بسم الله الرحمن الرحيم




نخش فى الموضع على طول ونقول بسم الله




شعر حسني مبارك .. اهداء الى شعب مصر
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك ابو رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال

مع تحياتى لكم
el7azen

i swear in god this poem is extremely glorious .

للاسف دي سياستنا

بس ان شاء الله لا بد ان ينتهي الظلم في يوم ما ونكون أمة لها كرامة

لاسف ليست مشكلة مصر فحسب بل مشكلة كل البلاد العربية
اشكرك اخي على ما نقلت لنا

والله عندك حق ياعم
دا احنا بيحصل فينا اكتر من كدا كمان
شكرا على الكلام الجامد دا

يسلموووووووووووو يا مان

حضرتك نسيت اخر بيت


هتقبل هاحبك .. هترفض هلبـّك هتطلع هتنزل هاجيبلك جمااااال

شكرااااااااااااااااا على الردود الجميلة دى

أنا شوفت الشعر دا قبل كده كان واحد نشره ووزعه
مشكوووووووووور على الموضوع