بغض النظر عن فشل التعليم الازهري والذي عاصرته لمدة 5 سنوات متتالية
وفي كل سنة أقول لنفسي : ستتحسن الامور..والخير باذن الله في القادم
ولكن واضح انه لا جديد للأسف وهذا وسأفند لماذا قلت فشل في البداية
وياريت تقرأو الموضوع للنهاية
*************************************
1- ضعف في التخطيط للدراسة في كل المواد.
2-وصول خطة الدراسة لكل المواد طبعا بعد اخذ رأي التربية والتعليم وانا اتحدث هنا عن تخصصي الرياضيات
3- وصول الكتب متاخرة جدا جدا طبعا بعد توزيعها اولا على التربية والتعليم واغلب الكتب تصل اما بطبعة قديمة أو باخطاء طباعة..وليست حالة واحدة تقريبا 1/2 الكتب يكون به عيوب
4- للأسف موجهين لا تفهم اي شئ يدخلون عليك بحجة التفتيش وطبعا اغلبهم بيكونو شرعي ودايما اسأل نفسي هو اصلا ليه بيدخل عندي كمادة ثقافية و يعني لما يفتي ويوقف الواد ويسأل-هههه لا تعليق - بالاضافة لضعف اغلب الموجهين في تخصصهم لانهم ريحوا ومبقوش يدورا اصلا على الجديد في التعليم الا من رحم ربي.
5- تبدأ الدراسة بمهزلة طبعا في بداية امتحانات القبول للطلاب - الفاشلين أو من بهم ضعف عقلي - الوافدين من العام
ويعيني بينجحوا...ازاي متعرفش كالعادة ههه...وادي اسبوع ضاع من التعليم.
6- طبعا مهزلة في الجداول وكل يوم يتغير لأنه مفيش تخطيط ويقعد يتغير لحد 1/2 السنة..يعني ترم راح
7- طبعا مفيش ولي أمر بيجي يسأل على ولده لأنه ضامن انه هينجح في اخر السنة هو اصلا في الازهر في امتحانات
- الا من رحم ربي من اولياء الامور و اللي بيكتشوا ودول كتير انه اكبر خطأ انه دخل ولده الازهر لأسباب عديده منها ما ذكرته ومنها ما سأقوله في النهاية.
8- طبعا مفيش حاجه اسمها اختبارات شهر واعمال سنة في الازهر وباتالي حتى لو المعلم ملتزم وبيعمل فالطالب الفاشل لن يحضر ويحضرني بنفسي موقف- قلت للأولاد بعد يومين اختبار شهر سنة 1 ع قلت عشان اخلي عندهم حماس للمذاكرة والجد والاجتهاد قالولي هو يا استاذ ده بيضاف للمجموع فكرت وقلت ايوه وياريتني مقلت لانه سأله الشيخ ووكيل المعهد واللي جاب ابوه ههههههههه عشان 10 قروش كنت بجمعها لورقة امتحان مكتوبة ومطبوعه كمبيوتر وفي النهاية عرفو انه مفيش اعمال سنة في الازهر واغلبهم محضروش في اليوم ده ومن يومها بطلت معمل اختبارات اصلا- طبعا لا تعليق.
9- ناتي للادارة طبعا واضح ضعف شديد في الفهم الاداري ، لانهم بيتكلوا في القرارات على التربية والتعليم حتى لما بيفكروا بيكون قرارات خاطئة / بالاضافة لضعف شخصية مسئولي الازهر بدءا من شيخ الازهر ونزولا الى شيوخ المعاهد والتي جعلت العالم من حولها ينظر لنا كمعلمين و موظفي الازهر اننا بتوع فته..وسأل اي حد طبعا ده شئ محزن و مخزي جدا.
10- لا تطوير في التعليم الازهري وللأسف لا يبحث مسئولي الازهر عن الجديد في التعليم و لا حتى يطوروا المعاهد والمدارس الازهرية على الرغم من ان هناك مبالغ تصرف بدون حساب على اشياء فارغة وابسط الاشياء اسألكم وتجاوبوا علي بكل صراحة كام معهد في مكتبة وفي غرفة مناهل معرفة او غرفة انترنت أو معمل علوم لتغيير طريقة شرح المعلم وعدم ملل الطلاب / فمثلا انا افضل عندما تكون لدي الحصة السادسة او السابعه تغيير الفصل لمكان جديد والشرح عن طريق شرائح العرض والكمبيوتر وبالتالي الطلاب بيكون عندهم قبول وفهم ودماغهم بترجع فايقة تاني طبعا انا بقول كده لاني كنت بعمل في العام ولاني كنت بفرح جدا لما كنت بروح الاماكن دي و أنا طالب/ لدرجة انه في طالب سالني مرة في اول يوم في الدراسة يا استاذ هو مفيش هنا مكتبة لأنه بيحب يقعد فيها في الفسحة ، ابتسمت في وشه وقلت له خليك في الفصل يبني و هات قصص معاك واقراها.، طبعا موقف مضحك تاني
11- عشان مطولش عليكم ، ناتي للامتحانات طبعا الكل يعلم ما هي امتحانات الازهر أو امتهانات الازهر - بالهاء-
غش جميل - ويعيني لما بيدرسوا الطلاب من غشنا فليس منا واول من يطبقوا العكس للأسف من يقوموا بتدريس الحديث للطلاب او من يقومون بادارة المعاهد وهذا امامي - الا من رحم ربي - ، طبعا بالاضافة الى التلاعب في الكنترولات و بعض الطلاب اللي بيكون مفيش في دماغه اصلا تعليم و يبعته ليه انك اتفصلت ويجي يقدم القربان للادارة عشان يعمل اعادة قيد يلحق فيها الامتحانات طبعا الكل فاهم ايه هو القربان / ويدخل يغش وينجح و تيجي السنة اللي وراها لا يحضر تاني وهلم جره لحد ميتخرج بخير ويبقى الواد معاخ شهادة الازهر ولما تسأله ليه يقولك يا استاذ انت بتاخد كام في اليوم -.....- انا يومي بـ 25 جنيه اجي اضيع وقت في التعليم هههههههه - وتصدقوا عمري محسبت يوميتي في الازهر بكام..قمة المهزلة اكيد.

**********
واللهي عندي الكتير بس تعبت من الكتابة وتعبت من التفكير وخلاص طفح الكيل و لله الامر و التدبير
ودلوقتي
انت يا متعاقد ..ايه الشاب الناضج الواعي...شوية اسألة ؟
1- هل توافق على المزلة في الازهر وضعف كيانه وضياع هيبته ؟
هتقولي مش بايدي ..دي شئ مؤكد لاني حاولت لوحدي كتير وفشلت
2- هل توافق على الاذلال والامتهان لك في عملية التجديد للعقود ؟
هتقولي انا مش عارف اعمل ايه لكن لازم احفظ حقي لحد مشوف هعمل ايه
وعلى الرغم اني مش موافق لكن انا معاك
السؤال المهم جدا
هل توافق على الاضراب عن الدراسة في الازهر من اول يوم دراسة 17/9/2011؟
طبعا هسيبك تقول رأيك على التصويت في الموضوع
ولكن هقولك رأيي
انا بقول لازم نعمل اضراب و نعلق الدراسة وهتشوفوا النتيجة بعدها بساعات
واحد هيقولي وايه ذنب الطلاب ؟
هقولك / انا لو رايح هعلم طلاب ونفسيتي مش مرتاحه هيكون في تعليم ولا هيبقى تهريج
لما الاقي زميلي في العام رايح الصبح وهو بيقول وماشي في الشارع يااااهوووووووووو انا اتثبت ومحدش يقدر يكلمني وحقوقي كاملة معايا واسمي اتكتب في الدولة بحبر مش بقلم رصاص هيشرح بنفس هادية
********
دلوقتي بعد متثبتوا في العام بيطالبوا بالحد الادنى 200% واحنا زي ما حنا
--------------
ايها المتعاقد...لا تجدد واذا جددت
سنضرب من اول يوم في الدراسة
لنذهب امام المناطق اول يوم و لا احد يذهب للمعاهد خالص لازم نبقى رجالة مرة واحده
وحسبي الله عن الخانعين والخائفين
لاني زهقت جدا جدا جدا

سنضرب من اول يوم في الدراسة

وحسبي الله عن الخانعين والخائفين




والللللللله معاااك في كل كلمة وانا اول واحد برفع شعار
لا تثبيت ... لا تدريس
يا ريت يكون ده شعارنا دايما

كلامك صحيح بس فين الرجاله اللى تعمل الكلام ده

سبحان الله
انت لحصت حال الازهر فى كل المعاهد تقريبا
تحليل رائع
والله الواحد كره الازهر باللى فيه

انت عندك حق في كل كلمة وانا إن شاء الله معاكم في الإعتصام عن الدراسة

لاتدريس قبل التثبيت

مفيش تثبيت مفيش تدريس والبقاء لله في موت التعليم في الازهر

لا تثبيت ... لا تدريس

والله العظيم كلامك جد الجد وكلام راقي جدأ جبت الي في دماغ كل واحد فينا غير كمان اني في حاجات تانيه كثير اوي اوي لو الواحد حكي المواقف مش هنخلص سامحك الله يايشخ الازهر ضيعت حقنا بس مش هنسيب حقنا ابداً

ان لله وانا اليه راجعون نعم للاعتصام بسى لازم تنسيق وكله يكون امام المشيخة الاحد القادم الموافق 14/8/2011

لا تثبيت ... لا تدريس

لا تجديد ولا تدريس بدون تثبيت

لو انتم رجالة

بجد كلامك صح كله وفيه كتير اوى من سلبيات الازهر
لازم يكون فيه حل للوضع دة لازم شيخ الازهر يتحرك علشان الازهر والتعليم فيه يكون له هيبته
مش لازم نبقى تابعين ااتربيه والتعليم فى كل حاجه
انا معكم رغم انى مثبته بس لكم حق ولازم تصروا عليه

شكرا لكل ردودكم الرائعه والمحفزة
طبعا انا قلت انه ده جزء صغير من اللي بيحصل في التعليم الازهري
وقد نوهت انه هناك اسباب تجعل اولياء الامور بعيزفوا عن التعليم الازهري بالاضافة لما ذكرته ..طبعا بالاضافة لسمعة التعليم الازهري اللي زي الفل واللي الكل عارفها بدءا من الصغير للكبير ومن المجنون للعاقل ومن الضرير للمفتح. ويجعله عامر
طبعا هقول بسرعه بعض الاسباب - طبقا لسؤال بعض اولياء الامور المهتمين بمستقبل اولادهم - :
* طبعا المعلوم او المفروض ان الازهر مؤسسة دينية وشرعية و لكن للأسف ضعف بل اقل في مستوى الثقافة الدينية لخريجي الثانوية الازهرية حتى أن مادة القرآن الكريم - وهذا شئ عجيب جدا - تغشش بشكل صريح لطلاب الاعدادي والثانوي في اغلب المعاهد وبنسبة 90% ، فكيف لمؤسسة دينية في الاصل يخرج منها الطالب ابيض فيها / حتى اني في مرة سالت طالب ولاحظو اني خريج تربية وتعليم وتخصيي ثقافي وهو الرياضيات ، حافظ سورة الاخلاص قالي اه بس ايه اولها.. لا اعرف هل شئ مضحك ولا مخزي ، ناهيك انه في امتحان الشفوي كنت موجها على لجنة فسأل زميلي محفظ القرآن الكريم ..كم ركعه في الظهر فاجاب الطالب بكل ثقة 2...ولا تعليق .
* الشئ الثاني >> كم مادة يدرسها الطالب الازهري 14 مادة في الاعدادي ..في الحقيقة انا لا اعلم لماذا لا يحدد الفصل للأدبي والعلمي من الاعدادي وحتى الثانوي و العلمي يدرس المواد الثقاقية كاملة مع التخفيف للمواد العربية و الشرعية ، والعكس مع الادبي وبالتالي سنمهد لجيل قادم تحديد مستقبله واهتماماته في التعليم ويحدث اذدهار في الثلاث جوانب الشرعي والعربي والثقافي ، والبعض سيسألني كيف تضمن ان يحدد الطالب تخصصه ، و هذا ببساطة يكون باختبارات قبول شفوية للفصول العلمية والادبية على حد سواء ، بالاضفة انها ستقلل من الضغط على معلمي المواد الثقافية والشرعية في الحصص وتوزيعها ويكون المعلم فاهما لمستوى الفصل او الثلاث الذي سيدرس له.. ويعيش معهم التعليم بمعنى الكلمة..طبعا ده اقتراحي من زمان ولكن مين يفكر.
* نأتي للشئ الثالث>>خريجي الازهر ماذا عن مستواه- الا من رحم ربي - و نا عارف البعض ممن نجحوا وهم قلة جدا بالنسبة لمن فشلوا حتى بعد دخولهم كليات علمية وادبية وكما اقول اني اعرف الكثير الكثير جدا منهم. ويحضرني موقف ولا اذكره للشماته ..طالب خريجي تربية ازهرية فرنساوي. فلما قابلته سالته سؤال بالفرنسية على حد معرفتي وقدراتي باللغة فاللأسف قاللي انت بتقول ايه ؟ ولا تعليق سألته قلتله هتشتغل فين دلوقتي ..قاللي ياعم انا مليش في التدريس ...هشتغل في السياحه ؟
كما أني لدي صديق مقرب جدا هو خريج من الازهر تربية قسم جغرافيا و لديه علم قوي ومجتهد جدا في تخصصه و كان الاول على دفعته و تم تقديمه كمعيد في القسم في الكلية ولكن تم رفضه لعدم اجتيازه اختبار اللغة الانجليزية للقبول ، و قال لي بصراحة شديدة جدا جدا احنا مفيش عندنا تعليم للغات في الازهر حتى المواد الثقافية ضعيفة عندنا ، وحينما تقدم معي في الجامعه العامه بعد حصولنا معا على الدبلومات المهنية والخاصة للماجستير فللأسف واجه نفس المشكلة في اختبار التويفل فلله الحمد قمت باجتيازه بنجاح وسجلت بحثي في الماجستير في تخصصي مناهج وطرق تدريس الرياضيات - والتي باذن الله فور الانتهاء منها - ساطرحها هنا للاستفادة منها لجميع التخصصات - وبعدها دخل بخطة بحث في تخصصه واجتاز الحلقة البحثية وتم الموافقة عليها لكنه واجهه مشكلة التسجيل لرسالته نظرا لهقبة اللغة، حتى انه قال لي " ياريتني دخلت عام بدل الوكسة دي ".
*الشئ الأخير " ما هو مستقبل أغلب خريجي الازهر ؟ للأسف مستقب ضعيف بسبب ان الشهادة خرجت من جامعة الازهر وهذا ليس بسبب الجامعه ولكن بسبب نظام التعليم..
واقسم بالله و هذا رايي وبصراحه هناك معلمين في الازهر في تخصاصاتهم قمة في التفوق ، وقمة في الاجتهاد ، والرقي ، ولكن هل من مسئول ينظف الغبار على الدر المكنون ؟......لا يوجد...
في النهاية...سأقول لمسئولي الازهر...اتركوا الازهر لمن يفكر فيه ويقوي تعليمه و يطوره اتركوه لفكر جديد ، .....فكما تقول شركات المحمول......عفوا لقد نفذ رصيدكم

اترك لكم المجال للتعليق

و الله يا ريت يا جماعة احنا اللي نطور الازهر ونعيد مكانته

بس الاول ناخد حقنا

والله يا مستر هذة افضل مشاركة قراتها فى المنتدى

والسبب باختصار هو انها فرغت الشحنة التى بداخلى

امضاء
معلم من ابناء التربية والتعليم

عمل بالتربية والتعليم 3 سنوات
ويعمل حاليا بالازهر لمدة 6 سنوات

وسيظل طوال عمرة يندم اشد الندم

عيب عليك با مستر انك تقل ادبك علي الموجهين وتوصفهم بعدم الفهم وانت لسه الف باء يعني علي اول الطريق وزي اخيب تلميذ من تلا ميذ الموجهين ال ينقل ادبك عليهم اكيد انت عاق لوالديك مادمت تجرات علي سب من هم في سن والديك انت مغرور ربنا يهديك امال لما تكبر حتعمل ايه ربنا يكفينا شرك وامثالك

عيب عليك با مستر انك تقل ادبك علي الموجهين وتوصفهم بعدم الفهم وانت لسه الف باء يعني علي اول الطريق وزي اخيب تلميذ من تلا ميذ الموجهين ال ينقل ادبك عليهم اكيد انت عاق لوالديك مادمت تجرات علي سب من هم في سن والديك انت مغرور ربنا يهديك امال لما تكبر حتعمل ايه ربنا يكفينا شرك وامثالك
واللهي لو انت قرات كويس- ده لو قريت- انا مقلتش ادبي ولا حاجه ، لاحظ انه في كل كلمة بقول - الا من رحم ربي - وهل لما ابين واتحدث عن اخطاء موجهين يبقى قلة أدب...انا هضرب لك مثالين بسيطين يا محترم
الاول / موجه في تخصصي يضيع حصة كاملة وضياع درس - لو انت عارف معنى انه حصة تضيع في الرياضيات وازاي تقدر تضيف شرحها لدرس تاني في ظل حصة 35 دقيقة - المهم يضيعها في البحث عن كراسات وكشاكيل التلاميذ وكام كراسة مش معلمة كانوا اصحابها غايبين ولاحظ اني بدرس 22 حصة في الاسبوع و 40 طالب في الفصل...يبقى عدم فهم ولا لأ.
المثال الثاني / موجه شرعي ..وهذا اعجب شئ شفته في حياتي ..فدخل و توقف ونا وبشرح الدرس واوقفني و اوقف تلميذ وقاله " اقرا العنوان ؟" هو احنا في حصة عربي يا محترم...وبعدين وقف واحد تاني وشوف السؤال و خلي بالك كانو 3 اعدادي تفتكروا ايه السؤال " ما الفرق بين الرياضة والرياضيات ؟ "...ده بالذمة سؤال..
وغيره وغيره امثله كتير..بس لما بدءت احرجهم ما دام مصرين على ضياع حصة التلميذ في كلام فاضي- بحجة انه سيادة الموجه المحترم - تصدقو تقريبا بطلوا يدخله لي اصلا.
ولا انكر ان بعض ونا بقول بعض وللأسف اغلبهم مواد ثقافية هم من يحترموا مادتهم وتخصصهم و انه لا يعرض نفسه لاي موقف فيأتي العامل بكل احترام " يا استاذ موجه عايز يمضي على كشكولك ؟ ..بديهوله بكل احترام وبروح اسلم عليه " لكن من يتدخل فيما لا يعنيه...لدرجة اني في مرة كنت كاتب هندسة و نص الموضوع جبر ومضى عادي جدا.....يبقى عدم فهم ولا لأ..
ونأتي للشئ الاخير وهي انك بتقولي انت الف باء ... واني عاق ...- وسيحاسبك الله على ما قلته لأنك لا تعلم مدى احترامي و حبي لوالدي بفضل الله - يا ايها الفاضل انا لي حوالي 5 سنين في الازهر ومع ذلك انا لو وصلت 50 سنة هكون الف باء زي مبتقول و مشكلتنا في مصر اننا مصرين على الرجوع للخلف ، وعدم التطور بأي شكل من الاشكال..فلماذا لا يسأل الموجه عن الجديد في طرق التدريس - ولاحظ انه تخصصي في الماجستير وبفضل الله اطبق بشكل كبير ما تعلمته في الجديد وقريبا هناقش رسالتي في طرق التدريس ، و لن اخوض في هذا الموضوع - لماذا يظل كما هو فقط آلة امضاء دون حتى وعي بما يحدث حتى في تخصصه لدرجة ان احد زملائي الشرعي دخل عليه موجه تخصصه في عام الثورة الماضي بعد حذف اجزاء من المنهج و أصر على ان الاستاذ نسي درسين لم يشرحهم ، و طبعا طلع الاستاذ صح..
ام ان كان الموضوع بالسن فتفكيرك انت للأسف رجعي جدا جدا " و كان اوباما بقي فراش في الرئاسة لو بالسن ..عنده 40 سنة وبقي رئيس امريكا فاهمني طبعا " ، وليس عيبا ان يسألني الاخرين في طريقة شرح أو ما يفعله مع تلميذ يواجه صعوبات تعلم ، فالعيب كل العيب هو عدم احترامنا لتخصاصاتنا وخبراتنا الجديدة والتي توقفت عند بعض الموجهين عند حد قديم جدا واصبحت محلك سر ، ولا تعلم عزيزي ان المشرف على رسالتي هو عميد كلية التربية أ.د حصل على الاستاذية من اليابان ، ولكن لما احدثه عن شئ قراته جديد ينصت لي باحترام شديد ويقولي دايما كلمة " مش عيب اني اتعلم منك "

لو لسة مصر على كلامك يبقى لن اجادل معك..فالموجه له احترامه وسنه ولكن باحترامه لتخصصه و خبراته فقط و لا يتعدى حدود هذه الخبرات فقط هذه مشكلة بعض موجهي الازهر .
فانا معلم وسأظل اتعلم من صغير او كبير ، ورب طفل يعلمك درسا لا تنساه

لا للتثبيت المفروض المدرس يكون ارقى من هذا .

لا اواقف علي تعليق الدراسه الطلبه ليس لديهم اي ذنب لهذا

لا للتثبيت المفروض المدرس يكون ارقى من هذا .

و كيف يتم ذلك ما دام تعليم الازهر لم يرقى اصلا
و كيف نتعامل نحن بالرقي وقد اخذت حقوقنا جورا وظلما ، و ما دام الازهر يريد اخضاعنا لارادته دون ان ينظر لحالنا وما سيسببه لنا من ضياع وتشتت وخوف على المستقبل..
وحسبي الله ونعم الوكيل

لا اواقف علي تعليق الدراسه الطلبه ليس لديهم اي ذنب لهذا



وتفتكري استاذتي الفاضلة انا هشرح بنفس راضية مطمئنة و الازهر نائم او غافل أو يعلم ويجهل
هل الطلاب من مصلحتهم ان اذهب لعملي وانا غير مرتاح عن وضعي ؟
و كيف سانظر لنفسي و من تعين بعدي في العام تم تثبيته وانا لا ؟
اعتقد سكوتنا لن يفيد بل سيزيد مسئولي الازهر نوما على نومهم
وللأسف لا يوجد اي وسيلة ضغط الا هذه...واتمنى الا تصل الامور للدراسة
ولتعلمي اختي ان معلمي تربية والتعليم يهددوا ايضا صراحة بتعليق الدراسة لمجرد ان حقهم في حافز الاثابة سيضيع
وحسبي الله ونعم الوكيل

لا تدريس قبل رفع المهانه عن المعلم ورفع الظلم وعوده الدرجات وحافز الاثابه

انا خريج ازهر ومدرس في الازهر وكل اللى انت بتذكرة لم اعهده وانا طالب لم يكن موجود ولكن للاسف هو اتوجد من عشر سنوات تقريباولكن احب ان اضيف شئ من مشاهداتي وانا طالب وانا مدرس ان طالب التربية والتعليم مهتم ومستواه احسن و لكن دا اخرة الثانوية وبعد كدا في الجامعة نوم ورحلات ولعب وبنات و غيرة ولذالك خريج التربية والتعليم مستواه زفت وعلى فكر المدرسين زميلي خريجي التربية والتعليم اللى معايا وكمان تخصصي مستواهم زفت لدرجت ان طالب شاطر شويه بيحرجهم القصد
العيب مش في المكان العيب في الثقافة السائده في المكان وانت نفسك ذكرت ان بعد ما حضرتك احرجت الموجه كانت النتيجه انه معدش بيدخولك دا معناه ان محتاجين مفاهيم تتصحح ليس اكثر ولكن احب اقول ان امضاء الموجه وان كان غير متتخصص مش معناه تقيم وانما معناه متابعة ودا متبع حتى في التربية والتعليم و في الاخر انا اتفقك معاك في ان مفيش تدريس مادام مفيش تثبيت
وانا سعيد بالتعرف عليك والف مبروك الماجستير

انا خريج ازهر ومدرس في الازهر وكل اللى انت بتذكرة لم اعهده وانا طالب لم يكن موجود ولكن للاسف هو اتوجد من عشر سنوات تقريباولكن احب ان اضيف شئ من مشاهداتي وانا طالب وانا مدرس ان طالب التربية والتعليم مهتم ومستواه احسن و لكن دا اخرة الثانوية وبعد كدا في الجامعة نوم ورحلات ولعب وبنات و غيرة ولذالك خريج التربية والتعليم مستواه زفت وعلى فكر المدرسين زميلي خريجي التربية والتعليم اللى معايا وكمان تخصصي مستواهم زفت لدرجت ان طالب شاطر شويه بيحرجهم القصد
العيب مش في المكان العيب في الثقافة السائده في المكان وانت نفسك ذكرت ان بعد ما حضرتك احرجت الموجه كانت النتيجه انه معدش بيدخولك دا معناه ان محتاجين مفاهيم تتصحح ليس اكثر ولكن احب اقول ان امضاء الموجه وان كان غير متتخصص مش معناه تقيم وانما معناه متابعة ودا متبع حتى في التربية والتعليم و في الاخر انا اتفقك معاك في ان مفيش تدريس مادام مفيش تثبيت
وانا سعيد بالتعرف عليك والف مبروك الماجستير

رأيك اخي لم اختلف معاه انا ذكرت ان هناك ضعف في الاتنين وذكرت ان هناك تخصصات واكثرهم اللغة العربية ما شاء الله انا بتعلم منهم ولو لاحظت في ردي ايضا ان هناك درر مكنونه في الازهر للأسف تحتاج لنظام تعليمي فعال بدون مجاملات ولا نجاح بالغش والاخظ ان معظم الشباب سواء خريجي الازهر او العام العاملين بالازهر تتفق معنا في الرأي انه لابد من تغيير في سياسة الازهر
والشئ الثاني انا لم اقل عيبا في المكان فالازهر اسم له تاريخ ولكن النظام السابق خلال 30 سنة حاول هدم هذا الصرح وموت التعليم فيه، و للأسف كان الناتج النهائي للعملية التعليمية في الازهر سيئة لحد كبير الا قلة قليلة من الطلاب ممن اهتم اولياء امورهم بهم وممن اهتموا بانفسهم ، بالتاكيد لسنا فقط نحتاج لمفاهيم لتصحح ولكن نحتاج لنظام فعال قائد اداري ومحنك يأخذ القرارات بعد دراسة واعية و رحم الله الشيخ جاد الحق.
وبالنسبة لموجهي المواد الشرعية فانا اختلف معك في دخولهم لفصل لا يتبع تخصصهم ، فببساطة جدا هو لايعرف ما هو مكتوب في الدرس ، والموجه المتابع يفضل ان يكون من تخصصي ، والمتابعه من اي تخصص اخر يكتفى فقط بسؤال شيخ المعهد هل حضر الاستاذ فلان من خلال جدول الاشراف.
و يشرفني معرفتك وتحضرك في الرد
ورفع الله مكانتك وقدرك

احلــــــــــــــــــــــــــــــــــــــــــــــى كـــــــــــــــــــــــــــــــــــــــــــــــــ ـــــــلام كفاية بقى خوف وكسل لازم نتحرك والا نستاهل اكتر من كده

لا اواقف علي تعليق الدراسه الطلبه ليس لديهم اي ذنب لهذا


ابقى روح اشرح لوحدك قاصدى اشرحى لوحدك والمعنى فى بطن الشاعر

مفيش دراسة الااما نتثبت ودة مش حرام اللى موقفين تثبيتنا ييجو ويشرحولهم

الواحد بيحس من الشيخ الطيب ان مفيش متعاقدين فى الازهر وكلة متثبت وبيخدو حد ادنى ومفيش مشاكل والحياة حلوة انا حاسس انة شايفنا كدة

قد اجهدت نفسك ياميسترو فى الرد على هذا الذى يدعى شبرمةوانة بكلامة السفية يكون ورة فجوزيت خيرافى كلامك الطيب الرقراق الجميل وطبت وطاب ممشاك ورأيناك قائدا للبلادوربنا يوقك

انا عضو فى المنتدى منذ فترة ولكننى قليل المشاركة جدا ولكننى سعيد بك يا مسيو سعيد بالثقافة والرقى والادب فى الحوار سعيد ايضا بمحاولة وضعك حلول لهذة المشاكل الكثيرة الموجودة بلازهر التى اتفق معك فيها

بارك الله لك ، ابو جنة على ردك الرائع و دعائك القيم
رفع الله قدرك وشانك واعزك ، وثبتك في القول والعمل.... والعمل في الازهر

ادهم .. شاكر لردك الجميل ولكني لست مسيو سعيد ؟
و باذن المولى ان طال لي عمر بعد تثبيتنا لن ادخر جهدا في تعريفكم بالجديد في العملية التعليمية لنفيد ونستفيد..
وشكرا لكل الردود القيمة
وكل ما ارجوه من الجميع وممن قاموا بالتصويت فمن الواضح ان اغلب الاراء تتحرك الى تعليق الدراسة منذ بدايتها
الاهم الجميع..وليس مجموعة ...فالله مع الجماعه
واتمنى الاعتصام ولو لمدة 3 ساعات يوميا امام المناطق بدءا من 14/ 8 ، والتهديد صراحة بانه لا دراسة هذا العام في الازهر بدون تثبيتنا وصدقوني كل واحد منا به ما به من المشاعر لتجعله لا يستطيع الشرح في فصل لمدة دقيقة واحدة.
وسأذكركم وذاكر نفسي بموضوع اخر قبل الدراسة باسبوع حتى لا ينام الموضوع
وحسبي الله ونعم الوكيل

لا تثبت لا تدريس ... مفيش دخول حصص ... مهيه الحكومة مبتجيش الا بلوى الدراع ... ووقتها تصبح قضية مجتمع وهما(أولياء الأمور) اللى يضغطوا عليهم وقتها .... لا تثبت لا تدريس ... دي أول خطوة بس

اخى العزيز
مقدر حرصك على التثبيت وهذا من حقك انت وزملائك
ولكن الازهر ليس بهذه الصورة القاتمة كما زكرت
فقد خرج الكثير من العلماء امثال الشيخ الشعراوى وغيره
شكرا لك اخى الكريم

لا اواقف علي تعليق الدراسه الطلبه ليس لديهم اي ذنب لهذا





أظن ان يوم او اسبوع مش هيضر الطالب
و الشغل مش مقطع بعضه للدرجادي
و متنسوش اننا مبنحضرش في الصيف ( و بنقبض الربعمائة جنيه )

لن يعمل المتعاقدين اويدخلوا الفصول اويشرحوا درساًواحدا قبل ان يتم تثبيتهم

لن يعمل المتعاقدين اويدخلوا الفصول اويشرحوا درساًواحدا قبل ان يتم تثبيتهم

انا خريج ازهر ومدرس في الازهر وكل اللى انت بتذكرة لم اعهده وانا طالب لم يكن موجود ولكن للاسف هو اتوجد من عشر سنوات تقريباولكن احب ان اضيف شئ من مشاهداتي وانا طالب وانا مدرس ان طالب التربية والتعليم مهتم ومستواه احسن و لكن دا اخرة الثانوية وبعد كدا في الجامعة نوم ورحلات ولعب وبنات و غيرة ولذالك خريج التربية والتعليم مستواه زفت وعلى فكر المدرسين زميلي خريجي التربية والتعليم اللى معايا وكمان تخصصي مستواهم زفت لدرجت ان طالب شاطر شويه بيحرجهم القصد
العيب مش في المكان العيب في الثقافة السائده في المكان وانت نفسك ذكرت ان بعد ما حضرتك احرجت الموجه كانت النتيجه انه معدش بيدخولك دا معناه ان محتاجين مفاهيم تتصحح ليس اكثر ولكن احب اقول ان امضاء الموجه وان كان غير متتخصص مش معناه تقيم وانما معناه متابعة ودا متبع حتى في التربية والتعليم و في الاخر انا اتفقك معاك في ان مفيش تدريس مادام مفيش تثبيت
وانا سعيد بالتعرف عليك والف مبروك الماجستير


فعلا: حضرتك لابد ان تكون ازهرى.

اخى العزيز
مقدر حرصك على التثبيت وهذا من حقك انت وزملائك
ولكن الازهر ليس بهذه الصورة القاتمة كما زكرت
فقد خرج الكثير من العلماء امثال الشيخ الشعراوى وغيره
شكرا لك اخى الكريم
واللهي أخي انا لم انكر فضل الازهر في شئ ولكن أءكد لك
ان الازهر حاليا يمر بأسوء مرحلة منذ 30 عام وحتى الان ،
وتدهور التعليم به الى اسوء ما يكون فلا تطوير ولا تقدم ولا المحاولة حتى للتقدم خطوة بل تراجع وتراجع
فلاحظ ان كل القرارات الخاصة بالتعليم الازهري لا تخرج منه بنسبة 95% ويتبع التربية والتعليم في كل صغيرة وكبيرة
اما عن شيخنا الجليل وغيره ، فالطبع له دور الازهر لكن لاحظ متى تخرج شيخنا الجليل ؟ وايامه التي كان فيها الازهر منارة للعلم والاشعاع الديني..لكن الان نادرا جدا جدا من سيصل الى هذه المكانة
ومن وجهة نظري البسيطة ان الازهر لابد وان يعاصر التطور والا فان التعليم به سيكون مجرد اشخاص وكتب فقط
شكرا لردك

معااااااااااااااااااك حق يا اخى الفاضل
كل كلمه قلتها صح
ربنا يعوضنا خير عن اللى بيحصل لنا دا

مستر مايسترو كلامك جميل ومقنع انا مدرسة رياضيات مثلك تعيين سنة 2000 ايها الزميل الفاضل ما رايك بالامتحانات والالغاز التى تكتب فيها وشطارة الموجه ان يفتخر بان امتحانه لا يستطيع ان يحله احد ولا شيخ المعهد الشرعى عندما يمر ويضيع حصة رياضيات وعندما نذكره يقول مش مهم ويا حظك السعيد انت تعمل فى القاهره فما بالك بالعمل فى الصعيد عندما يكون التقويم للعمل بالقرابه والبلديات كاننا من دوله اخرى رحم الله الازهر واتمنى ان عيش وادرك اليوم الذى تسمع فيه شكوانا ولا نظل نخاطب انفسنا ويكون لنا دور فى التغيير والتطوير للاحسن

لال تجديد بعد الييييييييييييييوم

انالله وانااليه راجعون لنا الله.فأنامفوض امرى اليه.

موضوع فى الصميم
يجب تثبيته لكى يقرأه الجميع
ليعلم الفضائح التى فى الأزهر
************
مع العلم أننى أزهرى من الحضانة إلى أن
تخرجت من الجامعة وأعمل بالأزهر حاليا ً
********************

انا اوافق على الأضراب عن العمل فى بداية الدراسه فى الأزهر لان بصراحه الواحد زهق واتخنق عالآخر من الأزهر ونظامه لازم الأضــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــرابـــــــــــــــــــــ ـــــــــــــــــــــــــــــــــ

لاتدريس الا بعد التثبيت وصدقونى المسئولين مش بقو بيعرفوا غير سياسة الضغط حسبى الله ونعم الوكيل

مستر مايسترو كلامك جميل ومقنع انا مدرسة رياضيات مثلك تعيين سنة 2000 ايها الزميل الفاضل ما رايك بالامتحانات والالغاز التى تكتب فيها وشطارة الموجه ان يفتخر بان امتحانه لا يستطيع ان يحله احد ولا شيخ المعهد الشرعى عندما يمر ويضيع حصة رياضيات وعندما نذكره يقول مش مهم ويا حظك السعيد انت تعمل فى القاهره فما بالك بالعمل فى الصعيد عندما يكون التقويم للعمل بالقرابه والبلديات كاننا من دوله اخرى رحم الله الازهر واتمنى ان عيش وادرك اليوم الذى تسمع فيه شكوانا ولا نظل نخاطب انفسنا ويكون لنا دور فى التغيير والتطوير للاحسن
أولا / شكرا على تقييمك للموضوع ، وقد يكون مقنعا لأني تفهمت تماما ما هو نظام التعليم الازهري ، واحساسي بشعور المئات من المعلمين الذين يعملون بالأزهر وليس اجتهادا شخصيا .

ثانيا / قد تحدثت عن عدم قدرة فهم بعض الموجهين الازهريين في تخصاصاتهم وبالتالي فيكون الناتج كما اشرتي اختي الفاضله * امتحانات بعضها بها اخطاء وهذا يحدث بنسبة كبيرة للاعتماد على موجه منفرد في وضع الامتحان ، طبعا لا يدرس المادة ولا حتى يفهم طبيعة التلاميذ ولا لديه القدرة على التمييز بين الاسئلة الصعبة و السهله .
اما عن ضياع الحصة من شيوخ بعض المعاهد فاللأسف فعقلية البعض كعقلية بعض موجهي المتابعة الشرعية التي تتدخل في موضوع الدرس و المصيبة أنه يعتقد انه افضل من المعلم نفسه في تخصصه و الادهى من ذلك ان تكون في نيت الغالبية منهم هو استعراض العضلات امام المعلم، وعلى العموم عادة ما يحرج نفسه ام الطلاب وخصوصا اذا كان المعلم متمكن من تخصصه و قوي الشخصية وهذا حدث معي كما ذكرت. فبفضل الله تقريبا لم يدخل عندي الا القليل جدا جدا من الموجهين وعادة ما كان يمضي ثم يمضي في طريقه دون السؤال عن شئ.

ثالثا / اما عن المجاملات والقرابه و المحسوبية كلها مرافات لشئ واحد وعلى الرغم من هذا يسير تقريبا في كل مصالح الدولة ومؤسساتها دون استثناء ولكن للأسف يكثر في الازهر وادارته وهذه ليست المشكلة الاساسية في الازهر ، الاهم من ذلك هو اختيار الادارة الصالحه التي تستطع اصلا ادارة عملية التقويم والادارة بصفة عامه ـ وهذه الادارة يفتقدها الازهر كثيرا كثيرا كثيرا..بل واغلبهم يفضل ان يطلق عليهم الادارة صورية فقط ولا يتدخل في شئ.

رابعا / وهي ملحوظة بسيطة : أنني لست قاهريا وانما ان من الصعيد مثلك تماما ، وعموما من وجهة نظري البسيطة أن البلد او المكان لا يختلف لأن العقل واحد والادارة واحدة وما سيحدث هنا ستجدي صورته هناك ، وبالتالي لا يوجد اختلاف بين القاهره او اي بلد كان في اقصى الجنوب..كل ما هنالك اختلاف اشخاص فقط.

وانا اتمنى مثلك ان ارى الازهر منارة في العلم ، و اقبال اولياء الامور بل وتكالبهم - ان صح التعبير - على التقديم لأبناءهم بالأزهر لقوة التعليم نظام التعلم به ، وهذا لن ياتي الا اذا صلحت الادارة و اخذت اراء العقول المستنيرة في الازهر وخبراء في نظم التعليم والتعلم.
شكرا لك

موضوع فى الصميم
يجب تثبيته لكى يقرأه الجميع
ليعلم الفضائح التى فى الأزهر
************
مع العلم أننى أزهرى من الحضانة إلى أن
تخرجت من الجامعة وأعمل بالأزهر حاليا ً
********************



شكرا أستاذي الفاضل على ردك و طلب التثبيت للموضوع
و الحمد لله فأنا لم اضع الموضوع من اجل شئ ولكن لاجل الاصلاح و عدم ضياع حقوقنا نحن المتعاقدين
اما عن كلمة فضائح فانا اختلف معك فيها ، فيفضل القول ان فشل نظام اداري وتعليمي في الازهر وبالتالي اذا صلحت الادارة وسياساته التعليميه فسيصلح حال الازهر وتعليمه

تم التثبيت للأهمية
تقبلوا مرورى

لا بد من الإضراب حتي يتم التثبيت

أخوانى المعلمين مهلا لابد أن ننشغل أولا بالعلم و كيفية الارتقاء به وقبل أن نأخذ لابد أن نعطى

لقد قلت ولخصت كل شىء , جزاك الله خير وأنا معاك وكمان زميلى معاك
لا تثبيت ..... لا تدريس

أخوانى المعلمين مهلا لابد أن ننشغل أولا بالعلم و كيفية الارتقاء به وقبل أن نأخذ لابد أن نعطى

اعطينا وسنعطي ولكن التثبيت أولا قبل أي شئ وقبل العطاء لابد من تحقيق العدالة الاجتماعية

السلام عليكم ورحمه الله وبركاته
اخى الغالى كاتب هذا المقال اريد ان اوضح لك عده حقائق هى
اولا هذا الكلام سمعته من 25 سنه وهى حمله ومعروفه ومعروف مصدرها ...نعم قد تكون تتحدث بحسن نيه وبدون غرض ولكنها حمله ينفذها وباقتدار اعداء هذا البلد على هذه المؤسسه التى كانت ولا زالت وستظل الدرع الحامى للاسلام شئنا ام ابينا وهذا هو هدفهم
ثانيا يا اخى انت تعمم وتسرد سلبيات هى موجوده فى المجتمع المصرى ككل وليست فى الازهر بمفرده ففى التربيه والتعليم يحدث الكثير والكثير....فى كل مصلحه بل فى كل كل مكان الفساد مستشرى واذهب الى اى مصلحه حتى وزاره الاوقاف او الصحه او اى وزاره او هيئه ستجد هناك من يعلنها لك صريحه ادفع بالتى هى احسن والقائمين على الازهر هم بشر وليسوا انبياء هم انا وانت وغيرنا ومنا المحترم ومنا من هو غير ذلك اذن هى طبائع وصفات سلبيه منتشره فى المجتمع ككل وليست فى الازهر بمفرده
تتحدث عن الموجهين فى الازهر( انا لست موجها) هل تعلم اخى ان الموجه فى التربيه والتعليم يبيع المدرسه للمدرس يعنى انت عايز تروح المدرسه دى تدفع مبلغ كذا هل يحدث هذا فى الازهر
ثالثاعلى مستوى المدرسين تتحدث حضرتك عن اعمال السنه ... اعمال السنه يا سيدى سيف مسلط على رقاب الاولاد اللى يدفع او يدخل المجموعه ياخد اعمال السنه واللى ما يدخلش ما ياخدش ومعلوم ان التعليم فى الازهر للفقراء من المسلمين غالبا
وبعدين حضرتك بتتهكم على مستوى المدرسين لا يا سيدى اللى عايز يجتهد بيجتهد واللى عايز يبتكر بيبتكر واللى عايز يبدع محدش ماسكه والكل يرى الطريقه التى تناسبه
رابعا بالنسبه لموضوع الغش اعتقد محدش يقدر يجبرك على انك تغشش انما المدرس هو اللى يراها طريقه سهله وبسيطه ودى العيب مش من الازهر لا دا عيب مدرسين وادارات.....
اقسم لك بالله ونحن فى شهر فضيل ذهبنا فى سنه من السنوات الى لجنه معهد فتيات مدينه نصر النموزجى( بالقاهره) ومجرد واحد من حبايبنا الخفاف اللى بتتكلم عنهم حاول انه يغشش بنت( حاول) وقف له الطالبات جميعا وعلى الفور اتصلت بنت بوالدها وده فى المشيخه اللى مش عاجبه حضرتك كان الاولى انه يثنى عليه ويقول له خللى بالك منها دى بنتى..... انما على الفور عمل له اخلاء من اللجنه.... اقول لحضرتك ايه الواحد كان ينام جوه اللجنه يا دوب يوزع الورق ويلم الورق..... وغيره الكثير والكثير من المعاهد
( بس بنظام ايه اما الزبد فيذهب جفاء واما ما ينفع الناس فيمكث فى الارض
الازهر بخير وسيظل بخير نعم هناك بعض السلبيات كما ان فى المجتمع سلبيات وفى التربيه والتعليم سلبيات اكثر من ذلك بكثير واخطر من ذلك قد تصل للزواج العرفى بين الطالبات والمدرسين وبعض المدرسين قبض عليه وهو مصور تلميذاته فى اوضاع مخله فى الجيزه
بلاش يا اخى احكى لك عما يحدث فى التربيه والتعليم اللى انت طاير بيها كده فانا بحكم انى اقوم بالتدريس لطلاب التربيه والتعليم اعرف عنهم الكثير .... شفت مدرس ازهرى بيشتغل مع بتوع التربيه والتعليم ومتفوق عليهم
خامسا يا اخى طالما ان الازهر بهذا السوء ومش عاجبك وانت متعاقد وسبق لك التعاقد فى التربيه والتعليم ولم تذكر لنا سبب تركك للتربيه والتعليم العسل وسكر دى وجيت ليه الازهر الوحش ده الغى تعاقدك وما تتعبش نفسك وارجع الى جنه التربيه والتعليم ففى اعتقادى اننى اعمل ما احب طالما ان هناك تعاقد فان كنت لا احب الغى هذا التعاقد وما اتعبش نفسى الا اذا كنت اريد التشويش على هذه المؤسسه الاسلاميه التى تحارب فى جميع الاتجاهات ما بين تدريس المذهب الشيعى ومابين الحرب الصليبيه ومساواه غير المسلمين بطلاب الازهر وما بين دخول غير المسلمين المعاهد والكليات الازهريه وما بين رفع تنسيق الازهر ليتساوى مع التربيه والتعليم وغيره الكثير والكثير لا يتسع المجال لذكره
اخيرا يا اخى ومعذره على الاطاله انا فى وجدانى ويقينى اننى ارتضيت بهذا التعاقد وبهذا المرتب من الاول ولم يعدنى احد انى سوف اقوم بتثبيتك بعد فتره....يبقى علشان ارضى ربى ويكون ما اتقاضاه حلال بدون رقيب اقوم بالعمل الجاد واحاول بشتى الطرق ان اوصل المعلومه للطالب..... يروح واحد يقول ايوه بس المرتب قليل..... يا اخى والله ان الله يبارك فى القليل طالما انك تبتغى مرضاه الله وهذا عن تجربه شخصيه معى ... على الاقل لايمرض اولادك فمعظم اللصوص الذين تحكى عنهم يذهب معظم دخلهم عند الاطباء او اولاد غير ناجحين يصرفون هذه المبالغ على البانجو والمخدرات
اخوانى قد لا يعجبكم كلامى ولكنه رأيى ولن احيد عنه واتمنى ان ارى صفحه معلمى الازهر بغير هذه الصوره انظروا واحد يطلق اشاعه فيه شهر مكافأه والكل يدخل ويشارك اين المصدر اين المصدر وكأنه سوف يموت لو ما صرفش الشهر
اتمنى ان يكون النقاش فى صفحه معلمى الازهر راقى ويليق بنا ويالازهر وكل عام وحضراتكم بخير واتمنى ان يتم التثبيت لكل زملائى الافاضل حتى يتفرغوا لبناء جيل مسلم قادر على حمل الرساله الساميه حتى يكونو بحق هم ورثه الامجاد المحمديه وتقبلو تحياتى والى الملتقى

السلام عليكم ورحمه الله وبركاته
اخى الغالى كاتب هذا المقال اريد ان اوضح لك عده حقائق هى
اولا هذا الكلام سمعته من 25 سنه وهى حمله ومعروفه ومعروف مصدرها ...نعم قد تكون تتحدث بحسن نيه وبدون غرض ولكنها حمله ينفذها وباقتدار اعداء هذا البلد على هذه المؤسسه التى كانت ولا زالت وستظل الدرع الحامى للاسلام شئنا ام ابينا وهذا هو هدفهم
يا أخي انا لم أقل ان الازهر كاسم هو العيب ولكن العيب في من يشغل ادارته ، والوهن والضعف الذي اصابه منذ 30 عاما حتى ان بعض المؤسسات الدينية الاخرى والتي قامت على الازهر في الاصل تفوقت عليه في كل شئ ، و عموما قد أصاب الوهن كل شئ في مصر ولكن كان لزاما على الازهر كقوة ان يواجه كل شئ ولا يتخاذل امام النظام وحكوماته ، اما عن قولك حملة واعداء ، فهذه للأسف قول شائع لدى الجميع حتى لا يتم اظهار الحقائق او توضيجها ، ولا شئ اسمه حملة وقد يكون ضعف الازهر في قراراته هو ما جعل الكل ممن تقول عليهم اعداء هم من يريدون اجهاضه كمؤسسة تعليميه ، ولا اختلف معك في ان الازهر درع للاسلام ولكن يجب ان يزال الصدأ من الدرع ليعود بقوته .

ثانيا يا اخى انت تعمم وتسرد سلبيات هى موجوده فى المجتمع المصرى ككل وليست فى الازهر بمفرده ففى التربيه والتعليم يحدث الكثير والكثير....فى كل مصلحه بل فى كل كل مكان الفساد مستشرى واذهب الى اى مصلحه حتى وزاره الاوقاف او الصحه او اى وزاره او هيئه ستجد هناك من يعلنها لك صريحه ادفع بالتى هى احسن والقائمين على الازهر هم بشر وليسوا انبياء هم انا وانت وغيرنا ومنا المحترم ومنا من هو غير ذلك اذن هى طبائع وصفات سلبيه منتشره فى المجتمع ككل وليست فى الازهر بمفرده
تتحدث عن الموجهين فى الازهر( انا لست موجها) هل تعلم اخى ان الموجه فى التربيه والتعليم يبيع المدرسه للمدرس يعنى انت عايز تروح المدرسه دى تدفع مبلغ كذا هل يحدث هذا فى الازهر
الفساد نعم مستشري في كل المؤسسات لكن عيب على الأزهر كمؤسسة دينية ان تصبح كذلك ، و لم أقل أن الموجهين تقبل مبالغ او خلافه فهذه تصبح نكبة ان حدثت في الازهر ولكن اكدت على ضعف بعض الموجهين في تخصصااهم بنسبة كبيرة جدا عن التربية والتعليم وبالتالي فالتوجيه في الازهر لا توجيه والقضية هنا مختلفة تماما وقد خلطت الاوراق اخي بقولك موجهين تاخذ مبالغ و يبيع نفسه او المدرسة.

ثالثاعلى مستوى المدرسين تتحدث حضرتك عن اعمال السنه ... اعمال السنه يا سيدى سيف مسلط على رقاب الاولاد اللى يدفع او يدخل المجموعه ياخد اعمال السنه واللى ما يدخلش ما ياخدش ومعلوم ان التعليم فى الازهر للفقراء من المسلمين غالبا
وبعدين حضرتك بتتهكم على مستوى المدرسين لا يا سيدى اللى عايز يجتهد بيجتهد واللى عايز يبتكر بيبتكر واللى عايز يبدع محدش ماسكه والكل يرى الطريقه التى تناسبه
قولك بان اعمال السنة سيف مسلط فهذه للأسف نظره سطحية جدا ، ومن الواضح انك لا تتابع انظمة التعليم في البلاد التي تريد ان تتقدم ، وان الاعتماد على درجة امتحان اخر العام - والتي حتى لا يقوم بها معظم تلاميذ الازهر نظرا للاعتماد على الغش - فقط كاسلوب للنجاح او الرسوب دون النظر لقدرات الطالب الشهرية وتقدمه فاللأسف أقولها لك مرة اخرى نظرتك ليست في محلها وضيقة جدا جدا ، وعن استغلال البعض لاعمال السنة وخلافه فهذا ليس عيبا في المعلم بقدر ما هو عيب في ادارة العملية بوضع ضوابط و ان درجة اعمال السنة ليست هي الاساس في نجاح الطلاب وانما هي فقط لتحفيز الطلاب على الجد والاجتهاد وقياس قدراته التحصيليه وتعويدهم على الاختبار النهائي كبروفا عملية ..واشياء اخرى ليس هناك مجال لذكرها وساترك لك سؤال زملائك عن اهمية اعمال السنة.
أما عن انك تقول اني اتهكم فلا سامح الله فقط عليك قراءة الموضوع جيدا ، وعن قولك اللي عايز يبتكر يبتكر فسأسألك سؤالا واحدا .. هل ترك تعليم الازهر الحالي - وليس الازهر - مجالا لكي يبتكر المعلم هل اعطى له المقومات ؟ كما انك اخي تناقض نفسك شكلا وموضوعا فقولك : اللي عايز يبتكر تناقض قولك ان اعمال السنة سيف مسلط..وببساطة لأن اعمال السنة مجالا للابتكار بالنسبة للمعلم والتميذ على جد سواء..ولا ايه رأيك.

رابعا بالنسبه لموضوع الغش اعتقد محدش يقدر يجبرك على انك تغشش انما المدرس هو اللى يراها طريقه سهله وبسيطه ودى العيب مش من الازهر لا دا عيب مدرسين وادارات.....
اقسم لك بالله ونحن فى شهر فضيل ذهبنا فى سنه من السنوات الى لجنه معهد فتيات مدينه نصر النموزجى( بالقاهره) ومجرد واحد من حبايبنا الخفاف اللى بتتكلم عنهم حاول انه يغشش بنت( حاول) وقف له الطالبات جميعا وعلى الفور اتصلت بنت بوالدها وده فى المشيخه اللى مش عاجبه حضرتك كان الاولى انه يثنى عليه ويقول له خللى بالك منها دى بنتى..... انما على الفور عمل له اخلاء من اللجنه.... اقول لحضرتك ايه الواحد كان ينام جوه اللجنه يا دوب يوزع الورق ويلم الورق..... وغيره الكثير والكثير من المعاهد
( بس بنظام ايه اما الزبد فيذهب جفاء واما ما ينفع الناس فيمكث فى الارض
الازهر بخير وسيظل بخير نعم هناك بعض السلبيات كما ان فى المجتمع سلبيات وفى التربيه والتعليم سلبيات اكثر من ذلك بكثير واخطر من ذلك قد تصل للزواج العرفى بين الطالبات والمدرسين وبعض المدرسين قبض عليه وهو مصور تلميذاته فى اوضاع مخله فى الجيزه
بلاش يا اخى احكى لك عما يحدث فى التربيه والتعليم اللى انت طاير بيها كده فانا بحكم انى اقوم بالتدريس لطلاب التربيه والتعليم اعرف عنهم الكثير .... شفت مدرس ازهرى بيشتغل مع بتوع التربيه والتعليم ومتفوق عليهم
قد أكدت قولي بقولك ادارات وهذا اهم ما في الامر ولو سالت نفسك من يدير ادارات الازهر ... فهل هذا يصح ؟
و كون الادارة فاسدة فالمعلم لو عارضها فسيكون في القائمة السوداء و كل ما يخطر ببالك من سوء قد تحدث لهذا المعلم وتقوم الدميا عليه ولا تقعد نظرا لعدم رضا الادارة الكريمة عليه ، ولتعلم اخي لو ان هناك معلمون يقومون بعملية التغشيش فاغلبهم لا يرضى من داخله الا من كبر وترعرع على هذه العملية و انا أقول اغلبهم.. وسأل بنفسك...
اما عن المثال الذي ذكرته اخي ..فطبيعة الفتاة ليست كالذكر ، و انا اؤكد لك ان معظم معاهد الفتيات لا يحدث بها غش الا القليل القليل..لكن هل معاهد الفتيات هي الاصل ..فقط اخبرني عن واقعه واحده لعدم الغش في معهد بنين..يا اخي بنسبة 99.9% من معاهد البنين ان لم يكن 100% تقوم في النجاخ على الغش ولو لم يتم الغش اؤكد لك ان نسبة النجاح لن تتعدى 10% فقط
اما عن اني طاير بالتربية والتعليم كما تقول ..فأقسم لك و انا في شهر رمضان انه قد يكون في الابتدائي بنسبة 50% وفي الاعدادي بنسبة 25% وفي الثانوية تقل النسبة لتكون معدومة ..وحتى ان كان هناك غش وهذا يحدث عن تجربتي الشخصية ، وتجارب زملائي من معلمي التربية والتعليم فالغش يكون عادة من قبل الطلاب وبعضهم وفي بعض اللجان ، ولكن غش من قبل معلمين بمعرفة الادارة بل و بطالبونك بذلك وغش جماعي حتى في الثانوية الازهرية و حتى في مواد شرعية الى كادة القرآن الكريم..فهذا شئ غريب جدا بل ومناقض.. واقسم لك انني في اول عام كنت راسما للازهر شئ عظيم في مخيلتي ولكن حينما طلب مني الغش ورأيت ما رأيت كأن جدارا نزل على دماغي ..للأسف مسألة الغش في الازهر اصبحت شئ طبيعي جدا كأنها من ضمن قواعد الامتحانات الازهرية مضاهاة بالتربية والتعليم والتي تخرجت منها بدون غش تماما ولا حتى محاولة البعض لان يغششني.

خامسا يا اخى طالما ان الازهر بهذا السوء ومش عاجبك وانت متعاقد وسبق لك التعاقد فى التربيه والتعليم ولم تذكر لنا سبب تركك للتربيه والتعليم العسل وسكر دى وجيت ليه الازهر الوحش ده الغى تعاقدك وما تتعبش نفسك وارجع الى جنه التربيه والتعليم ففى اعتقادى اننى اعمل ما احب طالما ان هناك تعاقد فان كنت لا احب الغى هذا التعاقد وما اتعبش نفسى الا اذا كنت اريد التشويش على هذه المؤسسه الاسلاميه التى تحارب فى جميع الاتجاهات ما بين تدريس المذهب الشيعى ومابين الحرب الصليبيه ومساواه غير المسلمين بطلاب الازهر وما بين دخول غير المسلمين المعاهد والكليات الازهريه وما بين رفع تنسيق الازهر ليتساوى مع التربيه والتعليم وغيره الكثير والكثير لا يتسع المجال لذكره
سأذكر لك لماذا تركت التربية والتعليم لسبب وجيه جدا لأن شهادتي هي العمل بمدارس اعدادية وثانوية وللأسف كان حظي السئ هو العمل بمدرسة ابتدائية فضلا على ان مرتبي تقريبا كان يضيع في المواصلات..
و لو كنت اعلم ما يحدث في الازهر وما عرفته اقسم لك اني كنت سأرضى بما انا فيه ولو بقرش واحد ولكن لما يعرفني و ينصحنى احد بما واجهته من نظام أأسف ان اقول فاسدا ، و تركت المعهد الذي عملت فيه لاول مرة وقتل يمكن حاله فقط ، الى معهد اخر لاجده أمر واسخم ، وقلت مفيش غير المدينة وسعيت للنزول لمعهد المدينة ولكن
...كالعادة...والان بعد وصلت الى ما انا فيه ادارة الازهر بضعفها وهوانها امام قوة التربية والتعليم لم تستطع حتى تثبيتنا ، ولا تبرر لنا لماذا التاخير على الرغم من الطلبات نفذت و قرار سابق صدر لكن للأسف قرارات بدون فهم ولا وعي ودراسة وتخطيط خاطئ يؤدي لفشل في كل شئ ، وحسبي الله ونعم الوكيل
وعن اتهامك لي بالتشويش..فالله يسامحك على ما قلته..ومن والواضح الاختلاط عندك في كل شئ والحرب التي تتحدث عنها
والعدو- ان كان هناك عدو - كما تعلمنا ياتي من شيئين : ضعف ارادة و عدم تخطيط ..
و القلعة الفولاذية مفتحة الابواب لن تغني شئ

اخيرا يا اخى ومعذره على الاطاله انا فى وجدانى ويقينى اننى ارتضيت بهذا التعاقد وبهذا المرتب من الاول ولم يعدنى احد انى سوف اقوم بتثبيتك بعد فتره....يبقى علشان ارضى ربى ويكون ما اتقاضاه حلال بدون رقيب اقوم بالعمل الجاد واحاول بشتى الطرق ان اوصل المعلومه للطالب..... يروح واحد يقول ايوه بس المرتب قليل..... يا اخى والله ان الله يبارك فى القليل طالما انك تبتغى مرضاه الله وهذا عن تجربه شخصيه معى ... على الاقل لايمرض اولادك فمعظم اللصوص الذين تحكى عنهم يذهب معظم دخلهم عند الاطباء او اولاد غير ناجحين يصرفون هذه المبالغ على البانجو والمخدرات
قد رضيت بالتعاقد الذي تقول عنه 5 سنوات متتالية ، ولو لم يصدر قرارات بالتثبيت لشيخ الازهر كما اصدرته التربية والتعليم لكنت ارتضيت ، ولكن من الذي نفذ قراره ومن الذي يقول ما لا يفعل..ولا تقول ليس بيده ، لكن ضعف شديد وتهاون وتخاذل امام مطلب حق
وعن قولك مرتب قليل وكثير فقد اختلط عليك ايضا الامر فالكل يتحدث عن التثبيت وانت تتحدث عن شئ أخر فمال التثبيت ومال الرضا بالمرتب والرضا بالقليل الذي تتحدث عنه ...فقط نطلب المساواه
وعن رفضي مع الجميع للتدريس بدون تثبيت ، فلا اعتقد أني ولا غيري ممكن يشاركني الرأي سيستطع الشرح بنفس ويوصل المعلومات كما تقول و الحق يضاع سنة بعد الاخرى ونوم مسئولي الازهر وتكاسلهم سيزيد لو اننا فكرنا كما تفكر ولابد للضغط

اخوانى قد لا يعجبكم كلامى ولكنه رأيى ولن احيد عنه واتمنى ان ارى صفحه معلمى الازهر بغير هذه الصوره انظروا واحد يطلق اشاعه فيه شهر مكافأه والكل يدخل ويشارك اين المصدر اين المصدر وكأنه سوف يموت لو ما صرفش الشهر
اتمنى ان يكون النقاش فى صفحه معلمى الازهر راقى ويليق بنا ويالازهر وكل عام وحضراتكم بخير واتمنى ان يتم التثبيت لكل زملائى الافاضل حتى يتفرغوا لبناء جيل مسلم قادر على حمل الرساله الساميه حتى يكونو بحق هم ورثه الامجاد المحمديه وتقبلو تحياتى والى الملتقى


كتابتي للموضوع ليس لاهانة احد فانا كالأخرين اصبحت معلما بالازهر وامنيتي كالاخرين هو رقيه واذدهاره و عدم دفن ارأسنا في الرمال كالنعام ، ولا اختلف معك في النظر عن مصدر الموضوع والتحقق منه
و اتمنى للازهر كما تمنيت بل ازيد
تحياتي،،

اجتمع يوم الاحد 14/8/2011 بقسم تفتيش الفشن معلموا مركز الفشن للاتفاق والتنسيق مع باقى المراكز من محافظة بنى سويف وذلك تمهيدا للثورة الكبرى الاولى يوم الاحد القادم 21/8/2011 امام المنطقة الازهرية ببنى سويف
وقد اتفق وفد منا نحن معلموا الازهر بالفشن بالذهاب الى باقى المراكز خلال هذا الاسبوع للتنسيق معهم للاعتصام المفتوح يوم الاحد القادم 21/8/2011 امام المنطقة الازهرية ببنى سويف
وهذه بعض ارقام تليفونات وفد مركز الفشن :
ا/احمد حسين 0119292322
ا/طه حسن 0141306074
فرجاء الاتصال بهم للتنسيق مع باقى مراكز محافظة بنى سويف

كذلك نرجو من السادة معلموا الازهر بالمحافظات الاخرى التنسيق مع كل مركز اولا ثم مع المحافظة ككل

وبذلك تصبح خطتنا الاعتصام كالتالى:

1-التنسيق بين معلموا كل مركز من المحافظة على حدة عن طريق الاتصال بالموبيل ثم الاجتماع
2-التنسيق مع مراكز المحافظة ككل وذلك بالاعتصام يوم الاحد 21/8/2011 كل امام منطقته الازهرية
3-التنسيق مع محافظات الجمهورية جميعا للتحضير لاعتصام امام المشيخة

اى ان الخطوة الاولى للثورة هى الاعتصام امام المناطق الازهرية فى كل المحافظات (متنسوش يوم الاحد القادم 21/8/2011 وهذم المدة لتجميع واعلام جميع المعلمين فى كل محافظة )
ون ثم فان الخطوة الثانية هى الاعتصام امام المشيخة وذلك بتحديد يوم معين

وهذه ارقام تليفونات السادة منسقى الاعتصام :
أسماء السادة منسقى إعتصام الاحد القادم 21/8/2011 أمام المناطق الازهرية نرجو التواصل معهم( الشرقية ) إبراهيم عطية 0128405584 محمد منعم 0112571750 محمد مسلمى 0147697572 محمد هادى 0111005781
( كفر الشيخ ) أشرف منصور 0105843634 عبد الباعث 0163397193 محمد رشدى 0107275769 مصطفى عمران 0167817893
(الجيزة ) الشيخ حلمى 0110236942
( المنوفية ) هانى عبد المنصف 0118018377 إبراهيم 0102615751
( الغربية ) سامى عبد الكريم 01524243724 محمد منير 0181918078 حمادة مجدى 0107355207 زيادة العجورى 0107859331 محمد عبد الحميد 0181776468

بور سعيد ) محمد سامى 01515809101
( دمياط ) أحمد مصطفى 0109375681
( الإسماعيلية ) محمود عكاشة 0143141392 مريم فتحى 0164534727
( القاهرة ) ياسر أبو الدهب 0170718097
( شمال سيناء ) عمرو يونس 0184405509
( البحيرة ) مجدى تركى 0191246910
( المنصورة ) محمود إبراهيم 0143368750 ياسين فكرى 0164047603 هانى البياع 0107289070 السيد سرور 01517746916 رمضان 0102349986

( المحلة الكبرى ) علاء رأفت 01299899039
( القليوبية ) نبيل أحمد السروجى 0144683741
( السويس ) باسم طه 0110674147
( الفيوم ) فرج فاروق 0112525309
( الدقهلية ) عمرو شوالى0173450839
( الإسكندرية ) ياسر أبو الدهب 0170718097
( القاهرة ) محمد سعد 0141511332

( سوهاج ) محمد على 0109215777 صابر الجمال 0124294911 ياسر أحمد 0143013005 أشرف باسم 0185474229 وليد زكى 0119288715 محمد عاطف 0147277114 محمد إسماعيل 01522301556 أشرف عبد الرازق 0141192852 محمد مصطفى 0124618033
( قنا ) محمد أحمد 0111569343 إسلام 0119492789 محمود حسن
01522499903
منسق جبهة معلمى الأزهر المتعاقدين بقنا الاستاذ محمد
0112569343


( المنيا ) محمد عبد الهادى 0114148312 ياسر الجندى 0120257100 أحمد إسماعيل 011573431
( أسوان ) محمد على 0109375847
( مطروح ) أحمد لحوتى 0104562008
( بنى سويف ) يسرى مصطفى 0186003878 علاء نجيب 0164055004


نرجو من السادة المعلمين وضع ارقام تليفوناتهم من كل مركز من كل محافظة لاعلام جميع المعلمين
ونرجو من جميع المعلمين المشاركة وابلاغ زملائهم لان هذه هى الفرصة الاخيرة



وبدات شرارة الثورة
وقفة احتجاجية لمؤقتى الأزهر للمطالبة بالتثبيت
الأحد، 14 أغسطس 2011 - 15:59
صورة ارشيفية
الدقهلية - محمد صالح وشريف الديب
(http://www.youm7.com/bookmark.php?v=20) (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
نظم عشرات المدرسين والعاملين المؤقتين بالمنطقة الأزهرية بالمنصورة وقفة احتجاجية اليوم للمطالبة بسرعة تثبيتهم.

وطالب المتظاهرون شيخ الأزهر بإلغاء شرط الحصول على شهادة ICDL واجتياز اختبارات الكادر والحصول على شهادة تربوية قبل تثبيت من مر على عملهم ثلاث سنوات ولم يكتف بشرط المدة فقط.

وقال أحد العاملين إن هذه الشروط لم ينص عليها قرار رئيس الوزراء الأخير بتعيين المؤقتين الذين مر عليهم ثلاث سنوات، وطالبوا بمعاملتهم مثل التربية والتعليم التى لم تضع أى شروط إضافية، وطالب العاملون رئيس الوزراء بالتدخل لاتخاذ قرار تعيينهم.




معلمو الأزهر يقطعون الشارع الرئيسى بأسيوط
الأحد، 14 أغسطس 2011 - 15:59
الدكتور أحمد الطيب شيخ الأزهر
أسيوط - ضحا صالح وهيثم البدرى
(http://www.youm7.com/bookmark.php?v=20) (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
قطع عدد من المدرسين المتعاقدين بالأزهر شارع الجمهورية الرئيسى بأسيوط، ووضعوا الحجارة بعرض الطريق لإجبار السيارات على التوقف، وذلك للمطالبة بالتثبيت واحتجاجا على عدم تنفيذ قرار رئيس الوزراء بتعيين كل من أمضى 3 سنوات بالعمل، أسوة بزملائهم فى التربية والتعليم.

ونشبت مشاجرات بين المتظاهرين وقائدى السيارات والمواطنين، حيث رفضوا ذلك التصرف الذى أوقف الحياة فى أسيوط، وطالب قائدو السيارات المحافظ بوضع حد لهذه التجاوزات التى باتت تؤرق أهالى أسيوط.


احتجاج أزهريى المحافظات المؤقتين على عدم تثبيتهم
الأحد، 14 أغسطس 2011 - 16:07
فضيلة الإمام الأكبر الدكتور أحمد الطيب شيخ الأزهر
محمد سليمان وجمال حراجى وهند عادل
(http://www.youm7.com/bookmark.php?v=20) (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
شهد عدد من المناطق الأزهرية اضطرابات بعد دخول الأزهريين فى اعتصام مفتوح على مستوى الجمهورية.

ففى كفر الشيخ، منع المعلمون المتعاقدون شيخ المنطقة الأزهرية من دخول مكتبه واحتجازه لمدة ساعتين، واضطر لمغادرة المنطقة وأبلغ مشيخة الأزهر بالحدث.

وأكد المعلمون أنهم لن يسمحوا بدخوله الأيام القادمة إلا بعد إصدار قرار من المشيخة بتثبيتهم لأن الوعود التى أطلقها شيخ الأزهر قبل ذلك لم يف بها ولن يثقوا إلا بقرار رسمى بين أيديهم.

وفى الإسماعيلية، شارك عدد من المعلمين الأزهريين بالإسماعيلية فى اعتصام الأزهريين خلف مجمع المحاكم تضامنا مع الاعتصام الأزهرى المفتوح على مستوى الجمهورية خلف مجمع المحاكم.

وفى الغربية، تجمع العشرات من المدرسين المؤقتين بالمعاهد الأزهرية أمام المنطقة الأزهرية بطنطا معلنين عن غضبهم الشديد من عدم تثبيتهم حتى الآن رغم أنهم يعملون بالمعاهد منذ أكثر من 3 سنوات.

ردد المتظاهرين العديد من الهتافات المطالبة بتوفير العدالة الاجتماعية لهم وتثبيتهم رافعين لافتات مدونا عليها "مدرسين الأزهر خارج نطاق الخدمة مؤقتا".


استمرار اعتصام معلمى الأزهر بكفر الشيخ (http://www.alwafd.org/أخبار-وتقارير/82633-استمرار-اعتصام-معلمى-الأزهر-بكفر-الشيخ)
[/URL]

استمرار اعتصام معلمى الأزهر بكفر الشيخ
كفر الشيخ - اشرف الحداد:
منذ 8 ساعة 57 دقيقة

واصل معلمو الحصة بالمعاهد الأزهرية بمدن وقرى كفر الشيخ الاعتصام بالمنطقة الأزهرية بالمحافظة
لليوم الرابع للمطالبة بالتثبيت , مؤكدين أنهم سيواصلون الاعتصام حتى يستجاب لمطالبهم
وكان المعلمون بالأزهر قد أعلنوا الخميس الماضي بدء اعتصامهم لحين الاستجابة لمطالبهم , وهددوا بعدم حضور امتحانات الدور الثاني للشهادتين الإعدادية والثانوية .
يقول احمد حمدان " لن نسمع كلام أي مسئول بفض الاعتصام هذه المرة لأن وعود مشيخة الأزهر وهمية ونحن نطالب بمساواتنا بمعلمي التربية والتعليم ".
وأضاف علي السيد معلم بالأزهر نريد مساواتنا بمعلمي محافظة الشرقية الذين وصل قرار تثبيتهم ونحن مصرين علي تنفيذ مطالبنا ولا نطالب بأكثر من حقنا , وكثرة وعود المشيخة البراقة التي لم يتحقق منها شيء هي التي دفعتنا لمواصلة الاعتصام .


اقرأ المقال الأصلي علي بوابة الوفد الاليكترونية [URL="http://www.alwafd.org/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1/82633-%D8%A7%D8%B3%D8%AA%D9%85%D8%B1%D8%A7%D8%B1-%D8%A7%D8%B9%D8%AA%D8%B5%D8%A7%D9%85-%D9%85%D8%B9%D9%84%D9%85%D9%89-%D8%A7%D9%84%D8%A3%D8%B2%D9%87%D8%B1-%D8%A8%D9%83%D9%81%D8%B1-%D8%A7%D9%84%D8%B4%D9%8A%D8%AE#ixzz1V2aArMLH"]الوفد - استمرار اعتصام معلمى الأزهر بكفر الشيخ (http://www.alwafd.org/أخبار-وتقارير/82633-استمرار-اعتصام-معلمى-الأزهر-بكفر-الشيخ)



وكذلك نرجو من السادة معلمى الازهر مشاركة زملائنا معلمى التربية والتعليم فى اعتصامهم امام مجلس الوزراء الاربعاء 17/8/2011 وبذلك تصبح المطالب
1-تطبيق الحد الادنى وحافز 200%
2-تثبيت المتعاقدين فى الازهر

نرجو من السادة المعلمين وضع ارقام تليفوناتهم من كل مركز من كل محافظة لاعلام جميع المعلمين
ونرجو من جميع المعلمين المشاركة وابلاغ زملائهم لان هذه هى الفرصة الاخيرة

نــــــــــــــدا هااااااااااااام
سوف ينظم اعتصام مفتوح يوم الاحد 21/8/2011 امام مشيخة الازهر وستكون الانطلاقة من جميع المناطق لاستيرداد حقوقنا المسلوبة وهناك لجنة تنظيمية ببني سويف تقوم بالتنسيق بين جميع المحافظات وهي مستعدة للتواصل مع الجميع
مصطفي عيد /0142466596
...احمد السروجي/0119292322
احمد عبد الحليم /0117155259
احمد ابراهيم /0111767228
محمود الجمل /0106913422
طة الغزالي /0141306074

أنا معاك فى كل اللى قلته ومتى يتغير الأزهر ( قيام الساعة ) ياريت هذا الكلام يصل لشيخ الأزهر لعمل سياسة جديدة تطور من أداء الأزهر ويغير من النظرة السيئة له

اللهم وفقنا الى ما تحبه وترضاه اللهم آمين

هراء هراء هراء

هراء هراء هراء
ما هو الهراء يا محترم ..من الواضح اما انك لست معلما بالازهر أو انك للأسف معلم بالازهر ولكنك لست حيا بالمرة