السلام عليكم ورحمة الله وبركاته

انا كنت عايز اعرف مستقبل كلية تجارة وادارة اعمال ايه
فى الشغل والمرتبات لان انا جاتلى هندسة الشروق (خاص ) وفى خلال ال5 سنين هكون صرفت حوالى
65 الف جنيه
فهل من الممكن ان ادخل تجارة احسن واخد اى كورسات مهما كان تمنها ولا مش جايبه همها مهما اخد كورسات واحسن لى اخش هندسة .

أنا راييى تخش تجاره أفضل عشان الفلوس اللى هتدفع فى هندسه أنت أولى بيها

بص انا وجهت نظري انك تدخل هندسه خاصه بشرط التفوق فيها مش بقول امتياز او جيد جدا لا انا بفول من الاوائل كل سنه ده طبعا صعب جدا بس لو هتقدر يبقي اتوكل علي الله واختار مجال كويس في هندسه زي مدني او عمارة انا ابن خالتي كان هندسة الشروق واول مخلص لقي شغل الحمد لله لان مجال مدني مطلوب اوي
اما لو حاسس انك مش هتقدر تتفوق التفوق القوي ده يبقي تدخل تجارة وبفلوس سنه واحده من الجامعه الخاصه تاخد كورسات انجلش بيزنس في المعهد البريطاني وتقوي نفسك بكام كورس تاني كونفيرساشن علي كمبيوتر ولغه تانيه وكل الكورسات دي تمنها حوالي سنتين في جامعة الشروق ولو قدرت تعمل ده فاتكد انه باذن الله هتبقي مدير بنك مصر بس برده التقدير فيها مطلوب اوي

اولا :انا متشكر للاهتمام والرد على الموضوع
ثانيا:
انا من عيلة متوسطة يعنى الفلوس ديه والدى هيتعب فيها وانا خايف اوى مجبش تقديرات او اتفوق
وبعدين هى تجارة لو دخلتها واخدت كورسات واتقنت لغة عقبال ما اخلص هلاقى شغل بمرتب كويس ولا لا
اصل انا اسمع انك اول ما بتتخرج بتقبض 200/300 جنيه

لا المرتب مش كده خالص دلوقتى أول أما بتتخرج لو أشتغلت فى الحكومه بتاخد 750 قابل للزياده ولو أشتغلت فى أى شركه أكيد الاجر يبقى أكبر من الحكومى والله أعلم

انا نفس حكايتك بالظبط وقررت تجارة لانها الافضل وهتوفر عليا
انا ان شاء الله هاخذ كورسات واظبط وصدقنى والله اشغل فى البنوك من وجهة نظرى احسن من المهندسين بكثيرررررر
بس الاهم الكورسات
والاهم الانجليزى يبقى من الامريكية او البريطانية
وعلى فكرة مرتبات البنوك للموظفين الجدد لا تقل عن 2000 جنيه وعن تجربة ابن عمى
اه 750 بس ده لو حكومة وطبعا حكومة مهاش لازمة
فا البنوك جامدة جدا بس لازم كورسات وتكون شديد وجايب تقدير
وعلى فكرة انا جالى علوم بس انا بفضل تجارة ان شاء الله

تجارة اوفر و افضل

.........................................