السلام عليكم







طبعا انا داخل 2 ثانوى السنة دى و حلم حياتى اخش طب عين شمس مع انى عايش فى اسوان
ههههههههههههههههههه
ما علينا
نفسى اخش طب بس حاسس انى مش هجيبها عشان انا مستوايا كان فى اعدادى مش حلو جبت فى الاعدادية
92 فى المية بس مكنتش بذاكر كتير صراحة
و دلوقتى انا بدات دروس بس قلبى مقبوض و متلغبط مش عارف اذاكر ازاى و قلقان جدا باخد فى الكيميا درسين ايه رايكم فى الموضوع ده؟؟؟؟؟؟؟؟؟؟؟؟؟؟
و كمان المفروض ازاكر كام ساعة فى اليوم على الاقل ؟؟؟؟؟؟؟؟؟؟؟؟؟؟؟؟؟؟؟؟؟
انا خايف اوى يا جماعة عشان اهلى حاطيين فيا امل كبيييييييييير اوى و حاسس انى مش قدو
ساعدونى قولولى عن تجاربكم مع الثانوية
و المفروض افضى كام يوم فى الاسبوع عندى انا عندى يومين بس و اروح المدرسة ولا لا؟؟؟؟؟؟؟؟؟؟؟؟؟؟
اسئلة كتييييييييييييييييييرة اوى
اسف طولت عليكم
ياريت تساعدونى كلكم
سلااااااااااااااااااااام

ذاكر على قد ما تقدر بس تكون مذاكرة بتركيز يعنى لو ذاكرت مثلا ساعة واحدة فى اليوم بتركيز احسن ما تذاكر 10 ساعات و تقوم مش فاكر اى حاجة

علي فكرة مفيش حاجة اسمها اذاكر كام ساعة:)
انت بيبقي عندك كمية معينة محدد انها تتذاكر النهارده مثلا
يبقي لازم تخلص
خلصت في 3 او في 10 مش ده المهم المهم انك تخلص المطلوب منك:028ja7:
و علي فكرة حكاية الوقت ديه نسبية
يعني ممكن واحد يحل 30 مسالة رياضة في ساعة مثلا
انت ممكن تحلهم في نص ممكن في ساعتين
ديه بتبقي قدرات الفكرة انك تخلصهم مش في الوقت

لازم تعرف ان اهم حاجة في الثانوية النظام
لو انت بدات صح من اول السنة و مشيت بنظام من غير استهتار عمرك مهتحس انك مزنوق و لا تعبان:022yb4:
اغلب المناهج بتخلص في شهر 3 لو انت شغال مع المدرسين صح و خلصت معاهم في الميعاد من غير متتاخر اي حاجة عليك
هتستفاد من فترة المراجعة و مش هتحس انك بتجري ورا المدرس بالعكس انت هتكون ماشي معاه:d

http://www.thanwya.com/vb/showthread.php?t=185069


http://www.thanwya.com/vb/showthread.php?t=32106



http://www.thanwya.com/vb/showthread.php?t=70388 (http://www.thanwya.com/vb/showthread.php?t=70388)

على فكرة انا زيك يا"( شفق القرمزى) انا داخلة 2 ثانوى ونفسى موت ادخل كلية طب عين شمس او القصر العينى وانا برده من اسوان .............انا بدات الدروس وخايفة موت وحاسة انى معنديش حماس زى الاول مش عارفة لية معنى لسة مبداتش كل المواد امال لما اخد كل المواد حعمل اية استر ياااااااااااااااارب........المهم انا مش عارفة اعمل اية عايزه اتخلص من حالة الامبالاة اللى انا فيها دلوقتى مش عارفة اصل انا بحس ان حاجة بتقلى (اية يعنى حيحصل لما تذاكرى اية يعنى لما تجيبى مجموع عالى ) فى حاجة بتحبطى مش عارفة اية هى.....

ارجوكم سعدونى ربنا يبارك فيكم ويجعلة فى ميزان حسناتكم ...........

شكرااااااااااااااااااا ليكم على الافادة
و ربنا يوفقنا انا و انتى يا فاطمة و نخش طب عين شمس احنا الاتنين و نبقى زمايل
بس ياريت تحاولى تتوصلى معايا عشان نشجع بعض
بالتوفييييييييييييييييق

يارب يوفقنا يااااااااااارب كن معنا..........ياريت يا شفق عشان انا نفسى حد يشجعنى ويحمسنى ........
وانا معاك ان شاء الله.......:d

ياريت تبعتيلى الايميل او الفيس بوك عشان نتواصل

ها يا جماعة من هيفيدنى تانى؟؟؟؟؟؟؟؟؟؟؟؟؟؟ظ

بص
أهم حاجة الثقة بالنفس و النظااااااام
يعني خد السنة جد من أولها
و وقت المذاكرة أهم حاجة فيه التركيز و الهدوء مش طول المدة اللي هتذاكر فيها
أما بالنسبة لموضوع الدروس فاعتقد ان درس واحد في كل مادة كفاية .. ليه بتاخد درسين في الكيميا؟؟
انا باتكلم من جهة الحفاظ على الوقت .. انت لازم توفر لنفسك وقت كافي للمذاكرة و متبقاش دروس و بس
شوف المدرس الأكثر كفاءة و الأنسب بالنسبالك و كمّل معاه
و مشكلة اعدادي دي متفكرش فيها
لأن الثانوية دي مرحلة مختلفة تماااااماا عن كل السنين اللي فاتت
انا اعرف ناس في الاعدادية كانوا بيجيبوا تحت 90% و ما شاء الله دلوقتي هندسة و طب و صيدلة
انت بس خليك واثق في نفسك و خلي عندك ايمان و شوية ارادة و انسى خالص وحش الثانوية العامة ده و كابوس المستقبل المبهم و ركز بس في مذاكرتك لأنها سنة زي أي سنة
و ان شاء الله ربنا هيكرمك
بالتوفيق :)

اهم حاجة خلى اول دعوة ليك فى الفطور ان ربنا يكرمك ويحققلك الى انت عاوزه

بص
أهم حاجة الثقة بالنفس و النظااااااام
يعني خد السنة جد من أولها
و وقت المذاكرة أهم حاجة فيه التركيز و الهدوء مش طول المدة اللي هتذاكر فيها
أما بالنسبة لموضوع الدروس فاعتقد ان درس واحد في كل مادة كفاية .. ليه بتاخد درسين في الكيميا؟؟
انا باتكلم من جهة الحفاظ على الوقت .. انت لازم توفر لنفسك وقت كافي للمذاكرة و متبقاش دروس و بس
شوف المدرس الأكثر كفاءة و الأنسب بالنسبالك و كمّل معاه
و مشكلة اعدادي دي متفكرش فيها
لأن الثانوية دي مرحلة مختلفة تماااااماا عن كل السنين اللي فاتت
انا اعرف ناس في الاعدادية كانوا بيجيبوا تحت 90% و ما شاء الله دلوقتي هندسة و طب و صيدلة
انت بس خليك واثق في نفسك و خلي عندك ايمان و شوية ارادة و انسى خالص وحش الثانوية العامة ده و كابوس المستقبل المبهم و ركز بس في مذاكرتك لأنها سنة زي أي سنة
و ان شاء الله ربنا هيكرمك
بالتوفيق :)




كلام اميره زى الفل والله
بص يا عم :d انا اولا كنت جايب فى اعداديه 89.5 فى الميه بسبب انى كنت مهمل جدا فى العربى ومكنتش بذاكر طول السنه وكده يعنى والله العظيم ولا اعدادى ولا اى سنه مقياس لاى سنه اخرى والدليل على كده انى جبت السنادى الحمد لله 98% فى تانيه ثانوى وكله بمجهودى الحمد لله الفكره انك يكون عندك ثقه فى ربنا كويسه جدا انك لو اجتهدت ربنا مش حيضيع تعبك ابدا ابدا وان 100% مش بعيده حط اقدامك انا عايز اجيب 100% الناس اللى جبتها احسن منك فى ايه يعنى ولا حاجة الفكره انك لو بذلت مجهود شويه تقدر تجبها بس هى ديه الفكره وتانيه ثانوى بالذات والله سهله جدا ممكن تكون اسهل من اولى ثانوى لو ذكرتها من اول السنه كويس بس مضيعش اى درس عليك
عندك الكيمياء حرام انك تاخدى درسين فيها لان الوقت مش اكتر انت عليك انك تاخد من مدرس المعلومه ويشرحهالك وترجع تذاكر من كتب المدرسه هو ده الكتاب المفضل انا ذكرت منه والحمد لله قفلت كيمياء السنادى
بالنسبه لساعات المذاكره والله مش مقياس وزى ما كريم قالك فى الاول ان انت تذاكر لحد ما تخلص اللى عليك اخدوا منك ساعة ساعتين عشره مش مهم المهم انك تخلص اللى عليك وطالما خلصت اللى عليك لازم تدى لنفسك قسط من الترفيه والراحه يعنى مش كل حاجة مذاكره وكل ما تخلص الحاجت اللى عليك من غير ما تتكوم حتستريح جدا
بالسنبه لموضوع الفضيان ده انا كنت عندى كل يوم درس واحد بس ويم الجمعه كان بيبىق فاضى يعنى المهم انك تنظم وقتك بحيث انك تذاكر كل حاجة اول باول وربنا باذن الله يوفقك وتدخل اللى انت عايزه

شكرا ليكو على الافادة طيب بالنسبة للرياضة و الكيميا اجيب ملخصين ولا ملخص واحد بس

الرياضة و الكيميا دول أكتر مادتين عايزين حل
حل على قد ما تقدر
كتابين تلاتة و انت و شطارتك
يعني كل ما تخلص كتاب هات التاني
و متنساش طبعا كتب دليل التقويم في كل المواد
و كتاب المدرسة رااائع في مذاكرة الكيميا

و كلام مصطفى صح
مش بعيد عليك تقفل 100%
طول ما انت متحمس تجيبها تبقى تقدر فعلاا

يعنى اجيب مثلا كتابين رياضة و كل درس احل من الكتابين و لا استنى اخلص واحد و بعدين اجيب واحد تانى؟؟؟؟؟؟؟؟؟؟؟؟؟؟؟

يعنى اجيب مثلا كتابين رياضة و كل درس احل من الكتابين و لا استنى اخلص واحد و بعدين اجيب واحد تانى؟؟؟؟؟؟؟؟؟؟؟؟؟؟؟
بص يا نجم الجيل :d
انا واحد الحمد لله ربنا وفقني لل100%
قشطه:p

كنت بعمل زيك كده والله بالظبط
يعني اشتريت والله 4 كتب رياضه ما كملت فيهم واحد اصلاً
والباقيين خليتهم زينه ف المكتب:039uw8:

فرأيي هات مثلا كده
عربي:انا شايف الوسام جبار + كتاب المدرسه "اوعي تسيبه"
E:جيم وsurprise و توب student
رياضه:المعاصر يمشي الحال
كيميا:الامتحان"اكيد"+اي كتاب تاني يعجبك وخصوصا الوسام


وأياك تاخد درسين فأي ماده والله عملتها ف الفيزيا ف الاخر
وكنت بروح تقضيه واجب مش اكتر
ولا كنت لاحق مع ده ولا ده
لو تقدر ماشي
لكن نصيحتي استنضف مدرس حلو م الاول وخليك معاه لحد 3 كده
وخدلك واحد تاني مراجعه


بخصوص ساعات المذاكره
مش بالوقت انا كنت بذاكر بتاع ساعتين فشهر 4 اصلا"صدق او لا تصدق"
المهم تخلص الي وراك وتعمل جدول صارم تمشي بيه "ويكون واقعي"
يعني متقولش ف اليوم هذاكر 6 فصول كيميا مهو يا هتجري يا هتسيب حاجات يعني اعمل جدول"بنفسك ومتاخدش جدول حد من هنا"وامشي عليه بشكل صارم
انشاله تذاكر ساعه ف اليوم المهم تمشي بالزمه

وسيبك من مجموع الاعداديه
انا كنت جايب 98% ف الاعدادي وواحد صاحبي كان جايب فيها 99.7
وف الثانوي جاب88 ودخل تجاره انجلش اصلاً!
فسيبك منه

لكن احفظ من قواميس الانجلش
يعني هات قاموس اطلس ونقنق فيه كل يوم 40 كلمه ولا حاجه
عشان تعمل حصيله لغويه جباره
ان منفعتكش ف الامتحان تنفعك ف المنظره مع العيال اصحابك:022yb4:

شكرا ليكم جميعا على الافادة