السلام عليكم و رحمة الله و بركاته
يا جماعة انا عامل تظلم في مادتين من يوم الخميس اللي فات
يعني بقالي اسبوع
و لغاية دلوقتي موصلتنيش حاجة بخصوصه
سواء خدت درجات و لا لا
و المفروض دلوقتي اني حقدم مرحلة تانية
و خايف انه يكون ليا درجات و ملحقش الكلية اللي انا عايزها
كنت عايز اعرف ازاي استفسر عن نتيجة التظلم
و الاخطار بالنتيجة بيوصل في اد ايه

انا أعرف ان و انت بتقدم التظلم فى المدرسة التابعة ليك بيقولولك تعالى يوم كذا عشان تشوف ورقتك و لو ليك درجات تاخدها
صحبتى عملت كدة و راحت تشوفها بعد اسبوعين تقريبا

انا أعرف ان و انت بتقدم التظلم فى المدرسة التابعة ليك بيقولولك تعالى يوم كذا عشان تشوف ورقتك و لو ليك درجات تاخدها
صحبتى عملت كدة و راحت تشوفها بعد اسبوعين تقريبا



لا ما قالوليش حاجة خالص غير انهم حيرسلوا اخطار بنتيجة التظلم
مقالوش حروح اشوفها بنفسي
طيب مفيش وسيلة استفسر منها
رقم تليفون او ايميل او اي حاجة

بص هات نمرة المدرسة اللي إنت إتظلمت فيها وإتصل بيهم

بص انت لو ليك درجات هايبعتولك اخطار بيها في جواب وبعد مده ماتقلش عن اسبوعين دا طبعا لو ليك اي درجة حتى لو نص درجة وكمان بتاخد فلوسك اللي دفعتها للماده اللي جاتلك فيها درجات لو باه ماجالكش حاجة يبقى لا قدر الله مالكش درجات واظن انك تقدر تتصل ع المدرية التعليمية في محافظتك وتستفسر عن موعد نتيجة التظلم وربنا يوفقك ويختارلك الخير

دول حرامية نهبوا الفلوس ورفعوا الحد الادنى علشان الجامعات الخاصة
حسنبن الله ونعم الوكيل