كل سنة وكلكم طيبين
انا النهاردة حبيت اسأل كل واحد احساسه ايه؟
يعني احساسك ايه لما جتلك الكلية اللي بتحلم بيها؟
ولما جتلك كلية انت عمرك ما فكرت فيها؟
ولما ضاعت منك الكليةاللي طول عمرك بتحلم بيها؟
احساسك ايه وانت مستني نتيجة التنسيق؟
وانت مرحلة اولي او تانية اوتالتة؟
احساسك يه وانت داخل الجامعة؟
واهم حاجة احساسك ايه بنصيبك حاسس بالرضا ولا؟
ياريت كل واحد حاسس بحاجة بجد يقولها

بصى انا قبل نتيجة الثانوية كنت بفكر فى السن

وبعد النتيجة فكرت فى سياسة واقتصاد

وبعد ماجتلى سياسة واقتصاد فكرت تاااااااااانى فى السن

وبجد انا محتااار اوى بس قلبى ميال لالسن ومش عارف اعمل ايه

وبالنسبة لاول يوم فى الدراسة اكيد هيبقى الواحد تايه ومش عارف اى حاجة خاااالص بس ان شاء الله يكون يوم جميييييل

احساسك ايه وانت مستني نتيجة التنسيق؟
اكيد قلقان وعندى فوبيا الخوف من النتائج دي
ولاقدر الله لو الواحد جتله حاجه غير اللى متوقعها هايحزن اوى
بس ده قدر ربنا واكيد في خير لينا فـ موش ممكن نعترض
والحمدلله علي كل حاجه من قبل ماتظهر النتيجه كمان
وادينا بنتشوي علي نار هاديه كل بتوع مرحله تانيه

انا الحمدلله كنت بحلم اكون مضيفة فى الطيران ولم عرفت ان التخصص دة بيبقا فى سياحة رسمت خطط كتير عشان اخوشها ولو فى الفيوم وكتبت التمن كليات والحمدلله جاتلى اول رغبة وطبعا هبقا فرحانة اول يوم الكلية بس هبقا مضيقة من زطرات الكبار اننا اطفال وكدة سنة اولة بقا بتاخد تريقة مش عاوز اقول لحد الحمدلله انا دخلت الى كنت بحلم بية وانا راضية لانى دعيت ربنا وهو استجابة بجد بحب ربنا جدا ويارب اقدر اوفى حق ربنا عليا فى الصلا ة وكدة وربنامع الجميع

انا متفائل خير باذن الله

صلي صلاة استخارة وشوف هتوصل لايه بس انا رأيي مادام ميال لالسن ادخلها لانك اكيد بتحبها

يا استاذ روني مفيش داعي للقلق احنا اعصابنا تعبت بما فيه الكفاية سلمها بقي لله واكيد خير

يارب يا ايمان تحققي كل اللي بتحلمي بيه واكيد الكبار في الجامعة كانوا في يوم صغيرين

يا استاذ روني مفيش داعي للقلق احنا اعصابنا تعبت بما فيه الكفاية سلمها بقي لله واكيد خير
انا كنت قاعد عادى بدعي ربنا يوفقنا كلنا بس اللى عملى القلق ده الكلام اللى بشوفه وبسمعه واخبار من هنا ومن هنااااااا
ان شاء الله خيررر

والله يا استاذ سولي انا حاسة ان في خير كتير قوي مستنينا والكل هيكون مبسوط

انا عادي مكنتش خايفة اوي يوم النتيجة والتنسيق بقي مكنتش حاطاه في دماغي اصلا

افتكر دايما (قل لا يصيبنا الا ما كتب الله لنا) فاللي مكتوبلك هتشوفه اكيد وربنا يديلك كل اللي بتتمناه ويكون فيه خير ليك

محستش بحاجـــة خالص :d
انا كنت جايب 97.2 وكنت كاتب هندسة القاهرة اول رغبة فـ كنت متأكد ( الحمـد لله ) انها جيالي
انا كنت صاحي وفجـأة لقيت واحد صاحبي كاتب التنسيق طلع !! :o
دخلت ولقيتها والحمد لله
وانا دا كان حلم عمري من وانا صغير اني اكون مهندس بس معماري
اما دلوقتي فكرت كتير واستقريت ان شاء الله علي اتصالات ( مهندس شريحة ) :d
ربنا يوفق الجميع ان شاء الله ;)

معلش يا جماعة تصبحوا علي خير ونكمل بكرة السلام عليكم ورحمة اله بركاه

انا من امبارح و انا عمال اسمع اخبار و اقابل ناس تقفلنى
انا مكتئب لآ حقيقى مكتئب

الف مبرووووووكـ ليكـ وعقبال باقي البشرررررريه تفرح وتطمن

والله يا استاذ سولي انا حاسة ان في خير كتير قوي مستنينا والكل هيكون مبسوط


ربنا يخليكي كلك ذوق بس علي فكرة انا مش استاذ خالص انا لسه طالب زيي زيكوا ومستني نتيجتي زيكوا بردوا:022yb4:

وانت من اهل الخير , وعليكم السلام ورحمة الله

يااااا عمونا بلآش اكتئاب لاحسان ماصدق انا كمان واعمل زيك

وعليكم السلام ورحمة الله وبركاته

مش عارفه ليه انا مضايقه اني هخش الكليه مع ان الحمدلله دخلت الكليه اللي عايزاها بس حاسه ان ايام الثانويه احلى بكتير وانها مش هتتعوض وكمان احلى ايام بتاعة المدرسه دي كلها زكريات جميله بس خايفه اوي من الكليه وخصوصا اول يوم لاني مش هكون عارفه حد

هههههههههههه وانا كمان بردة ربنا معانا وشكرا يا قمر على الدعوة الجميلة دى وانتى من اهلو ربنا مع الجميع والله انا مستنيا اعرف كل واحد داخل الى بيحلم بية ولة اية بس انا متاكدة انكم هتخوشو الى بتحلمو بية

مممممممممم اكيد كلنا بنحن لايام الثانويه بسسسس كل سن وليه مرحله وماينفعش تتعاش مرتين الثانوى دي لان في ناس مابتصدق تخرج منها ^^" مثلي كده
وحكاية اول يوم في الجامعه دي خليكي فيري عادى وهاتلاقي كل اللى هناكـ زيكـ بالظبط محدش يعرف حد
وممكن تقابلي كام واحده صاحبتكـ معاكى في السيكشن ^^"

تصدقو اني كنت عايزه اعيد السنه مع ان مجموعي كويس جداخوفا من دخول الجامعه وقلت لماماكده كتير

هههههههههههههههه
ايه ياجماعة صباح الفل والصيام ذكريات ايه بس داحنا جيل شالوا سنة سادسة جابو سنة سادسة كل ايامنا كانت كوارث :d

تقريبا حزين شوية ... بس فى الاول والاخر الحمد لله على كل شيء :)
كنت بتمنى ادخل هندسة او فنون عمارة .... لكن الاكتر هندسة ... كنت حاسس انى هتجنن لو مدخلتهاش
كنت جايب 94% ... والحمد لله جالى فنون عمارة حلوان
ودلوقت بحاول انى اتقدم خطوة للأمام بقى عشان مدخلش فى دوامة الحزن على اللى فات والاكتئاب

بس اكيد ان شاء الله اول يوم ليا هيكون جميل ... انا متوقع كدة :)

ماينفعشش تبعا كده كأنك بتهربي منها وكده كده مهما تلفي وتروحي هي قدامكـ وانتى موش صغيره عالجامعه
كلنا زيكـ كده مانعرفشششششش حاجه فيهااااا
واللى دخلو قبلنا كانو زينا كده ^^
مفيش داعى للقلق

ربنا يطمنك

دي حقيقه واقعيه
لما ندخل الجامعه ونعيش جوها ونظامها هانتعود عليهاااا
وكل الناس مابتحبش اول يوم دراسه دي معروفه

رغباتى : فنون جميلة (فنون), علوم رياضة , تجارة أنجلش

لو جتلى أى حاجة حكون فرحان بيها

يا سلام على الرضا بجد ربنا هيوفقك