اليوم يبحث المعلم عن حقوقة فى حافز الاثابة 200% بعد أن اهدر جميع حقوقة بتخاذلة الشديد فاين نحن عندما حرمنا من حافز 75%شهريا عندما تم تطبيقها فى انحاء الجمهورية وبجميع الوزارات واين المعلمين عندما حرمنا من الدرجات المالية المستحقة فى 7/2010 وحرمنا من اى علاوات تشجيعية وغيرها كل هذا بحجة الكادر وكأنة وصمة عار وخزى نحاسب علية .أو ان الحكومات المصرية اكتشفت انها اخطات خطأ فادحا عندما اعطت المعلمين جزءا من حقوقه واليوم ينظرون على كادر المعلمين وكانة الآف الجنيهات وبيغمضو عنيهم عن الحقيقة ان 50% من المعلمين بالكادر بتاعهم اقل من الحد الادنى الى عايزين يدوة للعامل البصمجى الى مشفش تعليم ولا اهلة تعبوا فى تعليمة بالجامعات وخد تقدير وخد الرخصة الدولية للحاسبات وامتحن كادر واعد يزاكر زى الطلبة من جديد وكل يوم تدريب وفيديو كونفرانس وانتل وغيرها . ودة كلة علشان احنا ساكتين وكأن على رؤوسنا الطير وكاننا عايشين مستريحيين 100 100 وكل حاجة تمام الحكومة بصة للكادر الى اسمة كادر المعلمين يعنى بدل خاص بالمعلمين ومش حافز ... والاطباء الى عملوا اضراب ووقفوا الحركة بجميع مستشفيات الجمهورية هما دول ياسيادة الوزير مبيخدوش كادر وبدلات ولا اية احنا فين بالنسبة للمجتمع مرتبنا ربع مرتب ظابط شرطة لسة متعين ونص عامل فى الكهربا والضرايب
المهم عالشان مطولش عليكم لازم من النهاردة منسكوتشى لازم نتحرك على كل الاتجاهات اضراب عن العمل تماما من اليوم وبشكل جماعى ثانيا وقفات احتجاجية كل يوم جمعة امام مقرات المحافظات على مستوى الجمهورية ثالثا المطالبة باقالة وزيرى التربية والتعليم ووزير المالية ووضع حد ادنى للمعلمين 1200 جنية