مشاهدة النسخة كاملة : أنا أدبي وقررت أدخل هندسة القاهرة
gasyalex 06-08-2011, 04:28 AM صباح الخير
إزاي من بعد دراستي في أدبي عايزة أدرس هندسة ده حوار طويل.
المهم دلوقتي إني عايزة أعرف ايه اللي ممكن يتعمل عشان يتم تأهيلي للقبول بكلية هندسة جامعة القاهرة (أنا من إسكندرية بس عايزة أدرس في جامعة القاهرة عشان قسم هندسة الطيران والفضاء بالكلية).
عارفة إن ده ممكن يأخرني سنة بس الموضوع يستاهل.
ولو حد له خبرة أو عنده معلومة عن الموضوع ده يريت يفيدنا بيها.
وشكراً.
Amr Eltaweel 06-08-2011, 04:41 AM صيام مش كدا !!!
gasyalex 06-08-2011, 04:44 AM ؟ .
ايمان هارون 06-08-2011, 04:47 AM انت بتكلم بجد انا صايمة ربنا معاك
gasyalex 06-08-2011, 04:59 AM أستاذة إيمان, أستاذ عمر:
فعلاً مأضفتوش حاجة.
أنا عارفة إن القرار ده غير تقليدي, بس أحياناً بيكون هو الأفضل لرغبات الشخص وأهدافه.
فبحاول أشوف أقدر أدرس اللي أنا عايزاه هنا إزاي -لإن كمان نظامنا التعليمي متحجّر وحجري ومفيهوش اختيارات سهلة عديدة-, لإن لو هدرس اللي عايزاه في الخارج هتكلف كتير جداً, فأديني أهو بستنزف كل الاحتمالات الممكنة وبستشير أعضاء المنتدى.
فياريت لو حد عنده أي حاجة صغيرة يرشدني بيها, هكون شاكرة جداً.
soley93 06-08-2011, 05:45 AM علي فكرة وانا زيك بالظبط انا ادبي بردوا بس كنت بفكر في طريق تاني
كنت بفكر اعيد ثانوي من اولي ثانوي من تاني منازل وادخل رياضة اتنين
A7MED 3LI BEST LOVE 06-08-2011, 12:28 PM لو ماكنتش صايم كنت رديت
منين ادبى و منين تدخلى هندسة
IBN EL WALEED 06-08-2011, 01:19 PM والقاهرة كمان ده بتوع علمى رياضة اللى جايبين 100% مش عارفين يدخلوا القاهرة
romyo999 06-08-2011, 01:31 PM ما من زمان
دلوقت نرضى بالأمر الواقع
ملاك حسنى 06-08-2011, 01:45 PM انت بتهزرى ولا ايه
طب لو كان كده شوفى لى طريقة ادخل هندسة انا علمى رياضة 92.8:022yb4:
gasyalex 06-08-2011, 02:02 PM ولو مش صايمين هتشتموا مثلاً؟
اللي معندهوش حاجة مفيدة يقولها, يبقى ميقولش.
فيه وسائل لتعويض الأمر, وقلت هتاخد سنة, أنا مش مستنية حد منكم يطلع بحل سحري يقولي انتي هتعرفي تدخليها السنة دي!
فيه طريقة مجهدة شوية, أخد شهادة igcse في سنة, ودي لسة بسأل عليها وعلى هدرس فيها ايه وكدة.
اللي عنده معلومة بخصوصها ياريت يفيدنا.
Mohamed.Helmy 06-08-2011, 02:10 PM بصراحة بعيدا عن اللى قالوه اللى قابلي بس معنديش فكرة بس أسألي و دوري و ياريت محدش يتريق تاني ^^
ربنا يوفقك ^_^ "
فارسة صغيرة 06-08-2011, 02:50 PM على فكره لو ممكن معاكى مبلغ ممكن تدخلى خاص معهد عالى اى معهد
وبعدين تحولى على معهد محترم السنة التانية
اظن كدا
وربنا يوفقك يارب
وياريت تروحى جامعة القاهرة وتسالى هناك بنفسك
لان الردود الى هنا كانت للاسف محبطة مع احترامى لاصحاب الردود
ربنا يوفقك
eslam elahlawy 06-08-2011, 03:06 PM ربنا يوفقك
رغم اني مش فاهم ازاي
بس ربنا يوفقك
ايمان هارون 06-08-2011, 03:11 PM انا بجد مش بسخر منك ولة اى حاجة بس الى بتفكرى فيه فى مصر مستحيل حتى لو عاوزا خاص هيقولك ادرسى رياضة وكدة وحرام يضيع من عمرك سنة انتى عارفا اية طموحتك من الاول كنتى دخلتى رياضة بس لو انتة بتفكرى صح خوشى اى كلية واعتبرى انها الكلية الى بتحبيها وصدقينى يوم من الايام هتكونى معيدة فى الكلية دى
pikky girl 06-08-2011, 08:50 PM مكن بس تفهميني بالراحة كده ازاي وهل مجموعك يجيب هندسة انا اسمع عن الموضوع ده بره بصراحة مش حتي في دول عربية وبجد بنا يوفقك ولو متاكدة انك هتضيعيي سنة بس في الاخر هتدخلي اللي عايزاه اتوكلي علي الله ومش تزعلي هما مش قصدهم يتريقوا بس الموضوع مش مالوف خال
rere_rere_rere 06-08-2011, 11:54 PM اسالى عن الموضوع ده كويس وربنا يوفقك بس انا اول مرة اسمع عن الموضوع ده وربنا يقدم اللى فيه الخير
اسماعيل البدرى 07-08-2011, 01:52 AM بصي حضرتك
انت تخدي اول قطر للقاهرة وبعديت تركبي اى مواصلة لمقر جامعة القاهرة وقليلهم انا ادبي وعايز ادخل هندسة
هيقولولك اجري يا بت العبي بعيد
دة اللى اعرفة
gasyalex 09-08-2011, 03:38 AM حل بديل: بفكر أمشي في برنامج لمدة سنة للحصول على شهادة الثانوية البريطانية igcse , وبعدها دي هتكون شهادة ثانوية تانية مختلفة, وأعتقد بعد ماكون جبت فيها مجموع مناسب, هقدر أدخل هندسة. (وهمشي فيها بالتوازي مع سنة أولى آداب آثار حتى لو جبت مجموع زفت في الكلية وعدتها, بس أكون منتسبة ليها احتياطي!) لو حد شايف إن اجرائياً فيه حاجة غلط يقول لي. لإني شايفاهم كل واحد فيهم نظام تعليمي مختلف, بس محتاجة حد عنده معلومات مؤكدة عشان أعرف موقفي عامل ازاي.
|