محتار عايز تحول .. من كلية ل كلية .. او لكلية قريبة منك .. كله في التوبيك ده [الأرشيف]

MuHaMeD kHaLeD

08-08-2011, 07:36 PM

السلام عليكم و رحمة الله و بركاته

ان شاء الله هحاول افه ـم الناس اللي عايزة تحول

اولا في ناس عايزة تحول مثلا من كلية تجارة عين شمس لكلية تجارة قريبة منه ـا اقليميا زي طنطا او شبين و هكذا

طريقة التحويل بتنقسم لطريقتين واضحين جدا

الطريقة الاولي

التحويل من اجل تقليل الاغتراب

و هو التحويل من علي النت لتقليل الاغتراب و ده بيكون بنسبة معينة و هي ال 10 في المية اللي نعرفه ـا

و في شكل تاني للتحويل

الطريقة دي معقدة شوية و ممكن تطول بس ان شاء الله مضمونة :av4056bb7jp3:

هنفرض مثلا انك دخلت اداب عين شمس و انت ساكن في الاسكندرية:( او قريب منه ـا

بتروح تعمل طلب تحويل في مبني ادارة الجامعة للجامعة اللي انت عايز تحول ليه ـا

بس بيطلبوا منك عقد شقة او ايصال نور او كه ـرباء ل اي باسم الوالد او الوالدة و بتعمل طلب بكده و بيحولولك و انت وحظك تجيلك بعد اسبوع اتنين او ممكن في نفس اليوم :049gc0:

ده بالنسبة للناس اللي عايزة تقلل الاغتراب

التحويل من كلية لكلية اخري

ده بيكون يا جماعة من مكتب التنسيق الرئيسي و يكون مجموعك جايب الكلية دي و مكاتب التنسيق اللي اعرفه ـا في واحد في القاهرة و في واحد في الاسكندرية

و بكده اكون غطيت اغلب الاستفسارات عن التحويل و يارب تكونوا استفدتوا و عرفتوا الدنيا:049gc0: ماشية ازاي

بالتوفيق للجميع و ربنا معاكم

:):)

matrix90

08-08-2011, 07:45 PM

طب انا عايز احول من كلية لاخرى

مينفعش من على النت ؟؟؟؟؟؟؟

MuHaMeD kHaLeD

08-08-2011, 07:49 PM

طب انا عايز احول من كلية لاخرى

مينفعش من على النت ؟؟؟؟؟؟؟

تحويل النت لتقليل الاغتراب فقط و مسمعتش قبل كده ان حد حول من كلية ل كلية من ع النت

اضافة بسيطة بالنسبة للتحويل الي الكليات و المعاهد و الاكاديميات الخاصة

طريقة سه ـلة جدا

بتاخد الملف بتاعك و تتطلع ع الكلية تقدم و خلاص كده

iegyi

08-08-2011, 07:50 PM

لا ياماتريكس لازم من المكتب الرئيسى بالقاهرة او الاسكندرية

matrix90

08-08-2011, 07:53 PM

'طب ودى انا بدفع فيها فلوووس ولا ايه ؟؟

MuHaMeD kHaLeD

08-08-2011, 07:57 PM

'طب ودى انا بدفع فيها فلوووس ولا ايه ؟؟

1000 جنيه للمصرين

و من 2000 الي 4000 للوافدين من الخارج علي حسب الدولة الوافد منه ـا

sarahwalid

08-08-2011, 08:08 PM

matrix90

08-08-2011, 08:14 PM

طب انا من القاهرة

ممكن يا استاذ محمد تقولى ايه الاجراءات اللى هعملها علشان احول لكلية تانية لما بروح مكتب التنسيق ؟؟؟؟

ياريت ارجو الرد ضرورى

MuHaMeD kHaLeD

08-08-2011, 08:16 PM

شكرا كتير على الموضوع ده اولا
ثانيا
انا جتلى فنون عمارة المنيا و عايزة احول لاسكندرية فلو مجتليش فى التحويل عن طريق النت
ممكن تشرحلى الطريقة التانية اعملها امتى و ازاى ؟؟؟؟
و انا سمعت ان التحويل ده بفلوس ممكن اعرف بكام ؟؟؟؟؟؟
و ممكن اعرف التحويل عن طريق النت امتى

اولا العفو ده واجب بصي التحويل التاني ده تعمليه بعد ما نتيجة الاولاني تتطلع علطول تروحي طالعة علي مبني ادارة الجامعة اللي فالشاطبي و تجيبي بابا او ماما و معاهم وصل ميه او نور و تقدمي طلب التحويل

يقوموا هما باه شايلين اسمك من كشوف المنيا مودينه ـا كشوف اسكندرية

يقولولك روحي شوفي اسمك وصل و لا لسه وصل كان به ـا موصلش تجيبي اثبات من الادارة انهم بعتوا اسمك عمارة اليكس

تروحي داخلة مقدمة الملف و دافعه مصاريف و رسوم كله كله حوالي الف جنيه بالتوفيق

MuHaMeD kHaLeD

08-08-2011, 08:19 PM

طب انا من القاهرة

ممكن يا استاذ محمد تقولى ايه الاجراءات اللى هعملها علشان احول لكلية تانية لما بروح مكتب التنسيق ؟؟؟؟

ياريت ارجو الرد ضرورى

اولا استاذ دي مش هتخليني ارد هههههههه بص يا سيدي انت الاول تشوف مجموعك جايب الكلية و لا لاء و صورة الثانوية العامة و قدم في المكتب و بس كده مش حوار يعني ربنا معاك

matrix90

08-08-2011, 08:22 PM

اولا استاذ دي مش هتخليني ارد هههههههه بص يا سيدي انت الاول تشوف مجموعك جايب الكلية و لا لاء و صورة الثانوية العامة و قدم في المكتب و بس كده مش حوار يعني ربنا معاك

انا جايب 96 والكلية اللى هحول ليها واخدة من 91

طب انا لما بقدم بعرف ازاى انى اتقبلت ؟؟؟

معلش هتعبك معايا

MuHaMeD kHaLeD

08-08-2011, 08:24 PM

انا جايب 96 والكلية اللى هحول ليها واخدة من 91

طب انا لما بقدم بعرف ازاى انى اتقبلت ؟؟؟

معلش هتعبك معايا

بص شايف الحدوته اللي انا حاكيها فوق ل سارة هتعرف منها ازاي اتقبلت

و لا تعب و لا حاجة انا معاك

matrix90

08-08-2011, 08:30 PM

بص شايف الحدوته اللي انا حاكيها فوق ل سارة هتعرف منها ازاي اتقبلت

و لا تعب و لا حاجة انا معاك

اهااا شكرااا جداااا ليك

يعنى انا مثلا هحول من سياسة واقتصاد ج القاهرة لالسن عين شمس

كده الكشوفات هتروح لعين شمس بدلا من القاهرة

صح كده ؟

MuHaMeD kHaLeD

08-08-2011, 08:33 PM

اهااا شكرااا جداااا ليك

يعنى انا مثلا هحول من سياسة واقتصاد ج القاهرة لالسن عين شمس

كده الكشوفات هتروح لعين شمس بدلا من القاهرة

صح كده ؟

ايون هيشطبوا اسمك من هنا و يحطوه هنا

مى فاروق

08-08-2011, 08:35 PM

matrix90

08-08-2011, 08:35 PM

شكرااااااا جزيلا

MuHaMeD kHaLeD

08-08-2011, 08:38 PM

ازاى الكلام دة انا كلمت مكتب التنسيق وهما قالولى التحويل هيبقى عن طريق النت
وانا عايزة احول من كلية لكلية
ايه الكلام اللى بتقوله دة
انا سالت ناس كتيير اوى وروحت الكلية وقالولى ع النت
الكلام دة ايه مصدره
انت كدة لخبتطنى خالص

اكيد يقصدوا تحويل تقليل الاغتراب و ممكن يفتحوا من كلية لكلية السنادي علي حسب انتي و حظك و لا لخبطة و لا حاجة بس الاضمنلك في التحويل من كلية لكلية تتطلعي علي مكتب التنسيق افرضي مفتحوش تحويل من كلية ل كلية ع النت هتفضلي مستنية لحد ما السنة تضيع عليكي

مى فاروق

08-08-2011, 08:46 PM

ايوة بس انا سالت فى السن عين شمس نفسها اللى عايزة احول ليها
وقالولى من ع النت
ومكتب التنسيق دة فيين ؟؟؟
انا خلاص اتخنقت والله وبقتش عارفة حاجة
وكل امااكلم حد يقوللى كلمة شكل ومفيش حاجة ثابتة
انا بقالى شهر بسال ومسمعتش اللى بتقول عليه دة

ميدو ميد

08-08-2011, 08:46 PM

انا جالى تجارة السويس ينفع احول الى القاهرة او عين شمس ولا لزم ام السنة فدية اوق حرام
والتحوي لتقليل الاغتراب هيقبل ولا اية ساعدوانتى
انا من القاهرة الجديدة االقطامية ؟

matrix90

08-08-2011, 08:49 PM

بعد اذنك هو انا لما بروح احول لازم اخد معايا ولى الامر

ولا ممكن اروح لوحدى عادى ؟؟؟

مى فاروق

08-08-2011, 08:50 PM

انت مسمعتش قبل كدة ان حد حول من كلية لكلية ع النت علشان دة لسة نازل السنة دى
وانامتاكدة منكلامى

ALLALL

08-08-2011, 08:52 PM

طب انا جاتلى علوم عين شمس
وعايزه احول اسكندرية

مى فاروق

08-08-2011, 09:02 PM

وبعدين على حد علمى ان التحويل لتقليل الاغتراب دة بيشمل نوعين من التحويل
1 التحويل لكلية مناظرة
2 التحويل لكلية غير مناظرة
ولو انت مش متاكد ادخل بنفسك موقع التنسيق وهتلاقى الكلام دة موجود
وانا بس حبييت اوضح للى عايزين يحولو من كلية لكلية انه من ع النت

crazy doda

08-08-2011, 09:32 PM

انا جاتلى هندسة حلوان وعايزة احول المطرية وفى مكتب التنسيق قالولى على النت انا روحت بنفسى وسألت وقالولى اى تحويل السنة دى هيبقى على النت والتحويل الورقى مش مهمتهم ده بتروح انت الكلية وتحول بنفسك بس بعد تحويل النت ما يخلص مش قبل كده

gaber hashesh

08-08-2011, 09:42 PM

طب انا عااااااايز احول من كليه لكليه تانيه فى نفس المحافظه وانا جااااايب مجموعها واتصلت بمكتب التنسيق وقالى على النت عاااااااااادى ايه الكلام الجديد ده؟

Neno0o

08-08-2011, 09:42 PM

طب انا جاتلى حاسبات حلوان ينفع احول لى حاسبات القاهرة علما بانى ساكن فى القاهرة ؟؟؟؟؟؟؟؟؟

abdomustafa

08-08-2011, 09:52 PM

انا جاني المعهد العالي الكندي وعاوز احول ل اكادمية اخبار اليوم احول ازي ؟ارجو الرد ضروري الله يخليك

eng/ yasmine

08-08-2011, 10:05 PM

طيب وانا جاتلى حاسبات ومعلومات اسماعلية وعاوزة احول اكاديمية الشروق
انا من السويس والشروق اقربلى
وكمان هو الموقع ع النت هايفتح امتى بتاع التحويل

رورو كوكو

09-08-2011, 01:24 AM

طب انا جاتلى ادا القاهرة وكنت عاوزة احول تجارة حلوان ده بردو من على النت ينفع ولا ايه؟

رورو كوكو

09-08-2011, 01:25 AM

طب انا جاتلى اداب القاهرة وكنت عاوزة احول تجارة حلوان ده برضو من على النت ينفع ولا ايه؟

Mixology

09-08-2011, 02:06 AM

طب سؤال كدة
انا جاتلى حاسبات حلوان وانا ساكن ف الاسكندرية وعايز احول القاهرة او عين شمس ينفع ؟!!!
مع العلم انى معنديش محل اقامة ف القاهرة او عين شمس ؟؟؟!!!!

lara_fabion

09-08-2011, 02:30 AM

منة25

09-08-2011, 02:40 AM

bahaaeldeen

09-08-2011, 03:01 AM

انا جايب 375 ونص

وجالى فنون جميلة فنون الاقصر

ينفع احول لحلوان ولا اية النظام

مع العلم انها خدت اعلى منى ب 3 درجات

والمنيا اعلى منى بنص درجة

حد يرد بسرعة بليييييييييز

bahaaeldeen

09-08-2011, 03:02 AM

انا سمعت ان ممكن احول من كلية لكلية تانية لوفرق الدرجات قليل بس لازم اقضي سنة في كلية اللي جاتلي وادفع مبلغ معين حد سمع علي النظام ده وكمان ايه هو التعليم الموازي هي دي فكرته
ياريت اللي عنده معلومات يقول عليها

مش فاهم قصدك كلية تانية نفس الاسم

يعنى بدل تجارة القاهرة تجارة حلوان؟

ولا كلية مختلفة عنها يعنى اداب لتجارة؟؟؟؟؟؟؟؟؟؟؟؟؟؟

bahaaeldeen

09-08-2011, 03:08 AM

طب انا جالى المجمع التكنولوجى المتكامل بالاميرية
و طبعا ماعرفش عنو حاجة وخايفى ادخلو

و لو حديعرف الشهادة الى بنتخرج بيها منو ايه يفيدنى

و لو مش هادخلو انا عايزة احول تجارة شبين الكوم

وانا من المنوفية

المجمع التكنولوجى سنتين وبعد كدة بيؤهلك لكلية الهندسة

هو كويس وناس كتير دخلته حتى اعرف ناس جايبة 380 ودخلته

lara_fabion

09-08-2011, 03:17 AM

المجمع التكنولوجى سنتين وبعد كدة بيؤهلك لكلية الهندسة

هو كويس وناس كتير دخلته حتى اعرف ناس جايبة 380 ودخلته

طب ازاى بيؤهل لهندسة انا ثانوية عامة مش فنى

و انا سمعت ان الشهادة الى بتاخدها منو بكالريوس تكنولوجى

او بكالريوس تعليم صناعى

ممكن حضرتك تفهمنى ازاى بيؤهل لهندسة دى

و لو الى تعرفوا دا هنا عل الموقع او تعرف توصلو ممكن تسالى بليز وهو كان ثانوى عام ولا فنى

bahaaeldeen

09-08-2011, 03:32 AM

طب ازاى بيؤهل لهندسة انا ثانوية عامة مش فنى

و انا سمعت ان الشهادة الى بتاخدها منو بكالريوس تكنولوجى

او بكالريوس تعليم صناعى

ممكن حضرتك تفهمنى ازاى بيؤهل لهندسة دى

و لو الى تعرفوا دا هنا عل الموقع او تعرف توصلو ممكن تسالى بليز وهو كان ثانوى عام ولا فنى

لا انا صحابى واحدة جايبة 352 والتانى جايب 380

ودخلها

مش شرط فنى او صنايع وبعدين ما فنون تطبيقية بتاخد فنى وصنايع برضو

group_teenz***********

ياريت تبعت اضافة عشان اساللك صحابى واى معلومة ابعتهالك

lara_fabion

09-08-2011, 03:33 AM

يا جماعة حد يفهمنى طيب المجمع التكنولوجى دا كويس ولا لا

انا طالبة ثانوية عامة رياضة 2

Mohamed TV

09-08-2011, 03:41 AM

يا جماعة انا جالي حقوق م السادات ج المنوفية انا ممكن احول لعين شمس او القاهرة او حلوان مع العلم ان مجموعي 277 ياريت حد يرد بسرعة

ahmedsaber92

09-08-2011, 03:48 AM

يا جماعة التحويل من علي النت و في نوعين من التحويل واحد من كلية مناظرة و التاني كلية غير مناظرة ...............

shankoo

09-08-2011, 04:13 AM

طيب دلوقتي انا جايب 355

تجارة حلوان اخدت 352.5

تجارة عين شمس 355

وكنت كاتب حلوان الاول لسبب اني كان عندي امل في علوم او تجارة انجلش اقاليم

بس جالي حلوان

وعاوز احول عين شمس وانا جايب مجموعها

ينفع ولا ؟

wahsh2008

09-08-2011, 05:52 AM

ماشاء الله
والف مبرووكـ

mad love

09-08-2011, 05:55 AM

طيب انا جالى اداب فرع دمياط جامعه المنصورة وعايزة احول المنصورة

ممكن حضرتك تقولى ايه المطلوب علشان التجويل م خلال النت او م خلال الجامعه؟

يبقى جزاك الله كل خير

mahmoudtreika

09-08-2011, 06:49 AM

شكراااااااااااااااا ع المعلومااات

مى فاروق

09-08-2011, 07:05 AM

ياجماعة مش عايزييين حد يلخبطنا
كلنا لازم نتابع الموقع لحد مايفتحو التحويلات
وهما دلوقتى كاتبيين ترقبوا بدء التحويل لتقليل الاغتراب
يعنى زودو كلمة بدء
معنى كدة انه ان شاء الله قرب ومتقلقوش من حاجة واللى فيييه الخير ربنا يقدموا

Engineer ..

09-08-2011, 07:38 AM

السلام عليكم دكتور محمد

أنا جاتلي هندسة أسيوط ( مجموعها 386،5 )

مجموعي 387

وانا من بورسعيد

وهندسه بورسعيد مجموعها (388،5)

هل درجة ونص دول مضمونين في الاغتراب اني أحول بورسعيد:o ؟

طب نفرض لا قدر الله مقبلتش اغتراب ممكن أعمل ايه ؟

مع العلم اني مش مستحمل سنة كامله و بعد كده أحول تاني ؟؟؟!!

وأشكر حضرتك جدا على سعة صدرك

ad messi

09-08-2011, 08:40 AM

لو سمحت يا استاذ
انا جايب 366.5
علمى رياضه
وجاتلى تربيه ابتدائى الفيوم

وانا من الفيوم يعنى

بس مجموعى جايب علوم رياضه المنيا واسيوط
وعلوم رياضه الفيوم واخد 368.5

هل ممكن احول لعلوم رياضه الفيوم

بما انى لو كنت كاتب رغباتى فى الاول كليات العلوم
وجلتى كليه علوم رياضه المنيا مثلا

فحسب قانون الاغتراب هقدر احول لعلوم رياضه الفيوم
؟؟؟؟؟؟؟؟؟؟؟

وياريت حضرتك تقولى كل الاحتمالات والحلول المتاحه

شك

ad messi

09-08-2011, 08:50 AM