ارجوكم ساعدوني بسرعه انا منهاره [الأرشيف] - بوابة الثانوية العامة المصرية

المساعد الشخصي الرقمي

مشاهدة النسخة كاملة : ارجوكم ساعدوني بسرعه انا منهاره

Raaaa2

08-08-2011, 06:04 PM

sunsinai

11-08-2011, 02:02 PM

انا جايب 77 علمي رياضة زيك بفكر اخوش المعهد دا

mohamedza2009

11-08-2011, 02:26 PM

اولا فيه 4 كليات خاصة افضل من الحكومى مليون مرة زى الامريكية والالمانية وجامعه مصر للعلوم والتكنولوجيا وجامعه مصر الدولية ثانيا انا جايب 94,5 وداخل صيدلة جامعه مصر للعلوم فهل انا فاشل؟؟؟ الفشل كله انى ادخل كلية مش بحبها او ادخل كلية علشان اسم او لقب نصيحة منى تجارة انجلش كويسة

CiTiZeN X

11-08-2011, 03:31 PM

اولا ربنا يوفقك ويوفقنا جميعا ثانيا بالنسبة للمعهد الفنى الصناعى فدة عبارة عن معادلة انتى بتعمليها عشان تدخلى بيها هندسة وعشان تدخلى الهندسة لازم يكون مجموعك فى السنتين بتوع المعهد الفنى لا يقلوا عن 80 % عشان تضمنى تدخلى كلية الهندسة لان المعهد ده بينزلة تنسيق زى تنسيق الثانوية بالظبط يعنى بيقلك مثلا ان هندسة القاهرة بتاخد من 89 % لكن تنسيقة طبعا يختلف عن تنسيق الثانوية لان مثلا البترول فية من 95 % فلازم تجتهدى فية عشان تعدى مستوى 80 % اما ان شاء الله لما تجيبى مجموع فية حلو فانتى امام امرين اما تكملى هندسة او ما تكمليش وتخدة معهد فنى متوسط وخلاص بس لو كملتى هندسة فانتى هتدخلى اعدادى هندسى يعنى زى اللى جاب مجموع حلو فى الثانوى ولسة داخل هندسة يعنى سنة اولى هندسة يعنى انتى عشان تخلصى هندسة يبقى انتى قضيتى فى الحياة الجامعية 7 سنوات زى الطب يعنى والمعهد الفنى مضمون 100 % ان شاء الله وربنا معاكى وانا شايف ان ك.ت. فني صناعي المطريه هو الافضل والمصاريف قليلة جدا لا تتعدى ال 600 جنية مصرى

soley93

11-08-2011, 05:21 PM

السلام عليكم اولا لو هناخدها بمقياس ان كل الي دخل خاص فاشل يبقي احب اطمنك واقولك ان نص الطلبة فشلة وانا اولهم

ثانيا : انصحك تدخلي حقوق او اداب حكومة لان موضوع معهدفني صناعي والكلام ده انتي لما تدخليهم هتحسي بقمة الفشل كفاية انك هتدرسي مع طلبة دبلوم مع احترامي للدبلوم وطلبة دبلوم بس لحقيقية انها مخاطرة ممكن في الاخر تيجي علي مفيش

fokk mny

16-08-2011, 05:38 AM

انا برده بفكر ادخل المعهد ده ومحتار اوى
مضمون انى اجيب التقدير اللى يدخلنى هندسة بأذن الله
ولا صعبة ولا ايه

ياريت ياجماعة كل اللى عاوزيسن المعهد ده او بيفكروا فيه
نتكلم كلنا مع بعض عشان نقدر اللى عنده معلومة يفيد التانى بيها
:)

Future Eng

16-08-2011, 07:09 AM

ياريت ياجماعة كل اللى عاوزيسن المعهد ده او بيفكروا فيه
نتكلم كلنا مع بعض عشان نقدر اللى عنده معلومة يفيد التانى بيها
:)

انا مصطفى جايب 93.7 دة طبعا مجموع يدخل هندسة السنين الى فاتت لكن طبعا فوجت ان انا ملحقتش حاجة ورحت حاسبات عموما انا كان كل املى فى الحياة انى اخش هندسة علشان كدة مش قادر اصدق ان هندسة ضاعت وراحت منى انا بردة بفكر فى موضوع المعهد دة بردة لكن فى ناس قلتلى مغامرة اوى وانت كمان مجموعك مش قليل انا بصراحة مش عارف اعمل اية

Future Eng

16-08-2011, 07:13 AM

هتدخلى اعدادى هندسى يعنى زى اللى جاب مجموع حلو فى الثانوى ولسة داخل هندسة يعنى سنة اولى هندسة يعنى انتى عشان تخلصى هندسة يبقى انتى قضيتى فى الحياة الجامعية 7 سنوات

اعتقد الكلاما دة مش صحيح الى بيخلص المعهد دة بيدخل من 2 هندسة يعنى 1 تخصص وكدة هتبقى ضيعت سنة والمعروف عن المعاهد دى انها بتاخرك سنة . بالمناسبة فى معاهد فنية تجارية بتدخلك كلية تجارة وبردة بيدخلك من 2 وفى واحد صاحبى عمل موضوع المعهد الفنى التجارى وبيقولى الصناعى زية

mohamed^ salah

16-08-2011, 01:19 PM

بصى دى مغامره كبيره اوى وانا انصحك لا حولى كليه تجاره او اداب او حقوق او تربيه احسن بكتير لان دى بهدله تخشى مع طلبه الصنايع مع احترامى .....

ابو شيكا

16-08-2011, 01:30 PM

الهندسه مش لازم تكون هدف بيكى او شعار رافعاه عشان الموضوع شغل وتعب مش اسم كليه وخلاص والنجاح اصلا بيكون فى اى حاجه وممكن يكون خريج هندسه عاطل وخريج معهد او كليه عاديه زى اداب شغال كويس جدا ووضعه الااجتماعى افضل بلاش تمشى ورا الاوهام بتاعه الشهادات واعرفى ان التوفيق بتاع ربنا الشغل اصلا فرصه وما لهوش اى علاقه بالشهاده وموضوع منهاره ده بيةضح انك ممكن فى اى محطه جايه من دراستك فى اى مكان غريب عليكى ممكن تتعطلى وتياسى
ادخلى ع النت واقرى كويس عن كل حاجه واعملى استخاره واتوكلى على الله

طارق علام

16-08-2011, 08:12 PM

بسم الله الرحمن الرحيم
اولا -من يتق الله يجعل له مخرجا ويرزقه من حيث لا يحتسب....صدق الله العظيم
ثانيا كان ومازال حلم حياتى ادخل هندسه القاهره واسافر اكمل تعليمى بره مصر بس للاسف الشديد المجموع وحش جدا لانى مكنتش بذاكر ومقضيها لعب فى اول سنه كان المجموع اول ما شفته كان زى الصاعقه بس فيه فرق والواحد عايش حياته عاصى ربنا وفى فرق واحد فاق وعرف ربنا بيصلى عشان يستريح بالصلاه مش منها لما الدنيا تضيق يصلى ويدعى ويقول يارب حقق لى ما اتمناه ان كان لى فيه خير وابعده عنى ان كان لى فيه شر يا رب العالمين ......المهم انا مجموعى ف السنتين 71.71% وان شاء الله ناوى اخش معهد فنى صناعى اى حته بس المهم ادخل واذاكر واجيب المجموع اللى كنت ناوى اجيبه فى الثانويه المعهد الذى يؤهل هندسه المطريه ----شارع الصحافه ف رمسيس ...........ومش مهم رأى اى حد ان شاء هندسه يبقى لازم كفاح وبالنسبه للمعهد 40% اعمال سنه و60% دراسه يعنى التعب هيكون ىفى 60% بس الشرط الاساسى المواظبه وعدم الاختلاط باى شخص ان يكن من البيت للمعهد ومن المعهد للبيت وتذكر ان الله لايضيع اجر من احسن عملا ,,,,,,,مش قولا....عملا

Sna3y

17-08-2011, 04:37 PM

اعتقد الكلاما دة مش صحيح الى بيخلص المعهد دة بيدخل من 2 هندسة يعنى 1 تخصص وكدة هتبقى ضيعت سنة والمعروف عن المعاهد دى انها بتاخرك سنة . بالمناسبة فى معاهد فنية تجارية بتدخلك كلية تجارة وبردة بيدخلك من 2 وفى واحد صاحبى عمل موضوع المعهد الفنى التجارى وبيقولى الصناعى زية
لأ يا فيوتشر كلامه صح
النظام الجديد إن بعد المعهد بتدخل إعدادي وكان زمان بيحصل زي ما بتقول إنك تدخل سنة التخصص على طول
وأنا في المعهد الفني الصناعي بالمطرية خلصت أولى ورايح تانية إن شاء الله

Sna3y

17-08-2011, 04:40 PM

تصحيحاً للحد الأدنى لدخول هندسة من المعهد
90% مش 80% (في السنوات السابقة تراوح بين 87% و 89%)
والحصول على نسبة أعلى من 90% سهل جداً وعن تجربة خصوصاً في المعهد الفني الصناعي بالمطرية
احضر وذاكر وخلي سلوكك كويس مع المهندسين

flowra

17-08-2011, 05:31 PM

يا جماعه المعاهد دى مش بتاخد الا الخمسه الاوائل بس

toottoot

19-08-2011, 04:51 AM

السلام عليكم ورحمة الله وبركاته
انا فى 3 ثانوي علمي رياضه
انا جبت 80.5
ومش جايلي ولا كليه عدله
جالي معهد القاهره العالي لغات وترجمه فوريه بالمقطم
ناس كتير قالولي انه حلو بس اهلي ميقدروش يدفعوا مصاريفه
وانا اصلا نفسي ادخل كليه حكوميه علشان احس اني مش فاشله
المهم في مدرس قاللي حولي معهد فني صناعي سنتين وادخلي بعده هندسه بس لازم تكوني كاتبه المعهد في الرغبات وقال ان المعهد في رمسيس
والمعهد اللي انا كاتباه في الرغبات ك.ت. فني صناعي صناعات متطوره
وواحد تاني ك.ت. فني صناعي المطريه
و ك.ت. فني صناعي الصحافه
دول التلات معاهد اللي فيهم فني صناعي
يا ريت حد يقوللي ادخل انهي واحد فيهم اللي هيدخلني هندسه مضمون
ويا ريت حد يقوللي لو دخلت المعهد مضمون اني ادخل هندسه ولا مش مضمونه
وهدخل على سنه كام هندسه
وانهي معهد فيهم حكومي لاني زي ما قلت مقدرش ادفع مصروفات كتير
ولو في حاجه فيهم مصاريفها بسيطه ارجو حد يقولهالي ويقولي مصاريفها
وبرده المستر قال اني لو مش كاتبا المعهد في الرغبات ممكن احول من مكتب التنسيق يدوي يعني هل دا ممكن ولا لأ
ارجوكم حد يرد عليا بسرعه
وضروري جدا
لاني بجد من ساعة ما النتيجه طلعت وانا منهاره
حاسه اني فشلت في الثانويه العامه ارجوووووووكم حد يرد عليا

بوصى اولا انتى مجموعك انا شايفة ان مش وحش لدرجة انك تدخلى معهد سنتين وانتى فى ايدك انك تدخلى كلية وكان المفروض انك بدل ماتكتبى معاهد خاصة ومصاريفها عالية وتقولى انا مش هاقدر ادخلها كان المفروض تكتبى الكليات الحكومية المتاحة ليكى كلها بكل محافظاتها منها تملى رغبات ومنها لو جاتلك تدخليها
لو اسرتك هاتوافق انك تسافرى عشان تدرسى ولو مش كانوا يوفقوا كنتى فضلتى فيها اول سنة وبعديها حولتى لكن دلوقتى الحصل حصل الحمدالله الاول لازم تعرفى انى المعاهد والجامعات الخاصة مصارفها بتزيد كل سنة وممكن توصل لاكتر من 30الف حرام عليكى المصاريف دى انتى لو ضامنة انك تقدرى تزاكرى كويس ادخلى معهد فنى سنتين بس نصيحة ابعدى عن المطرية كفاية سمعتة وبعدين الطبيعى ان اى طالب لسة داخل جامعة مش هاينتظم الا ازا كان ناوى النية الجادة انة يلتزم ودا قليل اما بيحصل وكمان هاتفضلى تقولى انا داخلت معهد سنتين اية القرف دا يارتنى زاكرت ويارتنى ودا كلة انا بقوالك كدة لانى مريت انا وكل المعايا فى المعهد بدا كلة بس انا دراستى حبيتها وانا معهد حكومى مش خاص وكمان اربع سنين بس المهم لو قدامك كليات جايبة مجموعك وانتى كتباها قدمى فيها حتى لو بعد المعهد الجالك ولو عايزة كلية تانية مش عندك اسالى فى مكتب التنسيق فى جامعة القاهرة بنفسك مش تسالى الناس لان ماحدش هاينفعك غير نفسك روحى بنفسك حتى ولو لوحدك وهاتعرفى كل حاجة والكلية الهاتدخليها وانتى مش راضية عنها هاتحبيها بعد كدة والمصاريفها الهاتصريفها فى جامعة او معهد خاص انتى اولة بيها اصريفها على قرصات تستفيدى بيها وتنفعك بعد تخرجك لان بعد التخرج البيكون لية الاولولية فى التعين المعاه قرصات وفاهم اكتر واسفة انى طولت عليكى بس حبيت اوضحلك كل حاجة لانى مش بحب اشوف حد متراداد كدة وقلقان وانا عقادرة اساعدة ومش بعمل كدة وربنا يوفقك وعموما اعملى صلاة استخارة وربنا يوفقك يارب ويقدمالك كل الفية الخير وعسى ان تكرهوا شئ وهو خيرا لكم :)

Mido MashakiL

19-08-2011, 09:38 AM

طب ازاى انتى جايبه 80% ومجلكيش معهد خاص هندسه او اكاديميه

الذهبي81

21-08-2011, 07:46 AM

معهد الهندسة بطموه ولا معهد المدينة بشبرامنت ايهما افضل ؟
الاعتماد ، معادلة الشهادات ، نقابة المهندسين ،الدكاترة والسمعة انا سمعت عن معهد طموه اذا اردت التحويل منه لاتستطيع الا بصعوبة شديدة ماهو الافضل من وجهة نظركم ؟

dada 2011

13-09-2011, 02:55 AM

ياجماعه بليييييييز لو حد يعرف فيكم المعهد فنى صناعى اللى بيدخل هندسه مجموعه بياخد من كام .... ولو طلع مجموعه اعلى من مجموعى ليه طريقه اقدر اخشوا بيها ارجووو الرد بسرعه

Sna3y

13-09-2011, 02:23 PM

ياجماعه بليييييييز لو حد يعرف فيكم المعهد فنى صناعى اللى بيدخل هندسه مجموعه بياخد من كام .... ولو طلع مجموعه اعلى من مجموعى ليه طريقه اقدر اخشوا بيها ارجووو الرد بسرعه
الحدود الدنيا السنة دي كالتالي
المعهد الفني الصناعي بالمطرية 78.9%
المعهد الفني الصناعي ببئر العبد بشمال سيناء 68.66% وده أقل معهد السنة دي
وباقي المعاهد الفنية الصناعية كلها أعلى من 68.66%
لو مجموعك أقل من 68.66% للأسف مافيش طريقة تانية لدخول المعاهد الفنية الصناعية

عاشق رسول الله 3

14-09-2011, 04:02 PM

باذن الله تخش حاجة حلوة يا جميل ,

fokk mny

15-09-2011, 08:04 PM

دلوقتى ياجماعة انا جتلى تجارة مفتوح بس ناوى احول وادخل المعهد يأهلنى لهندسة لو ده بجد ان شاء الله
انا مجموعى يجيب المعهد الفنى للصناعات المتطورة وميجيبش المطرية
انا روحت شفت المعهد الفنى للصناعات المتطورة شكله كويس بس انا عاوز اعرف ايه الفرق بينه وبين المطرية
يعنى اشمعنى المطرية والصحافة خدوا اعلى
وايه اقسامهم ؟ اقسامهم احسن يعنى ؟

وفى الاخر تنصحونى ادخل المعهد ده ولا ايه

yousif1

16-09-2011, 07:30 PM