السلام عليكم ورحمة الله وبركاته

ازيكم يا باش مهندسين

اللوقتي أنا لفت نظري حاجات كتيره أوي في الدنيا اللي احنا عايشنها دي

منها الشغل والمصاريف والأسعار المهم يعني بالعافية لما أكل وأشرب حاجه عدله ومتنسوش اللي جاي طبعا فاهمين:bosyht9:

كنت عايز أسألكم بجد بجد بدون فلسفة أو ميول

ومتحطوش في اعتباركم حتة الميول خالص خالص

أنا عايز حد يرميني ف أي قسم ف كلية هندسة بس يكون قسم كويس في الشغل بعد كده والمرتب

على فكرة حتى لو صعب غصب عني هتأقلم بس أهم حاجه أطلع أكل منه عيش لأن ده اللي بينفع دلوقتي


دلوقتي جه وقت الأقسام

مدني
عماره
ميكانيكا ( باور ولا انتاج )
كهربة
فيزيقا ورياضة هندسية
بحرية وعمارة سفن
الغاز الطبيعي


على فكرة دول ف هندسة بورسعيد اللي أنا فيها ان شاء الله و المحتمل اني ف المنيا أو أسيوط يعني أكيد فيها أقسام زياده لو عندك قول

************************************************

يا جماعة أنا انسان وبحس برده بس انا ركزت على حتة الماديات أوي اللوقتي و فكري زي ما هو متغيرش بس عايز أعرف حاجه واحده خصوصا اننا مش بنهتم بالتعليم ف مصر

ايه أكتر قسم يجيب فلوس :049gc0:

لا تنسوا ان ده مجرد رأي جديد ليّ يعني أنا عمري ما بنيت حياتي على الفلوس لأن المال مال الله


منتظر ردودكم والموضوع مهم والله

لما تكبر وتشوف اخواتك مش لاقيين يصرفوا على عيالهم وهما مهندسين مدني هتحس بيها

هما مهندسين مدني مبيعرفوش يصرفوا علي عيالهم
ليه كدا زعلتني
اكيد طبعا الفلوس مهمه
بس المهندس المتميز في قسمه هوا اللي بيعرف يجيب الفلوس
والارزاق بيد الله
انا دخلت مدني بكامل رغبتي ونفسي ابقي حد متميز فيها
ربنا يوفقك انا من رايي الراغبه هي الاساس في الاختيار

انا من رأيى مدنى للولاد كوووووووويسه اوى جوه مصر وبره كماااااااااان

يعنى بتجيب فلوس كويسة ;)

ودة طبعا على حسب اللى بيشتغل بيثبت نفسه فى الشغل ولآ

قاعد ملهوش لازمة وكمان مش مبين نفسه للمدير وكدة

وعامة الارزاق بيد الله



وطبعا الرأى الاول والاخير رأيك ّ!!!!!! :)

وربنا يقدم اللى فيه الخير :d

الرغبه هي اساس الاختيار ... اسف جدا اني اقلك انك متأثر بالافلام والمسلسلات بتاعت التلفزيون ولسا معندكش خبره في الحياه وبتقول كلام غريب الصراحه

طلبه تجاره واداب وتربيه وحتي المعاهد بتلاقيهم معاهم فلوس اكتر من اي خريج هندسه او طب لان الارزاق ملهاش علاقه بتخصص او عمل معين دي من عند الله وعلي حسب المجهود ... في مهندسن كهربا مش عارفين يأكلوا عيالهم وكذلك ميكانيكا وكذلك كل التخصصات والوظائف اللي في العالم والعكس صحيح كل حاجة فيها كدا او كدا وده علي حسب المجهود والرزق والتساهيل

يا ريت تعدل نظرتك للحياه عشان هتتعب اوي ... قسمت لك رزقك فلا تتعب يعني تشتغل وتعمل اللي عليك وتشوف اللي يناسبك وبعد كدا تستني الناتج انما لو فكرت بمنطق غير كدا بتكون دي النتيجه ... وإن لم ترض بما قسمت لك: فوعزتي وجلالي لأسلطن عليك الدنيا تركض فيها كما يركض الوحش في البرية، ولا تنال منها إلا ما قسمت لك

هما مهندسين مدني مبيعرفوش يصرفوا علي عيالهم
ليه كدا زعلتني
اكيد طبعا الفلوس مهمه
بس المهندس المتميز في قسمه هوا اللي بيعرف يجيب الفلوس
والارزاق بيد الله
انا دخلت مدني بكامل رغبتي ونفسي ابقي حد متميز فيها
ربنا يوفقك انا من رايي الراغبه هي الاساس في الاختيار



لا لا و الله مش حكاية مش بيعرفوا يصرفوا ولا حاجه أنا مقولتش كده والله بس مرة حلوة ومرة وحشه ومفيش حاجه ثابته
يارب تكون مواحد متميز في مدني
شكراً للمرور يا باش مهندس 3etra

انا من رأيى مدنى للولاد كوووووووويسه اوى جوه مصر وبره كماااااااااان

يعنى بتجيب فلوس كويسة ;)

ودة طبعا على حسب اللى بيشتغل بيثبت نفسه فى الشغل ولآ

قاعد ملهوش لازمة وكمان مش مبين نفسه للمدير وكدة

وعامة الارزاق بيد الله



وطبعا الرأى الاول والاخير رأيك ّ!!!!!! :)

وربنا يقدم اللى فيه الخير :d




الله يبارك فيكي يا باش مهندسه ضي القمر
فعلاً عندك حق لازم المهندس يثبت وجوده صح كده

شكراً لمرورك الرائع :)

الرغبه هي اساس الاختيار

معاك جداً جداً جداً يا باش مهندس

... اسف جدا اني اقلك انك متأثر بالافلام والمسلسلات بتاعت التلفزيون ولسا معندكش خبره في الحياه وبتقول كلام غريب الصراحه

لا والله انت فهمت غلط خالص يا هندسه
أولاً كلامي واقع الى حدٍ ما
ثانيا أنا بكره التمثيل من أصله والله و مش بتفرج الا ع الكورة بس عشان أكون صادق في كلامي
مقصدي من كلامي اني واحد مكنش هدفي في حياتي دخول الهندسة الا في سنة 3 ثانوي لما صدفة اتلاقيت نفسي باخد رياضة 2 مش أحياء اللي كنت عايزها

طلبه تجاره واداب وتربيه وحتي المعاهد بتلاقيهم معاهم فلوس اكتر من اي خريج هندسه او طب لان الارزاق ملهاش علاقه بتخصص او عمل معين دي من عند الله وعلي حسب المجهود ... في مهندسن كهربا مش عارفين يأكلوا عيالهم وكذلك ميكانيكا وكذلك كل التخصصات والوظائف اللي في العالم والعكس صحيح كل حاجة فيها كدا او كدا وده علي حسب المجهود والرزق والتساهيل
سبحان الله ما اختلافناش في ده والله الأرزاق بيد الله حقاً

يا ريت تعدل نظرتك للحياه عشان هتتعب اوي ... قسمت لك رزقك فلا تتعب يعني تشتغل وتعمل اللي عليك وتشوف اللي يناسبك وبعد كدا تستني الناتج انما لو فكرت بمنطق غير كدا بتكون دي النتيجه ... وإن لم ترض بما قسمت لك: فوعزتي وجلالي لأسلطن عليك الدنيا تركض فيها كما يركض الوحش في البرية، ولا تنال منها إلا ما قسمت لك

ونعم بالله زادك الله علماً



يا أخي والله والله أنا ما قصدك من ذلك شيئاً الا أن أجمع بين الماديات والمعنويات
ولكن الظاهر ان محدش فهمني للأسف
في النهاية أحب أأكدلك ان ليّ طموحي والله أشتغل ( design ) في قسم مدني وقبل كل ده أكون الأول على الدفعة كل سنة وأتعين معيد باذن الله

أشكرك أشد الشكر لتنبيهك :022yb4:

تمام كدة .... أنا من رأيى أن مدنى هى أكثر الأقسام تميز والحصول على العمل وأهم من ده وده المهندس الشاطر الطموح .... أنا كمان هدخل مدنى بكامل رغبتى وإن شاء الله .... إن شاء الله هكون متميز فيه. كمان أنا شايف إن قسم عمارة مش وحش ومياكانيكا باور ............... وقبل كل شيىء لو علمتم الغيب لإخترتم الواقع.

هما مهندسين مدني مبيعرفوش يصرفوا علي عيالهم
ليه كدا زعلتني
اكيد طبعا الفلوس مهمه
بس المهندس المتميز في قسمه هوا اللي بيعرف يجيب الفلوس
والارزاق بيد الله
انا دخلت مدني بكامل رغبتي ونفسي ابقي حد متميز فيها
ربنا يوفقك انا من رايي الراغبه هي الاساس في الاختيار

شوف يا باشمهندس طه .
انا شايف , انو الهندسة هيا ميكانيكا .
ليه لان مهندس الميكانيكا عامل كدا زي الجوكر .
مهندس الميكانيكا ممكن يتشغل في المنشآت العامة
ممكن يتشغل في شركآت البترول .
+ تبريد و تكييف و مستقبل التبرييد و التكييف كبير جدا خصوصا لو شركات تبريد مركزي .
ممكن يشتغل في الطيران دا اصلن الطيران دا في جامعات برا شعبة في الميكانيكا .
ممكن في السيارات
ممكن في المصانع

بس الكفآئه هيا الي بتحكم .

فيه حديث بيقول فيما معناه

ان الانسان بيجري ورا الحاجات المضمونة ويسيب الحاجات اللي مش مضمونة

ومن الحاجات المضمونة عندنا كمسلمين الحمد لله الرزق

فازاي احدد حياتي كلها عشان الرزق اللي هو هييجي بمقدار مكتوب مهما حصل

عشان كده ادخل اللي تحبه وملكش دعوة بالفلوس واتاكد انك هتاخد مقدار معين سواء دخلت اي حاجة

أشكركم يا باش مهندسين والله والحمد لله أنا أصلاً محدد قبل الحكاية دي كلها انا هدخل ايه بس كنت بشوف النظام

أشكركم وربنا يوفقنا جميعا ً

بالتوفيق:022yb4: