مشاهدة النسخة كاملة : التنسيق بدأ بس في مشكلة ؟!!
*sondos* 09-08-2011, 04:40 AM السلام عليكم ورحمة الله وبركاته
الحمد لله التنسيق إتفتح بس لما بدخل على الموقع علشان أكتب الرغبات بيقولي
رقم التسجيل الذي تسلمته من مكتب التنسيق
هو إيه رقم التسجيل ده بالظبط ؟؟ ولازمة الرقم السري اللي معانا إيه بقى ؟؟
بجد حاجة تضايق ياريت حد يوضحلنا إيه ده وأجيبه منين
*sondos* 09-08-2011, 04:51 AM حسبي الله ونعم الوكيل بعد كل ده والفترة الطويلة في الإنتظار والآخر بردو هنتشحطط ونسافر
احمد م حجازي 09-08-2011, 05:54 AM أن شاء الله التنسيق السنة ده اسها بكثير من السنوات السابقة
التنسيق الالكتروني أحسن جدا
بس المشلكة الوحدية انتوا هتروحوا مكتب التنسيق علشان تحصلوا على الرقم السري
و باقى التعليمات كما موضحة فى الخبر التالي
وأوضح مكتب التنسيق، أنه سيتم تسجيل الرغبات على موقعى التنسيق الإلكترونى فى المواعيد المحددة لكل شريحة وهما " Tansik.Egypt.gov.eg " وwww.Egypt.gov.eg، وذلك من خلال معامل التنسيق المنتشرة فى الجامعات على مستوى الجمهورية، وبرقم الجلوس والرقم السرى الذى يحصل عليه الطالب من التنسيق طول فترة المرحلة من الساعة التاسعة صباحاً وحتى الخامسة مساءً.
وأضاف المكتب أن موقعى التنسيق الإلكترونى سيكونان متاحين على مدار 24 ساعة حتى آخر يوم من تسجيل الرغبات على أن يتم إغلاق الموقعين السابعة مساء الأحد 14 أغسطس.
وحدد المكتب أماكن الحصول على الأرقام السرية التى يستخدمها الطالب فى تسجيل رغباته إلكترونيا وهى المكتب الرئيسى للتنسيق بالمدينة الجامعية لجامعة القاهرة ومبنى كلية تجارة بجامعة الإسكندرية ومبنى المدينة الجامعية للطالبات بجامعة المنصورة ومبنى كليات جامعة طنطا بسبرباى ومبنى إدارة جامعة أسيوط ومبنى إدارة جامعة جنوب الوادى بقنا ومبنى إدارة جامعة قناة السويس بالإسماعيلية ومجمع البطراوى للمدن الجامعية بجامعة الزقازيق ومبنى إدارة جامعة بنى سويف، وذلك من الساعة التاسعة صباحا،وحتى الثانية بعد الظهر.
وأوضح أنه يمكن للطالب تسجيل رغباته عن طريق الحاسب الشخصى أو أى حاسب آلى متصل بشبكة الإنترنت خارج الجامعات، مع إمكانية تعديل رغباته حتى آخر يوم فى المرحلة وأنه سوف يتم إبلاغ الطالب بنتيجة ترشيحه فور إعلانها رسميا من خلال إتاحتها على موقعى التنسيق على أن يقوم الطالب بطباعة بطاقة الترشيح واستخدامها لتسليم أوراقه إلى الكلية أو المعهد الذى تم ترشيحه إليها.
taRak55 09-08-2011, 06:26 AM يا استاذ احمد احنا عندنا مكتب ينفع اروح اجيب ولا لازم من المكاتب المعلنة دى
macosx 09-08-2011, 06:56 AM بصي انتي تروحي على اقرب مكتب تنسيق ومعاكي شهادة النجاح والبطاقة بتاعتك وحوالى 50 جنية وتجيب كرت الخدش الفي الرقم السري وكدا وبعدين تقدمي فى الموقع
وربنا معاكي ومعانا انشاء الله :006et4::006et4:
*sondos* 09-08-2011, 07:03 AM أن شاء الله التنسيق السنة ده اسها بكثير من السنوات السابقة
التنسيق الالكتروني أحسن جدا
بس المشلكة الوحدية انتوا هتروحوا مكتب التنسيق علشان تحصلوا على الرقم السري
و باقى التعليمات كما موضحة فى الخبر التالي
شكراً ليك يا مستر أحمد
إن شاء الله كمان شوية هسافر مبنى التجارة في إسكندرية وربنا يسهل
*sondos* 09-08-2011, 07:04 AM بصي انتي تروحي على اقرب مكتب تنسيق ومعاكي شهادة النجاح والبطاقة بتاعتك وحوالى 50 جنية وتجيب كرت الخدش الفي الرقم السري وكدا وبعدين تقدمي فى الموقع
وربنا معاكي ومعانا انشاء الله :006et4::006et4:
دول رشوة يعني ولا إيه بالظبط ؟ أول مرة أسمع عن حكاية الفلوس
هما مش مشكلة أي مبلغ هدفعه عادي بس دول بتوع إيه ؟
ربنا يتقبل منك دعائك
taRak55 09-08-2011, 07:13 AM انا كدة اروح اقرب مكتب ولا مكتب من اللى ذكرهم الاستاذ احمد
*sondos* 09-08-2011, 07:28 AM أنا هروح مكتب من المذكورين في الخبر أحسن
dodeman 09-08-2011, 10:23 AM 50 جنيه احنا اضحك علينا ولا ايه ههههههههههههههههه
مفيش جديد فى الكليات المذكوره حنعرف الجديد منين بقي؟؟
macosx 09-08-2011, 02:23 PM دول رشوة يعني ولا إيه بالظبط ؟ أول مرة أسمع عن حكاية الفلوس
هما مش مشكلة أي مبلغ هدفعه عادي بس دول بتوع إيه ؟
ربنا يتقبل منك دعائك
لا هيا فعلاً من غير فلوس بس اصل كان فى واحد قالي اني هيا بفلوس بس انا روحت وخت الرقم من غير فلوس الحكاية انك هتخدي معاكي شهادة النجاح وتصوريها لازم تصوريها وتكتبي رقم موبيلك على الشهادة المتصورة وتخدي معاكي الاصل والصورة وتروحى تستلمي الكرت من المكتب وبس كدا
يارب اكون افدك :excl:
yasserismaeel 09-08-2011, 02:56 PM ياجماعة التنسيق شغال و زى الفل بس ارجو من الناس تدخل من متصفح انترنت اكسبلور علشان موزيلا ووابر ا الموقع مش هيشتغل عليهم .. واتمنى التوفيق لجميع
*sondos* 09-08-2011, 03:27 PM أنا روحت مكتب التنسيق الأول في جامعة الإسكندرية ولفيت أكتر من ساعتين وكل واحد يقولنا كلمة شكل !
والأخر روحنا عزبة إسمها عزبة سعد وهناك لقينا المكتب
بس بجد بجد يخربيت اليوم اللي روحت فيه المكان ده
أكتر من 1000 طالب وطالبة وكله بيضرب ويزق في بعضه وشتيمة وحاجة آخر قلة أدب
بس هنعمل إيه مادام إحنا في مصر يبقى لازم نتعب وتطلع عينا علشان ناخد حقنا
Mo7amed Kimia 09-08-2011, 04:28 PM السلام عليكم ورحمة الله وبركاته
الحمد لله التنسيق إتفتح بس لما بدخل على الموقع علشان أكتب الرغبات بيقولي
رقم التسجيل الذي تسلمته من مكتب التنسيق
هو إيه رقم التسجيل ده بالظبط ؟؟ ولازمة الرقم السري اللي معانا إيه بقى ؟؟
بجد حاجة تضايق ياريت حد يوضحلنا إيه ده وأجيبه منين
ياسندس التسجيل زى الفل والموقع زى الفل كمان
بصى الرقم السرى اللى انتى اخدتيه من المكتب ده مش الرقم السرى نفسه ده الرقم اللى هتسجلى نفسك بيه
فى الموقع وبعد ما تحطيه هيطلعلك الرقم السرى
وبعد ما تخدى الرقم السرى من الموقع
روحى على خطوة تسجيل الرغبات تحطى الرقم السرى ورقم الجلوس وباقى البيانات
وتملى الرغبات وبس
وربنا يوفقنا جميعا ان شاء الله
*sondos* 09-08-2011, 04:34 PM شكراً ليك يا محمد
الحمد لله كله تمام أنا مكنتش فاهمة الصبح بس دلوقتي فهمت وكتبت الرغبات كلها
:)
dodeman 09-08-2011, 05:15 PM أنا روحت مكتب التنسيق الأول في جامعة الإسكندرية ولفيت أكتر من ساعتين وكل واحد يقولنا كلمة شكل !
والأخر روحنا عزبة إسمها عزبة سعد وهناك لقينا المكتب
بس بجد بجد يخربيت اليوم اللي روحت فيه المكان ده
أكتر من 1000 طالب وطالبة وكله بيضرب ويزق في بعضه وشتيمة وحاجة آخر قلة أدب
بس هنعمل إيه مادام إحنا في مصر يبقى لازم نتعب وتطلع عينا علشان ناخد حقنا
وانا كنت هناك بردوا انهارده بجد حاجه اووووووووفر
*sondos* 09-08-2011, 05:23 PM وانا كنت هناك بردوا انهارده بجد حاجه اووووووووفر
كله بيشتكي للأسف
منهم لله على الإهمال
|