السلام عليكم

انا طالب ثانوى علمى وطالع 3 ثانوى بامر الله وجيبت مجموع زى الفل ميدخلنيش معهد تدبير منزلى حتى :p

فعايز احول ادبى السنه الجايا
الى اعرفه انى لما اخد سنه علمى وسنه تانيه ادبى يبقى اسمى علمى متأدب

لما دورت على كلمه علمى متادب لقيت ان معناها انى اخد جولوجيا بدل الفيزياء

طب ينفع انا ماخدش مواد علميه خالص بما انى مخلص كيميا
ولو مخدتش مواد علميه خالص حتعامل كا علمى متأدب ولا ادبى

انا ناوى على كليه تربية فنية ومش علشان المجموع والله بس انا شايفها هيا وفنون جميله اكتر كليات تخدم حلمى وشغلى

السؤال بالمختصر يعنى

ينفع لما ادخل 3 ادخلها مواد ادبيه بس يعنى
( عربى + انجليزى + علم نفس + اقتصاد واحصاء + جغرافيا + تاريخ )

وحتعامل كا ادبى ولا علمى ولا علمى متأدب فى التنسيق

وشكرا جدا

انا ليا أصحاب كتيير كانوا علمى فى تانيه وحولوا أدبى فى تالته
ولما سألوا فى المدرسه على التحويل
قالولهم انهم هيدرسوا كله مواد أدبيه << ما فى مواد علميه خالص
لانك بما انك كنت علمى فى تانيه فدرست ماده علميه اللى هى الكيميا
فموادك بتكون عربى و إنجلش و ( إقتصاد و إحصاء _ علم نفس_فلسفة ) تختار اتنين منهم بس وتاريخ طبعاا
وفى التنسيق إن شاء الله بتكون من ضمن الشعبة الأدبية بس
و إن شاء الله ربنا يوفقك وتدخل الكليه اللى تحقق طموحك و حلمك
ويارب أكون أفدتك
إحترامى وتحياتى لك

زي ما هاجر قالتلك
و منصحكش بعلمي متأدب نظام علمي متأدب ده بيجمع بين مواد علمي من غير فيزيا و مواد ادبي من غير تاريخ
ده الي اعرفه عنه بس مش فاكره المواد ايه بالظبط
انا صحبتي كانت علمي متأدب و ده وحش جدا لانك مش بتعرف تدخل حاجه من كليات علمي
و بتدخل كليات ادبي بمجموع علمي يعني بمجموع اعلي
وربنا يوفقك و يوفقنا كلنا

اللي اعرفه انك مادام علمي ومجموعك وحش تحول ادبي بتاخد تاريخ وجيولوجيا وعاهم طبعا العربي والانجليزي وتختار يا اما فلسفه او علم نفس او اقتصاد واحصاء ده بالنسبه للادبي لكن علمي متادب ده بتختاره من وانت في تانيه او ممكن تحول في تالته علمي متادب بس ده غير الادبي يعني تحول ادبي حاجه وتحول علمي متادب حاجه تانيه بس مش انصحك بعلمي متادب ده نهائي

علمي متادب نظام فاشل المواد الى بتتاخد هى (كميا - جولوجيا - احياء) وليكى كل كليات ادبى + كليه وحده بس من علمى وهلى كليه الزراعه فقط اى استفسار تانى (ملحوظه النظام ده اسمو علمى عام )

علمى متادب

انا كنت عايزه ادخل علمي متأدب بردو بس ناس كتير خوفتني وقالو لي لا بلاش ... انا كنت عايزه اعرف هي السن ينفع ادخلها من علمي متأدب؟؟؟؟ ارجو الرد

معايا بنتين ف المدرسة علمى متأدب
بياخدوا المواد العلمية بتاعتهم عادى
وبياخدوا جيولوجيا بدل الفيزيا او بدل الاحياء تقريبا
مسموح ليهم يدخلوا كليات الادبى بس
بالاضافة لكلية زراعة
والتنسيق بتاعهم زى تنسيق العلمى
يعنى من الاخر نظام فاشل مش عارفة الطلبة بيختاروه ليه
انازيك برده وهحول ادبى
ومعايا (تاريخ_علم نفس_ فلسفه)+العربى والانجلش اساسى
وبدات دروسى كلها :(:(
يلا ربنا معاك ومعانا