مشاهدة النسخة كاملة : اقــتـــراحـــاتـنـــــا للـحـصــــول عـلــــى حــقــــوقـنــــــــا . شـــارك برأيـك
أحمد قلانه 05-08-2011, 05:58 AM سلام عليكم
فى الأول يارب تكونو بخير وكل سنة وانت طيبين
زهقنا من الكلام
واخرها موظفى الدولة كلهم يزيدو 200 %
اما المعلمين ولاد البطة السودا .. لاتعليق
لو عايزين حقوقنا زى باقى الموظفين فى الدولة
يبقا لازم نتفق الاول زى الدكاترة ما وقفوا كلهم
المشكلة فينا احنا
ياريت نستشير بعض وكل واحد يطرح رأيه للاتفاق والوقوف ايد واحدة للحصول على حقوقنا
مع احترامى المعلم دلوقتى اصبح اقل مرتب فى الدولة
اقل واحد دلوقتى فى اى وزارة مرتبه مش هيق عن 700 جنيه فى حين ان مرتب المعلم الدرجة الثالثة لم يصل حد الـ 500 جنيه
والاسعار طبعا فى الطالع من ساعة ماقالوا فى زيادة فى المرتبات
مابالكم بقا لما تتطبق فلا وباقى الوزارات تنزلهم الـ 200
المـطـلــوب دلـوقـتـــى
من كل واحد فينا
يقول اقتراحه اللى بيه نقدر نتجمع ونقف ايد واحدة لتحقيق مطالبنا
واشوفكم على خير
......
فداك يارسول الله 05-08-2011, 06:07 AM المفروض نكون لينا وقفة جادة فعلا امام الوزارة ومجلس الوزراء
بس لازم تعمل قاعدة بيانات للمعلمين الذين سيشاركوا فى اى وقفة
بأرقام التليفونات وغيره
ashraf ebrahem 05-08-2011, 07:18 AM لا بديل عن الاعتصام اول الدراسه فقد نادى المعلم كثيرا وطالب بحقوقه وكأن الحكومه نائمه
سعاد اقتصاد منزلى 05-08-2011, 08:06 AM انا رايى كله يمشى مع بعضه الاحتجاجات عند مجلس الوزرا و وزارة التربية و التعليم مع الاضراب عن العمل اول يوم دراسى مع رفع قضية ضد الوزارة للمطالبة بحقوقنا الضائعة وكده نضمن مشاركة الكل معانا علشان اللى عنده ظروف وميقدرش يروح يعتصم و خاصة المدرسات واللى بعيد عن القاهرة يكون برده صوتهم مسموع
mr/ashraf2 05-08-2011, 10:56 AM طبعا لازم يكون فيه ضغط علي أصحاب القرار سواء وزارة التربية و التعليم أو وزارة المالية و ده هيحصل اما بالتظاهر الملموس او الاضراب مع بداية السنة الجديدة
Tammam21 05-08-2011, 01:36 PM أنا زهقت من الكلام .. اتكلمت كتير ومحدش بيسمع .. أنا موافق نعمل وقفات لأن الدكاترة عملوا كده برضه .. احنا كمعلمين شباب ملناش أى قيمة ولا لينا صوت .. لأن ملناش لا رابطة ولا ائتلاف ولا نقابة تتكلم عنا .. قرروا هتعملوا ايه وانا معاكوا
الفارس بس 05-08-2011, 01:53 PM عندي ثلاث مسائل :
المسألة الأولى : نعمل انتخابات نقابة المهن التعليمية .. ونساعد أعضاء النقابة المستقلة في تقوية نقابتهم .. علشان يكون عندنا نقابتين قويتان فعلا .. وبعد كده ناخد قرار موحد من النقابتين بالإضراب والاعتصام معا في بداية الدراسة .. وعلى كل المعلمين الرجال الحضور أمام مجلس الوزراء والاعتصام هناك .. وعلى المعلمات الإضراب عن العمل تماما لحين تلبية كل طلباتنا .. بس الأول يجب أن نتفق على طلباتنا بعيدا عن الانتماءات السياسية .. وعلى كل حال يجب أن نعمل قاعدة بيانات لكل المعلمين المشاركين في الاعتصام .. ويجب أن يكون لنا في كل محافظة قيادة تكون على قدر كبير من المسئولية والوعي .. ولهم القدرة على حشد الناس ..
المسألة الثانية : يجب أن نتوجه لوسائل الإعلام ونشرح الأمر لهم .. ونعلن عن طلباتنا المشروعة .. فوسائل الإعلام لها قدرة عجيبة على الضغط ..
المسألة الثالثة : رفع قضايا من مختلف المعلمين في أماكن مختلفة .. حتى يشكل ذلك وسيلة ضغط قانونية على الحكومة ..
ولو لكم رأي آخر يا ريت تعرضوه علشان نتناقش حوله .. وبارك الله في الجميع ..
رقم تليفوني للاتصال بي في دمياط : 0104069011 والبريد الالكتروني : alfaresmido*************
ومن يرغب في التنسيق معي من دمياط أو من المحافظات الأخرى فليضع هنا رقم موبايله وبريده الالكتروني لو أمكن ..
الفارس بس 05-08-2011, 02:06 PM البريد الالكتروني : alfaresmidoعلى بريد هوتميل
mohammed ahmed25 05-08-2011, 02:12 PM http://a6.sphotos.ak.fbcdn.net/hphotos-ak-ash4/282533_191383724258586_100001608803576_520939_7745 471_n.jpg
منقول من رابطة معلمى جمهوريه مصر العربيه facebook
حمدى أبوزيد 05-08-2011, 02:32 PM لو كل المدرسين اعتصمت امام الوزارة ومجلس الوزراء دا هيكون اكبر ضغط عليهم
maher275 05-08-2011, 03:12 PM الحمد لله كنت أرى من أول اعلان خبر الحد الأدنى للأجور أنها فكرة خاطئة كارثية لنا وكنت أفضل العمل على تنزيل الأسعار بدل رفع المرتبات وهذا الرأى للأسباب :
1- عدم وجود رقابة قوية على الأسواق وخاصة فى أوقاتنا التى نعيشها الآن
2- بناء على المقارنة بين مرتبات آبائنا فى بداية تعيينهم وما كانوا يشترونه بتلك المرتبات الضعيفة فإنها تساوى أضعاف مرتباتنا الحالية " فلا نفرح بالكم ولكن نفرح بالكيفط
3- أن أصحاب الاستثمارات الخاصة والحرفيين عندما يزيد مرتب الموظف فإنه مطالب بزيادة العمال لديه فمجبر على زيادة سعر منتجه الذى تشتريه
أما وأننا قد أصبحنا فى الوضع الراهن نتيجة السياسة الخاطئة من الحكومة والتى لاأعرف سببها فى نقطة الحد الأدنى فإننا قد وقع علينا ظلم فادح مهما كان سببه كما يقول المثل الذى لاأحبه " المساواة فى الظلم عدل" وإذا كنا دائما نسمع أكابرنا ينصحوننا بألا نقول اشمعنى فأناعن نفسى أقول اشمعنى
وأنا أجد أن نطالب برد قوى شافى من أكبر مسئول فى الحكومة فكلكم راع وكلكم مسئول عن رعيته ووزير التربية والتعليم يعرف أن المعلمين يستطيعون ألا يذهبوا إلى العمل ولكنا أمام مشكلة أننا لا توجد لنا نقابة قوية لتتطالب بحققوقنا لذا فكل واحد منا يفعل ما يراه يخدم متطلباتنا وشكرا
احمد عطيل 05-08-2011, 04:55 PM نرفع دعوة قضائية هذا هو الحل الوحيد
marwasamy 05-08-2011, 10:55 PM الضغط من خلال وسائل الاعلام والصحف
spidermane23 05-08-2011, 11:01 PM الاضراب عن الامتحانات في الدور الثاني بالثانوية العامة و عمل اعتصام يشارك فيه جميع المعلمون امام وزارة التربية و التعليم وييتصلح وضعنا يا مفيش تعليم في مصر
محمد على السيد 05-08-2011, 11:16 PM يا جماعة احنا اللى ساكتين على حقنا
بس لحد كده وكفايه لابد من وقفه جادة لإنهاء هذه المهزلة
حكومة بلدنا بلا فخر من أولى الحكومات التى تهين المعلم وتغتصب حقوقه
محمد على السيد 05-08-2011, 11:19 PM اعتصام فى بدايه العام الدراسى
ويكون معلن عنه
اعتصام مفتوح لحين الحصول على حقوقنا المشروعه
محمد شنن 06-08-2011, 01:08 AM لابد من اجتماع دورى للمدرسين ووجود قنوات فضائيه حره للمطالبه بحقوقنا كفايه ظلم بقى
basyoni 06-08-2011, 01:12 AM مع احترامى لكل اراء زملائى احب ان اوضح نقطة مهمة وهى ان الاضراب لو اول العام الدراسى فهناك فترة حوالى شهر ونصف وهذا لم ينتبة له الزملاء يعنى هيكون كدا كل الوزارات قبضوا الحد الادنى هناك شهر فارق بيننا وبين الوزارات الاخرى فلماذا نحن لا نكون فى الحد الادنى معهم ويطبق على الكل انا من راى ان يكون الاضراب امام الوزارة فى خلال 5 ايام وبعدين احنا لسة هننتظر الى شهر 10 حتى الدراسة فذلك تكون فترة بعيدة جدا وبعدين هيكون فية احتقان بين المعلمين وبين الوزارات الى طبق فية الحد الادنى لانهم كدا هيقبضوا قبلنا الحد الادنى صح ولا لا فلابد من توصيل صوتنا للمسئولين هذا الاسبوع حتى يطبق علينا قريبا الحد الادنى حتى لو هناخدة باثر رجعى فى شهر 9 وهو دا الصح اما لو انتظرنا للعام الدراسى فلا يطبق علينا الا فى شهر 11
misdodo 06-08-2011, 01:33 AM والله المشكله فينا مش فيهم لاننا مش بنتحد على راى واحد وكلمه واحده
يوم مابتقولوا نعمل وقفه واعتصام محدش بيهتم وبيعتمد على غيره
لكن الاطباء او اى فئه اخرى كانت مجمعه ايد واحده وكلمه واحده
عشان نقدر ناخد حقوقنا يبقى لازم نتحد على كلمه واحده وهدف واحد غير كدا يبقى هنفضل زى مااحنا
وكل اللى حولينا بيعلى واحنا بننزل
love2121 06-08-2011, 12:55 PM لابد من وقفة جادة
soma) 06-08-2011, 10:20 PM الاضراب هو الحل وخليها فوضى هما اللى عيزين الاسلوب ده كفايه ذل
soma) 06-08-2011, 10:22 PM زمان وانا صغير كنت بحلم اكون مدرس ودلوقتى بعد اللى شفته من الحكومه بحلم اكون فراش
العدوى1 06-08-2011, 11:21 PM والله احنا لازم نوصل صوتنا اليومين دووول وبعدين نستخدم الدراسة كوسيلة للضغط وبعدين احنا مش هنفضل نكم وخلاص احناعاوزين خطوة ايجابية خلاص ده تلفونى للمشاركة والاتفاق على يوم انا هتواصل مع الاستاذ الفارس وياريت كلنا نلتف حولين بعض ومنشتتش تفكرنا
العدوى1 06-08-2011, 11:22 PM 0107712348
freehos2008 على الياهو ده اميلى ورقم تلفونى
الاستاذ محمود حميد 06-08-2011, 11:40 PM الاتحاد
النظام
الاضراب
malakdarsh 07-08-2011, 01:33 AM فى اول محطة معلمى الثانوى العام الجبناء باااااااااااااااااااااااااااااااعوا القضية
gogotamer68 07-08-2011, 11:12 AM هنقعد نقول لابد من وقفة لغاية امتى يلا بقى ناخد قرار رجولى وزبلاش كالم انا عن نفسى ما رحتش امتحانات الدور الثانى للثانوية العامة
salahelnajar 07-08-2011, 11:18 AM لابد من حل سريع وفوري وعدم الانتظار حتى الدراسة واولها الاضراب عن الثانوية العامة
|