مشاهدة النسخة كاملة : من عجائب الثوره المصريه 25 يناير 2011
أستاذ طارق السيد 08-08-2011, 12:42 PM من عجائب الثوره المصريه 25 يناير 2011
من عجائب الثوره المصريه مطالبة البعض بأن تكون مصر دوله إسلاميه
إمال هى مصر دوله أيه أصلاً
( مصر دوله إسلاميه و ستبقى دوله إسلاميه إلى يوم الدين
و لو كره اليهود و الأمريكان و لو كره المغضوب عليهم و الضالين )
من عجائب الثوره المصريه المطالبه بحل القضاء المدنى لفساده و عدم خضوع المدنيين للقضاء العسكرى
إمال المجرمين و البلطجيه و المخالفين هيتحكموا فين أكيد فى محكمة سلامتها أم حسن
من عجائب الثوره المصريه إستمرار بعض المعتصمين لأيام و أسابيع و شهور
إمال مين اللى بيصرف عليهم أكيد وارثين أو كانوا عاملين حسابهم فى جمعيه و قبضوها الأول
من عجائب الثوره المصريه كثرة المليارات اللى سمعنا عن إمتلاك السلطه الحاكمه السابقه لها داخل و خارج مصر فى البنوك المصريه و الأجنبيه
إمال مشفناش لغاية دلوقتى و لا حتى مليار واحد باين المليارات دى لبسه طاقية الأخفى و مقروء عليها عدية ياسين
من عجائب الثوره المصريه الهجوم على جماعة الإخوان المسلمين
إمال مين اللى ساعد على إستمرار و نجاح الثوره غيرهم أكيد جماعة الهنود الحمر
من عجائب الثوره المصريه المطالبه بعزل المشير طنطاوى
إمال مين اللى هيحكم البلد أكيد عايزين فيفى عبده علشان تبقى مصر آخر دلع و شخعـله و دندشه و فرفشه
( أخيراً أنا مش من الأخوان المسلمين و لا أنتمى لأى حزب دينى أو سياسى أنا من مؤيدى الثوره المصريه بقوه و بحب مصر أم الدنيا و عايزها تبقى أحسن دوله لان دى مكانتها الطبيعيه و عايز المصريين يستريحوا بقى بعد الذل و الهوان و الفقر اللى كانوا و ما زالوا عايشين فيه )
تحيا مصر بلادى أم الدنيا
منقووووووووووووول
ممنوع كتابة اى مصدر لمنتدى تعليمى اخر يكتفى بكلمة منقول (Usernamo)
إسلامى عزتى 08-08-2011, 12:59 PM إمال هى مصر دوله أيه أصلاً
دولة اسلامية وستظل اسلامية
وستطبق فيها الشريعة بإذن الله تعالى
جزاكم الله خيرا
فعلا عجائب
أستاذ طارق السيد 08-08-2011, 01:34 PM للأذكياء فقط و الحدق يفهم
إسلامى عزتى 08-08-2011, 03:11 PM ارجواان يكون الكلام باسلوب الحوار
ولو اخطات صححلى
أستاذ طارق السيد 08-08-2011, 03:16 PM لا أبداً يا ( محبة الإيمان )
أنت كلامك عين العقل و ردك جميل جداً و عجبنى
كلامى موجه للناس اللى ممكن ميعجبهمش الموضوع
لانهم هيخدوه بسطحيه
فى خطه لتدمير مصر و إنهاء هويتها الإسلاميه
فى ناس بتعمل مظاهرات و مش واضح هدفهم منها أيه و لا عايزين أيه
إسلامى عزتى 08-08-2011, 03:18 PM لا باس معذرة
بارك الله فيكم
nurahn 08-08-2011, 05:22 PM من عجائب الثوره المصريه الهجوم على جماعة الإخوان المسلمين
إمال مين اللى ساعد على إستمرار و نجاح الثوره غيرهم أكيد جماعة الهنود الحمر
عفوا لا اوافقك الراي تماما ثورتنا نجحت بشهدائنا والي قعدوا في الميدان طول وقت الثورة وان كان الاخوان شركوا فملممش الحق في نسب نجاح الثورة ليهم وان شاركوا فزيهم زي اي مصري نزل ولا ينسب للجماعه اي فضل من اي نوع في نجاح الثورة
أستاذ طارق السيد 08-08-2011, 08:42 PM من عجائب الثوره المصريه الهجوم على جماعة الإخوان المسلمين
إمال مين اللى ساعد على إستمرار و نجاح الثوره غيرهم أكيد جماعة الهنود الحمر
عفوا لا اوافقك الراي تماما ثورتنا نجحت بشهدائنا والي قعدوا في الميدان طول وقت الثورة وان كان الاخوان شركوا فملممش الحق في نسب نجاح الثورة ليهم وان شاركوا فزيهم زي اي مصري نزل ولا ينسب للجماعه اي فضل من اي نوع في نجاح الثورة
السلام عليكم
عادى يا ستى و لا تزعلى نفسك
الثوره نجحت بالشباب المصرى و الأخوان المسلمين
أنا من أشد المؤيدين لثورة الشباب المصرى الرائع
عملوا اللى محدش عرف يعمله طوال أكثر من 50 سنه
تحيه لأرواح الشهداء
رضاالوادي 09-08-2011, 02:26 AM سلمت يمناك ا/ طارق السيد
أستاذ طارق السيد 12-08-2011, 06:24 PM سلمت يمناك ا/ طارق السيد
جزاك الله خيراً
أخى الكريم
Mr.Salama 12-08-2011, 06:38 PM ( أخيراً أنا مش من الأخوان المسلمين و لا أنتمى لأى حزب دينى أو سياسى أنا من مؤيدى الثوره المصريه بقوه و بحب مصر أم الدنيا و عايزها تبقى أحسن دوله لان دى مكانتها الطبيعيه و عايز المصريين يستريحوا بقى بعد الذل و الهوان و الفقر اللى كانوا و ما زالوا عايشين فيه )
تحيا مصر بلادى أم الدنيا
منقووووووووووووول
بوابة الفارس التعليمية
السلام عليكم أخي الكريم
مين بقي اللي قالك انك مش من الاخوان؟؟ فكل من يحمل الفكر الشمولي للاسلام و يسعي لتحكيم شرع الله هو من الاخوان و ان لم ينتمي لهم اداريا فكما قال الاما البنا ( فيكم و ليسوا منكم و منكم و ليسوا فيكم)
فلكل فرد في الاخوان الشرف ان يكون معه من يحمل فكر اسلامي مستنير مثل حضرتك
و علي فكرة حضرتك بحسن نية جبت للاخوان الكلام فرغم ان المقال مليء بنقاط رائعة الا ان البعض مسك في كلمة الاخوان اللي نجحوا الثورة و بدأ الهجوم و الجميع يعرف كم كان دور الاخوان في نجاح الثورة و لكنهم لم يتكلموا في ذلك و لم ينسبوا الفضل لأنفسهم يوما و بل دائما يرددون ( هي ثورة ربانية و الله هو اللي سقط النظام) و كمان تنازلوا عن الرئاسة و أغلبية المجلس و دعوا لقايمة مفتوحة مع الجميع
يعملوا ايه بس اكتر من كده عشان يثبتوا حسن نيتهم و خوفهم علي مصلحة البلد؟؟؟؟
غاربله 12-08-2011, 09:22 PM يعملوا ايه بس اكتر من كده عشان يثبتوا حسن نيتهم و خوفهم علي مصلحة البلد؟؟؟؟
انت عارف يعملوا ايه 00000000
ولا اقولك علشان تاخد بالك يمكن ماتكونشى واخدها
ييييييييييييييسسسسسسسسسسبببببببببببوووووووهم من اللى ركبوا الموجه بدون ادنى مجهود0
ده تلميح مش تصريح
Mr.Salama 12-08-2011, 10:50 PM انت عارف يعملوا ايه 00000000
ولا اقولك علشان تاخد بالك يمكن ماتكونشى واخدها
ييييييييييييييسسسسسسسسسسبببببببببببوووووووهم من اللى ركبوا الموجه بدون ادنى مجهود0
ده تلميح مش تصريح
يا اخي الحبيب انا فاهم قصدك بس والله الاخوان مادين ايديهم للجميع من اجل مصلحة البلد و مش بيستثنوا حد و لا بيحجروا حد طالما هدفه المصلحة و علي فكرة انا عاجبني جدا اسلوب حوارك و تفكيرك بس يا ريت تنظر نظرة متأنية لمن تقصدهم وو الله هما ناس طيبين و عايزين المصلحة بس يمكن خبرتهم قليلة شوية و لا مش عارفين ازاي يوصلوا للناس بس برضه فيهم اللي فاهم و كويس و اسلوبه راقي و يا سيدي خللينا نستحمل بعض الفترة دي و نتغاضي عن الاخطاء و نسامح حتي نعبر بمصر لبر الامان
و جزاكم الله خيرا
أستاذ طارق السيد 13-08-2011, 03:05 AM و الله لن ينقذ مصر مما يدبر لها
إلا الأخوان المسلمين
سواء كأعضاء مجلس شعب أو حتى كرئيس منهم للجمهوريه
كل اللى أعرفهم هينتخبوا الأخوان المسلمين
مع إنهم مش منهم و كانوا ضدهم فى البدايه
و لكن الوعى الدينى و السياسى
جعلهم سيختارون الأخوان المسلمين فى مجلس الشعب
و يتمنون إن يرشحوا واحد منهم للرئاسه
رمضان شاهين 14-08-2011, 12:34 AM فعلا خير الكلام تحيه لأرواح الشهداء
maths city teacher 14-08-2011, 02:25 AM عاش السلف ...................... عاش الاخوان وليسقط باقى الشعب
تحيا مصر هى دى الديمقراطيه
أستاذ طارق السيد 14-08-2011, 02:30 PM عاش السلف ...................... عاش الاخوان وليسقط باقى الشعب
تحيا مصر هى دى الديمقراطيه
عاشت مصر ............... عاش المصريين
هو ده قصدى لا أكثر و لا أقل
maths city teacher 15-08-2011, 12:42 AM انتم ليه مقسمين البلد لاخوان وسلف و اى حاجه تانيه
الناس كلها مصريين
راجى طاعة الرحمن 15-08-2011, 01:13 AM جزاكم الله خيراً على الموضوع
أستاذ طارق السيد 15-08-2011, 03:57 AM انتم ليه مقسمين البلد لاخوان وسلف و اى حاجه تانيه
الناس كلها مصريين
مين أنتم دى
بقولك تحيا مصر و المصريين
أنت اللى عايز تقنع نفسك باللى بتقوله
و المشكله إنك عايز تقنع الآخرين
يا عم سيبك من مقسمين ده محدش مقسم حاجه
بلاش نسعى لعمل المشاكل خليك حلو
مسيو صالح عمارة 15-08-2011, 05:08 PM اقرؤوا عن حقيقة ما يحدث فى الصومال .. خذوا منها العظة والعبرة ..التفرق ضعف
وهزيمة بأيدينا نحن قبل أيدى عدونا
أستاذ طارق السيد 19-08-2011, 04:16 PM شكراً جزيلاً
maths city teacher 20-08-2011, 01:23 AM مين أنتم دى
بقولك تحيا مصر و المصريين
أنت اللى عايز تقنع نفسك باللى بتقوله
و المشكله إنك عايز تقنع الآخرين
يا عم سيبك من مقسمين ده محدش مقسم حاجه
بلاش نسعى لعمل المشاكل خليك حلو
خلاص يا صديقى الجو حلو وزى الفل كمان
hanan gomah 20-08-2011, 02:44 PM لماذا نخلق الفتن بايدينا
بارك الله فيكم جميعا....انا ارى من الجميع حسن النية
الوحدة يا اخواني ..........الوحده
والله لن يتحقق لنا النصر في اي مكان الا بالوحدة
اما عن الاخوان والسلفيه وجميع الاحزاب فهذا لا يعني اننا لسنا مصريين
واعلموا ان اختلاف الرأي لايفسد للود قضية...............
جزاكم الله خيرا... وبارك الله فيكم
تحياتي
|