Sharp Nails
21-01-2008, 08:36 PM
الاول انا بصراحة كنت محتاسة احط الموضوع دة فين
واخيرا قررت انى احطه هنا
يا شعبى يا حبيبى يا روحى **********يا حطك فى جيبى ياابن الحلال
يا شعبى يا شاطر يا جابر الخواطر********يا ساكن المقابر يا صابر وعال
يا واكل سمومك يا بايع هدومك*********يا حامل همومك وشايل جبال
يا شعبى يا الى هايم ونايم وسارح*********وفى الفقر عايم وحالك دة حال
احبك محشش,مفرفش,مطنش*********ودايخ مدوخ واخر انسطال
احبك مكبر دماغك مخدر*********ممشى امورك كدة بالهبال
ارجوا ان تنول اعجابكم
ياااااااااااااااارب
.. Mysterious ..
21-01-2008, 08:41 PM
بجد موضوع جميل
بس اكيد اللى مألفه واحد بيشرب حشيش ((لانه ذكر الحشيش فى الابيات السابقه))
بس بجد ينفع مزوله جميله
شكرا يا ملك مرة اخرى على الابيات الحلوة دى
Sharp Nails
21-01-2008, 08:45 PM
شكرا على المرور يا سنيبر
وعندك حق الى الفه واحد محشش
نوع جديد اسمه
شعبى
هههههههههههه
aysel
21-01-2008, 08:54 PM
ارجو منكم جميعا الدعاء لاهل غزة بان يرفع الله عنهم الحصار
Sharp Nails
21-01-2008, 08:55 PM
اميييييييييييييييين
هو انتى فلسطينية؟؟؟؟؟؟؟؟؟
وشكرا لمرورك
واحـد من النــاس
21-01-2008, 09:16 PM
حلوة تسلم ايدك .. بس انتي مش مكملاها ليه !!!
ممكن اكملها انا ..
احبــك مكبر دماغــــك مـــــخدر **** ممشي امورك كده باتكال
واحب اللي ينصب واحب اللي يكدب **** واحب اللي ينهب ويسرق تلال
واحب اللي شايف وعارف وخايف **** وبالع لسانه وكاتم ما قال
واحب اللي قافل عيونه المغفل **** واحب البهايم واحب البغال
واحب اللي راضي واحب اللي فاضي **** واحب اللي عايز يربي العيال
واحب اللي يائس واحب اللي بائس **** واحب اللي محبط وشايف محال
واحبك تسافر وتبعد تهاجر **** وتبعت فلوسك دولار او ريال
واحبك تطبل تهلل تهبل **** عشان ماتش كوره وفيلم ومقال
واحبك تأيد تعضض تمجد **** توافق تنافق وتلحس نعال
تحضر نشادر تجمع كوادر **** تلمع تقمع تظبط جمال
لكن لو تفكر تخطط تقرر **** تشغلي مخك وتفتح جدال
وتبدأ تشاكل وتعمل مشاكل **** وتنكش مسائل وتسأل سؤال
وعايز تنور وعايز تطور **** وتعمللي روحك مفرد رجال
ساعتها حجيبك لايمكن اسيبك **** وراح تبقى عبره وتصبح مثال
حبهدل جنابك واذل اللي جابك **** وحيكون عذابك ده فوق الاحتمال
وامرمط سعادتك واهزأ سيادتك **** واخلي كرامتك في حالة هزال
وتلبس قضيه وتصبح رزيه **** وباقي حياتك تعيش في انعزال
حتقبل ححبك حترفض حلبك **** حتطلع حتنزل حجيبلك جمااااال
من الايميل ......... بس من غير زعل .. انا كتبت الموضوع ده هنا من كام شهر وقاولي مكرر .. بعد كده قريته ييجي 5 مرات كمان :D
Sharp Nails
21-01-2008, 09:18 PM
شكرا على التكملة
بس هو دة الى انا عرفاه
totaaaa
21-01-2008, 09:20 PM
حلو اوى وجديد كمان شكرا يا ملك
BERO22
21-01-2008, 10:29 PM
ميرسى يا نسمة على الموضوع بجد جميل وبشكر كمان واحد من الناس على التكملة
MohammeD el_SadaT
16-02-2008, 02:09 AM
http://www.thanwya.com/vb/showthread.php?t=35602&h ighlight=%ED%C7%D4%DA%C8%ED+%CD%C8%ED%C8%ED