السلام عليكم و رحمة الله و بركاته
يا جماعة انا شايف ان الازهر الشريف و الدكتور احمد الطيب مهمشين دور المتعاقدين فى الازهر
و عشان كده يا جماعة انا من رأى المتواضع اننا لازم نبين لهم اننا قوة فى الازهر و ان العملية التعليمية تتعطل فى حالة اعتصامنا
عشان كده انا بقترح ان بعض الاخوة من معلمى اللغة العربية يكتبوا وثيقه بطريقة منظمة نقول فيها ان فى حالة عدم تثبتنا قبل بداية العام الدراسى هانقوم باعتصام مفتوح و مش هانطلع الفصول
طبعا يتم الكتابة بطريقه منظمة و بلغة عربية سليمة
و يتم نشرها على النت و يتم طباعتها و توزيعها على جميع معاهد الجمهورية و يتم توقيعها من قبل جميع المدرسين المتعاقدين و تقديمها لشيخ المعهد و رفعها لمديرين المناطق
عشان يعرفوا ان العملية التعليمية بالازهر الشريف بدون المدرسين المتعاقدين تعطل تماما
و الله الموفق
يا جماعة لو ماحصلش اى جدية و تكاتف بين جميع المتعاقدين عمرنا ما هانتثبت
شوفوا اخوانا فى التربيه و التعليم و فى جميع المؤسسات الاخرى
عايزين نبقى رجالة
مستنى الردود و التنسيق
فين يا جماعة الشغل هوه مفيش بينا مدرس لغة عربية عنده بلاغة فى الكتابة و لا ايه
انا سألت يا جماعة محامى و قالى ان القانون فى صفنا بس لازم نرفع اكتر من قضيه على الازهر
ربنا المعين