حبيبي متدين اوي..

ودي اكتر حاجة مخلياني احبه
بيصلي على طووول..
و لما يشوفني بكلم ولد..
بيزعقلي
ولما بيلاقيني لابسة لبس ضيق..
بيزعل مني
ولما يعرف اني خرجت بعد الجامعة..
بيقلب عليا جامد

ومش بيصالحني الا لما اتأسفله..
و اقوله ..خلاص مش هعمل كده تاني
حبيبي متدين اوي
مش بيسمح لحد انه يضايقني بكلمة
ومهتم بيا اوي
ولما بكون تعبانة شوية..مش بيعرف ينام بالليل

وبيتصل بيا كل 5 دقايق عشان يطمن عليا

حبيبي متدين اوي

وعدني انه اول ما يتخرج ..هييجي يتقدملي على طول ومش كلام بقى وخلاص زي كل الشباب مابيعملوا

لا..ده غيرهم كلهم


ده متدين اوي
وعمره ما ضحك عليا

بيقولي كل حاجة في حياته وانا بردو بقوله كل حاجة في حياتي لان احنا خلاص هنتجوز هو بس هيخلص جامعة وييجي يخطبني من بابا ماهو خلاص في اخر سنة


يعني هااانت

يعني حبيبك ده متدين؟

آاااااه طبعا


امال ازاي بيكلمك وهو اصلا الكلام بين الولاد والبنات حرام؟


ازاي متدين وهو بيقف معاكي في الجامعة؟

ازاي متدين ومش خايف عليكي و صاينك ؟

هو اللي بيصلي ويصوم ده بقى اسمه متدين؟


امال اللي بس اسمه مسلم في البطاقة ده بيعمل ايه؟

لا بس حبيبي متدين


بصي .. ربنا حرم العلاقات اللي زي العلاقة دي البنت ليها انها تقعد معززة مكرمة في بيتها وربنا بيرزقها باللي تستاهله فعلا


اللي بجد واخدها درة مصونة وهيحافظ عليها طول حياته

اللي لما يخطبها مش هيعمل معاها حاجة وحشة مش هيقف معاها في حتة لوحدهم لانه خايف عليها وخلوتهم دي هتبقى حرام هيتقي الله فيها..لانها هي اللي حمت نفسها بحجابها وأدبها


اللي هيشجعها تحفظ قرآن وتصلي


اللي هيطلع ولاده ناس تجاهد في سبيل الله وتخدم الامة


اللي هيرضي ربنا فيها في كل حاجة

هو ده اللي متدين هو ده اللي تستاهليه


مش اللي يخليكي ترخصي نفسك ابدا ابدا واللي هيجيلك بعد كده يطلعلك بأي حجة انه مش هينفع يتجوزك


يا اما بقى هيختفي من حياتك فجأة وانتي تنهاري وهو ولا شاغله

يا اما هيقولك بابا غصبني على بنت عمي


يا اما هيقولك بس اصل انا مش جاهز دلوقتي استني شوية عشان لما اجي لباباكي اشرفك والشوية دول مابيخلصوش


يا حبيبتي والله ماهو ده اللي هينفعك


اه هو بيبقى في وجهة نظرك كويس وانتي حباه جدا لكن ليه وانتي لو هو بردو اللي مكتوبلك هتبقي في بيت باباكي زي الملكة وهيجيلك بردو مش ان انتي لو قعدتي في البيت مش هتتجوزي لا بالعكس انتي هتتجوزي ..ومش اي جوازة كمان جوازة بجد تستاهليها

حبيبتي ربنا يرضى عنك..بلاش ده..بلاش


وربنا هيعوضك والله لأن من ترك شيئا لله عوضه خيرا منه

كلام جميل جداااااااا

جزاك الله خيرا
موضوع مهم جدا و اكثر من رائع

جزاك الله خيرا

كلام جميل جدا ومهم اوى
تقبلى تحياتى

ياريت الناس تفهم كدا

حلو اوي ممكن انقله على الفيس علشان ينتشر اكتر

جزاكي الله خيراااااا كلام من دهب والله

كلامك جميل جدا جزاكى الله كل خير

ياريت كل الاولاد والشباب يبقو زي حبيبك

بوصوا انا مش هقول حبيبي متدين ولا حاجه لا هو انسان ممكن يكون معتدل والله اعلم باللي جواه بس اقول لكم حاجه احنا بقالنا فتره بعيد عن بعض وبجد هو واحشني اوي اوي وبجد محتاجه له جنبي جدا ده اللي عايزه اقوله

ياريت كل الاولاد والشباب يبقو زي حبيبك

بوصوا انا مش هقول حبيبي متدين ولا حاجه لا هو انسان ممكن يكون معتدل والله اعلم باللي جواه بس اقول لكم حاجه احنا بقالنا فتره بعيد عن بعض وبجد هو واحشني اوي اوي وبجد محتاجه له جنبي جدا ده اللي عايزه اقوله
قرأتم الموضوع للأخـــر
...
؟؟؟

ااه قرانا للاخر بس انا بتكلم عن خطيبي عشان احنا فركشناا

جزاك الله خيرا

جزاكم الله خيرا وبارك فيكم ونفع بكم
....
سامحوني
انا أحبكم في الله لأنكم
اخواتــي وانا مرضاش لنفسي اني اعمل كده
ابتغاء مرضاه الله
وانا بحب ليكم ال بحبه لنفسي
ومن ترك شيئا لله عوضه الله خيرا منه

واسأل الله العظيم رب العرش
العظيم ان يجمعنا في ظل عرشه
يوم لا ظل الا ظله


في حفظ الله

هل يجوز طرح السلام و التحية بين الرجل و المرأة الأجنبيين؟؟؟ أعني السلام قولا ، دون مصافحة ؟؟


الإجابــة

الحمد لله والصلاة والسلام على رسول الله وعلى آله وصحبه أما بعد:

فالسلام بين الرجل والمرأة الأجنبية يسن إن كانت المرأة عجوزاً أو لا يشتهى مثلها، ويجب عليها رد السلام.


وأما إن كانت شابة، أو ممن يشتهى مثلها ويخشى الافتتان بها، أو يخشى افتتانها هي بمن سلم عليها فيكره إلقاء السلام عليها، وكذا رده منها.


وإلى هذا ذهب جمهور أهل العلم. وقالت الشافعية: يحرم على المرأة الشابة أن ترد على من سلم عليها.

ويجوز للرجل أن يسلم على جماعة النساء، وللرجال أن يسلموا على المرأة الواحدة عند أمن الفتنة.

ومما يدل على جواز السلام على المرأة العجوز، ما رواه البخاري عن سهل بن سعد رضي الله عنه قال: كنا نفرح يوم الجمعة.


قلت: ولم؟ قال: كانت لنا عجوز ترسل إلى بضاعة نخل بالمدينة، فتأخذ من أصول السلق فتطرحه في القدر، وتكركر (تطحن) حبات من شعير، فإذا صلينا الجمعة انصرفنا ونسلم عليها، فتقدمه إلينا فنفرح من أجله، وما كنا نقيل ولا نتعذى إلا بعد الجمعة.


ومما يدل على جواز سلام الرجل على جماعة النساء ما ورد في سنن أبي داود وابن ماجه عن أسماء بنت يزيد قالت: "مر علينا النبي صلى الله عليه وسلم في نسوة فسلم علينا".



والله أعلم.