من فضلكم المساعده......... [الأرشيف] - بوابة الثانوية العامة المصرية

مشاهدة النسخة كاملة : من فضلكم المساعده.........

Gamal subhi

07-08-2011, 12:37 AM

اهلا بيكم اخوتي في الله
انا داخل تالته ان شاء الله وخايف موت والله انا جبت 94.1 في تانيه وحموت واخش طب او صيدله هوه ده املي في الدنيا عايز منكو مش اكتر من كلمه تساعدوني بيها لاني عارف انكو على قدر من الخبره ونحن مازلنا الجهلاء
طمنوني ولو كان في حد زيي وجاب مجموعي وحقق الحلم ده يا ريت تبلغوني او اذكروا امثله على من فاز بارادته
اسف على الاطاله.............

PrinCeSs MeRaMar

07-08-2011, 12:45 AM

لو حضرتك شديت حيلك السنة ده و جبت 99 مع المستوي يبقي في امل كبير لصيدله او طب بطري او علاج طبيعي لو بنفس تنسيق السنة ده

ثانويه1

07-08-2011, 01:30 AM

فيـــه نماذج كتيـــر
حققت حلمها
بالثقه بالله (حسن الظن بالله)
والدعاء
والتقرب الي الله بالاعمال الصالحه
والاجتهاد
وفقكم الله
والحمد لله علي كل شئ

eng/yasmeen

07-08-2011, 01:51 AM

شد حيلك ومفيش حاجة مستحيلة ربنا يوفقك

bent aboha

07-08-2011, 03:53 AM

ما فيش حاجة مستحيلة ولا بعيدة ع ربنا
لازم تخلى املك فى الله سبحانه وتعالى
وباذن الله تحقق حلمك
انت حاول انك تشد حيلك وتخلى هدفك قدام عينك
وربنا يوفقك باذن الله ويوفقنا

Mostafa Walid

07-08-2011, 05:04 AM

اكيد مفيش حاجة مستحيله اهم الحاجه الُثقه فى ربنا و100% مش بعيده والله بس ثق فى نفسك كده واجتهد وربنا حيوفقك
وشد حيلك بس السنه اللى جايه يعنى بالكتير تجيب 98 وبكده لو قفلت المستوى ممكن تجيب97.4 وبيتهالى ده جديره تدخلك طب او صيدله
باذن الله وفى ايدك كمان تجيب اكتر من كده وربنا يوفقك ونقولك يا دكتور عما قريب

Gamal subhi

07-08-2011, 05:13 AM

tweetyy

07-08-2011, 08:16 AM

طالما الطب والصيدله والكليات دى حلمك يبقي هتشتغل باقصى حاجه عندك ولو اشتغلت جامد وجبت مثلا السنه الجايه 100% و1% مستوى يعنى 101% تجيب 98.4 يعنى 404 بالمستوى انشاء الله بس لازم كمان نحط في اعتبارنا ان الوصول لمجموع زى ده مش سهل لكن مش مستحيل وكلمه مش سهل مش الغرض منها انى اخوفك لا والهى لكن الغرض منها ان تخطط وترتب وتحدد انت هتعمل ايه وايه الصح وتنظم نفسك تشوف افضل طرق المذاكرة في جميع المواد الى عندك وايه افضل الكتب الخارجيه ودقق في كل حاجه متسبش حاجه الا لما تفهمها هنلاقي صعوبات كتيرة بلاش ياس خالص مش عاوزين ياس ونحاول مرة 2 3و10 واللهى هنوصل بس نطول بالنا عاوزين ثقه في ربنا اوووووووو ى انه مش هيضيع تعبنا خالص يعنى مثلا : لو حد قالك انك لما تدخل الامتحان هيكون في واحد معاك يحل كل اسالتك لانك تعبت السنادى هتعمل ايه
طبعا هتكون فرحان اوى اوى اوى ان في حد معاك يمليك وهتطمن انك معتمد عليه امال بقي ربنا............ عارف يعنى ربنا اما تعتمد عليه
اكيد انت لما هتتعب هتلاقى ............ كمان لازم تكون دقيق وواضح مع نفسك بمعنى تراجع اخطائك السنه الى فاتت تشوف 12 درجه دول نزلوا في ايه وايه السبب ايه العيوب الى عندك وتحاول انك تتجاوزها وتلاقي ليها حل عشان متقبلكش السنادى واسال الى اكبر منك يفيدوك
وانت بتذاكر بقي هيجي الشيطان وياسك شويه ويقولك دانت جبت 94 % هتعمل ايه وتكمل ايه بقي دا مجموع ده دا كل الناس جايبه اعلى منك دا المجاميع عاليه السنادى تعمل ايه بقي .............تروح جايب الجزمه وضاربه بيها هههههههههههههههههه وقله امشى من هنا ياض ماليش دعوه بحد انا هنجح وهحقق الى مش هيعرف يحققه الى جايب 99% السنادى
وربنا يا رب يوفقك ويوفقنا جميعا للخير

Gamal subhi

07-08-2011, 04:31 PM

Mostafa Walid

07-08-2011, 06:45 PM

والله يا مصطفى انت حمستني بس عايز اعرف هوه في حد زيي قدر يعدي العقبه دي؟

ايوه انا عايز الحماس ده علشان تدخل كده متحمس :d واكيد فى ناس قدرت لان اكيد مفيش حد بيعتمد على ربنا ويتعب فى حياته وربنا بيخذله انت بس اتعب وثق فى ربنا زى ما قولتلك وباذن لله ربنا حيوفقك
وابقى ادخل معانا هنا فى الجروب احنا كلنا هنا تالته وادى الرابط
http://www.thanwya.com/vb/showthread.php?t=343754

tweetyy

07-08-2011, 08:33 PM

ايه الكلام الحلو ده ربنا يديك tweetyy على اد نيتك
يا رب ويوفقنا جمعيا للخير وينجحنا انشاء الله

دى برولى

07-08-2011, 10:26 PM

بص كده انا درست بابين فى علم النفس
والباب الثانى بيتكلم عن الدوافع
----
فى نقص عنك الى هو مجموعك " حاجة "
نقص الحاجة الى عندك ده الى هو مجموعك القليل بيولد عندك دافع رهيب انك تذاكر كتيير
والدافع الى اتخلق عندك ده + شوية اصرار + شوية عزيمة + شوية تشجيع من الوالدين + اجتهادك طبعا
ان شاء الله بتوصل

Gamal subhi

08-08-2011, 12:47 AM

tweetyy

08-08-2011, 01:20 AM

ونصيحتى
الاحياء: مذاكرة من كتاب المدرسه + حل كتاب خارجى الامتحان + دليل التقويم + اصعب كتاب وهو كتاب النفيس
الفيزياء : نفس الكلام مذاكرة من كتاب المدرسه + حل كتاب خارجى الامتحان + دليل التقويم + اصعب كتاب وهو الوسام مساله صعبه جدا بس ده ف الاخر
علم النفس : 50 درجه في جيبك والمذاكرة من كتاب المدرسه
الانجليزي: كتاب surprise و the best ونحاول نحفظ كلمات ولما نحل الى مش عارفينه نروح للاستاذ مفيهاش حاجه
العربي : كتاب الوزارة للجماليات + كتاب خارجى شرح الرساله روووووووووعه
وربنا يوفقنا جميعا وابقي ادعليلى ربنا يفك كربي لانى بجد انا في صعب ويا ريت ااقدر اكون فيدك باى حاجه
اه نسيت ......................... نعمل كشكول فيه ورق فاضى نجمع فيه الى احنا مش عارفينه ونروح للاستاذ يفهمنا االاسئله ويقلنا على الاجابه النموزجيه ونراجع الكراسه دى كل جمعه
وربنا معاك

sad nono

08-08-2011, 04:21 AM

السلام عليكم ...
حضرتك لو جبت السنة الجاية 100% ووالله مشش بعييييييدة هيبقا مجموعك 403 بالمستوى الرفيع يعني 98.2
والله والله مش بعييييدة ابداااا
اعرف شخص كان جايب 95 في تانية وفي تالتة جاب 100% والله ممكن تدخل طب او طب اسنان بس خليها سنة كفااااااح
وتوكل على الله ...

وربنا يوفقك ان شاء الله

Gamal subhi

08-08-2011, 03:33 PM

Gamal subhi

08-08-2011, 03:35 PM

Gamal subhi

09-08-2011, 12:00 AM

شكرا ...........sad nono
بس انا حاسس انها صعبه مهو كده كده لازم اقل درجات :frown: يعني حقدر اقفل كل المواد؟؟؟ ولو اكيد العربي لا:o

وكمان الانجليزي برده صعب يتقفل ...........ولا المواد دي بتتقفل؟

tweetyy

09-08-2011, 01:56 AM

حل كتير وانت هتقفل الانجليزى مش صعبه والهى والعربي نفس الكلام وبالذات اهتم بفرع النحو اوى والتعبير وخلى بالك من الهمزات وكده الى بتضيع دى
ولو انت مش ضامن وخايف انك متجبش 100% السنه الجايه ودى خصوصا لو انت اخر مجهودك خالص بمعنى انك اتدربت واشتغلت وحليت 3 او 4 كتب ولا حاجه و وصلت في 2 ث ل 94% اما بقي لو كان في لعب ولا حاجه او اهمال نوعا ما ههههههههه يعنى مجهودنا الحقيقي الجامد المضاعف اعلى من كده بكتير نكمل علمى علوم
ولو انت مش متاكد انك هتقدر توصل اليل بالنهار وتخلى مجهودك double وتعرف الطرق الصح للمذاكرة وكده
وكمان في حاجه فعلا 100% صعبه في 3 ث عاوزة حد قادر اوى وعارف هو هيعمل ايه
لو انت مش متاكد انك هتقدر تجيبهم (لان العزيمه راحت )
خلاص ..................

ممكن تحول علمى رياضه هى لو حسابات بورقه وقلم فا علمى رياضه افضل ليك وكمان لو دخلت كليه الهندسه حلو اوى هى برده من كليات القمه و افضل للولاد لان الولد حر الحركه ممكن يروح اى حته بس لو انت شايف انك مش هتمشي في الرياضه او مستواك وحش فيها او بتعجز عن فهمها او مش حلم حياتك كليه هندسه خلاص كمل علمى علوم افضل ليك لان كليات علمى علوم شايف نفسك فيها وبتحبها وهتمشي فيها
لكن ل الامان ليك بجد علمى رياضهلانك اتكلمت فوق كلمه حلوة قلت ان في معدل نزول درجات اكيد ف 3 ث (بس انت ممكن تذاكر كويس وتوصل ) لو انت شايف انك ممكن تنزل درجات حتى لو عملت مجهود كمل علمى رياضه لان مسموح فيها بمعدل النزول
مثلا انت جايب 193 في 2ث ممكن السنه الجايه لو جبت 195 و 5 درجات مستوى مثلا السنه الجايه تلحق هندسه على اعلى تنسيق شفناه لحد دلوقتى (ده مثال )
انا عاوزة اقللك انت ليك الاختيار وعارف قدرات نفسك والى هتمشي فيه اختاره والامن ليك الى تقدر تدي فيه لحد اما توصل ل 100% في 3 ثانوى انشاء الله
ولو علمى علوم انت جايب 193 في 2 ث لو جبت في 3 ث 203 و 5 درجات مستوى تلحق طب اسنان على اعلى تنسيق شفناه حد دلوقتى (ده مثال )
شوف نفسك ابيه الافضل
ومتخافش في ناس حققوا المعادله الصعبه دى واللهى العظيم مدرسه ليا قالتلى كان في طالب عندها كان جايب 94 % وكمل علمى علوم واصر وواصل اليل بالنهار (لانه كان عارف ان علمى علوم هوا ده الى هيدى فيه وان الكليات الهندسيه صعبه او مش هيقدر يدي في الرياضه اعتقد ده) جاب مجموع السنتين 98% لحق اسنان وكان مجموعه جايب طب كمان بس عو مكنش عاوز الا اسنان
شوف وقرر

زهراء السيد

09-08-2011, 02:00 AM

وكمان الانجليزي برده صعب يتقفل ...........ولا المواد دي بتتقفل؟

انت ان شاء الله لما هتذاكر كويس وتعمل بجهد وفعلا كأنها سنة كفاح وتحل من كتب كتيرة وتتفوق في المادة تخش الامتحان وانت ضامن ياباشا الدرجة النهائية ان شاء الله حتي ياعم لو نقصت في البراجراف ربع المراجع هيبص علي الورقة هيلاقي كله صح ان شاء الله فهيلاقي ان انت ماتستاهلشي انك تنقص ربع فيديك الدرجة النهائية وكمان الاوائل بتوع السنة دي ناقصين في العربي وده ممكن يكون طبيعي شوية في التعبير بس مقفلين الانجليزي

حط قدامك ان كل ثانية انت اولي بيها وان كل اما تذاكر اكترهتوصل لل100% ان شاء الله وبالمستوي الرفيع يسلام بقي لو خدت الخمس درجات يبقي مجموعك5 ,102% يبقي كله 98.5

وعلي فكرة أختي كانت جايبة 95%في تانية وفي تالتة جابت101% بالمستوي الرفيع وكله جابت 97,7% والحمد لله دلوقتي بقيت في كلية طب أسنان

يااااله ياعم اجدعن بقي علشان تلبس البلطو الابيض
مصر كلها مستنياك
:022yb4::022yb4::022yb4::022yb4::022yb4::022yb4::0 22yb4:

TITOOOOOOHATRK

09-08-2011, 02:38 AM

لو ده املك فى الدنيا يبقى مش محتاجه سؤال كافح علشان تحققه

ArabianPDA2

09-08-2011, 09:21 PM

وكمان الانجليزي برده صعب يتقفل ...........ولا المواد دي بتتقفل؟
الانجليزي سهل جدااااا تجيب فيه ال25عن تجربه
متقلقش بس احظ كلمات كتير
وخليك مذاكر انشاله قليل بس مذاكر صح
احسن بكتيييييييير من كتيييييييييير وبعدم استيعاب كامل

فاطمة456

09-08-2011, 09:41 PM

Gamal subhi

09-08-2011, 11:50 PM

شكرا ليكو كلكو وخصوصا tweetyy لانك بجد شاركتيني من قلبك وانا الحمد لله دروسي بدات والنتيجه ابتدت تظهر شكرا ليكي بجد .................بجد نفسي نبقى صحاب

tweetyy

10-08-2011, 03:55 AM

انا داخلة 2 ثانوى .............انا بدات الدروس وخايفة موت وحاسة انى معنديش حماس زى الاول مش عارفة لية معنى لسة مبداتش كل المواد امال لما اخد كل المواد حعمل اية استر ياااااااااااااااارب........المهم انا مش عارفة اعمل اية عايزه اتخلص من حالة الامبالاة اللى انا فيها دلوقتى مش عارفة اصل انا بحس ان حاجة بتقلى (اية يعنى حيحصل لما تذاكرى اية يعنى لما تجيبى مجموع عالى ) فى حاجة بتحبطى مش عارفة اية هى.....

ارجوكم سعدونى ربنا يبارك فيكم ويجعلة فى ميزان حسناتكم ...........
العلاج الدينى الجميل لحالتك يا قمر :
لالالالالالالالالالالالالالالالالا دا من الشيطان بصي متخافيش دى حاله عاديه بتحصل للى في منه امل انه يجيب حاجه يعنى انتى مثلا اكيد انسانه شاطرة جدا وهيجي منك انا حاسه والهى بصي استغفرى ربنا كتير وكل ما تجيلك الافكار دى اقرائي ايه الكرسي
بسم الله الرحمن الرحيم
اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَوَاتِ وَالأَرْضَ وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ
صدق الله العظيم
تمام........... واقراى الاذكار واظبي عليها وصلى الصلوات في موعدها وخلى ليكي كل يوم ورد من القران والافضل اقرائي كل يوم 50 ايه من سورة البقرة
الحاله دى هتروح باذن الله
لان الى عندك ده وسوساس بيحسسك بالبلاده والبروده وبيقتل حماسك ....... احنا نعمل ايه يا قمر نقتل جماس الشيطان احنا بالقران هههههههههههه اتفقنا
علاج حالتك النفسي :
مش معقول واحده داخله ثانوى عام شعبه علمى عشان منفسهاش في مجموع مفيش واحده عارفه ان ثانوى عام صعب ومش عاوزة تجيب مجموع حاجتين عكس بعض مينفعوش

ثانيا : فجاة كده الحمس اتحول لبرود طيب خلينا مع الشيطان الى بيوسوسلك ده (ههههههههههه )يا قمر اعرفي انك لما تكونى بارده وهاديه في الاول هيزيد حماسك في الاخر في الفترة المطلوب فيها زياده الحماس والى من الطبيعي هيجيلك فيها الحماس لواحده الى هيا شهر 1 كده وعليكي خير

ثالثا : لما هتتدخلى ف المذاكرة وتتدينى هتنسي الحاله دى خالص
رابعا: لازم تعرفي ان المذاكرة بس مش عشان مجموع ومش بتاخدى المواد عشان خاطر مجموع عشان خاطر تبقي انشانه مثقفه يكون في فرق بينك وبين الجاهل ذو شخصيه تافهه وفكر تافه الى مش بيعرف حاجه واعرفى ان كل حرف هتخديه هيفيدك طول حياتك في اي ماده لما تكبرى وتبقي زوجه عسوله انشاء الله هههههه بهزر هتفيدى عيالك
هيحترموكى لما تروحى الكليه لما تتكلمى مع حد العلم هيعلمك ازاى تتكلمى وتفكرى هيكبر عقلك
واخر حاجه خالص : المجموع ده

رابعا : اعرفي ان الكلام الى بيتقال في عقلك ده مش منك انتى ولا من تفكيريك لان الانسان بطبعه متحمس لكن في عوامل هيا الى بتوقف من حماسه ده ممكن استسلامه للوسوسه ووممكن اهله والى حواليه وكده

خامسا : خالى عندك ثقه بالله وبنفسك وقدراتك وان ربنا اكيد لما هتتعبي هيديكى وانك لما تحبى انك تبقي حاجه وتجيبي مجموع كبير هتبقي لان ربنا عاوز كده وربنا ااقوى من اى حد يهبط من عزيمتك يا قمر
.................................................. .................................................. .................................................. ......
عاوزة اقللك ان الحاله دى جاتلى ع فكرة واهلى هما الى قالولى الكلام الى انا قولتهولك ده
والحمد لله نفذت كل ده وراحت نهائيا
وربنا يوفقك ويوفقنا جمعيا يا رب ويهدينا ويهديكى للخير

Gamal subhi

10-08-2011, 06:40 AM

وفي الاخر بقول كلمة شكر متوفيش اللي عملتوه معايا من مساعده لكل الباقيين الاعزاء ArabianPDA2 وTITOOOOOOHATRK ولزهراء السيد ولsad nono والباقيين كلهم طبعا ...........بس كلمه اخيره عايز اقولها فاطمة456 ........اللي بيحصلك ده شئ طبيعي من عمل الشيطان بالصلاه والقران تقدري تتغلبي على العقبه اللي انتي فيها ياستي وبعدين هيا دي مشكله؟؟؟؟؟ههههههههههه احمدي ربنا انها مش اكبر من كده مثلا .........انا عايز كلامي ده يطمنك ويخليكي اكتر حماسه واعتبري نفسك في حرب حياه او موت علشان تتغلبي على الوسواس القهري اللي عندك وعندنا كلنا يعني مثلا انا مش قادره انا تعبانه نفسيا مش عارفه ازاكر ...........كل الحاجات دي عايزنها تروح من الحظه دي بجد بجد ابدئي من دلوقتي وحتلاقي النتيجه ...........لو ملقتيهاش في رمضان حتلاقيها في اي شهر اظن اغتنام شهر رمضان كويس لحالتك ........وان شاء الله نقولك يا دكتوره فاطمه قريب .............

Gamal subhi

10-08-2011, 05:13 PM

سؤال كده ع الماشي :d رايكو اخد المستوى الرفيع ايه؟ انا e وعايز احول عربي .........احول؟ ........وكمان بيبقى نظامه ايه؟وبنذاكره منين؟ وهل ليه كتب خارجيه؟;)

Gamal subhi

10-08-2011, 09:05 PM

ايه يا جماعه حد يرد من فضلكم عايزين نستفاد بخبرتكم:blush::blush::blush::blush::blush::blush:: blush::blush:

زهراء السيد

10-08-2011, 09:53 PM

سلام عليكم:078111rg3::078111rg3:
بص انا عن نفسي اخدت عربي لانه تقريبا بيبقي مضمون شوية بس وهوعبارة عن 13 او 14 درس قراءة ونحو قديم وبلاغة ده العربي وبيقولوا ان الغلطة فية بدرجة اما الانجليزي فهو عايز حد هيرو في القواعد وفي كتابة البراجراف بس مش عارفة ده عبارة عن ايه لكن ميزته ان الغلطة فيه بربع
وصلي صلاة استخارة

merooo520

10-08-2011, 10:03 PM

واحدة صحبتى كانت جايبة السنة اللى فاتت 94 وعلى السنتين جابت 98وقدرت الحمد لله تدخل طب اسنان .شد انت حيلك واعمل اللى تقدر عليه وسيب الباقى على الله ودايما تكون متأكد انك طالما بتتعب تعبك دا مش هيضيع ابدا ان شاء الله
وربنا يقدملك اللى فيه الخير ان شاء الله .

Gamal subhi

13-08-2011, 12:26 AM

شكرا من كل قلبي ليكو كلكو:078111rg3::078111rg3::078111rg3:

Gamal subhi

13-08-2011, 03:42 PM

اذكروا الله جميعا
الا بذكر الله تطمئن القلوب
كل اللي خايف من حاجه وحاسس انه مش قادر ياخد قرار
يذكر الله