مشاهدة النسخة كاملة : >< أنا أشك إذن أنا دبوس ><
BaNZeR 08-08-2011, 10:37 AM بسم الله الرحمن الرحيم
الشك : الظن بالشيء وعدم اليقين منه
وهو أحد تلك الصفات التي نتميز بها جميعاً
ولكن بدرجات مختلفة
قد تكون احياناً (اوفر) وقد تكون أحياناً اخرى (بروداً)
قد ينتج الشك عن الفضول
فبحثي عن كل شيء يجعلني اواجه العديد من الظنون والشكوك
وقد ينتج الشك عن الغيرة
فعندما اغار على شخص ما فأنا أشك في كل تحركاته
وقد يؤثر الشك في عديد من المواقف الأخرى
وربما يؤثر بشكل مباشر على العلاقات بين الأفراد
فكيف ترى نفسك من الشك ؟ ومادرجته عندك ؟
وهل تراهاً صفة حميدة ام خلاف ذلك ؟
وكم مرة واجهتك مشكلة بسببه ؟
وكيف يؤثر على حياتك ؟؟
BaNZeR
Thanwya.com
[center][b][size=4][color=darkred]فكيف ترى نفسك من الشك ؟ ومادرجته عندك ؟
انا شخصيا مش بشك غير لما اكون متاكد من حاجة
وقليل قوى لما شكيت وطلعت غلط وده من مواقف كتير حدثت لى
حتى فى تعاملاتى الطبيعية
يعنى مش بتكلم اوبشك بحد غير لما اكون متاكد من كلامى بنسبة كبيرة
لكن درجته كام معرفش :bosyht9:
وهل تراهاً صفة حميدة ام خلاف ذلك ؟
هوه شىء مش وحش
بيخليك تحذرمن اللى قدامك
لكن لما يزيد عن حده بيبقى شىء سىء
لدرجةان ممكن واحد يقعد يشك فى نفسه عشان مش لاقى حد يشك فيه :p
وكم مرة واجهتك مشكلة بسببه ؟
تقريبا مفيش
لكن ممكن اقول واجهتنى مشاكل فى التسرع شوية ;)
وكيف يؤثر على حياتك ؟؟
ماولوش تاثير على حياتى
لانى من النوع اللى مش بيفكركتير فى الاحداث]
banzer
thanwya.com
شكرا على الموضوع الرائع
جزاكم الله خيرا
Dr. Hoda Ahmed 08-08-2011, 01:22 PM فكيف ترى نفسك من الشك ؟ ومادرجته عندك ؟
ليس بدرجة كبيرة ولكنه موجود احيانا وقد يختلف عندى حسب طبيعه من حولى
وهل تراهاً صفة حميدة ام خلاف ذلك ؟
صفة حميده لانها ليست بدرجة كبيرة تصل بى للخسائر
وكم مرة واجهتك مشكلة بسببه ؟
اعتقد الحمد لله مفيش سوى مرة او اثنين وكنت ع صواب
وكيف يؤثر على حياتك ؟؟
بشكل كبير ايجابى
zozza love 08-08-2011, 01:48 PM تقريبآ زى ما انت قولت
الغيرة
الغيرة هى اللى بتعمل فينآ كده
خصوصآ الناس اللى غيرتها مأفورة
اما بانسبه لأسئلتك
فكيف ترى نفسك من الشك ؟ ومادرجته عندك ؟
مش بشوف نفسى فيه كتير
بس لما بحس بحاجه مش طبيعه اكيد بشك
لما بشك بشك بدرجه كبيره
بس عادتآ مش بشك فى حد
وهل تراهاً صفة حميدة ام خلاف ذلك ؟
لا طبعآ مش صفه حميدة
دى فطره فينا مش اكتر
احنا اتعودنآ على الشك اساساً
وكم مرة واجهتك مشكلة بسببه ؟
كتير الصراحه
وكيف يؤثر على حياتك ؟؟
اكيد مش بنسبه كبيره لكن بيأثر أكيد
شكرآ يا بشمهندس على الموضوع
صوت العقل 08-08-2011, 02:23 PM طبعا الشك والغيرة من اسوء الامور..هما جحيم للفكر والقلب معا ..
والشك ممكن يجعل الانسان يفقد سلامه و طمأنينته وممكن انه يتحول
عند البعض الى مرض فعلا ..انا عن نفسى ببعد عنه على قدر المستطاع
لكن احيانا بتفرضه بعض الامور وامنع نفسى من التمادى فيه ..
ومتهيالى ده صفة مذمومة لو زادت عن حدها هتبقى امر مش طبيعى..
وطبعا اعانى من المشاكل بسببه لكن بتدارك الامر بسرعة ..:)
واكيد بيأثر على تفكيرى فى بعض المواقف وبيكون نقطة الانطلاق للمشكلة ..:d
عبد الله الرفاعي 08-08-2011, 05:32 PM معظم الناس تجد صعوبة في التعامل مع التشكك. بعضهم ينظر الى الشك بصورة سلبيه ربما لأنهم يفضلون اليقين والتأكد على عدمه. لماذا؟ لا ادري بالضبط ، ولكنه ما يجعل لخوارق العادات و المعتقدات وحتى لأبراج الحظ سوقاً رائجة. إنها سيكلوجية مرضيه تسعى الى طمئنة الإنسان وخداعه لإراحته من القلق. بعض الحركات الدينية تجعل من الشك ذنباً .بالرغم من أن الشك طريقة من الطرق التى تصل بنا الى اليقين والإيمان .
أسطورة الأحزان 08-08-2011, 07:44 PM [quote=BaNZeR;3805652] فكيف ترى نفسك من الشك ؟ ومادرجته عندك ؟
درجته علية جامد ولدرجة انى هعمل عملية مراره قريب
وهل تراهاً صفة حميدة ام خلاف ذلك ؟
لا طبعا مش حميدا دى أمانى :pلا هى صفه وحشه وبتعمل توتر للطرفين اللى بيشك والمشكوك بالدبوس :p
وكم مرة واجهتك مشكلة بسببه ؟
كتير وبتبقى فعلا معظمها اسباب غيره واسباب تانيه معاها
وكيف يؤثر على حياتك
؟؟؟؟؟؟؟!
شكرا على الموضوع يا بشمهندس محمد وربنا يكرمك ومتغبش عن المنتدى تانى يارب رمضان كريم:)ياريت تجاوب بقى انتا كمان على اسئلتك
THE CodeR 08-08-2011, 10:24 PM فكيف ترى نفسك من الشك ؟ ومادرجته عندك ؟
عندي الشك...لكنه غالباً في محله ...فأنا استطيع ان اري من تصرف بسيط العديد من الاحتمالات و تنحصر بتصرفات اخري حتي اصل الي اليقين
وهل تراهاً صفة حميدة ام خلاف ذلك ؟
ربما يجب ان تكون موجودة لكن يجب الا تطغي و يجب افتراض حسن النية في اغلب الظروف
وكم مرة واجهتك مشكلة بسببه ؟
العديد من المرات ...............هو انا هعد بقي :d
وكيف يؤثر على حياتك ؟؟
ربما جحيم الشك يجعلك تري الحياة بمنظور اخر
لكن هذا المنظور ليس لكل انسان القدرة ان يري خلاله الحياة
فمنهم من قد ينهار و منهم من قد يصمد
و من صمد و حافظ علي اهدافه و احلامه فسيتطيع بإذن الله ان يحقق كل مايريد في الحياة
موضوع مية مية يا باشمهندس
تقبل مروري عليه
aleman 08-08-2011, 10:54 PM [quote=BaNZeR;3805652]بسم الله الرحمن الرحيم
الشك : الظن بالشيء وعدم اليقين منه
وهو أحد تلك الصفات التي نتميز بها جميعاً
ولكن بدرجات مختلفة
قد تكون احياناً (اوفر) وقد تكون أحياناً اخرى (بروداً)
كلام مضبوط
قد ينتج الشك عن الفضول
فبحثي عن كل شيء يجعلني اواجه العديد من الظنون والشكوك
الله ينور وما اكثر الناس دول فى الزمن ده
وقد ينتج الشك عن الغيرة
فعندما اغار على شخص ما فأنا أشك في كل تحركاته
تمام وهنا يصبح الشك مرض يلازم صاحبه
وقد يؤثر الشك في عديد من المواقف الأخرى
وربما يؤثر بشكل مباشر على العلاقات بين الأفراد
اكيد طبعا يؤثر بشكل مباشر وغير مباشر وبيبان من خلال التعامل مع الاخرين
ولو ماقالوش انك شكاك فى وشك بيقولوها من وراك
وتلاقى ناس تانية جاية تقولك خلى بالك صحابك بيقوله انك شكاك وكذا وكذا
مما يولد الكثير من المشكلات
مشكور للموضوع الهادف
BaNZeR 10-08-2011, 02:02 AM شكرا على الموضوع الرائع
جزاكم الله خيرا
طيب تمام يعني الشك مش بيمثل مشكلة كبيرة عندك
العفو ربنا يخليك
تسلم لمرورك الجميل
وهل تراهاً صفة حميدة ام خلاف ذلك ؟
صفة حميده لانها ليست بدرجة كبيرة تصل بى للخسائر
وكم مرة واجهتك مشكلة بسببه ؟
اعتقد الحمد لله مفيش سوى مرة او اثنين وكنت ع صواب
وكيف يؤثر على حياتك ؟؟
بشكل كبير ايجابى
شيء جميل ارى انك تستطيع استغلال شكك في الطريق الصحيح
وهو لا يسبب لك اية مشاكل
شكراً لتعطيركم موضوعنا
BaNZeR 10-08-2011, 02:18 AM تقريبآ زى ما انت قولت
الغيرة
الغيرة هى اللى بتعمل فينآ كده
خصوصآ الناس اللى غيرتها مأفورة
اما بانسبه لأسئلتك
مش بشوف نفسى فيه كتير
بس لما بحس بحاجه مش طبيعه اكيد بشك
لما بشك بشك بدرجه كبيره
بس عادتآ مش بشك فى حد
يعني مفيش وسط :d
لا طبعآ مش صفه حميدة
دى فطره فينا مش اكتر
احنا اتعودنآ على الشك اساساً
تفرق بين فطرة وبين اتعودنا عليها
في واحد اتولد كل اللى حواليه مشاكل
ونزاعات وفراقات بين قرايبه
فاتعود عالشك
واحد تاني مجربش الحاجات دي
وبالنسباله الدنيا عادية
اكيد مش بنسبه كبيره لكن بيأثر أكيد
ربنا يبعدنا عن الغيرة والشك وكل مشاكلها :)
شكرآ يا بشمهندس على الموضوع
العفو نورتي الموضوع يا عزة
طبعا الشك والغيرة من اسوء الامور..هما جحيم للفكر والقلب معا ..
والشك ممكن يجعل الانسان يفقد سلامه و طمأنينته وممكن انه يتحول
عند البعض الى مرض فعلا ..انا عن نفسى ببعد عنه على قدر المستطاع
لكن احيانا بتفرضه بعض الامور وامنع نفسى من التمادى فيه ..
ومتهيالى ده صفة مذمومة لو زادت عن حدها هتبقى امر مش طبيعى..
وطبعا اعانى من المشاكل بسببه لكن بتدارك الامر بسرعة ..:)
واكيد بيأثر على تفكيرى فى بعض المواقف وبيكون نقطة الانطلاق للمشكلة ..:d
كلام جميل
يعني من وجهة نظر حضرتك
انه الشك يعتبر مرادف للغيرة او كوجهي العملة
وهما شرارة انطلاق المشاكل
بس هل الشك يتمثل في الغيرة فقط ؟
BaNZeR 10-08-2011, 02:33 AM قبل أن ارد على بقية الردود
أردت لفت الانتباه إلى نقطة معينة
فلقد قمت ذكرين مثالين ينتجان عن الشك
وهما الفضول والغيرة
وذكرت ان الاولى ربما تكون عن "اشياء"
والتانية بين "الافراد"
في إشارة انه ربما يكون هناك اموراً اخرى ناتجة عن الشك
وفسرت الشك على انه "الظن" بالشيء
سأوضح كلامي لكم بمثال
قال نبي الله ابراهيم عليه السلام مخاطباً الله عز وجل
"وإذ قال إبراهيم رب ارني كيف تحيي الموتى
قال أولم تؤمن قال بلى ولكن ليطمئن قلبي "
هنا أراد نبي الله إبراهيم أن ي*** هذا الشك بداخله
ان يقطع الشك باليقين كما يقولون
فسأل الله ما يثبت له قدرته
فهنا الشك لم يكن مرادفاً للغيرة
بل كان مرادفاً للايمان
وقد يكون مرادفاً للفضول
هناك اوجه عدة للشك او الظن
ومن المؤكد ان بعضنا واجه الشكوك او الظنون
في نفسه .. في دينه .. في بيئته .. في الطبيعة واسرارها
كيف أثر ذلك في حياتنا !
king 99 10-08-2011, 02:40 AM ازيك ؟؟ رمضان كريم
فكيف ترى نفسك من الشك ؟ ومادرجته عندك ؟
الشك بالنسبة لى يعتبر شيىء لا وجود له لأن الأنسان لو استسلم للشك ممكن يرتكب جرائم مثلا يشك ان حد بيخونه ي***ه وهو فى النهاية شك واعتقد انك سمعت عن حوادث بهذا النوع كثيرا فالبعد عن الشك والبحث عن الحقيقة أفضل وانا لو عندى شك فى حاجة وممكن اواجه صاحبها هواجهه وطبعا ممكن ينكر لكن من كلامى معاه هعرف الحقيقة
وهل تراهاً صفة حميدة ام خلاف ذلك ؟
لا طبعا هى صفة سيئة جدا جدا وتحتاج الى تدريب كبير للأقلاع عنها لتجنب المشاكل الناتجه عن الشك ولكن مفيش حاجة مستحيله
وكم مرة واجهتك مشكلة بسببه ؟
تقريبا مرة او اتنين :) مش متذكر بالظبط
وكيف يؤثر على حياتك ؟؟
لما بيضعف الأنسان وبيستسلم له بتتحول حياته لجحيم :(
Mr. Medhat Salah 10-08-2011, 03:33 AM http://www.friendawy.com/file/sns_uploads/11140/images/%D8%B4%D9%83%D8%B1%D8%A7-%D9%84%D9%83.gif
H.H.KH 11-08-2011, 05:08 AM فكيف ترى نفسك من الشك ؟ ومادرجته عندك ؟
بشك لما يكون الشخص اللى قدامى بيعمل تصرفات مش مبررة..
درجته عندى 55% مثلا بس احيانا بيكون 100% وسبحان الله كتيييييير جدا بشك فى ناس وبيطلع شكى فى محله والله ....ومش ببين شكى للى قدامى خالص بالعكس بحسسه انى واثقة فيه تماما
وهل تراهاً صفة حميدة ام خلاف ذلك ؟
طبعا لما بيكون زيادة بتكون صفة منبوذة تماما
وكم مرة واجهتك مشكلة بسببه ؟
لا مش فاكرة الصراحة كم مرة بالظبط بس نادر ولو حصل فهو مش مشكلة بمعنى الكلمة يعنى
وكيف يؤثر على حياتك ؟؟
احيانا بيتعبنى اوى خاصة لما اكون شاكة فى احد واوصل لدرجة اليقين...بس بدأت اكبر دماغى:d
banzer
thanwya.com
بشكرك على موضوعك عجبنى بصراحة:)
BaNZeR 11-08-2011, 01:45 PM معظم الناس تجد صعوبة في التعامل مع التشكك. بعضهم ينظر الى الشك بصورة سلبيه ربما لأنهم يفضلون اليقين والتأكد على عدمه. لماذا؟ لا ادري بالضبط ، ولكنه ما يجعل لخوارق العادات و المعتقدات وحتى لأبراج الحظ سوقاً رائجة. إنها سيكلوجية مرضيه تسعى الى طمئنة الإنسان وخداعه لإراحته من القلق. بعض الحركات الدينية تجعل من الشك ذنباً .بالرغم من أن الشك طريقة من الطرق التى تصل بنا الى اليقين والإيمان .
بالفعل كما ذكرت استاذي
ان الشك هو احد سبل الوصول إلى اليقين
ولكن الناس تريد دائماً الوصول إلى اليقين دون المرور إلى الشك
لذا فهم يتعاملون مع الشك بصفة سلبية
وده اللى بيودي في داهية غالباً :d
شكراً لمشاركة حضرتك ولإضافتك
[quote=BaNZeR;3805652]
درجته علية جامد ولدرجة انى هعمل عملية مراره قريب
عملية ! ده كدا حيبقى في شك بالابر بقى :p
لا طبعا مش حميدا دى أمانى :pلا هى صفه وحشه وبتعمل توتر للطرفين اللى بيشك والمشكوك بالدبوس :p
اكيد طبعاً بتأدي لكثير من التوتر بين الناس
كتير وبتبقى فعلا معظمها اسباب غيره واسباب تانيه معاها
وكيف يؤثر على حياتك
؟؟؟؟؟؟؟!
شكرا على الموضوع يا بشمهندس محمد وربنا يكرمك ومتغبش عن المنتدى تانى يارب رمضان كريم:)ياريت تجاوب بقى انتا كمان على اسئلتك
العفو .. نورتي الموضوع يا اية ... وادينا بنحاول servive هنا اهو :d
لا انا هنا بسأل بس مبجاوبش ;)
BaNZeR 11-08-2011, 01:52 PM عندي الشك...لكنه غالباً في محله ...فأنا استطيع ان اري من تصرف بسيط العديد من الاحتمالات و تنحصر بتصرفات اخري حتي اصل الي اليقين
يا واد يا لعيب انت :p
ربما يجب ان تكون موجودة لكن يجب الا تطغي و يجب افتراض حسن النية في اغلب الظروف
أكيد طبعاً
العديد من المرات ...............هو انا هعد بقي :d
كنت جبلنا منهم موقفين كدا ولا حاجة ;)
ربما جحيم الشك يجعلك تري الحياة بمنظور اخر
لكن هذا المنظور ليس لكل انسان القدرة ان يري خلاله الحياة
فمنهم من قد ينهار و منهم من قد يصمد
و من صمد و حافظ علي اهدافه و احلامه فسيتطيع بإذن الله ان يحقق كل مايريد في الحياة
موضوع مية مية يا باشمهندس
تقبل مروري عليه
اللذيذ انك قدمت تعريفات او مفاهيم عامة
ومتكلمتش عن نفسك :d
لكن على اي حال
اشكرك لاطرائك بهذه الكلمات الجميلة داخل موضوعي
ولاثنائك ايضاً في الاخر
[quote=BaNZeR;3805652]اكيد طبعا يؤثر بشكل مباشر وغير مباشر وبيبان من خلال التعامل مع الاخرين
ولو ماقالوش انك شكاك فى وشك بيقولوها من وراك
وتلاقى ناس تانية جاية تقولك خلى بالك صحابك بيقوله انك شكاك وكذا وكذا
مما يولد الكثير من المشكلات
مشكور للموضوع الهادف
الشك في حد ذاته صفة موجودة المفروض عن الكل
لكن بتختلف درجاته
كون إنه وصلنا لمرحلة شكاك
يعني درجة عالية منه
وكون انه ده يتعرف كمان عن شخص
حيخلي محاولة القرب منه صعبة :006et4:
شكراً لمشاركة حضرتِك معانا
وكنا نتمنى لو شاركتينا الاسئلة الاخرى كمان
هبه محمود25 03-09-2011, 06:55 AM هو الشك مش كويس بس انا عن نفسى معنديش شك من ناحيه حد بدل اما ف ثقه والحمد لله معنديش مشاكل لانى معنديش شك والانسان اللى عنده شك يبقى معندوش ثقه فى اللى قدامه هو ممكن يعالج ده بانه يقلل شكه وميبقاش اوفر
BaNZeR 03-09-2011, 03:37 PM ازيك ؟؟ رمضان كريم
تمام يا ريس تسلم
فكيف ترى نفسك من الشك ؟ ومادرجته عندك ؟
الشك بالنسبة لى يعتبر شيىء لا وجود له لأن الأنسان لو استسلم للشك ممكن يرتكب جرائم مثلا يشك ان حد بيخونه ي***ه وهو فى النهاية شك واعتقد انك سمعت عن حوادث بهذا النوع كثيرا فالبعد عن الشك والبحث عن الحقيقة أفضل وانا لو عندى شك فى حاجة وممكن اواجه صاحبها هواجهه وطبعا ممكن ينكر لكن من كلامى معاه هعرف الحقيقة
كلامك بيثبت عكس ما قلت
وهو ان الشك شيء لا وجود له
بل هو موجود وقد تكون اخطاره كبيرة
ولكن حسبما فهمت انك تقصد ان لا وجود له عندك
وهذا وان كان صعباً إلا انه جيداً وملفتاً ايضاً
وهل تراهاً صفة حميدة ام خلاف ذلك ؟
لا طبعا هى صفة سيئة جدا جدا وتحتاج الى تدريب كبير للأقلاع عنها لتجنب المشاكل الناتجه عن الشك ولكن مفيش حاجة مستحيله
وكم مرة واجهتك مشكلة بسببه ؟
تقريبا مرة او اتنين :) مش متذكر بالظبط
وكيف يؤثر على حياتك ؟؟
لما بيضعف الأنسان وبيستسلم له بتتحول حياته لجحيم :(
نعم اوافقك الرأي وهذا بالنسبة للظن السوء بالطبع
http://www.friendawy.com/file/sns_uploads/11140/images/%d8%b4%d9%83%d8%b1%d8%a7-%d9%84%d9%83.gif
وشكراً لمروركم
BaNZeR 03-09-2011, 03:44 PM هو الشك مش كويس بس انا عن نفسى معنديش شك من ناحيه حد بدل اما ف ثقه والحمد لله معنديش مشاكل لانى معنديش شك والانسان اللى عنده شك يبقى معندوش ثقه فى اللى قدامه هو ممكن يعالج ده بانه يقلل شكه وميبقاش اوفر
كلام جميل ... بس صعب اصدق انه مفيش حد مبيشكش
خاصة لو بنت :d
ثم الشك طبيعة فطرية ملهاش علاقة بالثقة بالنفس
لكن ليها علاقة بالثقة بالغير ممكن
مهو مينفعش بردو الواحد يثق في كل شخصية ثقة تامة
وميبقاش في ولو 1% شك
ايه سيد 03-09-2011, 03:49 PM اولا الموضوع جميل جدا
ويستاهل النقاش فيه
فكيف ترى نفسك من الشك ؟ ومادرجته عندك ؟
انا عادى ..درجه اى انسان عادى ويمكن اقل لانى مش بشك فى اللى حواليا خالص
وهل تراهاً صفة حميدة ام خلاف ذلك ؟
هى كويسه ومش كويسه ..بمعنى ان لو معنديش شك مش هتعب نفسيا ومش هبقى شاغله بالى كتير بس مش معنى كده ادى الامان على طول...بس لو زادت بتوقع الواحد فى مشاكل كتــــــــــير وممكن بسببها نخصر ناس مهمه جدا فى حياتنا
وكم مرة واجهتك مشكلة بسببه ؟
الحمد لله ربنا موقعنيش مع ناس اشك فيهم ..الحمد لله كل الناس اللى عرفتها ستاتيت وجمال خالص ربنا يحفظهم
وكيف يؤثر على حياتك ؟؟
لو زادت هتدمرنى نهائى ..وهتبعد الناس عنى غير انى هبقى فى ارق وتعب ومشاكــــــل كتير اوى
http://t2.gstatic.com/images?q=tbn:ANd9GcQb0xD7Xn6MobRMl5lud-F1PdmG4dVCUF2NMB4dB5Ub6St9xFp9
|