هاجر آياتى
13-08-2011, 06:07 AM
السلام عليكم
ياجماعه انا كنت عايزه اعرف افضل قسم فى هندسه وبردو كنت عايزه اعرف معلومات عن هندسه طيران وهندسه طبيه وهندسه اتصالات وايه افضل قسم فيهم مع العلم ان انا تانيه ثانوى وجايبه 92.5 انا ممكن الحق هندسه؟
بس كنت عايزه اعرف اكتر عن هندسه طيران
Amr Eltaweel
13-08-2011, 07:26 AM
الاول ربنا يوفقك السنة دي ان شاء الله وتعملي سكــور عالي :)
اكيد ان شاء الله لو شديتي شوية هتجيبي هندسة بس مظنش هتكون القاهرة او عين شمس للأسف لأنها عالية وهتبقا اعلي علي سنتكوا :(
المهم انها هتجيلك هندسة او حاسبات او تخطيط عمراني
...
هندسة الطيران مش موجودة ف مصر الا حاجتين بس
معهد الطيران العالي ف امبابة مصاريفه سنويا 11000 جنيـه و قسم هندسة الطيران دا موجود عندنا ف هندسة القاهرة ودا طبعا اكتر قسم معقد ف هندسة كلها
...
احسن الاقسام بالنسبة للبنات هي عمارة او طبية او كيميائية (بيسموها عندنا قسم الكعب العالي) ;)
لأن مفيهاش حركة وبهدلة كتير .. علي عكس الميكانيكا او الطيران او المدني او الباور او الميكاترونيكس
...
لو في اي استفسار اتفضلي ,,
issac-newton
13-08-2011, 12:48 PM
مش هزود على كلام باش مهندس عمرو , بس زعلت منو انو اهلاوي .
هاجر آياتى
13-08-2011, 04:08 PM
الاول ربنا يوفقك السنة دي ان شاء الله وتعملي سكــور عالي :)
اكيد ان شاء الله لو شديتي شوية هتجيبي هندسة بس مظنش هتكون القاهرة او عين شمس للأسف لأنها عالية وهتبقا اعلي علي سنتكوا :(
المهم انها هتجيلك هندسة او حاسبات او تخطيط عمراني
...
هندسة الطيران مش موجودة ف مصر الا حاجتين بس
معهد الطيران العالي ف امبابة مصاريفه سنويا 11000 جنيـه و قسم هندسة الطيران دا موجود عندنا ف هندسة القاهرة ودا طبعا اكتر قسم معقد ف هندسة كلها
...
احسن الاقسام بالنسبة للبنات هي عمارة او طبية او كيميائية (بيسموها عندنا قسم الكعب العالي) ;)
لأن مفيهاش حركة وبهدلة كتير .. علي عكس الميكانيكا او الطيران او المدني او الباور او الميكاترونيكس
...
لو في اي استفسار اتفضلي ,,
شكرا على المساعده
بس انا عندى سؤال تانى هو قسم هندسه طيران انا لو لحقت هندسه فى اى مكان بعد سنه اعدادى ممكن احول القاهره قسم هندسه طيران ؟ وهندسه طيران ليها بعد كده مستقبل ولا ايه واللى ليها مستقبل اكتر بعد كده (هندسه طبيه ولا اتصالات ولا طيران ) اىا كان فيها بهدله
وشكراااااااااااااااااااااااااا
اكسيد امل
13-08-2011, 09:38 PM
ايه انت زملكاوي الله عليك هو دا الكلام
Amr Eltaweel
14-08-2011, 03:32 AM
اكيد ان شاء الله تجيبي تقدير وتيجي القاهرة
خصوصا ان ف قواعد التحويل بعد اول سنه انك لازم تحولي لقسم ميكونش موجود ف كليتك وزي ما قولتلك ان الطيران مش موجودة غير ف القاهرة بس
.........
ايه يا جدعان ماله الاهلي مش احسن م النادي اللي مش لاقي فلوس لعمال غرف الملابس
Engineer ..
14-08-2011, 08:01 AM
على فكرة أكتر قسم فيه شغل
هو
مدني
واللي مش هيدخل مدني هنفخه
جمال الزمامرى
14-08-2011, 11:13 AM
طاب انا فى هندسة منوف ممكن احول بعد الاعدادى لهندسة القاهرة لما ربنا يكرمنى ان شاء الله واجيب تقدير كويس واخش قسم هندسة طيران فى هندسة القاهرة ولا لا 000000000000
ارجوووووو الرد السريع لو سمحت يا بشمهندس وجزاكم الله خيرا
adel hasan
14-08-2011, 10:47 PM
على فكرة أكتر قسم فيه شغل
هو
مدني
واللي مش هيدخل مدني هنفخه
تمام كدة أنا متفق معاك تماما ................ مدنى هو أكتر قسم شغال وفى الأول وفى الآخر الرزق بالله
issac-newton
14-08-2011, 11:15 PM
صباحو زمالك باشمهندسة امل .
المهم , ربنا يوفقنا جميعا
هاجر آياتى
01-11-2011, 08:09 PM
[.................................................. ..............................
omardida
24-11-2011, 09:47 PM
الاول الف مبروك على النجاح فى الثانوى وعقبال النهائيه بتاعة تالته ان شاء الله
هقولك حاجه بسيطه تشجعك كده
اعز اصدقائى كان من كام سنه فى تانيه ثانوى زيك كده وجاب 90% كله قال قدر الله وماشاء فعل وشد حيلك تجيب زيهم تلحق حاسبات اهو برضه كويسه وساد بيته سواد شديد وتشائم محقق يعنى
باختصار كده هو قرر يدخل هندسه ومش اى هندسه قااااااااهره تحديدا والله جاب 100 % فى تالته والحمد لله ربنا وفقه وخدى بالك هو مشواره كان اصعب منك كتير مطلوب منه مجموع عااااالى وروح معنويه قويه بعد احباط تانيه
وهو دلوقتى مهندس اتصالات قد الدنيا
انتى بس شدى حيلك ومتفوتيش ربع درجه منك وان شاء الله يجازيكى ربنا خير وتحققى حلمك
انا طبعا مش هضيف حاجه على اساتذتى اللى سبقونى بس ان هندسة طيران يعنى من اعلى العلوم الهندسية تعمقا وتشويقا وتوسعا يعنى لو بتحبى المجال ان شاء الله هتكون الدراسه امتع هواياتك لان بينى وبينك حلمى وامنية حياتى
بصرف النظر عن مجال الشغل المحدود يعنى اللى دايما بسمع عنه بس مهندس الطيران افضل مهندس ميكانيكا باور و اقوى فى المجال ده وكمان ممكن يكون فى الكنترول او الاليكترونيكس بس مش بتوسع يعنى قدامه فرص كتير وكمان القسم بيخرج من 70 ل 80 حد اقصى يعنى وهو الوحيد فى مصر تقريبا ف مميزاته كتيييييييير وانصحك تفكرى وتبحثى بنفسك وتقررى بس مش دلوقتى ان شاء الله لما تعدى اعدادى كده وتكون فكرك النهائيه اتحددت كمان واجب عليا اقولك زى البشمهندسين ما قالوا انو صعب شويه للبنات وحاولى تتعرفى اكتر على طبيه واتصالات لانها اقسام لا تقل اطلاقا عن طيران بس المهم ميولك وقدراتك
وتانى مره الف مبروك يا بشمهندسه مقدما ومتنسيش شيكولاتة النجاح ان شاء الله :av4056bb7jp3:
the lovely
09-12-2011, 03:24 PM
هاى انا محمد جبت 91% و انشاء الله هاجيب اعلي من كيده في ثالثه ثانوي و كان نفسي اخوش هندسه و هاينفع ولا و كنت عاوز اغرف هو معهد طيران امبابه تبع طيران القاهره او بيعادله و لما اتخرج منه انشاء الله يكون معايا شهاده من جامعه القاهره ولا
بخيت حسن
15-10-2017, 09:29 AM
مذكرة قياسات أولى هندسة قسم اتصالات
مهندس مصرى
28-12-2018, 08:59 PM
السلام عليكم
ياجماعه انا كنت عايزه اعرف افضل قسم فى هندسه (https://www.petro4us.com/2018/01/schlumberger.html) وبردو كنت عايزه اعرف معلومات عن هندسه طيران وهندسه طبيه وهندسه اتصالات وايه افضل قسم فيهم مع العلم ان انا تانيه ثانوى وجايبه 92.5 انا ممكن الحق هندسه؟
بس كنت عايزه اعرف اكتر عن هندسه طيران
والله انا من وجه نظرى ان انتى تركزى فى الثانويه العامه ولاتشتتى نفسك بما هو اتى لان دى حاجه علمها عند الله يعنى مثلا انا خريج هندسه بترول 2014 الناس كلها كانت بتقولى افضل قسم هندسه البترول ووقتها فعلا كان الناس كلها شغاله وزى الفل دلوقتى انا داخل على 2019 بدون عمل وشغال مهندس سيفتى فكل حاجه بتتغير من وقت لوقت ومن زمان لزمان