انا 3 ثانوى ادبى جبت مجموع اعتبارى بأضافة درجات اللغة الأولى مرة اخرى طلع مجموعى 400 ومجموع تجارة انجليش حلوان الاعتبارى 398 وبنها 391.5 يعنى انا جايب مجموع حلوان بس برضو التنسيق ودانى بنها معرفش لية
عملت شكوى قالولى استنى تحويل تقليل اغتراب
بس متهيقلى دة حوار واحتمال يقبلو واحتمال يرفضو
وانا اساسا جايب مجموع الكلية يبقى اعمل لية تحويل تقليل اغتراب ويا اتقبل يا اترفض
ممكن لو سمحتم حد يقولى اعمل اية قبل ما اتسحل بنها

ممكن تكون وانت بترتب أول مره عملت بنها قبل حلوان ودى كانت المشكله والله أعلم

انا مش سبب المشكلة الى هاممنى انا الى محتاج اعرفة اقدر اعمل اية عشان احول ؟؟؟؟؟؟؟؟؟؟؟؟؟؟

استني تقليل الاغتراب وشوف .. بس لو انت ساكن في نطاق جامعة حلوان ان شاء الله هاتتقبل

وماتسكتش على اللى حصل دا .. خليك وراهم وافضل زن واقرفهم

يا اما بقى ممكن تعمل حركة كدا بس دي انا مش متاكد منها وهل هما هايسمحو بيها ولا لاء

وهوا ان في حالة انك يأست خالص .. ممكن تحول لكلية غير مناظرة وليكن مثلا اداب

وبعد كدا تحول لكلية غير مناظرة تانى وهيا انجليش حلوان

بس انا مش متأكد من الحوار دا بصراحة .. لازم تروح مكتب التنسيق وتعرف الحوار كله بالتفصيل الممل

عشان الحاجات دي ماينفعش تمشي فيها على عماك لان دا مستقبلك