لقد وصل اليوم فاكس لأدارة سمنود التعليميه ( غربيه)
كالآتى
(1) الأداريون يصرفون 25% حوافز + 83.5% مكافأه = 108.5% ويصرف لهم 91.5% حوافز تكملة 200%
(2) المعلم الذى يصرف بدل 50% +25% +83.5% مكافأه =158.5% يتم صرف باقى ال200% له
(3) المعلم الذى يصرف كادر المعلم (أى الذى دخل الأختبار وصرف 50% أو 75% أو 100% أو 125% ) لايتم التعامل معه لحين صدور تعليمات أخرى
هذا الكلام قرأته بنفسى فى حجرة الماهيات بالأداره
يعنى ماذا ؟ هل لايتم لنا نهائياً ؟ أم هناك مفاوضات أخرى ؟
وأين تصريحات الوزاره يوم الخميس بصرف 75% و 50% و25% ؟
هل نحن مازلنا نعيش فى دولة الكذب والخداع ؟

قرأت اليوم فعلا هذا الفاكس في إدارة المحلة ولفت نظري عبارة ( المعلمين الحاصلين على الكادر يتم تأجيل التعامل معهم حتى ورود تعليمات جديدة من الوزارة

لأن في الغالب الوزارة بتلاعبنا و عاوزة تشوف رد فعل المعلمين على القرارات و بعدين تنزل بقرار يمص غضب المعلمين كما هي العادة و ساعتها النايم يقول أنا في صف المعلمين
الله يحرق صف المستشارين الديوان كلهم .

أصبح شغل يهود

فين الحقيقة
وزارة بلا وزير
ربنا ينتقم منه

حرام عليهم

مفيش فايدة اطلاقا

حسبي الله ونعم الوكيل في وزير التتعليم ووزير الماليه

هو الوزير معتكف ولا واكل سد الحنك

بعد كل ال احنا فية !!!!!!!!!!!!!!!!!!!!
يا ترى الحل ايييييية ؟؟؟؟؟؟؟؟؟؟؟؟؟؟؟؟

نتظاهر ...... نعتصم ......... نضرب لا يوجد حلول أخرى

لا بديل عن الـ200% دون النظر الى المكافأة أو الكادر أسوة بالأطباء والقضاه وغيرهم ممن يتقاضون الكادر

لا تعليق لا تعليق

ياجماعه افهموا شويه المشكله ان الوزير مش فاهم اوضاع المرتبات ايه
اللى عامل فاهم ومنه لله
المستشار عبد الفتاح الجبالى هو اس البلاوى كلها ومش عارف سيبينه ليه من ايام يوسف بطرس غالى
اتمنى ان نعمل حمله لاقصاء هذا الرجل اللى عمل الحد الادنى وحرم المعلمين منه

اضراب اضراب دي سياسة الوزارة زي ما قالوا ان المدرسن ضمن الحد الادني بعد كدة كل سنة وانتم طيبين

حسبى الله ونعم الوكيل
ربنا ينتقم من هؤلاء الظلمه
فعلا هؤلاء البشر لا ينفع معهم الا لوى الدراع

اشمعنى المعلمين ولا علشان صوتهم واطى

يجب عدم التراجع باى شكل من الاشكال عن فكرة اعتصام الاربعاء القادم 10/8/2011 ولو كل معلم شجع زميل لة او اكثر لكان العدد كبير جدا المهم التنسيق

لابد من اقالة وزير الماليه ووزير التربيه و التعليم

من يوم مأكلوا الدرجات المالية ومحدش اتكلم قلبهم جمد وأكلوا جميع مستحقاتنا

هذا الوزير لن يستطيع بعد اليوم دخول اى مدرسة حكومى على مستوى الجمهورية لانه عارف ها يضرب بالجزمه القديمه
دا ان فتحوله باب المدرسة اصلا لان خلاص محدش ها يحترمه ولا ها يخاف تانى وعلى راى المثل عض يدى ولا تعض رغيفى

من يوم مأكلوا الدرجات المالية ومحدش اتكلم قلبهم جمد وأكلوا جميع مستحقاتنا

فعلا لما سكتنا طمعوا فينا

يا جدعان قابلوني لو حد سمع كلامنا ويا ريت كلنا نغير المسمى الوظيفي بتاعنا إلى إداري أو حتى عامل واللي بيتكلم عن وزير الوزير بتاعنا من غير واو 00000 ويا ريت حد يقوللي فين نقابة المعلمين لما مرتب العامل بقى أكتر من مرتبي وأنا يقالي 12 سنة في التعليم حسبي الله ونعم الوكيل 0

حسبى الله ونعم الوكيل مفيش فائدة من هؤلاء قيادات ضد التطوير ليس لهم لازمه وكمان عاوزين المعلمين يرتقوا بالتعليم كيف نحقق الجوده فى المدارس ؟ كيف تطلب من معلم مهان واصبح اقل من الفئة التى تذهب الى المدارس للجلوس فى الشمس شتاءًا والجلوس فى الظل صيفاً المعلم المطحون فى الفصل والذى يتعامل مع اكثر من 50 تلميذ ( أى 50 بيئة مختلفة ) لا يحصل على 200% المعلم المصرى يجب تكريمه كل يوم لانه يحاول الارتقاء بالتعليم بأقل الامكانيات المتاحة له زهقنا من كثرة الكلام الغير مسموع .

كان من المتوقع ان حكومه الثورة هذه تكون بتفهم فى القانون
والغريبه ان القانون فى صف المعلمين ولكن الاغبياء لا يفهمون

عايز ارسل صوره من قانون 155 الى عصام شرف
ونسخه اخرى الى الببلاوى التعيس
يمكن يكونوا لم يقراوه بعد هذا القانون

ادي اخرة السكوت والتراخى لايتم التعامل معه

الحل نتجمع جميعا يوم 10/8 أمام الوزارة

مش عايزين كلام وبس
عايزين المعاة المنشور
او الفاكس
ينزلة علي المنتدي

في الغالب الوزارة بتلاعبنا و عاوزة تشوف رد فعل المعلمين على القرارات و بعدين تنزل بقرار يمتص غضب المعلمين كما هي العادة و ساعتها النايم يقول أنا في صف المعلمين
الله يحرق صف المستشارين الديوان كلهم .

أصبح شغل يهود ومش عارف ليه دايما كده اظن ان المقصود ان البلد تفضل في حاله هرج ومرج
وبقي واضح مين ايلي ................

يعنى ما كفاهمش تهميش المعلمين والاستخفاف بهم لا درجات بحجة أنها مرتبطة بالكادر يعنى أن هذا ظلم للمعلمين الذين استحقوا الدرجة مثل أى موظف زميل فى أى مصلحة أخرى وكمان مافيش حوافز فكيف تطالب المعلم بتحقيق الجودة فى المدارس وأصبح راتبه أقل من راتب أى عامل وأصبح المعلم مهان فحسبى الله ونعم الوكيل فى كل قيادى لا يفهم ولا يقدر قيمة المعلم

محدش عارف حاجة

عارفين ليه يا اولاد احنا الوزارة الوحيدة الى بيحصل فيها كده ؟ لان المدرسين مش رجالة عارفين هما ايه ؟ طيب ايه الحل يا اولاد نطالب بالغاء الكادر ونتعامل مثل باقى موظفين الدولة البنوك والبترول و .......... ونخلص من اللبانة الكزرة الى اسمها الكادر ونشيل المستشارين الحرمية الى بياخ>وا فلوسنا نفسى اعرف بياخ>وا فى الشهر ملاين ليه دول حبة رعاع ونهبين فلوسنا قبل مانتكلم على حد ادنى نتكلم على حد اقصى والناس العوطلية الى بياخ>وا فلوسنا وعاملين نفسهم ليهم اهمية والاهمية كلها للمدرس محور العملية التعليمية

مفيش غير الكلام الفاضى معاكم انتم وكل ومن يقراء الموضع يولول مثل ...............وعاوز حد يجبله حقه
الحق مفيش غير التوجع والتألم والحسبنة ولكن رد فعل اجابى ...... صفر
والله بسبب شغل ..........هيضيع حقنا جميعا
ليه منباش رجالة جد ونخرج للوزرة يوم الاربعاء القادم ويكون الافطار جماعى هناك

عايز ارسل صوره من قانون 155 الى عصام شرف


ونسخه اخرى الى الببلاوى التعيس
يمكن يكونوا لم يقراوه بعد هذا القانون



لقد أرسلته لهم
فلا تتعب نفسك
هم يعرفونه و لكنهم يماطلون و لا يريدون إحقاق الحق و لا تطبيق القانون
للأسف من الناحية القانونية أصبح الحل الوحيد هو رفع قضية عليهم
و لكن لا نستطيع رفعها إلا بعد أن يطبقوا كل المخالفات التى يقررونها الآن
يعنى ادفع و بعدين اتظلم زى فواتير الكهربا و المياه و التليفونات
تحياتى

لا بديل عن الـ200% دون النظر الى المكافأة أو الكادر أسوة بالأطباء والقضاه وغيرهم ممن يتقاضون الكادر كما أن الكادر فى التربية والتعليم مشروط بـــــــــــــ
1- اجتياز اختبارات ( على أساس ان المعلم لسه تلميذ )
2- الحصول على مؤهل تربوى ( على أساس انه مبيفهمش وانه مخرجش من تحت ايده أطباء وقضاة ووزراء يقطعوا فيه )
3- الحصول على شهادة i c d l ( على أ ساس ان أجهزة الكمبيوتر متوفرة فى المدار س )
لو المعلم سكت عن حقه سمحونى لا يشرفنى أن أنتمى الى هذة الفئة المتخاذلة الجبانة:excl:

اقل الناس مرتبات
الحكومة كده بتستهزاء بالمعلمين واصبحوا اقل فئة فى الدولة لانهم أضافوا فقط ما يساوى ال 200% لباقى الدولة لكن مع المعلمين 50$ على اساسي 2011 والباقى على اساسى 2010 مش بس كده كل موظفى الدولة حصلوا على الدرجات إلا المعلمين وعجبى على بلد تريد اصلاح التعليم !!!!!!!

شيلوا الوزير وحطوا خروف يمكن يحكم بالمعروف

الى كل السادة مدرسي التربية والتعليم النزول يوم الاربعاء الموافق 10 / 8 والتجمهر امام وزارة التربية والتعليم وتوصيل مطالب المعلم المصري الي قيادات التربية والتعليم الفاشلة واسقاطها من على كراسيها الفخمه والاتفاق على عدم بداء الدراسه في موعيدها الرسمية حتى تحقق مطالب المعلم المصري ومساواته ليس ب عامل في الكهرباء فقط او دكتور في الجامعه فقط او مستشار في النيابه او ضابط رطه مساواته بمسيله في المانيا ويجب التمسك بهذا المطلب والله الموفق

نعـــــــــــــــــــــــم
ننزل ونقف وندافع عن حقنا وعن حق أولادنا وندافع عن البلد كلها فى تعليم صح ..فى حياة كريمة بحق ..فى كرامة للمعلم يستحقها بحق ..فى عدالة اجتماعية على رأسها المعلم بحق ..أنا عندى الآن احساس إن الخير قادم ..قم يا أخى ..قومى يا أختى ..قم أيها المعلم الشريف ويكفى هذه الغفلة اللتى نحن فقط وضعنا نفسنا فيها ..هناك هدف سامى لنا جميعا ولن يتحقق أى هدف لهذة البلد من غير معلم يوضع على جبين هذه الأمة وقوته فى اتحادنا نحن المعلمون
أنا نازل يوم الكرامة يوم 10/8/2011 ..............................​...شكرا

نحن جبناء حتى اشعار اخر

مش هما بيقولو هنعطيكم حافز اداء للمعلم المساعد 75 ومعلم 50 ومن معلم اول الى كبير 25% طيب حلو وسموه حافز اداء الى هو المرحله التالته من الكادر حافز اداء تميز كويس

عاوزين بقه حافز الاثابه يا حكومه وشكرا لكم على حافز الاداء ونكون اذكى منهم ونضعهم فى حيره اذ اننا من حقنا حافز الاثابه وايضا حافز الاداء بنص قانون الكادر

http://a2.sphotos.ak.fbcdn.net/hphotos-ak-snc6/263339_138798592874681_100002336234501_236229_3054 890_n.jpg (http://www.facebook.com/photo.php?pid=235553&id=100002336234501)

اللى يطاطى ويتنازل عن حقه من الاول يستاهل بعد كده اى ظلم يحصله مش سكتوا على ضياع الترقيات وفرحتوا بالكادر اهى العظمة اللى انشغلته فيها ضيعت عليكوا اللحمة اللى بجد

يا رب نشوف فيهم يوم