السلام عليكم ورحمة الله وبركاته

كيف حالكم ؟
يا رب تكونوا بخير دايماً

بصراحه فكّرت كتير علشان أكتب موضوع
بس مش رضيت أنقل أي موضوع
لأني مش بعترف بالنقل ده أساساً

تعرفوا ليه ؟

علشان كل واحد يفكّر ويبتكر من دماغه هوه مش دماغ المنتديات التانية

وبصراحه جات ليّا فكره كده .....

بس إسأل نفسك الأول

إنت حاسس إنك مذنب ؟؟
يعني بترتكب ذنوب كتير ؟؟
طب الذنوب دي من الصغائر ولا ..... ؟؟
طب إنت مقصّر مع ربنا لحد فين ؟؟
هل بتراعي ربنا في أمورك كلها ؟؟
هل يا ترى بتخلّي ربنا أهون الناظرين إليك ؟؟
صليت الفجر النهارده ؟؟
مش ناوي تبطّل سجاير بقه ؟؟
مش ناوي تغضّ النظر ؟؟
مش ناوية تلبسي لبس شرعي بقه ؟؟
مش ناوي ( ناوية ) تبطّل غيبة ؟؟
مش ناوي ( ناوية ) تبطّل نميمة ؟؟
مش ناوي تبطّل سماع أغني ؟؟ وإنتي كمان ؟؟
إنت مش نفسك تتوب دلوقتي ؟؟
وإنتي كمان مش نفسك كده ؟؟
طب مستني إية ؟؟
إسأل نفسك كمان مرة كده إنت مستني إيه وانتي كمان ؟؟


ما تيجوا طب مع بعض كده نخلّي الساحه بتاعتنا دي
ساحة التوبة والمشتاقين للجنة
يعني لو حسيت إنك عملت ذنب يغضب ربنا سبحانه تعالى وأدخل هنا وتب فوراً
ومش شرط تكتب الذنب
لكن تكتب توبتك
وطبعاً تكتبها في قلبك الأول

ومعذرة يا جماعه لأني أكتر واحد هيكتب كل شوية في الموضوع ده

وخد عندك بقه شروط التوبة
1 - الإقلاع عن الذنب .
2 - الندم على فعل الذنب
3 - العزم على عدم العوده إلى الذنب مرة أخرى ( العزم بصدق )

ويا جماعه عايز أقولكم على حاجه ....
مش شرط إنك تحس بالذنب علشان تتوب
بس خلّي نفسك دايماً في موضع المقصّر المذنب
علشان قلبك لايخلوا من التوبة لحظه واحده

ومعلش يا جماعه لو كنت كترت عليكم
بس ربنا إللى يعلم إن كلكم زي إخواتي
وبخاف على كل واحد فيكم ويا رب يتقبّل توبتنا كلنا

قال تعالى {‏ وهو الذى يقبل التوبة عن عباده ويعفو عن السيئات }‏ الشورى ‏25
وقال تعالى {‏ وإنى لغفار لمن تاب }‏ طه ‏82
قال تعالى: (يا أيها الذين آمنوا توبوا إلى الله توبة نصوحا)
وجزاكم الله خيراً

وأنا أول واحد هيعلن توبته دلوقتي

أستغفر الله العظيم يا رب على كل فعل أغضبك
نحن المسيؤن إليك يا الله
فعلنا كذا وكذا
وكنا نجعلك أهون الناظرين إلينا
كم تذكّرت يوم ما كنت وحدي وعصيتك
وكم تذّكرت يوم كنت مع الناس فخفت منهم
يا رب إن لم تعفو عنّي فمن يعفو عنّي ؟؟!!
يا رب إن لم ترضى عنّي فمن يرضى ؟؟!!
يا رب إن لم تسامحني فمن يسامحني ؟؟!!
يا رب عصيناك كثيراً
فسامحنا وتب علينا
يا رب انت القائل ( وهو الذى يقبل التوبة عن عباده ويعفو عن السيئات )
يا رب إقبلنا عندك واعفوا عن سيئاتنا

يا رب تب على أمّة الإسلام كلها وإهدي كل البشر إلى طريق الخير وإلى طريق الفردوس الأعلى

لإنك سميع مجيب

استغفر الله العظيم من كل ذنب عظيم
لا اله ا لا انت سبحانك اني كنت من الظلمين


شكرا بجد ضياء علي موضوعك
ياريت كلنا نعرف ان نهايه اي انسان الموت
والانسان حيبعث علي الشكل اللي مات بيه
شخص مات وهو يصلي وشخص مات هو يفعل معصيه........
ياااااااااه علي الفرق

شكرا لردك
طمعانه فى رضاك يا رحمـــــــــن