عرض وائل الإبراشي بكل وضوح فضائح وزارة التربية و التعليم وواجه بها الوزير ولو كان الإبراشي مؤهلا مسبقا لحضور المظاهرة لظهرت فضائح أكثر لكن واضح إن الوزير كان يحاول أن يتماسك حيث بدا عليه التوتر و ربما كاد أن يحتد على الإبراشي عندما وصفه بصديق جمال مبارك و عضو لجنة السياسات
باقي مجلس الوزراء و وزير المالية لازم الضغط
لأن اليابان أعطت المدرس أعلى مرتب و منحته حصانة دبلوماسي و شوفنا المستشارة الألمانية كيف رفضت مساواة القضاة بمرتبات المعلمين


ما زال الوزير يردد نشيد العهد البائد الوزارة وزارة مستهكلة ليه هو العقول اللي بتنتج دي بحشيها زلط و لا محشي
يا راجل إذا اقتنعت أنت بأن وزارة التربية و التعليم هي خير وزارة منتجة لآرتفع شأن المعلم
عاوزين وزير يقنع مجلس الوزارء و يغير فكرهم إننا وزارة منتجة من غيرها يعرفونا مين هيخليهم يفك الخط يا دكاترة
و لا كل وزير اتولد لقى نفسه دكتتتتتتتور جامعة زلط

شكرا للاخ اللى كتب الموضوع
وكل الشكر للاستاذ وائل الابراشى اللى حرج الوزير الهمام
واعدكم انى ناول للوزاره الاربعاء القادم
ولازم كلنا ننزل لازم ضغط مش كفايه كلام دى حقوقنا ومحدش هيجبهلنا الا احنا

فعلا حلقة نارية اثلجت صدور جموع المعلمين فشكرا لوائل الابراشي وياريت ياجماعة اللي شاف الحلقة يكسر الخوف اللي جواه ومنزلش معانا الاربعاء الماضي ينزل الاربعاء القادم 17-8 امام مجلس الوزراء الساعة العاشرة صباحا

وفعلا اعترف انة كان بلجنة السياسات بعدما احرجة الابراشي

ثم انكر انة كان من مؤيدي جمال مبارك للحكم


!!

هههههههههههه

الناس اللى بيقولوا حلقة نارية أكيد ماشافوش الحلقة كويس

لأن السيد / وائل لم يستطيع إدارة اللقاء كما ينبغى

أولا / لم يتطرق لمـــاذا يتم إمتجان المدرسين عند الترقية مادام الكادر حافز

ثانيا ً / ليه الديوان بياخد المكافأة للديوان 900 يوم و المعلم 200 يوم فقط

ثالثا ً / إعترف بالرسوب الوظيفى و لكن الحل غبى ( مضيعة للوقت و إلهـــاء للمعلمين )

و أقترح فى هذه النقطة بالذات

إعادة التسكين حسب عدد سنين الخبرة مع مراعاة الجزاءات الواقعة على المعلم
مش يضحك علينا و يقول هنبداء بـ 8 سنوات وبرصه هايحافظ على الرسوب الوظيفى


نفسى واحد يمسك الوزارة يكون فاهم

أو واحد يحاور فى برنامج تلفزيونى يكون فاهم

إمال قال لهم روحوا للقضاء علشان تاخدوا الحوافز ليـــه !!!!!!!!!!!!!!!!!!!!!!!!!!!!!!!!!!!!!!

علشان لسه مافهمش !!!!!!!!!!!!!!!!!!!!!!!!!!!!!!!!!!!!!!!!!

و المكافأت الخرافية للديوان ليـــه عملوا للتعليم إيـــــــه

مادام كان من لجنة السياسات أكرم له يستقيل بدلآ ً من أن يقـــال

مدام الميزانية جات عند المعلمين و ماتسمحش أكرم له يستقيل بدلآ ً من أن يقـــال

هذه الحلقة رغم قلة ما تناولته من أخطاء الوزارة إلا أنها أقوى حلقة عرضت بالتليفزيون لأنها واجهت الوزير بأخطاء الوزارة و أصابته بالارتباك
لأني تابعت كل الحلقات و البرامج التي استضافت الوزير من قبل و أخرهم الحلقة اللي كانت فيها المذيعة حريصة على تناقش الوزير في مصاريف المدارس الخاصة و الدولية و كان ناقص تقوله مش عارفة أطبخ إزاي و كانت حلقة متزبطة حرقت دمنا كلنا ليلة امتحان الثانوية

ممكن رابط الحلقه امشاهدتها