يا جماعة اللي مشي في إجراءات تغيير المسمي الوظيفي يقولي عمل ايه بالظبط
أنا معلمة لغة انجليزية اتعينت ابتدائي في 1/3/2011 ومؤهلي تربية عام (محافظة بني سويف)
أنا رحت المديرية قالي مدير شئون العاملين لما تستوفي شرط الأكاديمية نبقي نشوف:bosyht9::bosyht9:

احنا في البحيرة أعطونا استمارة تحتوي على الرغبات والبيانات وطلبو ا صور الشهادات مختومة وصحيفة أحوال وقرار القيام بالعمل ويا عالم هيعملوا معانا إيه؟؟؟؟؟

:006et4:تغير المسمى الوظيفى اسهل مما يكون وذلك عن طريق التوجه الى قسم الاحصاء والقيام بتعديل البيانات:006et4:

انا من كفرالدوار وفعلا وصل القرار الوزاري عندنا في ادارة المركز وطلبوا صورة من ( المؤهل / جواب التعيين أو صورة أخر عقد بالنسبة للمتعاقدين / اقرار القيام بالعمل /صحيفة الاحوال الالكترونية / بيان اجتياز الكادر لمن اجتاز ) وكل الصور دي مختومة صورة طبق الاصل في موعد غايته 21/8/2011 وبعد كده حيبقى فيه دورات تدريبية في الاكاديمية واللي هيجتازها يقدر يحول وكل سنة وكل المسلمين والمصريين بوجه عام بخير ورمضان كريم. لا تنسونا من الدعاء .

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية

شكرا لكل الناس اللي ردت علي
و يا جماعة لو في حد في محافظة بني سويف عمل هذه الإجراءات يقولي الزاي بالظبط لأنيمش عارفة أسأل فين وخايفة يكون ليها ميعاد يروح علي

لنا الله ، والله المستعان

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية
يا أخت أسماء من حقك طبعا تغيري مسمى وظيفي حتى لو امتحنتي الكادر ابتدائي لأن الاكاديمية حتعمل بعد كدة دورات تدريبية واللي حيجتازها حيحول ان شاء الله .واملنا في الله.

لو حد من سوهاج غير او مشى فى الإجراءات ياريت لو نتابع مع بعض حتى نمشى فى الخطوات مع بعض

يا أخت أسماء من حقك طبعا تغيري مسمى وظيفي حتى لو امتحنتي الكادر ابتدائي لأن الاكاديمية حتعمل بعد كدة دورات تدريبية واللي حيجتازها حيحول ان شاء الله .واملنا في الله.


بجد متشكرة على ردك اديتنى دفعة تفاااااااااااااااؤل وهروح اسال النهاردة فى الادارة يمكن يعملو حاجة كويسة مرة فى الحياة
ادعوووووووووووووووووووووولى يا جماعة

بيان مفردات مرتب المعلميين الجدد المثبتون سنه 2011

على الرابط
http://www.mediafire.com/i/?g9rewl6m9jhpc1a

بلا تعليم بلا زفت الطين
ضيعتنا ياجمال الدين

يا أستاذ / شعبان ابراهيم سالم
لو سمحت انت قدمت الطلبات دي فين لأني رحت عندنا النهاردة إدارة الدلنجات / بحيرة . وقالوا لي إن فيه استمارة مسمي وظيفي ومطلبوش مني الحاجات إللي انت قلت عليها دي بخصوص الصور طبق الأصل وقالوا لي إن الاستمارة حتروح في البريد علي المدارس . لو سمحت قول لي علي اللي انت عملته بالضبط خطوة خطوة .:078111rg3:

على الرغم من الطلبات التي تقدم والأوراق المطلوبة إلا أن المديريات متعنتة وترفض تنفيذ قرار السيد الوزير رقم 275/2011 بإحقية تغير المسمى الوظيفي
فياريت اللى عنده أي أخبار في المديريات بتنفيذ القرار يبلغنا لكي نشتهد به أمام المديريات الآخري
فأنا اتبع مديرية التربية والتعليم محافظة الجيزة التي لا تشعر بأي مسئولية وترفض تنفيذ القرار

فياريت اللى عنده أي أخبار في المديريات بتنفيذ القرار يبلغنا لكي نستشهد به أمام المديريات الآخري

يا جماعة انا اتعينت ابتدائى وامتحنت ابتدائى والمؤهل اعدادى القرار دة من حقى ولا لا ولو من حقى همتحن تانى اعدادى ولا ايية

الأخت أسماء أنا من السويس وعندى نفس مشكلتك وعاوزين نجمع عدد كبير حتى نذهب للمديرية ويسمعوا لنا لأنهم بينكروا و بيقولوا مش من حقكم . الرجاء التواصل حضرتك مدرسة إيه ؟

يا أستاذ / شعبان ابراهيم سالم
لو سمحت انت قدمت الطلبات دي فين لأني رحت عندنا النهاردة إدارة الدلنجات / بحيرة . وقالوا لي إن فيه استمارة مسمي وظيفي ومطلبوش مني الحاجات إللي انت قلت عليها دي بخصوص الصور طبق الأصل وقالوا لي إن الاستمارة حتروح في البريد علي المدارس . لو سمحت قول لي علي اللي انت عملته بالضبط خطوة خطوة .:078111rg3:

أستاذ /أيمن الشابوري , بعد السلام عليكم , أولا انا اسمي هشام شعبان . بالنسبة لاستمارة المسمى الوظيفي لو حضرتك جيبتها وقرأتها حتلاقي الاوراق اللي انا قلت عليها مكتوبة فيها وانا صورتها بالموبايل ومرفقها في هذه المشاركة لتتاكد بنفسك وبعد ماتجيب هذه الاوراق وتختمها صورة طبق الاصل تسلمها الى مسئول التنسيق عندكم ولو سيادته معندوش فكرة عن كدة قول له في كفرالدوار عملو كدة أو تروح بنفسك تسلمها في دمنهور في المديرية ولو في اي استفسار اتصل بي على 0128598798

ربنا يكرمكم ، وبالتوفيق

ربنا يسهل لية كل التعقيدات دى

سؤال للاستاذ هشام شعبان هل هيتم توذعنا فى ادارات البحيرة من جديد أرجو الرد

الأخت أسماء أنا من السويس وعندى نفس مشكلتك وعاوزين نجمع عدد كبير حتى نذهب للمديرية ويسمعوا لنا لأنهم بينكروا و بيقولوا مش من حقكم . الرجاء التواصل حضرتك مدرسة إيه ؟
انا رحت المديرية وقدمت طلب لمدير شئون العاملين واول ما شافة كأن فى زلزااااااااال وكل واحد يحدفك للتانى على العموم خليكى متواصلة معايا اعتقد انك انجليزى لان المشكلة دى تخص اللغة الانجليزية بس فانا هحاول اجمع زمايلى وانت كمان ونتفق على يوم ونقابل المدير العام بس الخوف من التوجية ردى عليا عشان نحدد يوم

أستاذ /أيمن الشابوري , بعد السلام عليكم , أولا انا اسمي هشام شعبان . بالنسبة لاستمارة المسمى الوظيفي لو حضرتك جيبتها وقرأتها حتلاقي الاوراق اللي انا قلت عليها مكتوبة فيها وانا صورتها بالموبايل ومرفقها في هذه المشاركة لتتاكد بنفسك وبعد ماتجيب هذه الاوراق وتختمها صورة طبق الاصل تسلمها الى مسئول التنسيق عندكم ولو سيادته معندوش فكرة عن كدة قول له في كفرالدوار عملو كدة أو تروح بنفسك تسلمها في دمنهور في المديرية ولو في اي استفسار اتصل بي على 0128598798

لو سمحت يا استاذ هشام انت امتحنت الكادر على اية من فضلك اشرح ظروفك وقولنا على المرحلة عشان نستشهد بيكو عندنا ارجوك وضح الامور لان مديريتنا مصممة على ان الكلام دة للى امتحن كادر اعدادى بس وان لازم اجتاز دورات وامتحان طيب مش القرار دة عشان يرشحونا للدورات والامتحان ولا اية

انا كمان يا جماعة مثل الاخت اسماء بس ادارة المطرية محافظة القاهرة وعندى نفس المشكلة مش عارفة اروح فين او اعمل ايه علشان اغير المسمى الوظيفى يعنى اسال فى الادارة مين فارجو المساعدة

يا ريت يا جماعة لو حد يعرف الاقى الكلام ده عند مين يقولى وجزاه الله كل خير

سؤال للاستاذ هشام شعبان هل هيتم توذعنا فى ادارات البحيرة من جديد أرجو الرد

أستاذ / محمود انا سمعت انهم حيوزعونا على الادارات اللي فيها عجز خاصة اذا كان تخصصك فيه عجز في هذه الادارة, والله أعلم ودي صورة من القرار الوزاري .تقبل تحياتي.

لو سمحت يا استاذ هشام انت امتحنت الكادر على اية من فضلك اشرح ظروفك وقولنا على المرحلة عشان نستشهد بيكو عندنا ارجوك وضح الامور لان مديريتنا مصممة على ان الكلام دة للى امتحن كادر اعدادى بس وان لازم اجتاز دورات وامتحان طيب مش القرار دة عشان يرشحونا للدورات والامتحان ولا اية
يا أخت أسماء أنا أداب انجليزي2001 ومعايا دبلومة تربوي وعقدي مرحلة ابتدائية وامتحنت الكادر على ابتدائي واتعينت 20/7/2011 . وبعدين حتى المعينين من زمان في ابتدائي أو اعدادي وعايز ينقل مرحلة اعلى له الحق في هذا القرار الوزاري وانا مصور هذا القرار ومرفقه في هذه المشاركة. وتقبلو تحياتي

انا رحت المديرية وقدمت طلب لمدير شئون العاملين واول ما شافة كأن فى زلزااااااااال وكل واحد يحدفك للتانى على العموم خليكى متواصلة معايا اعتقد انك انجليزى لان المشكلة دى تخص اللغة الانجليزية بس فانا هحاول اجمع زمايلى وانت كمان ونتفق على يوم ونقابل المدير العام بس الخوف من التوجية ردى عليا عشان نحدد يوم

فعلا أنا إنجليزى و قدمت أنا وزملائى طلب للتوجيه كذا مرة لكن تجاهلنا و طلعوا غيرنا للإعدادى لكن المرة دى مش هنسكت ومش هنسيب حقنا . حضرت الطلب و عملت طلب جماعى كمان موقع من زملاء كثير لتغيير المسمى . وغدا الثلاثاء سنتوجه مع بعض الزملاء للمديرية لمقابلة أستاذ جمال باشا ثم وكيل الوزارة لو إستدعى الأمر . لو تحبى تنضمى وزملائك بكرة الساعة 9 صباحا . وربنا يوفقنا

اخبار الدقهلية ايه

يا جماعة ساعدوني أرجوكم
أنا مدرس فصل ابتدائى وتخصصي لغة عربية وعايز أحول من مدرس فصل لمدرس مادة اللغة العربية
أرجوكم أخبروني ،،، يجوز اني أحول ؟؟؟؟؟
ولو يجوز ،،،،،،،،، ايه الخطوات اللي أقوم بيها ،،،،
أرجو مساعدتى بالمعلومة ،،،،،
وجعل الله أعمالكم في ميزان حسناتكم ،،،،،،

الاخت رانيا انت فيييييين

ارجوكى يا اخت رانيا قولىلى عملتو اية

ربنا يسهل ونغير المسمى الوظيفى يبقى ولا حد ادنى ولامسمى وظيفى امال لاهنشتغل ازاى والواحد نفسه مسدودة عن التعليم حرام عليكم الللى بتعملوه فينا دة والله حرام

ارحمونا يرحمكم الرحمن اقروا الحدالادنى بعيدا عن الكادر اللى انضحك علينا فيه والله انضحك علينا فيه

يا جماعة ساعدوني أرجوكم
أنا مدرس فصل ابتدائى وتخصصي لغة عربية وعايز أحول من مدرس فصل لمدرس مادة اللغة العربية
أرجوكم أخبروني ،،، يجوز اني أحول ؟؟؟؟؟
ولو يجوز ،،،،،،،،، ايه الخطوات اللي أقوم بيها ،،،،
أرجو مساعدتى بالمعلومة ،،،،،
وجعل الله أعمالكم في ميزان حسناتكم ،،،،،،
يا أخي العزيز القرار الوزاري موجود فيه انه يحق لمدرس الفصل ان يحول لمدرس مادة طالما تخصصه ينفع لتدريس هذه المادة وهذه صورة من القرار الوزاري بس هي مش واضحة شوية أتمنى ان تعرف تقرأها . وشكرا .

بالنسبة لأخي العزيز عماد أبو علي هذه صورة من النشرة اللي وصلت الادارة في كفرالدوار - محافظة البحيرة , أتمنى أن تفيدكم في الاسكندرية , تقبل تحياتي.