لم أجد وصف لحال وزارة التربية والتعليم غير بهذا
هطل وعبط وناس تتحكم بمقدرات تعليم بلد جهالة مستفحلة
نيجى للخبر
جاء اليوم فاكس للمديرية بشأن التقويم الشامل للعام القادم
المهم
الصفوف الثلاث الاولى 50% انشطة 30 شفهى ةعملى 15 عمل تعاونى 5 سلوك ومشاركة
50 اعمال تحريرية 10 اختبار نصف اول و 40 نصف ثانى

رابعة وخامسة وسادس ابتدائى 40% انشطة 20 شفهى وعملى 15 عمل تعاونى 5 سلوك
60 % تحريرى 10 نصف اول و 50 نصف ثانى
اول وتانية ع 30 انشطة 10 شفوى وعملى 15 عمل تعاونى 5 سلوك
70 تحريرى 20 نصف اول و50 نصف ثانى
ايه الهطل ده
يعنى العيل الترم الاول ينام فى بيتهم وميفتحش كتاب
ويذاكر الترم الثانى فقط
فى اى دولة فى العالم يحدث هذا الهطل
يخرب عقلكم عايزين ايه من البلد دى
الفاكس بتوقيع استاذ دكتور رضا مسعد
خخخخخخخخخخخخخخخخخخخخخخخخخخخخخخخخخخخخخ
على فكرة هذا الكلام ليس افتراء وهو حقيقى والفاكس شفته بعينى

يمكن ده دليل على ان مافيش دراسه الترم الاول؟
متشكرين عالخبر
الحسبة سخيفه اصلا
ومصيبه ليخلو التلميذ يعملها لوحده
كان فى قرار السنة اللى فاتت بكده
وطلعت عنينا واحنا بنسطر لان الطباعة ممنوعه
والمدير ركب دماغه وخلانا نعملها بنفسنا
قال تعليمات وزير
والله حاجة تحير
انا متفائلة خير
مافيش مدرسين هاتروح العام الجديد

يا جماعة انتم مزعلين نفسكم ليه كده ؟ قسما بالله العظيم الحل بسيط جداجدا
الحل الوحيد اللى هيخلى الحكومة كلها من اكبرها لاصغرها تجرى ورا ارضائنا كلنا اننا نقف وقفة رجل واحد
ومانروحش المدارس والله والله هو يوم واحد أو يومين .....قسما بالله وهتشوفوا النتيجة هتكون ازاى .....حتى كل فئات الشعب باعتبارهم اولياء أمور هينضما لينا حرصا منهم على مصلحة اولادهم الطلاب ده لو اتفقنا كلنا وعلى مستوى الجمهورية على الاضراب والامتناع عن الحضور هذه الفترة الحالية وعلى ان يبدأ عام دراسى جديد بلا معلمين .......والله العظيم والله العظيم ان الدنيا هتقوم وتقعد...
لابد من العدل والمساواة .....مش واحد معفن بصمجى نلاقيه بياخد فوق الألف ده غير الحوافز والمنح والعلاوات فى وزارة تانية واحنا ياللى انطحنا تعليم وتدريس و......الخ تكون دى النهاية معانا ....لا وأيه ....العامل و الادارى اللى فى الاساس قاعدين طول اليوم يأكلوا ويشربوا فى شاى وقهوة ويجيبوا فى سيرة الخلق لاشغلة ولا مشغلة ....ياخدوا 200% ...واحنا ياللى بتطلع ارواحنا من حصة لحصة ومن دور لدور ومن امتحانات نقل لتصحيح لمناهج لدور تانى ل......الخ ....الأساس الحقيقى لعملية التعليم للأسف بيرمولنا عضمة ماتساويش تمن كيلو لحمة ......الله يخرب بيوتكم حكومة قسما بالله ماهى حريصة بالمرة على مصر ولا على صالح مصر وأجيالها.....
وحسبنا الله ونعم الوكيل .....الخلاصة ....انه مفيش حق بيروح ولا بيضيع طالما كان وراه صاحب له يطالب به باستماته واصرار ....المعلم اللى مفروض انه يكون أكثر فئات الشعب تقدير واحترام واجلال ...للأسف بينهان وبينداس عليه بالجزم ....صرخة فى وجه الظالم ....اتحاد وتوحد .....قوة فى القول بلا تراخى او كسل .....احنا مش بنطالب باكتر من حقنا ....احنا بنطالب بالعدل مش أكتر ....والا للأسف النتيجة عمرها ماهتكون فى صالح الشعب.....

الله ينتقم منهم

خلاص انا ماعنديش مانع
عام جديد بلا معلمين
اهو احسن من الاعتصامات اللى بتتعمل فى الشمس
خليهم يقعدو فى البيت تحت المراوح بدل الشمس والحرارة
اللى موافق على الاضراب عن العمل يسجل اسمه

اقسم بالله ان حال التعليم لن ينصلح طالما هناك امثال هذا الوزير الاهبل

صحيح نقعد فى البيت فى التكييف بدل المرمطة فى الشمس... والاعتصام يكون فى البيت ...

الاعتصام بالمدارس نذهب للمدرسه ولا ندخل فصول

عام جديد بلا معلمين

فعلا كدة الواحد لو راح يقعد ميعملش حاجة خالص

هطل وعبط ... دول ناس سباكين الى عملوا التقسيمة دى
او فعلا عرفوا ان المدرسين مضربة الترم الاول فكرة وجبهة بردة ... نرجع الحق لاصحابة الى عمل الدرجات دى اما انة اهبل او مجنون او لئيم واظن السبب الاول لان مفيش قرار صائب لدلوقتى ... اللّة ينور على سباكين الوزارة

ربنا يرحمنا من التخبط ده