نفسى اعرف [الأرشيف] - بوابة الثانوية العامة المصرية

MoHammed Youssef

10-08-2011, 06:41 AM

نفسى اعرف يا جماعه انا بلاقى على المنتدى وغير المنتدى مع اصحابى واصحاب اصحابى
الاقى واحد جايب محموع فى سنة تانية ثانوى ومحتار يختار علوم ولا رياضة
يعنى واحد جايب 98 باباه ومامته لا ادخل احياء
صحابه لا ادخل رياضه
ويجى فى المنتدى يعمل موضوع انا محتار
يعنى انا اعرف واحد صاحبى كان يحب الناس تندهله بالمهندس
لما جاب 98.5 فكر شوية بعد النتيجة وطلع قال لا هادخل طب
سبحان الله هو الواحد قبل ما يدخل الثانوي وكمان قبل ما يبدا دراسته اساسا مش بيبقى
قدامه حلم ويتعب عشان يحققه ليه فى لحظة بيغير تفكيره لمجرد اراء مناهضة او حيود تفكيرية او عائدات مادية للمجال بتاعه ليه كده
................
انا اكتر حاجة تعجبنى الناس اللى مصممه على طموحها واحلامها انا تعجبنى الناس اللى جايبه 99 وتقولك انا هدخل رياضه نسالها ليه تقولى انا بحب الرياضة دى الناس اللى عندها مبدأ وحلم بيجرى وراها .
ياريت اللى عنده حلم يتمسك بيه ومش يشغل باله باراء الناس او الحاجة اللى بقت اساسية عند كل البشر ( المجال ده هيكسب ولا لا )
.............................
ياريت كل واحد يشارك برأيه

Gamal subhi

10-08-2011, 06:46 AM

كلامك صح انا برده داخل علمي علوم ان شاء الله ومجموعي94.1 رغم ان الكل بيقولي حول بس انا ده هدفي...........وشكرا

Free Canary

10-08-2011, 11:53 AM

اقوللك ليه بيغيروا !!
علشان بيفكروا من الناحية الواقعية
اعرف ناس بيحولوا من علمي علوم لرياضة (بما ان الطب طبعا في العالي) لكن مسمعتش قبل كد عن حد كان علمي رياضة و عايز علوم
ما علينا
بيفكروا من الناحية الواقعية يعني مثلا واحد جايب 95% و كان نفسه يكمل طب بس للأسف فرصته قليلة جداااااا فبدل ما يكمل علمي علوم و هو متأكد انه مش هيطول الكلية اللي عايزها بيحول علمي رياضة لأنه فرصته في الهندسة أكبر
هي دي كل الحكاية .. اللي بيحس ان حلمه بعيد بيحول لأنه واثق انه مش هيتحقق
بالرغم من كدة أنا بأيد كلامك
المفروض فعلا يكون كل واحد عنده حلم و طموح و مبدأ يمشي عليه على طول و ميغيروش مهما حصل
و يستغل كل فرصة قدامه تقربه من تحقيق حلمه مهما كانت الفرصة دي صغيرة

موضوع راائع
شكراا
تقبل مروري

karimadel7

10-08-2011, 01:46 PM

basma 2010

10-08-2011, 01:53 PM

عندك حقـــــــــــــــــــــــــــ

Dr.mahmoud ragab

10-08-2011, 02:53 PM

طبع لازم تنظر من الناحية الواقعية بالاضافة الى الطموح

Mostafa Walid

10-08-2011, 04:42 PM

والله يا محمد ده بردو اللى مستغرب منه جدا جدا جدا ناس كتير اوى عامله مواضيع هنا علشان تساال تخش ايه رياضة ولا علوم
والمشكله يا اميره انهم مش بيبقوا من الناس اللى مش حتلحق لا انا شايف كمان ناس جايبه 97 و98 ولسه بيفكروا مش عارف ليه يعنى هما عندهم الفرضه ينجحوا فى الاتنين بس المفروض ان الواحد بيبقى ليه هدف على الاقل يحطه من تالته اعدادى انا بحب كذا وعايز باذن الله اكمل فى كذا انا عن نفسى جايب 98 الحمد لله ومكمل رياضة لانى بحبها وده هدفى من زمان انى اخش هندسه وربنا يوفقنا جميعا

الاميرة المرحة

11-08-2011, 09:23 AM

الكلام ده جميل جدا
بس زى ما انتو قولتو انهم بيبقوا محتارين عشان البيت عايز كذا وسوق العمل كذا
وفى سبب تانى ان احنا من المدرسة محدش عودنا على الاختيار
يعنى المواد كانت بتفرض فرض هتذاكر ده وهتجيب فيه مجموع يعنى هتجيب فيه مجموع
فبعض الطلبة مكانش ليهم القدرة على الاختيار يعنى انا هدرس المادة دى عشان انا بحبها وهفهمها وهتفدنى فى المستقبل وفى الجامعة
فالطبيعى بعد ما كان الطلب بيقلولو انت هتخد ده و ده و ده دلوقتى عايزينو يختار اعتقد ان دى هتبقى حاجة صعبة
وحاجة كمان الجهل بالكليات واقسامها يعنى يا طب يا هندسة يا صيدلة دول ياما تبقى فاشل
ده تفكير بعض الناس ومن ناحية تانية احساس الطالب انه مش عارف يختار ومش عارف هيختار من ايه اعتقد ان ده سبب من الاسباب الرئيسية
لو كان الطلب اول ما يخش ثانوى يعرف ايه الكليات الموجودة وايها اللى هيدرسوا فيها وازاى ممكن يطور فيها
اعتقد انها كانت هتفرق معاه جامد وممكن يشوف كلية هو مكانش يعرف عنها حاجة ويحس انها هى الكلية المطلوبة واللى هيقدر يبدع فيها
اسفة على الاطالة بس الموضوع ده شغل بالى الفترة اللى فاتت جدا وكنت بجد عايز اتكلم فيه:blush::blush:

آلاء احمد محمد

11-08-2011, 10:42 AM

هوا اكيد كل واحد له هدفه في الحياة ماشي عليه ومالفلم نفسه خلاص عليه
لكن الثانوية العامة دي بتخلي الانسان في حيرة من امرة
طب افرض حصل دروب في مادة او كدا
انا جايبة 97.8 وكنت محتارة فعلا لان المجاميع عاليه اوي السنادي
واحتمال التنسيق يعلا معاها
مجاميع ال 98 و 97 دي انا حاسة معدش ليها لازمة
والخوف بيجي من كدا
انا طول حياتي بطلع الاولي او التانية بكتيروا
السنادي الاية اتعكست وبالنسبالي طبعا دا كان قمة الفشل
فا كان كل خوفي ان المآساة دي تتكررر تاني
مااا عليــنا
مينفعش تحطووا كلو قاعدة عامة
في ناس عارفة حلمها كويس اوي
بس خايفة يضيع من ايديها علي حاجات تافههة
عمــــــــــــــــــــــــــــــــــــــــــــــــ ــــــوومااا
ربنا يستر ويكرمنا

MOSTAFA093

11-08-2011, 11:12 AM

كلام جميل جداً ، وعندك حق فى كل كلامك
فعلاً موضوع يحير الكثير من الطلبة
بس فى الآخر كل واحد يختار اللى عايزه واللى حابه بغض النظر عن مجموعه كبير أو صغير
تحياتى

*moon*

11-08-2011, 12:01 PM

انا عن نفسى كنت احياء ف2ث
و هكمل علمى علوم ان شاء الله
بس انا شايفة ان 98السنادى زيها زى 96او95السنة اللى فاتت او يمكن اقل
لان انا جايبة98.3 وترتيبى 15ألف وشوية على الجمهورية!!!!
والمجموعة الطبية السنادى واخدة حوالى 13الف طالب
يعنى انا دلوقتى احتمال كبير ملحقش حاجة :(:(
قبل كده 98و99 كان بيجيبها عدد قليل
انما السنادى الشعب كله جاب فوق ال98
حاجة تقلق بجد
لان الامتحانات ساوت بين المتوسط والممتاز صح ولا انا غلطانة؟؟؟؟؟ظ
بالنسبة للى كانوا كميا السنادى المفروض انهم بيكونوا محددين اللى هما عاوزينه
بس فى ناس بتكون سايباها على حسب المجموع
حسب تفكير كل واحد
بس احياء مع فيزيا ف تالتة عاوزة ناس جااامدة
ومش اى حد يقدر يحافظ على مجموعه ف تالتة
ربنا يوفقنا كلنا يارب ويستر بقى على الامتحانات السنادى

Eng..LiNa

11-08-2011, 04:01 PM

انا هرد عليك
_وللعلم انا واحده من المحتارين اللي بتتكلم عنهم _ وده للاسف طبعااااا
لما تلاقي ان كله بيقولك هندسة ايه وبتاع ايه دي شغلها كله بالواسطة
_احنا ولله الحمد معندناش اي واسطة من اي نوع _
ودي كلية متنفعش للبنات وفرصهم فالشغل فيها مش كبيرة :(
انما لو دخلت اي حاجه فالمجال الطبي فشغلك غالبا مضمون _تتقريبا العيلة كلها دكاترة _

نااااااو
انا مش عايزة ادرس طب وعايزة اخش هندسة

اي اللي محيرك يا لينا ؟؟

اللي محيرني ان عندي احساس بالمخاطرة لما ادخل هندسة
او تقريبا بقي احساس ان لو انا عملت كده
ابقي يعاند نفسي مش اكتررر+ مفيش تشجييع+ خوف من الفشل

وعشان ابقي صادقة مع نفسي ... كلامهم منطقي الي حد كبييييييييير
اه شغلة الطب مناسبة للبنات اكتر واه شغلها مضمون بالنسبالي

وللعلم برده صليت استخارة كتير ومحستش بحاجه

ده مجرد رد علي حضرتك
انا واحده مش تايهه ومعنديش هدف
بس للاسف الواقع برده بيحكمنا _وطبع الحياة بقي مادي اوي ميخليناش برده نتعامل بمنطق المدينة الفاضلة _

بس اسفة اني طولت عليك بس كان لازم ارد
تقبل مروري

Mostafa Walid

11-08-2011, 06:24 PM

Free Canary

11-08-2011, 07:52 PM

مش عارفة ليه أغلب اللي داخلين يردوا نازلين الأرض أوي بـ 98 و 97
على فكرة يا جماعة الفرصة في تالتة أكبر بكتير
طبعا احنا عارفين ان الغش كان منتشر أوي و تالتة واثقين جداا من ان امتحاناتها هتكون الفاصل بين الطالب اللي تعب فعلا و ذاكر و الطالب اللي غش
يعني لو انت جايب 97 بس بمجهودك و عايز تدخل طب اوعى تحول رياضة و ابذل اقصى جهدك و ذاكر كويس و ربنا هيكرمك السنادي
على فكرة اوحش حاجة انك تعمل حاجة مجبر عليها سواء من ضغط الناس اللي حواليك او كان ضغط الظروف نفسها
لأنك احتمال كبير هتفشل فيها ...
انت لو علمي علوم و دخلت رياضة مجبر ممكن لا قدر الله لا تلحق علوم و لا تلحق رياضة

*moon*

11-08-2011, 08:45 PM

على فكره مش 15 الف كلهم علمى علوم يعنى متخفيش جزء علمى علوم وجزء علمى رياضة انا جايب 98 وطالع20 الف ايوه كتير اوى طبعا بس لسه فى تقسيم وكده وتالته كمان حتفرق كتير الناس اللى حتتعب هى اللى حتوصل للى هى عايزه وربنا يوفقنا جميعا

ايوه انا معاك ان فيهم جزء علمى ريااضة بس مش كتير
معظم اللى جايبين مجموع حلو مستخسرينه ف رياضة فبيكملوا علوم وهما مجبرين عليها مش حبا فيهاا وده غلط
انا عارفة ناس كميا كانت ناوية تكمل رياضة ولما جابوا مجموع عالى حولوا احيااء!!!
بس طبعا انت ليك هدفك ودى حاجة كويسة ان المجموع مش خلاك تفكر ف علوم
بالتوفيق ان شاء الله يابشمهندس مصطفى
مش مهم الكلام اللى انا قلته ده:d:d
المهم ان ربنا يستر ف تالتة

*moon*

11-08-2011, 08:49 PM

Mostafa Walid

11-08-2011, 10:42 PM

ايوه انا معاك ان فيهم جزء علمى ريااضة بس مش كتير
معظم اللى جايبين مجموع حلو مستخسرينه ف رياضة فبيكملوا علوم وهما مجبرين عليها مش حبا فيهاا وده غلط
انا عارفة ناس كميا كانت ناوية تكمل رياضة ولما جابوا مجموع عالى حولوا احيااء!!!
بس طبعا انت ليك هدفك ودى حاجة كويسة ان المجموع مش خلاك تفكر ف علوم
بالتوفيق ان شاء الله يابشمهندس مصطفى
مش مهم الكلام اللى انا قلته ده:d:d
المهم ان ربنا يستر ف تالتة

ربنا يسمع منك يا رب :blush:
مهو ده السبب المستخسرين دول مش عارف يعنى ايه مستخسرين حاجة تنرفز الصراحة او اهلهم علشان جابوا مجاميع عاليه يقولهم ادخلوا علوم واصلا الطالب يبقى بيكره الاحياء ويبقى حيدخل طب تيجى ازاى باذن الله ربنا يوفق كل واحد للى فيه خير
ومتقلقيش كده ايوه المجاميع كتير بس انتى اعملى اللى عليك وباذن الله ربنا حيوفقك ونقولك قريب يا دكتوره :d

Free Canary

12-08-2011, 03:59 AM

مش نازلين ولا حاجة ب98و97 بس زى مانتى شايفة السوق كله شغال ع الرقمين دول:d
وانتى قلتى اللى انا كنت عاوزة اقوله بصراحة
ان محدش يدخل حاجة هوا مش عاوزها والا فلا يلومن الا نفسه بعد النتيجة
وتالتة هتبين بجد بالذات الفزيا والاحياء او الكميا
أنا فاهمة قصدك و عارفة ان 98 السنادي بقت صغيرة أوي مقارنة بالأعداد الهائلة من الطلاب اللي جابوها
بس طول ما انتي مؤمنة انك تعبتي و اجتهدتي علشان تجيبيها يبقى انتي كدة تمااام
لأن في النهاية اللي جابها بالغش عمره ما هيتساوى باللي جابها بمجهوده
أي نعم الناس ميعرفوش مين اللي غش و مين اللي جابها بمجهوده .. بس على الأقل يكفي انك شخصياً تعرفي انتي جبتيها ازاي :)
و السنة الجاية هيبان المستخبي و ينكشف المستور :d

MoHammed Youssef

12-08-2011, 05:53 AM

MoHammed Youssef

12-08-2011, 05:56 AM

الحيرة في المجاميع العالية بتبقي سببها ان الشخص ملوش هدف:mad:
كل هدفه انه يذاكر و يجيب مجموع و خلاص
فبيقي متأثر جدا بكلام الناس عشان هو ملوش راي;)

و برضه في سبب تاني
الشعب المصري عنده عقده نفسية ان الابن لازم يطلع دكتور:p
ساعات يبقي الابن نفسه في رياضة و الاب يلاقي مجموعه حلو يضغط عليه عشان يكمل علوم

انا مثلا جايب 99.5% و مصمم اكمل رياضة عشان انا بحبها و حاسس اني ممكن انجح اكتر كمهندس:d
طبعا اهلي بيضغطوا عليا شويه عشان اغير بس انا مصمم علي رايي خلاص

علي فكرة المشكلة سببها ان اغلب عيلتي كانوا علوم و اغلبهم دكاتره و صيادلة:022yb4:
و انا اول واحد اجرب رياضة 2 فبيقولولي اشمعني انت كده متكمل زي اخواتك:040vk0:
الطالب اللى زيك هو اللى عنده مبدأ مش يهمه كلام الناس ولا كلام اصحابه المهم عنده انه حاطط حلم وتعب عشان يكمل نص الحلم واهو هيتعب عشان يكمل النص التانى
كلامك مظبوط اوى اكتر مشكلة ضغط الاهل على الطالب وممكن يجبروه لو مش عمل اللى عايزينه لمجرد روتين عائلى او نفع مادى

شكرا للمرور ونصيحة خليك على رأيك

MoHammed Youssef

12-08-2011, 05:57 AM

MoHammed Youssef

12-08-2011, 05:59 AM

MoHammed Youssef

12-08-2011, 06:04 AM

MoHammed Youssef

12-08-2011, 06:06 AM

MoHammed Youssef

12-08-2011, 06:07 AM

MoHammed Youssef

12-08-2011, 06:09 AM

أنا فاهمة قصدك و عارفة ان 98 السنادي بقت صغيرة أوي مقارنة بالأعداد الهائلة من الطلاب اللي جابوها
بس طول ما انتي مؤمنة انك تعبتي و اجتهدتي علشان تجيبيها يبقى انتي كدة تمااام
لأن في النهاية اللي جابها بالغش عمره ما هيتساوى باللي جابها بمجهوده
أي نعم الناس ميعرفوش مين اللي غش و مين اللي جابها بمجهوده .. بس على الأقل يكفي انك شخصياً تعرفي انتي جبتيها ازاي :)
و السنة الجاية هيبان المستخبي و ينكشف المستور :d

صراحة السنادى ملناش غير اننا ندعى ربنا يسترها
وكل واحد ياخد نصيبه

عاشقـــ الانمى ـــة

26-09-2011, 01:08 AM

الناس ال بتدخل علمى علوم او علمى رياضة دول بينقسموا ل 3 انواع
النوع الاول ال بيبقى محدد هدفه يا علمى علوم يا علمى رياضة على قدر قراته وهو بيحب ايه
النوع التانى ال بيبقوا مضغوطين من ناحية اهلهم ودا طبعا غلط المفروض انوا يحدد هدفه بنفسه ويشوف هو عاوز ايه
اما النوع التالت بقى ال هو بيخش علمى على اساس جاب مجموع كبير يكمل علوم جاب موضوع يعنى يخش علمى رياضة جاب مجموع وحش يحول ادبى
المفروض ان االواحد بيبقى عارف هدفه من الاول ويقرر على اساسه هو عاوز ايه
يعنى انا مثلا عمرى مكان حلم حياتى ولا اخش طب ولا هندسه ولا غيره
انا حلمى من 2 اعدادى انى ادخل كلية ألسن ولقيت ان طريقها من ادبى ااريحلى كتير عن العلمى فقررت انى ادخل ادبى ناس كتير حاولت تمنعنى ازاى واحدة شاطرة زيك تدخل ادبى قولتهم يا جماعة انا واحدة عندى هدف وبعدين هو الادبى بقى عيب
بالنسبة بقى لامتحانات السنادى انا شايفاها ان هى كانت مهزلة بمعنى الكلمة فيه امتحانات فيها كانت مش امتحانات اصلا باستثناء التاريخ بالنسبالى وال حصل فى امتحان الانجليزى انا مش بسمى الامتحانات التانية دى امتحانات لانها بجد ساوت بين الشاطر واى حد تانى االماجميع فوق وى لدرجة ان كل واحد مفكر نفسه جاب مجموع والله العظيم الغش السنادى كنت بسمع انه بالموبايلات مدرسة الفرنساوى بتقولى انا الامتحانات وصلنى الساعة 10
بجد انا مش صعبان عليا السنادى غير الشاطر
بس ان شاء الله امتحانات السنادى هتميز وربنا معانا كلنا ان شاء الله

منه الله(منمن)

26-09-2011, 01:46 AM

ايه ده ايه ده بقى ماشاء اللله الاول و55555555 كتير كده جايبين ماشاء الله الله اكبر 99 و98 و97 ومش عجبكوا طب يالى فوق حسوا بال تحت يا جماعه بجد مش عارفه هو ده طمع ولا ايه لما طالب يبقى جايب 98 او 97 ويقولك لا مجموعى ووحش بتغزى العين مثلا ولا ايه هو ايه الوحش مش فاهمه وطبعا الانسان ال معندو مبدا ف حياتو مش هيعرف هو عاوز ايه لازم يبقى ليه ميول مع صغر مجموعى بلاش ااقولو لتحسدوة انا هكمل رياضه وحتى لو كنت جبت 99 كنت هكمل لان ده مجال حباه

Engineer ..

26-09-2011, 02:22 AM

أبداً متزعلش نفسك
الحكاية دي حصلت معايا بالتمام
عادي يعني من 6 ابتدائي تسأل كده طفل صغير تقوله ايه نفسك تكون ايه يا حبيبي يقولك انا عايز أبقى عميد كلية الطب بعين شمس
في حاجه بعد كده ؟
وكمل مشواره تمام كله نضيف لغاية 2 ثانوي أخد خا,,,,,ز,,,,,,وق في المجموع وحول رياضة لأن مفيش طب من 91% والحمد لله كان مجموعه كله 94,5 في النتين و هو في هندسة دلوقتي :)

أي خدمة يا عم بس متزعلش نفسك خاااااااالص ;)
خلي بالك لو أنا عايز حاجه وفي امكاني اني أعملها أسيب الباقي يخبط دماغه في الحيطه لأنهم مش هما اللي هيسهروا يذاكروا و يتحرموا من الراحة وفي الاخر يمتحنوا بالعكس دا كله عشانك انت وبسسسسسسسسسسسسسسسسسسسس

دمتم بخير

Dr.Nariman

26-09-2011, 09:29 AM

اقولك انا ليه وبصراحة

مجتمعنا بئا مجتمع مادي ...العيشة بقت غالية \\

فلو الواحد دخل مجال بيحبه ومش بيكسب كويس يبقى في الواقع بتاعنا المرير ضيع نفسه \

كل واحد بيبقى عايز اعلى كلية عشان يضمن نفسه ف المستقبل

عشان فرصته ف الحصول على وظيفة تبقى اكبر

فاهمني ؟؟

موضوع الاحلام دا للاسف مش ينفع ف مصر دا ينفع ف امريكا اوروبا والذي منه

انما احنا ؟؟ لاااااااااااااا

دا غير ان كل واحد بيبقى عايز كدا لولاده عشان يامنهم ف المستقبل

وعشان عايز يتباهى بيهم ف العيلة

عايز يقول ابني دكتور وابني مهندس

لكن ف نظره مثلا مش كويس لما يقول ابني مدرس

يارب تكون وصلت

ahmed doula

26-09-2011, 01:17 PM

انا معاك على فكره انا صحابى كلهم داخلين رياضه رغم ان فيهم ناس كانو كاتبين علوم فى تانيه ومدرستى كلها مفيش حد هيدخل علوم الا شويه يتعدو على الصوابع يعنى اخر السنه كلهم هيبقو الاوائل على المدرسه ومش هيكملو كمان رغم ان اللى داخلين رياضه معظمهم جايبين مجاميع مش عارف ايه الدماغ دى جايبين مجموع وكانو علوم وحولو رياضه عشان اضمن فى رايهم سبحان الله