مشاهدة النسخة كاملة : توضيح صغير عن كلية علوم
moalgeme 06-08-2011, 09:42 PM انا كنت عايز اوضح حاجه صغيرة عن كلية علوم
اولا : انا طلب في كلية العلوم وصادفت اني دخلت الموقع هنا عشان كنت بشوف نتيجة تنسيق الثانوية العامة لاخويا
وكنت عايز اوضح حاجه بس
يا جماعة كلية علوم مش صعبة
ايون
طبعا الكل هيستغرب ويقول د واد دحاح ومش عارف ايه
ع فكره انا اول سنه سقطت
بس انا بقولكو ان علوم مش صعبة
والله كلية جميلة جدا وممتعة
هي بس محتاجة شوية مذاكرة عادية جدا
ومجتاجة شوية تركيز
وبالنسبة للي خايف من موضوع الدراسة بالانجلش
مش هقولك انها مش مشكلة
هي هتبقى مشكله في الاول بس لكن بعد شهر من الكلية هتتعود
ع فكرة انا قولت ان كلية علوم مش صعبة
مقولتش سهله
هي كلية عادية مش صعبة للدرجة اللي الناس متخيلها
واي استفسار عن الكلية انا موجود لحد متظهر نتيجة تنسيق المرحله الثانية
MS Nada 06-08-2011, 10:19 PM هو انت علوم ولا رياضه .,
وفي سنه كام بنتخصص القسم اللي احنا عاوزينه .,
وتعرف ايه عن قسم البترول وده ينفع للبنات ؟؟؟؟؟؟؟؟؟
moalgeme 06-08-2011, 10:26 PM انا علوم
وبالنسبة للتخصص
في تخصص من سنة اولى
وفي تخصص في سنه تالته
ومفيش حاجه اسمها قسم مينفعش للبنات
MS Nada 06-08-2011, 10:48 PM طيب انا سمعت عن قسم البترول بيختاروا 80 واحد بس .,
طيب على اي اساس ؟؟؟؟؟؟
وده اللي يحي يدخله يدخله من سنه كام ؟؟؟ ومصاريفه قد ايه ؟؟؟؟؟؟؟
radium4 06-08-2011, 10:56 PM على فكرة .. حسب الكلية
انا ناس قالتلى ان في القاهرة بياخدو 10 مش عارف ازاي
و في اسكنندرية ناس قالتلى بياخدوا 100
و حتى المصاريف بتختلف سمعت من 8 - 10
moalgeme 06-08-2011, 11:02 PM بالظبط كده
بتختلف من جامعة لجامعة
منة25 06-08-2011, 11:24 PM ايه احسن كلية علوم موجودة وايه مستقبلها
وياريت اعرف اللي الكرسات المطلوبة قبل ما دخل الكلية عشان نبقي سهلة
moalgeme 06-08-2011, 11:36 PM انا هقول حاجه واحده بالنسبة لموضوع الكورسات
اللي يقعد يقول انا هاخد كورس انجليزي عشان ابقى قوي في الانجليزي في الكلية
هو هيفيد
بس مش بالشكل اللي انتو متخلينو
هو هيفيد بس مش اوي
لان في الكلية بتبقى مصطلحات تاني خالص
الاستفادة الوحيده في انو بينشط الكلمات القديمة اللي واخدينها
moalgeme 06-08-2011, 11:40 PM وبالنسبة لاحسن كلية
طبعا كلية علوم الاسكندرية
دي اكبر كلية علوم ع مستوى المحافظة
وفيها جميع الاقسام
لكن في نفس الوقت هي اصعب كلية
وبالنسبة لاسهل كلية علوم
هي علوم بني سويف
واللي عايز يدخل علوم مستقبلها دلوقتي بقى حلو جدا
لان الدكتور احمد زويل افتتح مدينة زويل للعلوم والتكنولوجيا
غير كده في مجالات كتير فيها
يعني فيها دكتور تحاليل وشركات الادوية عن طريق انك تدخل قسم بيولوجي كيمياء
وفي العمل في البترول عن طريق انك تدخل قسم جيولوجيا
MS Nada 06-08-2011, 11:41 PM هو حضرتك من اي محافظه ؟؟؟
عشان عايزه اسئلك على حاجه لو من اسكندريه
moalgeme 06-08-2011, 11:43 PM انا للاسف مش من الاسكندرية
بس اتفضلي اسألي
يمكن اعرف اجاوب
MS Nada 06-08-2011, 11:49 PM في اسكندريه في 3 فروع للكليه .,
على اي اساس بيحدودوا الفرع ؟؟
وهي ليييه زي ماقولت اصعب كليه ؟؟؟
واللي من شعبه علمي رياضه ينفع يبقى دكتور تحاليل
moalgeme 07-08-2011, 12:44 AM اي قسم في كلية علوم بيبقى اختياري
حسب رغبتك
وبيقولو عليها صعبة عشان هي بتجمع بين كل الكليات
بتاخد من طب ومن صيدله ومن هندسه ومن زراعه
يعني بتدرس نبات وحيوان ورياضه وكيميا وفيزيا
طبعا كل حاجه وجواها فرووووووووووووووع كتييييييييييييير
واللي بيصعبها حكاية الدراسة بالانجلش
لكن والله الدراسة بالانجلش مش مشكلة
هي بتبقى مشكلة في الاول بس
في اول شهر
لكن بعد كده بتتعود وبتاخد على المصطلحات
وهي محتاجه مذاكرة عادية بس مع المذاكرة شوية تركيز بس
اسامه نور الدين 07-08-2011, 01:15 AM لو سمحت ممكن اعرف هو فى كليه علوم خاص ولا لا اصلى حصل ظروف كده معايا فى سنه تالته المهم مجموعى قل لما نزل الارض فى تالته نجحت بالعافيه اساسا المهم جبت فى السنتين 79 انا علمى رياضه و كان حلم حياتى اخش علوم عاوز اعرف لو فيه علوم خاص ولا لا
moalgeme 07-08-2011, 01:27 AM للاسف يا اسامه مفيش علوم خاص
emmeo 07-08-2011, 03:33 AM يا جماعة انا فى علوم بترول والقسم بيعمله امتحانات واللى بينجح فى الامتحانات دى بيدخل القسم
mohamed uosry 07-08-2011, 08:32 AM يا جماعة انا فى علوم بترول والقسم بيعمله امتحانات واللى بينجح فى الامتحانات دى بيدخل القسم
طب انت من اسكندرية ولاايه علشان ممكن تفرق وهل بيطلبوا حاجة من درجات الثانوية العامة ولا لا؟؟؟؟؟؟؟؟؟؟؟؟؟؟؟؟؟؟
emmeo 08-08-2011, 07:36 AM طب انت من اسكندرية ولاايه علشان ممكن تفرق وهل بيطلبوا حاجة من درجات الثانوية العامة ولا لا؟؟؟؟؟؟؟؟؟؟؟؟؟؟؟؟؟؟
لا انا القاهرة و مش بيتطلبوا اى درجات من الثانوية
ده عبارة عن امتحانات ثانوية عامة زى فيزيا كميا انجليزى حاجات بسيطة يعنى
ايمان هارون 08-08-2011, 07:51 AM ياااااااااااجماعة فى قسم فى علوم رياضة لو جيبت تقدير عالى فية بيدخلوك هندسة اى قسم ممكن تقولو
Nora_T93 08-08-2011, 07:56 AM ياااااااااااجماعة فى قسم فى علوم رياضة لو جيبت تقدير عالى فية بيدخلوك هندسة اى قسم ممكن تقولو
ممكن توضحي أكتر
تقصدي بعد ما يخلص 4 سنين
يدرس 5 سنين تاني؟؟؟؟ في هندسة؟؟؟
ايمان هارون 08-08-2011, 08:05 AM انا قريت كدة بس معرفش اكيد مش 5 سنين دة انتة فى القسم دة لو جيبت فى سنة اولة تقدير بتحول زى فى علوم علمى علوم بتخوش بيولوجى ولو جيبت تقدير عالى فى سنة اولة تحول صيدلة
Nora_T93 08-08-2011, 08:10 AM متأكده من الموضوع ده
بعدين احتمال بعيد ان الواحد يطلع بتقدير عالي محدش ضامن
ربنا يستر
|