لما شيخ الازهر يرجع كل الطلبة اللى رسبوا وعندهم اعادة للسنة ويقلهم اى طالب عندة مواد ولو 12 مادة لية دور تانى وخلوا بالكم معنى الدور التانى فى الازهر انك ناجح ناجح اوعوا تفتكروا ان فى طالب ف الدور التانى بيسقط لا لا بيتفتحلهم الكتب والنتيجة كل المعهد كان ساقط بقدرة قادر ولا سحر ولا شعوذة نجحوا والى كان فى اولى بقى فى تانية مع انهم كلهم كانوا عيدين السنة طب الطالب يحترم مدرس لية وهوة عارف انة ناجح كدة كدة ؟؟ دة اولا الكنترول بيحصل فية بلاوى ورقة واخدة صفر بتنجح ويكتبلها درجات وانا شفت دة بعينى لانى كنت فى كنترول التصحيح والله اوراق فيها صفر والواد مكتبش وبقدرة قادر نجح وخد عشرين؟؟ ثالثا المدرسين القدامى المفروض انهم لينا قدوة؟ كل همهم المحلات التجارية والتجارة ومابببقى عليا الاشراف الاقى حضرتة جيلى بعد الحصة بنص ساعة وفى مدرسين ماعدا المتعاقدين لاشكل ولامنظر وراكب عجلة وجاى بترنج ولابس شبشب حمام؟؟ لية لانهم اتعينوا بفلوس ضم يعنى وكان تقديرهم تحت المقبول!! يلا انا نفسى اسدت انى اكمل المهازل اللى انا شايفها كفاية حرقة دم! ولا تثبيت ولا حد ادنى والاسم ان انا امتياز مع مرتبة الشرف جبنا تقديرات واترمينا للاسف فى مكان كله غش وسرقة وتلوث ومعرفش بجد لما يبقى ليا ابن ادخلة الازهر ولا لا مع انى خريج شريعة وقانون؟ ازهرى يعنى؟ بس لللاسف الازهر بقى مهزلة وانا لله وانا الية راجعون!

الاخ /وليد ياريت سعدتك ماتعممش الكلام ديتى عند سعادتك لكن عندينا اقسم بالله ابن مدير التعليم الاعدادى فى المنطقة سقط وشكررررررررررررررررررررررررررررررررررررررررررااااا اااااااااااااااااااااااااا

الاخ /وليد ياريت سعدتك ماتعممش الكلام ديتى عند سعادتك لكن عندينا اقسم بالله ابن مدير التعليم الاعدادى فى المنطقة سقط وشكررررررررررررررررررررررررررررررررررررررررررااااا اااااااااااااااااااااااااا

سقط لأنه ماحضرش
لأن كل الى حضر نجح
صح ولا انا غلطان
اللهم انى صائم

للأسف قرار شيخ الازهر خاطئ جدا جدا جدا اعطى الامل لطلبة كانت لا تستحق اصلا التعليم ، فهم للأسف بدءوا بالغش ولا يستطيعون حتى الكتابة والقراءة ...فمهزلة انه في طلبة ثانوي للأسف لا يعرفو حتى يفكوا الخط بالبلدي وبسأل نفسي كل مرة هما ازاي وصلوا اصلا للثانوي..
مع احترامي للأزهر ككيان لكن تعليم الازهر اثبت فشله الزريع جدا جدا...و على فكرة انا على الرغم اني شغال فيه لكن أي ولي امر بيقولي ايه رأيك اقدم لولدي في العام ولا الازهر بقوله خليك العام افضل على الاقل مفيش غش زي الازهر ولا ادارة قراراتها خاطئة ولا ادارة لا تفهم معنى الادارة. حتى شيوخ المعاهد ابيض يا ورد في الادارة..وحسبي الله ونعم الوكيل
ونا بقول الكلام ده لأني خريج عام واشتغلت في العام ودلوقتي شغال في الازهر و اكيد ندمت اني سيبت العام - على الاقل كنت اتثبت دلوقتي - بدل ما الكلام اللي بسمعه اصلا على مدرسي الازهر و كمان طلع تعليم فاشل و مفيش تثبيت ..ولكن يوم لا ينفع الندم..وحسبي الله ونعم الوكيل

تاني اسلوب مستفز ما معني كلامك ان كل المتعاقدين هم الملتزمين انا بعيني شايف ان فيه مدرسين حاصلين علي امتياز وجيد جدا وداخل الفصل ابيض اخي الاصغر انا عن نفسي اذهب الي المعهد بالعجله هل هذا فيه اي نوع من التقصير اخي انا تم تعيني بالضم وانا خريج اداب وتقدير جيدجدا يعني من الاخر التعميم هنا لا يجوز وياريت نبطل نغمه متعاقد ومثبت الكل معلم ازهري ام بخصوص الغش كان الغش هذا العام هو السمه الاساسيه في كل مراحل التعليم في مصر وكان في الثانويه العامة مهازل اكتر بكتير من الازهر

كلام كله مضبوط وده هو حال الأزهر للاسف
هذه هى الحقيقة المرة التى لم نكن نعرفها عن الأزهر

مع انى اعمل بالأزهر لكن لا اخفى عليكم شئ احب اقولكم ان السنه دى غير كل سنه فى البوظان فى التعليم البوظان تجاوز حدوده فى كل شىءخاصة فى الأزهر وفى التربيه والتعليم فى النقل وفى الشهادات واللى راقب فى امتحانات الشهاده اكيد عارف ايه اللى كان بيحصل فى الأمتحانات سواء تربيه وتعليم او ازهر وفى الثانويه العامة خاصة فى يوم تقابلت مع مدرس ذاهب للملاحظه فى احد لجان الثانوية العامه وقاللى بالحرف الواحد الغش فى اللجان علنى وعلى مرأى ومسمع الجميع وكمان قال ان الطلاب بيغشوا بالعافيه سواء اراد المعلم ام لا وهذا الكلام على لسان احد المراقبين بامتحانات الثانوية العامه

كل كلامك صح للاسف فى معهدى حصل كل الكلام ده عشان اللجان بتتظبط بالمدرسين اللى بيغششوا فعلا الازهر عاوز ثوره لان ثوره يناير لم تصله حتى الان

كلام مظبوط عندنا اللى مبيغشش بيبقي من المغضوب عليهم من ادارة المعهد طول السنه وبيمنعوه دخول لجان وتصحيح

طبعاً سأهدي شيخ الأزهر ورقة إجابة طالب في الثانوي لا يعرف القراءة والكتابة ، ولا يستطيع الغش لإلا بفتح الكتاب أمامه أو وضع ورقة زميله لينقل منها ، فهو يكتب مثل الرسم بالشبه ، وطبعا رسب في كل المواد في الدور الأول وجاءته نفحة من نفحات شيخ الأزهر فدخل الدور الثاني لينجح في جميع المواد بقدرة قادر ، بما يشبه المغجزات ، أو كما قال المثل صنع من الفسيخ شربات

http://www.9o9i.com/upfiles/owm04139.jpg

الاستاذ القاضل وليد انا اتفق معك فيما وصل اليه الازهر فانا خريج تربيه وتعليم واعمل فى الازهر ولكنى لا اتفق معك فى عدة اشياء اهمها انك صورت الجميع على انهم مدرسين حفاة وانك الوحيد او بالمعنى طبقة المتعاقدين هم الصفوه والباقى ........
يااخى انا اعذرك لانى اعرف الحاله التى بها المتعاقدين ولكن هذا لا يعطيك الحق التجريح فى الجميع اما بالنسبه للغش فهو كما قال احد الزملاء كان ظاهره هذا العام واقسم لكم ان ابنائى فى التربيه والتعليم يقومون بالكتابه لهم على السبوره وخاصة فى التعليم الابتدائى فالغش اصبح وباء منتشر فى كل مكان ربنا يسلم

والله هو ده اللى بيحصل فى الأزهر ولو الواحد اعترض يواجه غضب وسخط اللى حواليه وغير التريقه عليك كل هم الجماعه القدام ان الطالب يطلع من عندهم وخلاص ان شالله معرف حاجه

اخى العزيز يجب ان تكون هناك ثورة فى التغيير فى التعليم فى مصر بصفة عامة
التعليم فاشل بكل مستوياتة يجب ان تهدم العملية التعليمية وتبنى من جديد
اولا قدرات الطالب اذا كانت قدرات الطالب جيدة وسوف يستطيع ان يكمل حتى ولو طالب واحد فى الفصل
الباقى يتحول الى تعليم مهنى ينتج وتفتح لهم مشروعات صعيرة منتجة
سوف نجد عدد ضخم جدا بهذا الشكل - بهذه الطريقة سوف نوفر مبالغ ضخمة نقيم بها مشروعات منتجة وينصلح حال التعليم
ويكون هناك تعليم حقيقى وليست ارقام على الورق او بلد شهادات فقط
هناك مواد كثيرة معقدة يجب ان تغربل لان الطالب لايستفيد منها بشىء
نستطيع اكتشاف المواهب ونضع برنامج لهم ويقوم صرف عليه المبالغ التى سوف نوفرها من الميزانية المهدرة
اختيارالقيادات حسب الكفاة والخبرة وبذلك تقضى على المحسوبية
خطوة نحو تعليم افضل
من لديه فكرة ممكن يضيفها ولكم الشكر

لا يظنن ظان أن الفساد قاصر على الأزهر خاصة ، بل التربية والتلعيم أشد فسادا ، لكن فسادها ناتج عن علمنة التعليم ، أما الأزهر فيراد تفريغه من مضمونه وخاصة على يد مشائخ غير جديرين بالمشيخة من بعد الشخ جاد الحق

طبعاً سأهدي شيخ الأزهر ورقة إجابة طالب في الثانوي لا يعرف القراءة والكتابة ، ولا يستطيع الغش لإلا بفتح الكتاب أمامه أو وضع ورقة زميله لينقل منها ، فهو يكتب مثل الرسم بالشبه ، وطبعا رسب في كل المواد في الدور الأول وجاءته نفحة من نفحات شيخ الأزهر فدخل الدور الثاني لينجح في جميع المواد بقدرة قادر ، بما يشبه المغجزات ، أو كما قال المثل صنع من الفسيخ شربات

http://www.9o9i.com/upfiles/owm04139.jpg


لا انا بصراحة معايا صور احلي بس لامتحانات الشهادة

روعة

بس مش دلوقتي حانزلهالكم

و نبقي نتبادل صور الخزي والعار و مزبلة الازهر

طلبة كتير من معهدى حولوا للتعليم العام عشان خاطر المجاميع الرهيبة هذا العام و لا أنك و لايستطيع أحد الانكار ان فيه غش على مصراعيه سواء الازهر أو التعليم العام و لقد أخطأ شيخ الازهر فى قراره بخصوص الدور التانى و سوف يظل هذا الجيل اللى احنا كتبناله يدعوا علينا

احنا السبب في كل دا احنا اللي رضينا ان العيال تغش والولد اخد علي الغش الي ان اصبح حقه ولا يجوز لك منعة دا غير شيوخ المعاهد اللي بتطلب من المدرسين القيام بذلك خصوصا في المواد العلمية كالفيزياء والرياضة يطلب من المدرس حل الامتحان وذلك تحت مرئي ومسمع الموجهين دا لو الموجة حضر اصلا

اما المدرسين القدامي فالغالبية العظمي منهم حدث ولا حرج ( مافيش قدوة - الفاظ بذيئة تقرع الاذان - تغطش للغش - مافيش عند المدرس مادة علمية - مش فاضي يقرا او يحضر - تأخير _,.,,,,,,,) وياسلام لومدرس ابنة في المعهد يلا كلة يهيص ويظأطط

كل دا علي فكرة بعد الثورة اكتر من قبل الثورة يعني ما فيش تغير

وحسبي الله ونعم الوكيل

يا جماعة ده فيه طالب تحس انه بيستفزك و بيتحداك في ورقة الاجابة

مفيش كتابة نهائي .. مجرد شخابيط او رموز يمكن فك حجر رشيد كان اسهل منها

نظام يعني انه كده كده ناجح ... يا اما في الدور الاول او الدور الثاني او في الكنترول

والله الطلبة فاهمة الكلام ده كويس جدا

لا حول ولا قوة الا بالله العلي العظيم