ازيكو يا شباب
بخصوص التقديم لكلية سياحة وفنادق جامعة حلوان انجليزي او عربي بالمنيل
دلوقت الموضوع دة عشان تجمع لينا كلنا كل اللي دخل حلوان وعايز يقدم معانا نلم بعض كدا ونروح اي يوم نقدم اوراقنا
وعلي ما اعتقد الكل هيقدم في المنيل

وعندي سوال هل المصاريف هدفعها مع التقديم ولا ايه ؟ لان مصاريف ارشاد انجليزي عالية

مستنيكو

اة تقريبا مصاريف ارشاد لوحدة 3500 +انجلاش يعنى كمان 3500 =يعنى انت هتدفع 7000 تقريبا هو عموما اة الدفع مع التقديم انا هاخد المصاريف معايا يعنى انا هاخد 300 للمصاريف دة للعربى

طب استنونى انا لسه هعمل انترفيو بكرة

قولولى انا هاخد معابا اى حاجه بكرة غير الورقة بتاعت القدارت بس؟

اة تقريبا مصاريف ارشاد لوحدة 3500 +انجلاش يعنى كمان 3500 =يعنى انت هتدفع 7000 تقريبا هو عموما اة الدفع مع التقديم انا هاخد المصاريف معايا يعنى انا هاخد 300 للمصاريف دة للعربى



لا انا لما كتبتها في التنسيق كتب لي 3000 كله علي بعضه يعني انا مش هادفع غير 3000 زي تجارة شعبة انجليزي وحقوق انجليزي وكدة

لو كدة انا مش هاقدر ادفع 7000

لا لا اكيد المصاريف 3000 متقلقش ولو عليت هتبقى 3 ونص مش هتعلى عن كدا

اصل بوصو ياجماعه بعقلكم اية الفرق بين ارشاد عربى وارشاد انجليزى اكيد الفرق هيعلو المصاريق لان ارشاد اساسا ب3000 و حاجة وانجليزى ب3000 يبق الانجليزيى هما كتبولك كدة لانهم ميعرفوش انتة هتخوش اى قسم وبقولك اية انا مش خبيرة روح اسالهم عش معملكش احباط بس بعقلك طب ميخوش بقا كل بتوع ارشاد انجلاش بدل عربى بم انها نفس المصاريف فى التسجيل كتبو تلاتة لانك ممكن تكون دراسات ارشاد فنادق غير المصاريف الخاصة بالكلية على فكرة حلوان بس هى الى بتاخد المبلغ دة على ارشاد اسماعلية مش كدة خالص

لا يا جماعة سالت ولسة رايح اسال في الكلية عشان اتاكد

الكلية بتاخد 3000 علي كله (سياحة وفنادق حلوان شعية انجليزي بس) بتاخد 3000

اما بقية كليات السياحة في مصر ملهاش مصاريف يعني حاجة رمزية وهاسال بكرة تاني واتاكد لكم

وبالنسبة لحكاية انه كل بتوع ارشاد عربي يخشوا انجليزي مينفعش لانها بتاخد اعلي مجموع في مصر بالنسبة لكليات السياحة وبتبقي في المنيل زي تجارة عادي وتجارة انجليزي وقافله ادبي علي 389 مرحلة اولي وعلمي قريب من كدة انا عديت ودخلتها بصعوبة عشان بياخدوا عدد محدود انما عربي متاحة للكل ومجموعها قليل
وهو دة الفرق

بالتوفيق
بالتوفيق للكل

مفيش حد جاي معايا الكلية بكرة

لو سمحتم انا عاوز اعرف ايه الفرق بين سياحه وفنادق عربى وانجلش ..

مع العلم ان مجموعى 373.5 ادبى .. وعاوز قسم ارشاد سياحى

والمصاريف كا م............؟ 3 ولا 7 ...........؟

وايه رأيكم انا بفكر اخش سياحه وفنادق اسكندريه ,, كويسه ولا .؟

المصاريف 3 ونص
واسكندرية امكانيتها مش اوي
الافضل حلوان ثم الفيوم

المصاريف 3 ونص
واسكندرية امكانيتها مش اوي
الافضل حلوان ثم الفيوم

امكانياتها مش حلوه من ناحيه ايه يا باشا ؟؟؟؟؟؟؟؟؟؟؟؟؟؟؟

من حيث المعامل والحجات دي :)

ثانكسسسسسسسسس ,, الف شكر

عفوا ..... :)

هو ارشاد له مجموع خاص ؟؟؟؟؟

لا ارشاد انجليزي معرفش العربي فيها او لا

لو سمحتم انا لو عاوزه اسأل عن قسم ارشاد انجلش واعرف كل التفاصيل ممكن اسأل مين لاني عاوزه اعرف كل حاجه عن القسم ده

الأفضل تسألي في الكلية :)

يا جملعة ارجوكو لو حد فى حلوان يسألنا على اذا كان فى فى عربى قسم ارشاد عشان كل مااتصل بالكلية ترد عليا واحد تقولى كل حاجة ع النت ومافيش اى حاجة اصلا

لا متهيقلي الارشاد دا قسم مفهوش عربي وانجلش هو قسم واحد

والدليل على انه واحد اما جينا نختار القسم يوم الانترفيو كان اول حاجه ارشاد سياحي بس
ودراسات سياحيه ودراسات فندقيه فيها عربي وانجلش

اة كلامك صح ارشاد في انجليزي بس

طب انتو جتلكو شعبة انجليزى ولا عربى عشان انا اصلا حاحول عشان لو ماكنش فى ارشاد فى عربى انا مضطرة احول المنيا
لازم الحق يوم السبت

الاغلبي مفيش ارشاد عربي

يا جماعة على حد علمي قسم ارشاد في حلوان هو واحد بس مافيش حاجة اسمها عربي او انجلش
لأنك لو داخل عربي هتلاقي في الرغبات ارشاد ولو داخل انجلش هتلاقي في الرغبات ارشاد
والدراسة مش كلها انجلش في مواد عربي :)

ميرسسسسى اوووووى طمنتناااا

صح كده مفيش حاجه اسمها عربي وانجلش لان وقت الانترفيو مكنش فيه اختيار عربي ولا انجليزي هو كان واحد بس "ارشاد سياحي "

تمام وربنا معاكوا وماحدش يقلق خالص
ولو في اي استفسارات تانية انا معاكوا لللأخر :)

معلش تاعبينك يا تريكا وربنا يجعلوه في ميزان حسناتك

اولا السلام عليكم يا جماعة ثانيا علي فكره من المعروف جد ان من اوائل الجامعات او من احسن الجامعات هيه اسكندرية في الاول قبل القاهره كمان وبالتالي السياحة والفنادق فيها افضل ثانيا موضوع الانجليزي والعربي لما في التنسيق بيكتوب كلية سياحة وفنادق عربي وسياحة وفنادق انجليزي قصدهم علي قسمين الفنادق والسياحة فقط لان الارشاد لازم تكون دراسته بالانجلش سواء كنت سياحة وفنادق انجلش او عربي الارشاد واحد لكن الدراسات السياحية والفنادق هيه الي بتختلف في الموضوع ده

طيب ما هي حلوان العادية مفيهاش انجليزي وبالتالي ارشاد لان انجليزي مجموعها اعلي وبفلوس
كمان حلوان افضل من اسكندرية مليون مرة بلا منازع والاسوء اسكندرية من حيث سياحة وفنادق فقط

مافيش تعب ولا حاجة
و يا جماعة ارشاد وااااااااااااااااااااااااااااحد مافيش عرب ولا انجليزي
هو قسم واحد كله بيدخله :)

....

وبالنسبة لسياحة اسكندرية ليست هي الافضل ولكنها ليست الأسوء :)

طيب دلوقت اللي دخل سياحة وفنادق حلوان
سياحة وفنادق حلوان انجليزي ايه الفرق

يعني اللي دخل سياحة العادية مش هيدفع مصاريف وهيخش ارشاد؟؟؟

ولا ايه بالظبط

شكرا

اللي دخل سياحة عادية هيدفع برده 3500 ويدخل ارشاد :)

شكرااااااااا للرد

يا جماعه انتوا تايهين ليه؟
الموضوع سهل
في قسم واحد بس للارشاد
لانك مش هينفع تطلع مرشد عربي
يعني الكليه تحتوي علي قسم ارشاد واحد و هو الانجلش
وبالنسبه للمصاريف هي 3300
و اللي عايز يعرف حاجه اكتر يبعتلي رسايل
امضاء
طالب في سنه تالته كلية سياحه و فنادق قسم ارشاد سياحي

طيب يا باشا الدراسة هتبقي فين
انا اتلي حلوان شعبة انجليزي وهختار ارشاد

شكرا

مافيش تعب ولا حاجة
و يا جماعة ارشاد وااااااااااااااااااااااااااااحد مافيش عرب ولا انجليزي
هو قسم واحد كله بيدخله :)

....

وبالنسبة لسياحة اسكندرية ليست هي الافضل ولكنها ليست الأسوء :)
طيب يا تريكه معلش دلوقتي انا اتقبلت سياحة وفنادق اسكندرية ومقدش انا اسافر مثلا اروح سياحة وفنادق في حته تانية فهل احول حاجة تانية تجاره يعني مثلا بدل هيه سيئة رد عليا بسرعة بليز

لا هي مش سيئة يا ريموز
انا بس اقصد انها مش الافضل في مصر
بس هي كويسة عادي والدراسة فيها حلوة :)

بالتوفيق للكل

لا هي مش سيئة يا ريموز
انا بس اقصد انها مش الافضل في مصر
بس هي كويسة عادي والدراسة فيها حلوة :)
يعني ابقي زي ما انا محولش

اها طالما حابة المجال يا ريموز يبقى كملي :)

اها طالما حابة المجال يا ريموز يبقى كملي :)
الف شكر ليك يا تريكه

انا عاوز اسأل سؤال ... وياريت حد يفيدنى ... اختى فى المرحله الثالثه واول شريحه فيها ... ومن الكليات اللى مكتوب انها تقدر تدخلها سياحه وفنادق حلوان ... بس هى معملتش اختبار قدرات سياحه وفنادق .. ف هل عادى انها تكتبها ولا لازم تكون عامله اختبار قدرات ... ولو كتبتها وجاتلها الكليه هايبقى ايه اللى هايحصل ؟؟ هاتختبر قدرات بعد كده ؟؟ ولا مواعيد اختبار القدرات خلصت ؟؟؟ ياريت حد يفيدنى بلييييييييييييز

خليها تكتبها ولو قبلت ان شاء الله تبقى تشوف موضوع الاختبارات
وممكن تتصل بالكلية او مكتب التنسيق وتسألهم هل هيفتحوا اختبارات القدرات تاني ولا لا :)

يعني اللى ممتحنش قدرات مش هينفع يقدم في الكليه

بالظبط كدة لازم تكون كنت امتحنت

طب والدور الثاني اللي اصلا كان لازم غصب عنه يستنى نتيجه الدور الثانى وبعدين جاتله سياحه وفنادق حلوان ايه موقفه دلوقتى طب هو كان هيمتحن ازاى قدرات اذا كان اصلا لسه مش عارف درجته تبقى كام مش كده يبقى حرام عليهم ؟؟ وبعدين انا مش عارفع افهم بصراحه يعني لازم اي حد يدخل سياحه وفنادق لازم يدرس ارشاد كتخصص يعني اصل بصراحه مصاريفها غاليه .. يعني دلوقتى لو راحت تقدم سياحه وفنادق وهي مرحله تالثه ونجحت ف لملحق هيقبلوها ولا هيرفضوها بسبب القرات دي ولا ممكن يكون قدامها فرصه انها تمتحن القدرات ؟؟ وعبارة عن ايه القدرات دي ؟؟ وبتدفع مصاريف كام عامه لما تقدم فيها لو قبلوها ان شاء الله ؟؟

كلمني عالميل اشرحلك

mido.tourguide***********

بس للاسف مفيش قدرات خلاص يعني تقريبا مفيش امل انت المفروض كنت عملتيه مهما كان وهما مكنوش عارفين انها هتنزل اصلا هما عاوزين يقفلو ا العداد وخلاص ومش لازم ارشاد فيه اقسام تانية كمان حلوان عربي لسة منعرفش فيها ارشاد او لا
المصاريف لارشاد 3500 والقدرات دة امتحان عالمظهر والمعلومات العامة وكلام كامل بلانجليزي

كمان لازم تيجيبي في الانجليزي اعلي من 35 عشان تخشيها

انا لسه رايح النهارده و مصاريف الانجليزي 3347.5 والعربي 277.5 غير كده كلام مش صح

لو سمحتوا كنت عايز أعرف هو فى أختبار قدرات ولا لأ ؟
ولو فى معادة أمته وبيتكرر ولا لأ ؟