية فى تطبيق حافز الأداء المقرر بحكم القانون فى المادة 85
2- و تلاحظ ان المعلم المساعد له 75 فى المائة ............لماذ لأنه قام بالتظاهر حتى تم تعيينه فهذه مكافأة له على ذلك و حافز آداء يتناسب مع مابذله من مجهود فى المظاهرات
3- أما المعلم الأول و المعلم الخبير و غيره من معلمى مصر الذين لم يقدموا اى علامات واضحة فى المظاهرات الفئوية فيكتفى ب 25 فى المائة بعد خدمة الوزارة لسنوات طويلة
اين العدالة الاجتماعية فى تطبيق القانون معلم يبدأ حياته العملية يأخذ حافز آداء 75 فى المائة
و آخر امضى عمره فى خدمة العملية التعليمية و عنده اسرة و اولاد كفاية عليه 25 فى المائة
و ضاع العدل فى بلد القانون
4- لماذا لا يطبق حافز ال 200 فى المائة على المعلمين طبقا للمادة 89

اضراب عام مثل الاطباء وهم ينزلزا يعلموة بقاااااااااااااا الواحد زهق

لماذا المعلم مهضوم حقه؟ لانه صامت صامت صامت ............................وسيظل .................................................. .................................................. ...

المفروض بقي يلغي الامتحانات وطالما هو حاسب الكادر ضمن الحوافز لية عاملة امتحان مش فاهم والله هو الاداري بيمتحن للحوافز

يا اخي الحاجة اللي تغيظك وتخليك لو شفت وزير التربية والتعليم ووزير المالية تضربهم
ان في نهاية المقالة مكتوب (( وبذلك يحصل المعلمون على حوافز تزيد على ما سيحصل عليه باقى الموظفين من قرار تطبيق حافز الإثابة الجديد.)) الناس دي متخلفة ولا ايه هما فاكرين بنأخد كادر كام والله احنا اللي نستاهل

نعمة وفضل من الله
والف شكر على الخبر

اللَّهُــــــــمّے صَــــــلٌ علَےَ مُحمَّــــــــدْ و علَےَ آل مُحمَّــــــــدْ كما صَــــــلٌيت علَےَ إِبْرَاهِيمَ و علَےَ آل إِبْرَاهِيمَ وبارك علَےَ مُحمَّــــــــدْ و علَےَ آل مُحمَّــــــــدْ كما باركت علَےَ إِبْرَاهِيمَ و علَےَ آل إِبْرَاهِيم فى الْعَالَمِين إِنَّك حَمِيدٌ مَجِيد>>>>>>>>>>>>>>>>>>>>>>>>>>>>>>>>

انتم زعلانين لى دول وزرا لدوله تانيه مش احنا طبعا
لانهم لو وزراء لنا كانو عرفو احنا بنقبض اد اى؟
انا نفسى اغير المسمى الوظيفى بتاعى لفراااااااااااااااااش
على الاقل هاخد الدرجة الماليه وحافز الاثابه 200%
لو حد من الساده الفراشين عنده استعداد انا مستنى الرد
بلا كادر بلا تكدير
الله يخرب بيوتهم اللى مش عارفين موظفيهم بياخدو كام
قال بكده المعلم يكون احسن فئه فى المجتمع؟
طب اللى على الدرجه الثالثه 11 سنه
وكل اللى بيقبضه 690 جنيه بالكادر بالحافز
ماحصلش حتى الحد الادنى!!!
حسبنا الله ونعم الوكيل

شوفوا يا حلوين الحكومة نشرت اشاعة ان المدرسين ملهومش فى الحد الادنى و اسنت رد الفعل لقيته خنوع وقبول بالامر الواقع فطبقت الاشاعة بس عشان نسبح بحمدها رمت لنا عظمة
قولولي مين فى الدولة ما زدش البنوك اللى بياخدوا 7000 جنيه انتفضوا وزادو بتوع الفراخ كانوا رجالة واخدوا موقف واحنا عمالين ناخد على قفانا وساكتين يبقى ليهم حق يعمولو فينا كل حاجة عمرنا ما اتفقنا ولا هنتفق بلا وكسة انا اروح اشتغل فى غرزة احسنلى واخد 50 جنيه فى اليوم

يا جماعة انتم مزعلين نفسكم ليه كده ؟ قسما بالله العظيم الحل بسيط جداجدا
الحل الوحيد اللى هيخلى الحكومة كلها من اكبرها لاصغرها تجرى ورا ارضائنا كلنا اننا نقف وقفة رجل واحد
ومانروحش المدارس والله والله هو يوم واحد أو يومين .....قسما بالله وهتشوفوا النتيجة هتكون ازاى .....حتى كل فئات الشعب باعتبارهم اولياء أمور هينضما لينا حرصا منهم على مصلحة اولادهم الطلاب ده لو اتفقنا كلنا وعلى مستوى الجمهورية ان يبدأ عام دراسى جديد بلا معلمين .......والله العظيم والله العظيم ان الدنيا هتقوم وتقعد...
لابد من العدل حتى لو كان عدل فى الظلم .....مش واحد معفن بصمجى نلاقيه بياخد فوق الألف ده غير الحوافز والمنح والعلاوات فى وزارة تانية واحنا ياللى انطحنا تعليم وتدريس و......الخ تكون دى النهاية معانا ....لا وأيه ....العامل الادارى اللى فى الاساس قاعدين طول اليوم يأكلوا ويشربوا فى شاى وقهوة ويجيبوا فى سيرة الخلق لاشغلة ولا مشغلة ....ياخدوا 200% ...واحنا ياللى بتطلع ارواحنا من حصة لحصة ومن دور لدور ومن امتحانات نقل لتصحيح لمناهج لدور تانى ل......الخ ....الأساس الحقيقى لعملية التعليم للأسف بيرمولنا عضمة ماتساويش تمن كيلو لحمة ......الله يخرب بيوتكم حكومة قسما بالله ماهى حريصة بالمرة على مصر ولا على صالح مصر وأجيالها.....
وحسبنا الله ونعم الوكيل .....الخلاصة ....انه مفيش حق بيروح ولا بيضيع طالما كان وراه صاحب له يطالب به باستماته واصرار ....المعلم اللى مفروض انه يكون أكثر فئات الشعب تقدير واحترام واجلال ...للأسف بينهان وبينداس عليه بالجزم ....صرخة فى وجه الظالم ....اتحاد وتوحد .....قوة فى القول بلا تراخى او كسل .....احنا مش بنطالب باكتر من حقنا ....احنا بنطالب بالعدل مش أكتر ....والا للأسف النتيجة عمرها ماهتكون فى صالح الشعب.....