معاد التقديم [الأرشيف] - بوابة الثانوية العامة المصرية

تسجيل الدخول

مشاهدة النسخة كاملة : معاد التقديم

abdallah hassan

14-08-2011, 12:37 PM

يا ريت يا جماعة لو حد يعرف معاد التقديم لكلية حاسبات جامعة عين شمس يقولنا

abdallah hassan

14-08-2011, 12:40 PM

يا ريت تردوا بسرعة

abdallah hassan

14-08-2011, 03:50 PM

يا جماعة ماحدش يعرف فعلا

العربي الصغير

14-08-2011, 04:24 PM

أنا رحت يوم 31 يوليو ، قالوا لي : تعال يوم 15 أغسطس ، طبعاً الأوراق المطلوية هي :
1ـ استمارة النجاح في الثانوية العامة.
2ـ استمارة 2 جند ( أنا رحت أجيبها من مكتب البريد قالوا لي هاتها من التجنيد ، وفعلاً جبتها من التجنيد في الزيتون )
3ـ عدد 8 صور شخصية .
4ـ صورة بطاقة الطالب أو صورة بطاقة ولي أمره .
5ـ شهادة الميلاد .
ولغاية دلوقتي باحاول أتصل بالكلية ، ياإما يديني مشغول ياإما ماحدش بيرد . وإن شاء الله بكره هابقى أروح ( لكن أنصحك تتأكد الأول ) وربنا معاك

shadowguns

14-08-2011, 07:21 PM

badnamef4

15-08-2011, 06:47 AM

انتا جامعة إيه؟ لو القاهرة فأنا قدمت و انتا ممكن تروح بكرة حتى لو عايز
و الورق المطلوب هناك على ما أذكر : أصل شهادة الميلاد و أصل شهادة النجاح و بطاقة الترشيح و 6 صور مكتوب على كل واحدة اسمك و بطاقة 2 جند من غير ماتملاها . معرفش لو مليتها يبقى إيه النظام
السلام عليكم و رحمة الله و بركاته

العربي الصغير

15-08-2011, 10:16 AM

انا رحت يوم الأحد اللى فات يوم 7-8-2011 و فعلاً هى دى الطلبات مظبوط ... بس قالولى ان التقديم حيبقى يوم 21 أغسطس ... يعنى لسة الأحد الجاااااى و الكلام ده من بق شئون الطلبة هناك ...
بس طلب يا ريت تنفذهولى ... لو انت تعرف نمرة الكلية يا ريت تدهالى ... علشان انا كل م بحب اعرف حاجة بضطر اروح الكلية كل يوم فى الصيام !!! و بيبقى يوم نكد !!! فيا ريت تديهالى ... و يا ريت تقولى اقصر و اسرع طريق اروح بيه مكتب التجنيد .. يا ريت يكون المترو ... و متشكر لييييييك جداً

شكراً على المعلومة المفيدة ، بالنسبة لرقم الكلية فأنا طلبت الدليل وقال لي الرقمين دول :
26855585
26828298
ولكن للأسف ما حدش بيرد ، جرب ممكن يكون حظك حلو ، أما بالنسبة للتجنيد فأقرب محطة مترو ليه هي محطة حلمية الزيتون (يبعد عنها حوالي 1 كيلو تقريباً ) وهو عند كوبري اسمه كوبري التجنيد ، أنا جبت لك الصورة دي من الخريطة في جوجل :
http://www8.0zz0.com/2011/08/15/08/191099898.png (http://www.0zz0.com)
وتقدر تشوف الخريطة بنفسك من الرابط ده:
http://maps.google.com.eg/maps?hl=ar&ll=30.108621,31.321142&spn=0.009968,0.029182&z=16
وربنا يتقبل منا ومنكم الصيام وصالح الأعمال

badnamef4

15-08-2011, 01:19 PM

بالنسبة لاستمارة 2 جند أنا جبتها من مديرية أمن القاهرة

shadowguns

15-08-2011, 04:13 PM

العربي الصغير

15-08-2011, 04:19 PM

بالنسبة للرقم الأول (26855585) هيطلعلك تسجيل ، فرقم التحويل لشئون الطلبة 158

shadowguns

15-08-2011, 04:35 PM

شكرااااااً جداً ليك ... بس انا كنت بسأل على الطريق بعد م اوصل لكوبرى التجنيد ... امشى ازاى و اروح فين !؟
طيب و النمرة الثانية حتوصلنى لفين ؟! و شكراً تانى ليك ... معلش تاعبك معايا

mohamed yhia

15-08-2011, 04:38 PM

طيب امتى التقديم لحاسبات حلوان

badnamef4

15-08-2011, 06:28 PM

انا متشكر ليييييك جداً على تعبك معايا ... بس يا ريت ممكن توضح اكتر ؟ علشان انا لسة مجبتهاش و عاوز اجيبها ... بعد م انزل من المحطة .. حمشى شارع ابو الحكم لحد الكوبرى .. بس تقريباً الكوبرى حيبقى فوق .. مش حقدر اطلعله ... انا حروح فين بعد م اوصله ؟ و شكراً تانى مرة على النمر و تعبك معايا ^^
-----------------------------------------------------------------------------------------------
للأستاذ ... Badname
ممكن يا ريت .. بعد إذنك يعنى .. تشرحلى طريق المديرية ؟ و هل إستمارة المديرية بتفرق عن بتاعت التجنيد ؟ شكراً ليك ^^

أنا بتكلم عن مديرية أمن القاهرة فمعرفش إيه النظام للناس اللي في الجيزة مثلاً يعملوا إيه يبقوا تبع مديرية أمن القاهرة برده ولا لأ
الصراحة أنا مش فاكر أوي بس هي تقريباً في شارع بورسعيد أو التحرير و فيه أتوبيسات بتنزل عندها
انتا لو في القاهرة قول لي انتا ساكن فين و هحاول أعرف لك إزاي تروح من عندك أو أي حد من الأعضاء لو عارف
الاستمارة دي استمارة زرقاء كده أربع صفح بنص جنيه اسمها استمارة 2 جند دي بتبقى للناس اللي عايزة تؤجل تجنيدها عشان الدراسة و تمت سن التجنيد 18 سنة
العفو
السلام عليكم و رحمة الله و بركاته

العربي الصغير

16-08-2011, 11:47 AM

شكرااااااً جداً ليك ... بس انا كنت بسأل على الطريق بعد م اوصل لكوبرى التجنيد ... امشى ازاى و اروح فين !؟
طيب و النمرة الثانية حتوصلنى لفين ؟! و شكراً تانى ليك ... معلش تاعبك معايا

أنا المرة دي مش متأكد لكن بالشبه ، انت هتمشي لغاية لما تلاقي الكوبري قدامك هتلاقي التجنيد على شمالك (تقريباً مكان النجمة الحمراء اللي في الصورة ) ، وعلى العموم هو شكله واضح هتلاقيه محوط بسور مكتوب عليه ( منطقة عسكرية ممنوع الاقتراب والتصوير ) ولو تهت ـ لا قدر الله ـ اسأل أي واحد وهيدلك
http://www3.0zz0.com/2011/08/16/08/102402323.png (http://www.0zz0.com)

بالنسبة للرقم التاني فبيرن على طول وللأسف ما حدش بيرد ، أما الرقم الأول بتسمع تسجيل ، وأنا إلى الآن كل شوية باحاول ولكن لسه ماحدش بيرد وبالتوفيق ، ولا شكر على واجب

الاستمارة دي استمارة زرقاء كده أربع صفح بنص جنيه اسمها استمارة 2 جند دي بتبقى للناس اللي عايزة تؤجل تجنيدها عشان الدراسة و تمت سن التجنيد 18 سنة

فعلاً الاستمارة اللي خدتها من التجنيد بنفس المواصفات دي وبرضه بنص جنيه

shadowguns

16-08-2011, 12:21 PM

متشكر جداً جداً جداً جداً ليك على تعبك ^^ معلش انا تعبتك انا عارف ،،،
انا لسة راجع اهه من مكتب التجنيد اللى فى حلمية الزيتون ،،،
بس الناس اللى واقفة هناك مخنوقة من نفسها مش عارف ليه !!
على العموم انا جبتها ،، بس هى مش اربع ورقات زى م بتقولوا !
دى ورقة واحدة بس لونها أزرق ،، و كبيرة اوى ،،،
و بالنسبة للكلية ... انا لسة متصل بيهم من دقيقتين دلوقتى ^^
على الرقم الأول بتاعهم رد عليا صوت تسجيل و بعدها كتبت رقم شئون الطلبة !
رد عليا راجل مهزأ و مش محترم ! بقوله عاوز اسأل على شوية حاجات بس بالنسبة للتقديم ،، لا مزعق و قالى يا عم هو احنا فاضينلكوا ؟! ( امال حيفضى لمين بس ) !!!
المهم ردت عليا وحدة ست بعد كده و جاوبتنى على الأسئلة ... يا ريت حضرتك تتصل بيهم و تسألهم عن ميعاد التقديم تانى و انا مستنيك ^^
و معلش تانى مرة على تعبك معايا ^^

العربي الصغير

17-08-2011, 07:29 PM

التقديم بعد العيد ، قالوا لي كده في شئون الطلبة لما ردوا عليا بعد معاناة ، ولكن الحمد لله الموضوع تأجل لما بعد العيد