السلام عليكم
انا اسلام
إن شاء الله السنة القادمه هكون فى 3 ثانوى علمى
انا قررت ان اضع موضوعى فى هذا القسم لان ذلك القسم عن التنسق معنى ذلك ان جمع الزائرين خلصوا 3 ثانوى

انا كنت عاوز اسال عن المستوى الرفيع
اخذ انهى مادة؟
رياضه ام عربى ام انجليزى
انا محتار ومش عارف اعمل اى لاننى مجربتش 3 ثانوى من قبل
وانا عاوز اعرف منكم اختار انهى مادة بس على شرط انها تكون مضمونة وإن شاء الله اجيب العشره 10/10 ...10/10
دى اهم شىء
عاوز اعرف
وبرضو عاوز اعرف هل المستوى رفيع العربى فيه نحو؟؟؟؟؟؟؟؟؟؟؟؟؟؟؟؟
ارجو ان تفيدونى

أول حاجة لو عايز تدخل تجارة أو حقوق أنجليزى يبقى تاخد مستوى رفيع أنجليزى
لو مستواك كويس فى الأنجليزى خد مستوى أنجليزى ------ملحوظة : أنا مذكرتش مستوى رفيع غير قبل الأمتحان بيوم و جبت 9 (كان أنجليزى) ------
المستوى الرياضة أكتر مستوى مضمون عشان على الأقل و أنت طالع من الأمتحان بتبقى عارف تقريبا حتجيب كام ------المستوى الأنجليزى بعد الأمتحان كان كله عنده غلطات كتير بس معظم الناس جابت درجات عالية يمكن التصحيح أى كلام يمكن هى كده معرفش-----
المستوى العربى أكتر واحد محتاج مذاكرة و لو ذاكرته بيبقى مضمون و مبيبقاش فيه نحو , عبارة عن مواضيع قراءة و بلاغة

ده بالنسبة للعلمى , الأدبى معرفش
لو عندك أى سؤال أكتبه

من الاخر بصراحه

1- لو انت مستواك في الانجليزي حلو كمل طبعا انجليزي اكيد هتضمنه

2- مستواك عادي ف الانجليزي وحاسس انك مش هتقدر تقفله يبقى اكيد عربي انا خدت عربي وجبت 9.5 مع اني مغلطش بس مش مهم المهم انه 14 درس قراءه بيجي منهم درسين بس في الامتحان وسؤال بلاغه عادي نفس اللي بيجي ف العربي الاساسي وسؤال موازنة شعريه وده بتقارن بين شاعرين في افكارهم وعواطفهم واسلوبهم وكده يعني سؤال عبيط اي كلام بيمشي فيه واكيد هتحل منه قبل ما تدخل الامتحان

والنحو بيجي اعراب بس كلمات من سؤال البلاغة والموازنة في نفس ابيات الشعر يعني في حدود 7 كلمات ومتخفش وتوكل على الله وربنا معاك

السلام عليكم أخي ،،،


انا ذاكرت المستوى العربي قبل الامتحان بـــ 14 ساعة !!!!!!!!!!!!!!!!!!!!!!!


وجبت 9،5 والله من مجهودي

الحمد لله على كل شئ

وال4،5 دول (بعد ما تطرح خمسه من الرجه) هما السبب اني دخلت هندسه يعني من غيرهم كنت باي باي

اما بالنسبة للمادة فدي بئه ترجعلك

لو انت شاطر بلاغة وعندك أساسيات نحو حلوة مش شرط قوية يعني ولو بتعرف تكتب تعبير ( بالرغم ان مفهوش تعبير ) ياريت تاخد عربي مضمون لأن موضوعاته قراءة و موضوع بلاغة واحد اسمه الموازنة الشعريه

بالنسبة للنحو : بيحطلك تحت 10 كلمات خط ويقولك اعربهم بس متوزعين ع الامتحان كله وكمان ف الأبيات الشعرية

الرياضة هتحتاجها ف اول سنة ف الكلية لو أخدت مستوى رفيع رياضة وهما 7 أبواب ( ميكانيك _ تكامل )

الانجليزي معرفش عنه حاجه


بس أهم حاجه الأول اضمن نفسك في المواد الأساسية والمستوى الرفيع ده ف الآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآخر ف شهر 4 كده أو 3

ربنا يوفقك وتنول ما تريد ،،،،،،،،،،،،،،،،،،

عربي يا معلم وتوكل على الله لأن البلاغة هي هي والنحو هو هو
وهتبقى مواضيع قراءة متقسمة 3 وحدات كده
أنا خدت عربي وذاكرته في أقل من 9 ساعات
وقرأت المواضيع بتاعت أول وحدتين كمان بس
وجبت 9 من 10
وبصراحة بيفرقوا
وكمان أحب أقولك الفرق بين العربي وبين الإنجليزي
أنا كنت عربي وصاحبي إنجليزي
الامتحان 3 ساعات
أنا حليت القراءة ونمت شوية ولما صحيت كملت البلاغة والنحو
إنما صاحبي كان عمال يفحت في الامتحان
العربي ورقة واحدة وش وظهر
الإنجليزي ورقته زي ورقة الإنجليزي العادي
يعني العربي أقل وأسهل

العربى : شاطر فى النحو وبتعرف تذاكر قراءه توكل على الله لان البلاغة هى نفسها الى فى 3 ثانوى والنحو كذلك فاهم حاجة موضوعات القراءة
الانجليزى : بتحب الانجليزى كماده برده ادخله ولو هتدخل تجاره انجليزى او اى حاجة مندى فحطه فى الاعتبار
الرياضة : انا كنت هاخده والحمد لله مستواى فى الرياضة كويس بس الاساتذه كلهم مردوش يدوا لحد رياضة لانه منهج جديد وانت عارف يعنى ايه منهج رياضة يعنى حل حل حل والمستوى مش عايز تضيع فيه وقت كتيير عشان كده منصحكش بيه بس لو انت حاسس انت العربى والانجليزى مينفعوش وبتموت فى الرياضة فتوكل على الله ونظم وقتك

ربنا يوفقك