"التعليم" تدرس زيادة حصص الإنجليزى والرياضيات لطلاب الإعدادية
تدرس الوزارة زيادة عدد فترات تدريس مادتى اللغة الأجنبية والرياضيات فى الصف الثالث الإعدادى إلى 3 فترات أسبوعياً بدلاً من فترتين ونصف أي يصبح للفصل الواحد 6 حصص

وفى الصفين الأول والثانى الإعدادى تبحث "التعليم" زيادة عدد فترات تدريس اللغة الأجنبية إلى 3 فترات أسبوعياً بدلاً من 2.5، ولكن مع تثبيت النهاية العظمى عند 60 درجة، وزيادة فترات الرياضيات من 2.5 إلى 3.

بدأ الضرب يارجالة
هذا الكلام من موقع اليوم السابع فى الساعة 4 عصرا الجمعة
يارب أشوف فيك يوم ياوزييييييييييييييييييييييييييييييييييييير

الحق يقال بالنسبة لنصف الفترة ليس لها لازمة و هذا جيد للاهتمام بالرياضيات و الانجليزى المهم عدم تزويد الكم فى المنهج الدراسى و يجب تقليله
لكن المشكلة فى العجز فى المدرسين دا فى بدايه العام الدراسى 2010/2011 يوجد مدارس بالكامل لم تاخذ حصة فى مادة الرياضيات حتى شهر 11/2010

أن أشجع ذلك ولكن زي ما حضرتك قولت سيكون هناك عجز كبير جدا وسيكون الحل أمام التوجيه بيه بأننا نتحمل هذه الزيادة بدون أجر .... يالا بالمرة علشان تكمل

يعنى هايزودولنا كمان ساعات اليوم الدراااااااااااسى ؟؟؟؟؟؟؟؟؟؟؟؟؟؟؟؟
على ايه يا ولااااااااد الــــــــــــــ
على الزيادة لرهيبة اللى بيدوهالنا ولا هايخدوا حقهم من الـ 25 % اللى طالعة من عنيهم
كل الناس زادت بادب واحنا مفيش زيادة وحتى الملاليم كمان هايشغلونا بيه

عاااااااااوز اشتم

طيب وياتري مع زيادة الحصص هيكون فيه حوافز لمعلمي الرياضيات واللغة الانجليزية و ولا نشتغل وخلاص بدون تقدير

قلبك أبيض وزي البفتة يامستر حامد
لأ طبعا هنشيل على قفانا وهنقول كمااااااااااااااااااان
طبعا بعد ما يلغو التعيين بالحصة أو المكافأة إعتمادا على إنهم هيوفروا إعتماد الحافز الهزييييييييييييييييل الجديد وبالتالي سيقولو : هنوفر فلوس إزاي للحصص الزيادة أو لتعيين مدرسين طول ما الوزير قرر إنه يديكو 25 % من جيبو
ده توقعي شخصيا ............... لكن عن نفسي لو وقفت فى هذا الصراع سيكون ردي بالرفض التام لأن أعمل بححص زائدة بدون أجر وقد فعلتها سابقا وكنت السبب فى تعيين زميل لي

المفروض كانت الزيادة للابتدائى لأن عدد الفترات 1.5 فترة والمنهج قوى على طفل ابتدائى ، يا ريت يبقى 3 فترات بدون زيادة المنهج