السلام عليكم
.....
جاتلي فكرة اننا نعمل رابطة لكل اعدادي هندسة فـ جميع المحافظات عشان نقدر نفيد بعض ونتجمع هنا
ونحط معلومات عن كل الكليات واقسامها بدل ما بندور علي المعلومات في توبيكات متفرقـة
.....
يا ريت الكل يدخل هنا عشان نقدر نفيد بعض بكل اللي نعرفه
سواء انت دخلت
القاهرة - عين شمس - حلوان - المطرية - شبرا - المنصورة - بني سويف - اسيوط - المنيا - اسيوط ... إالخ
...............
الاهم بقا اننا نحط كل اللي نعرفه هنا .. بدل المرمطة بره :d
وانا مستني مشاركة الجميع ان شاء الله
وانا باذن الله هبدأ بالقاهــــــرة في البوست الجاي
.......

هندسـة القاهرة

http://img198.imageshack.us/img198/4108/25472423124258153291389.jpg
..
..



نبذة : تعتبر كلية الهندسة بجامعة القاهرة إحدى المؤسسات التعليمية والبحثية ذات الوجه الإيجابي والمشرق في قطاع التعليم العالي على مستوى الوطن العربي.وهي الآن بمثابة أكاديمية تقنية ترفد ميادين الإنتاج في فروعه المختلفة بمختصين من ذوي المؤهلات العلمية والعملية لمواكبة التطور والتقدم التقني العالي.



---------------------------------

أقسام الكلية :



....

قسم الرياضيات والفيزيقا الهندسية

قسم الرياضيات والفيزيقا الهندسية هو قسم خَدَمِي، أي لا يتخصص به الطلاب، ولكن يدرسون فيه مواد الرياضيات والفيزياء في السنة الإعدادية. ولكن يمكن عمل الدراسات العليا فيه.
قسم الهندسة المعمارية

.....

قسم الهندسة المدنية

يحتوي قسم الهندسة المدنية على الشعب التالية:


قسم الهندسة الإنشائية (للدراسات العليا فقط)
قسم الأشغال العامة
قسم الري والهيدروليكا (للدراسات العليا فقط)

قسم الهندسة الميكانيكية

أقسام الهندسة الميكانيكية هي:


قسم هندسة القوى الميكانيكية
قسم هندسة التصميم الميكانيكي والإنتاج

......





قسم هندسة الطيران والفضاء



في أواخر الثلاثينيات من هذا القرن فكر الأستاذ الدكتور عبد الرحمن الساوى أول عميد مصري لكلية الهندسة جامعة القاهرة في إنشاء دراسات لهندسة الطيران في الكلية، فبعث الأستاذ الدكتور إبراهيم أدهـم الدمرداش والذي كان يعمل مدرسا بالكلية إلى إنجلترا للاطلاع على برامج وطـرق تدريس هندسة الطيران، وعاد في خلال عام للتعاون مع بعض الأساتذة الموجودين في الكلية مثل الدكتور الكردانى والدكتور مصطفى أبو زهره وكلاهما كان متخصصا في الديناميكا الهوائيه، وتم إنشاء دراسـات للطيران في السنة الرابعة ميكانيكا كشعبة (عام 38 - 39). وفى هذه الفترة أرسلت بعثتان : د. محمود على حسين إلى سويسرا ود. شكرى كامل إبراهيم إلى إنجلترا ثم إلى أمريكا. في أواخر الأربعينيات طالب الدكتور عبد الرحمن الساوى الذي ترك الكلية للعمل وكيلا لوزارة الحربية بتطوير دراسات هندسة الطيران في قسم الميكانيكا لتبدأ من السنه الثالثة. وفى هذه الفترة عاد للقسم بعض مبعوثين وخاصة الدكتور حامد كمال الدين الذي تخصص في إنتاج الطائرات ودكتور محمود على حسن المتخصص في الديناميكا الهوائية. وفى أوائل عهد الثورة (عام 53 - 54) تم تحويل الشعبة إلى قسم علمى وأصبح بكالوريوس هندسة الطيران. وانضم إلى القسم مجموعة من أعضاء هيئة التدريس بالجامعة المصرية مثل د. محمد إسماعيل راشد، د. محمد رشاد البدراوى (من الإسكندرية)، د. حسن الشريف من سويسرا وانتدب د. أسامة أمين الخولى من الإسكندرية في عام 61 - 62 وأصبح القسم يبدأ من السنة الثانية وظل على هذا الحال حتى عام 72 حيث رأت الجامعة ضم كل طلاب الأقسام الميكانيكية في دراسة واحدة يتشعبون بعدها جزئيا في السنه الرابعة، وظل الأمر سائدا حتى عاد القسم مره أخرى في عام 86 - 87 يستقبل طلابا من السنة الأولى، وأصبحت الدراسة في القسم أربع سنوات.
......

قسم هندسة الإلكترونيات والاتصالات الكهربية

......

قسم هندسة القوى والآلات الكهربية

......


قسم الهندسة الكيميائية

........

خدلك جولـة فـ هندسة زايد من هنـــا (http://unimasr.com/ums/pano/)( بانوراما )

...

بخصوص التقديم في الكلية انا روحت وقالوا انه هيبدأ يوم 10/8
وان شاء الله هنزل بكرة اشوف الجو تاني وارجع اقولكوا
اما بالنسبة للتقديم هيكون علي مراحل حسب الحروف الابجدية
...
المطلوب
1. 6 صور شخصية
2. شهادة ميلاد الكترونية
3. شهادة النجاح الاصلية
4. بطاقة الترشيح للكلية
5.استمارة 2جند ( للولاد بس :p )
...

فيديو لهندسـة القاهرة فرع زايــــــد
هنــــــــا (http://www.youtube.com/watch?v=kjxIbCrISm0&feature=player_embedded)
:)
............

الادوات المطلوبـــــة :: ( منقـــــول )
.
.

أولا بالنسبه للإنتاج والكيمياء


هتحتاج فيهم بالطو ابيض
وده ممكن تشتروه من عند القصر العيني
أو
من أي مكتبة سمير وعلي وفي منها في الجيزة والدقي
أو لو تعرف حد في كلية طب ممكن تاخده منه
وممكن تبدله مع أصحابك اللي في السكاشن التانيه


-------------------------------------------------------------

وبالنسبه للرسم الهندسي

مسطره حرف تي : وتكون 80 سم وسعرها بيتراوح من 40 الى 60 جنيه
وهتلاقوها في مكتبات سمير وعلي

ونصيحه بقى للناس اللي ناويه على قسم عماره ومتأكده انها هتدخله
يجيبوا مسطره 120 سم علشان ميضطروش يجيبوا مسطرتين

وهيطلبوا منكم طقم براجل في الكليه وسعره تقريبا 98 جنية
وانتو ممكن تستغنوا عنه ببرجل ب 4 جنية يقضي الموضوع
..

مثلثين
الأول زواياه 30؛ 60 درجة
والثاني زواياه 45 ؛45 درجه
وملحوظه مهمه : انهم ميكونوش مشطوفين من الأطراف
يعني الحدود بتاعتهم قايمه مش مايله
زي دي كده

http://unimasr.com/community/images/spacer.gifhttp://www.unimasr.net/ums/upload/files/2010/Aug/UniMasr.com_faa3b2aa6497c0d94504af7f60c3dc0a.jpg
....

وكمان هتحتاجوا روول

وهو عباره عن اسطوانه سوده بنشيل فيها اللوح
وهو شبه الأر بي جي
...


وبالنسبه للأساتيك
انتو محتاجين استيكه نوعها كويس لأن نظافه اللوحه وتنظيمها بيبقى عليها 20%من الدرجه


وبالنسبه لمسح الأجزاء الدقيقة في الرسمه في 3 حلول

الأول :انك تجيب استيكة قلم
الثاني : انك تجيب حاجه اسمها شبلونة رسم
الثالث : انكوا تنفضوا وتتعاملوا بالأستيكة العاديه
كمان انتو محتاجين فوطتين برتقالي
زي اللي بيتمسح بيهم العربيات
......

وهتحتاجو قلمين سنون هما
0.5 & 0.7
الأقلام الأصليه سعرها في حدود 20جنية للقلم
بس ممكن تجيبوا اي قلم رخيص مش شرط يكون اصلي
لكن المهم نوع السنون مش نوع القلم
السنون الأصليه على فكره مش غاليه قوي
لكن هتريحكوا في الشغل قوي
.....
بالنسبه للوح هتجيبوها من الكليه قبل السكاشن
واللوحه بتكون ب 0.5 جنية

وكمان هتحتاجوا سلوتب لتثبيت اللوح
.....
بالنسبه لأدوات الرسم الغير أساسيه
الأدوات اللي هقولها دي مش ضروريه لكن تقدروا تقولوا عليها للرفاهيه
....
مثلث أرسطو
ده بيبقى فيه خطوط مرسومه بالعرض
وده بيستخدم لزوم التلصقه
....

مسطرة الدواير
ودي لو هتجيبوها لازم تبقى نظيفه قوي علشان تكون مظبوطه وبتبقى في حدود 30 جنية
....
بصوا بقى
هما في الكليه بيطلبوا منكوا تجيبوا تربيزه للرسم
لكن مش شرط
ممكن تستخدم اي تربيزة عندك في البيت يكون حرفها مستوي ومفيهوش بروز
احنا كلنا عملنا كده
متكلفوش نفسكوا
.....
بالنسبه للكتب اللي اجباري انكم تجيبوها

كتب الرسم :ودي ممكن تصوروها بس هما في لترم التاني رفضوا تصويرها وخلوها اجباري
فأسألو الدكاتره عندكم الأول
وكتب الرسم بتاعة الترم الأول كانت ب 80 جنيه
والترم التاني ب 100جنيه


كتب معمل الديناميكا
ودي بتبقى في الترم الثاني بس
....
كتاب معمل الفيزيا :للترمين ب 25 جنيه
الكتب دي كانت الكتب الإجباري انكوا تشتروها
...
لكن في كتب تانيه مهمه برده وهتفيدكوا كتير
وهي :

كتاب الحاسبات
وده مهم جدا
.
كتاب المسائل المحلوله في الرياضيات
25 جنية
.
شيت الديناميكا
25 جنيه
------------------------
منقــول للإفــادة :d

thxxxxxxxxxxxxxxxxxxx

thxxxxxxxxxxxxxxxxxxx

منور يا غالي والعفــــو
يا ريت لو عندك معلومات تحطها برضو وتشارك

http://www.unimasr.net/ums/upload/files/2010/Jul/UniMasr.com_f3ccdd27d2000e3f9255a7e3e2c48800_9.jpg

صــورة من جوجـل ايرث لهندسة زايـــد
توضح تقسيــم الكلية

ما شاء الله موضوع متميز جداااا
" كالعادة "
هحاول انزل حاجات بردو عن هندسة عين شمس " ربنا يوفقنى بقى "
جزاك الله كل خير

ما شاء الله موضوع متميز جداااا
" كالعادة "
هحاول انزل حاجات بردو عن هندسة عين شمس " ربنا يوفقنى بقى "
جزاك الله كل خير


شكرا ليكي وربنا يوفقك :d
ويا ريت تنزلي حاجات برضو :)

جزاك الله خيرا على الموضوع
وشكرااااا اوي على انك قلت على ميعاد التقديم

جزاك الله خيرا على الموضوع
وشكرااااا اوي على انك قلت على ميعاد التقديم

العفــو ..
وانا زي ما قلت ان شاء الله نازل الكلية بكرة
وهعرف باذن الله المواعيد بالظبط يعني الحروف الابجدية والايام وهحاول احطهالكوا عشان ميحصلش لغبطة
نورتني ,, :)

فكره جميلة يا بشمهندس وان شاء الله اشارك معاكم

بس يا ريت بلاش الرغي الكتير في المعلومه انا حبيت اقرأ لقيت كلام كتير تعبت بصراحه

احسن حاجه تكون المعلومة خفيفه

عشان الواحد يستمتع في معرفتها ، انت مش ذكرت الاسماعيلية وانا زعلان منك

بس انا جالي اسيوط وان شاء الله كلهم خير باذن الله

واشارك معاكم قريب

،،،،،،،

فكره جميلة يا بشمهندس وان شاء الله اشارك معاكم

بس يا ريت بلاش الرغي الكتير في المعلومه انا حبيت اقرأ لقيت كلام كتير تعبت بصراحه

احسن حاجه تكون المعلومة خفيفه

عشان الواحد يستمتع في معرفتها ، انت مش ذكرت الاسماعيلية وانا زعلان منك

بس انا جالي اسيوط وان شاء الله كلهم خير باذن الله

واشارك معاكم قريب

،،،،،،،


والله انا كاتب الخ :d
وبالنسبة لحتة الرغي ف المعلومة انا بكتب كتير فيها لان في ناس بتسأل اكتر من سؤال في جزئية معينة بيبقوا عاوزين يعرفوا عنها كل حاجة ف بكتبها كلها
وحاضر هحاول اقلل الكتابة بعد كدا :)
ومبروك ليك اسيوط انا ليا اتنين اصحابي فيها ... ;)

هندسة المنصورة و يسعدني انضم ليكوا , ,

هندسة المنصورة و يسعدني انضم ليكوا , ,

ايه دا محولتش القاهرة ;)
طب كويس اصلي مكنتش هعرفك برضو :p
منور يا ريس واحنا اسعد وحط معلومات عن كليتك هنا

أخيـــراً رابطة واحدة لكل طلبة إعدادي :d

أنا أحمد سعيد هندسة المنيــــا وإن شاء الله أنا وزمايلي في الجامعة نحاول نجيب كل المعلومات والميديا الخاصة بالجامعة وكلية الهندسة بشكل خاص

ومستنيين تفاعل كل الباش مهندسين معانا هنا في الرابطة إن شاء الله

بالمناسبة يا باشمهندس أنا كنت إمبارح في كلية الهندسة جامعة القاهرة باخد جولة أنا وواحد صاحبي بكالريوس هندسة مدني القاهرة، إتفرجت علي كل الأقسام هناك في الجامعة والمنشآت كلها وبجد ما شاء الله كلية جميلة ومنظمة و روحها حلوة كده، بإذن الله أنضم ليكوا السنة الجاية

بالمناسبة يا باشمهندس أنا كنت إمبارح في كلية الهندسة جامعة القاهرة باخد جولة أنا وواحد صاحبي بكالريوس هندسة مدني القاهرة، إتفرجت علي كل الأقسام هناك في الجامعة والمنشآت كلها وبجد ما شاء الله كلية جميلة ومنظمة و روحها حلوة كده، بإذن الله أنضم ليكوا السنة الجاية

قروا بقا ع العالم :p
يا ريس تنور السنة الجاية ان شاء الله
وانا عارف ان فرع الجيزة جميل اوي ومنظم
اما زايد نظيفة وحلوة وكل حاجة بس مفيهاش الروح دي
مش عارف رمونا بعيد ليه كدا
ههههههه

قروا بقا ع العالم :p
يا ريس تنور السنة الجاية ان شاء الله
وانا عارف ان فرع الجيزة جميل اوي ومنظم
اما زايد نظيفة وحلوة وكل حاجة بس مفيهاش الروح دي
مش عارف رمونا بعيد ليه كدا
ههههههه

ده بيقولك طلبة الكريدت في جامعة القاهرة هيترموا هما كمان في الشيخ زايد السنة دي علي الرغم إنهم أول سنة بيقضوها في الجيزة عادي

والله انا كاتب الخ :d
وبالنسبة لحتة الرغي ف المعلومة انا بكتب كتير فيها لان في ناس بتسأل اكتر من سؤال في جزئية معينة بيبقوا عاوزين يعرفوا عنها كل حاجة ف بكتبها كلها
وحاضر هحاول اقلل الكتابة بعد كدا :)
ومبروك ليك اسيوط انا ليا اتنين اصحابي فيها ... ;)


شكرا لزوقك يا معلم علي الكلام

مش قصدي حاجه والله انت علشان انسان محترم انا قرأت الكلام كله :cool:

واستفدت والله ..... بس انا ان شاء الله هستنا لما نخش واعرف ايه المطلوب بالظبط مننا

يمكن محتاجين كشاكيل ولا حاجه نشوف الجلاد مثلا

وبعدين علي فكره انا كل قرايبي في القاهرة اانا الوحيد الي هنا في اسماعيلية

اما بالنسبة لاسيوط اهلا وسهلا بصحابك :friendsxs3: وانا سمعت انها بلد جميله

ومستواها بما يعادل القاهرة :022yb4:

،،،،،،،

هندسة المنصورة و يسعدني انضم ليكوا , ,


تشرف يا غالي انا اهلي اصلا من المنصورة من الدقهلية حاجه كده

،،،،،،،

أخيـــراً رابطة واحدة لكل طلبة إعدادي :d

أنا أحمد سعيد هندسة المنيــــا وإن شاء الله أنا وزمايلي في الجامعة نحاول نجيب كل المعلومات والميديا الخاصة بالجامعة وكلية الهندسة بشكل خاص

ومستنيين تفاعل كل الباش مهندسين معانا هنا في الرابطة إن شاء الله


انا جايب مجموع المنيا بس جالي اسيوط علي اساس اني كتبتها الاول

ما انا معرفش حاجه بقي .... بس بيقولك اسيوط احلي من المنيا

حاول تحول وتيجي معايا ... بيقولك المنيا بلد كلها مسحيين ... مش عيب ان يكون فيها كده

بس اغلبيتهم هناك من النوع الي القلب ميحبوش

،،،،،،،

شكرا لزوقك يا معلم علي الكلام

مش قصدي حاجه والله انت علشان انسان محترم انا قرأت الكلام كله :cool:

واستفدت والله ..... بس انا ان شاء الله هستنا لما نخش واعرف ايه المطلوب بالظبط مننا

يمكن محتاجين كشاكيل ولا حاجه نشوف الجلاد مثلا

وبعدين علي فكره انا كل قرايبي في القاهرة اانا الوحيد الي هنا في اسماعيلية

اما بالنسبة لاسيوط اهلا وسهلا بصحابك :friendsxs3: وانا سمعت انها بلد جميله

ومستواها بما يعادل القاهرة :022yb4:

،،،،،،،


او يمكن يقولولك الجلاد لونه ايه مثلا عادي برضو
او ممكن برضو التكت عشان الكشكول ميضعش
او مثلا يوقفك اول يوم ويضربك عشان خاطر مجبتش جلاد شفاف مثلا :022yb4::022yb4:

بالمناسبة يا باشمهندس أنا كنت إمبارح في كلية الهندسة جامعة القاهرة باخد جولة أنا وواحد صاحبي بكالريوس هندسة مدني القاهرة، إتفرجت علي كل الأقسام هناك في الجامعة والمنشآت كلها وبجد ما شاء الله كلية جميلة ومنظمة و روحها حلوة كده، بإذن الله أنضم ليكوا السنة الجاية


اوبا كده هتمشي وتسبني هههههه :p

،،،،،،،

او يمكن يقولولك الجلاد لونه ايه مثلا عادي برضو
او ممكن برضو التكت عشان الكشكول ميضعش
او مثلا يوقفك اول يوم ويضربك عشان خاطر مجبتش جلاد شفاف مثلا :022yb4::022yb4:


شفاف ايه يا بشمهندس ههههههه احنا في رمضان :d

وبعدين انا بهرج معاك u know

بيقولك لازم نتقن الانجليزيه هههههههه

،،،،،،،

شفاف ايه يا بشمهندس ههههههه احنا في رمضان :d

وبعدين انا بهرج معاك u know

بيقولك لازم نتقن الانجليزيه هههههههه

،،،،،،،


U KNOW
بتشتمني كدا من اولها
اه منت محدش قدك
المستوي علي بقا وحدش طايلك :p

U KNOW
بتشتمني كدا من اولها
اه منت محدش قدك
المستوي علي بقا وحدش طايلك :p


لا يا معلم وانا اقدر برده

ممكن بعد رمضان :p ولو مستحملتش اوي يبقي بعد الفطار يعني كمان نصايه كده ;)

،،،،،،،

علي فكره انا كنت ألفت ألش علي هندسة اسيوط هبقي انزلها في موضوع ان شاء الله

بس انا عطشان ناو فمش قادر اعمل حاجه

،،،،،،،

علي فكره انا كنت ألفت ألش علي هندسة اسيوط هبقي انزلها في موضوع ان شاء الله

بس انا عطشان ناو فمش قادر اعمل حاجه

،،،،،،،


مش بقولك اتغيرت كتير
ومستواك علي :d

أي خدمات بس انت تعرفني ولا تعرف مستوايا علشان تلاحظ التغييير ؟ :d

،،،،،،،

هااااااااى يا احلى شباب
معاكوا محمد هندسة المنيا
وهحول كايرو ان شاء الله
السنادى او السنه اللى جايه بالكتير اوى

اهلا بيكوا جميعا واللي عنده استفسار يقدر يحطه والكل يساعده ان شاء الله

انا جايب مجموع المنيا بس جالي اسيوط علي اساس اني كتبتها الاول

ما انا معرفش حاجه بقي .... بس بيقولك اسيوط احلي من المنيا

حاول تحول وتيجي معايا ... بيقولك المنيا بلد كلها مسحيين ... مش عيب ان يكون فيها كده

بس اغلبيتهم هناك من النوع الي القلب ميحبوش


،،،،،،،


والله يا درش فعلاًَ هندسة أسيوط ليها سمعة في مصر كلها إنها من أفضل الكليات، وجامعة أسيوط من الجامعات اللي واخدة شهادات معتمدة عالمياً زي القاهرة وعين شمس وإسكندرية

بس بيني وبينك أنا كتبت المنيا الأول عشان أقرب ولإن والدي أصلا من المنيا

حتة أسيوط (البلد) أحلي ولا المنيا مش هتفرق كتير معانا كطلبة بتهيألي مع إنهم بيقولوا إن المنيا عروس الصعيد ، وبرضه أسمع إن أهل المنيا ناس هادية ومحترمة جداً والناس مش هتفرق أوي معانا إن شاء الله في أي مكان عشان ياما هنشوف يعني


إنت هتكمل هناك ولا هتحاول تعمل تحويل إلكتروني لإسماعيلية؟

اوبا كده هتمشي وتسبني هههههه :p


،،،،،،،


وأنا أقدر يا باشا

دي مزاولة بس :022yb4:

دي الرابطة شغالة فل اهو :d

السلام عليكم
يسعدني الانضمام اليكم
انا هندسة عين شمس احسن عين شمس
بدون زعل بس كل واحد بيتحيز للي ليه ومين يشهد للعروسة
والصراحة انا سمعت عنا كل خير

السلام عليكم
يسعدني الانضمام اليكم
انا هندسة عين شمس احسن عين شمس
بدون زعل بس كل واحد بيتحيز للي ليه ومين يشهد للعروسة
والصراحة انا سمعت عنا كل خير

لا بجد عين شمس تقيلة وليها اسمها وكلية عالية اوي
ودراستها كلها انجلش وموادها تقيلة
ربنا يعينكوا
ومنورنا يا غالي ;)

السلام عليكم يا شباب

محمد طه
هندسة أسيوط ـ أو المنيا مش فارقه بس أسيوط اللوقتي يعني
وان شاء الله أحول لبورسعيد السنة دي أو بالكتير خالص مالص يعني السنة الجاية

أحب أبشركم بشرة ( ى) هي بالـ ة ولا ى ؟
المهم

التحويل ان شاء الله يوم الخميس من الفجر الى الجمعة 7 بالليل

والكل مقبول باذن الله عشان رمضان بس

وكمان سمعت ان انت لاقدر الله لو مقبلتش في التحويل وده مستحيل
دا معناه انهم قبلوك بس ورقك موصلش أو متختمش وممكن تحول بعد أسبوع أو شهر أو شهرين أو سنة
المهم تمتحن الميدترم في كليتك اللي هتفضل فيها

تمام ؟

يلا ربنا يوفقنا جميعا
ال5 سنين اللي جايين دول طححححححححححححححححححححححححححححححححححححححححححححححححح ححححححن

بالنسبة لحلوان ليها صيت و مركز زى عين شمس ولا ابه

يا جماعة هو التقديم في الكلية بيقسموا الطلبة علي الايام بالترتيب الابجدي حد يعرف ولا ايه

لا أي يوم بتروح مفيش ترتيب أبجدي

إبراهيم مع يوسف عااااااااااااااااااااادي ممكن يقدموا

لا أي يوم بتروح مفيش ترتيب أبجدي

إبراهيم مع يوسف عااااااااااااااااااااادي ممكن يقدموا

شكرا لحضرتك الف شكر بس عندي سؤال هو المواعيد بين السكاشن بتختلف اختلاف جامد يعني لو 2 في سكشنيين مختلفيين تماما مواعدهم بتختلف ولا الجدول بس

لأ كله تبع الجدول المقرر وكمان بيكون حسب طبيعة الدكتور أو المعيد

هو وراحته ممكن يعمل اللي هو عايزة

بس اللي أعرفه ان مثلا

السبت س 9،00 ص ميكانيكا
السبت س 11،00 رسم هندسي

طبعا ده بالنسبة لإعدادي

بالتوفيق يا هندسه
على فكرة أنا مفهمتش السؤال بس ياريت لو انا فهمته غلط توضحه

لأ كله تبع الجدول المقرر وكمان بيكون حسب طبيعة الدكتور أو المعيد

هو وراحته ممكن يعمل اللي هو عايزة

بس اللي أعرفه ان مثلا

السبت س 9،00 ص ميكانيكا
السبت س 11،00 رسم هندسي

طبعا ده بالنسبة لإعدادي

بالتوفيق يا هندسه
على فكرة أنا مفهمتش السؤال بس ياريت لو انا فهمته غلط توضحه

لا يا باش مهندس ولا يهمك
انا كان قصدي انا وصاحبي اكيد مش هنكون في سكشن واحد علشان الترتيب الابجدي واحناساكنين بعيد عن الكلية وكنت عايز اعرف ادا كان مواعيدنا هتختلف فمش هنقدر نروح مع بعض ولا المواعيد بتاعت السكاشن المختلفة واحدة واسف لو تقلت عليك

لا أي يوم بتروح مفيش ترتيب أبجدي

إبراهيم مع يوسف عااااااااااااااااااااادي ممكن يقدموا

سألت انهاردة يا غاالي
قالولي كل التفاصيل بكرة
وموضوع الابجدي من عدمه او الشرايح من عدمها بكرة برضو

بتلحقني دايما يا غالي

ها واللوقتي عرفت يا باش مهندس تقي ؟

الواد أحمد صدني هههههههههههههه

لو في حد رايح هندسة القاهرة انهاردة
ياريت يعرف التقديم اللي هيبدأ بكرة ان شاء الله
هيكون بنظام الشرايح ولا أبجدي ولا عادي
..
انا كنت هناك امبارح والله بس قالولي التفاصيل انهاردة وكنت نازل بس للاسف انا لسه جاي من برة حالا ومش قادر انزل
فـ ياريت لو حد نازل يقولنا ع اللي هيحصل بالظبط
.....
ملحوظة :
الصور المطلوبة للتقديم 4x6
مش 5x8
وانا اضطريت اطبع صور تانية عشان كان معايا 5x8

لو في حد رايح هندسة القاهرة انهاردة
ياريت يعرف التقديم اللي هيبدأ بكرة ان شاء الله
هيكون بنظام الشرايح ولا أبجدي ولا عادي
..
انا كنت هناك امبارح والله بس قالولي التفاصيل انهاردة وكنت نازل بس للاسف انا لسه جاي من برة حالا ومش قادر انزل
فـ ياريت لو حد نازل يقولنا ع اللي هيحصل بالظبط
.....
ملحوظة :
الصور المطلوبة للتقديم 4x6
مش 5x8
وانا اضطريت اطبع صور تانية عشان كان معايا 5x8

8 صور ولا 6 يا عمرو؟

8 صور ولا 6 يا عمرو؟

لما بتتصور 4x6
كدا كدا بيديك 8 صور لان دا مقاس كارت الطباعة اللي بيقطع عليه
المهم تاخدهم معاك مش مكتوب والله ناس تقول 6 وناس تقول 8
خدهم معاك مش هتخسر حاجة

انا جالى هندسة شبرااا

انا جالى هندسة شبرااا
اى الاخبار ياعمورا مفيش جديد ولا انت كسلت انهردا برضو مرحتش

يامعشر المهندسين عندى كويسشن(سؤال) ايهما افضل ,ولماذا؟ هندسة المنصورة ام هندسة الزقازيق؟