ماهو معنى ومكان وسعر هذه المعاهد:
1- مركز تكنولوجيا ت.ماكينات كهربية
2- ك.ت. فني صناعى الصحافه
3- تكنولوجيا عمالية مدينة نصر بمصروفات
4- ك.ت. فني صناعى المطريه
5- ك.ت. فني للبصريات المطريه
6- معهد العباسية للعلوم التجارية والحاسبات الالية ش(نظم معلومات)
7- جزيرة عالي حاسب الي ونظم ش(نظم معلومات)مقطم
ك.ت. فني صناعى شبرا
المجمع التكنولوجي المتكامل بالأميرية
أنا مشفاهم حاجه وهو الكلية ده بطلع أية مركز تكنولوجيا ت.ماكينات كهربية

اللى اقدر اقولهولكـ ان في معاهد من دول سنتين
وفي اربع سنين
وفي منهم بفلوس كتير وفي منهم حنين شويه
وسيبكـ من الكلام ده وقولي انت ميولكـ ايه وكان نفسكـ في ايه واقولكـ علي معهد كويس

أشكرك انا نفسي أدخل كلية هندسة وأنا جايب 73 % ولو عارف حاجه عن الكلية ده قلي الله يخليك 1- مركز تكنولوجيا ت.ماكينات كهربية

مركز التكنولوجيا ده اظنه انتهى ولله العلم
ياريت تتاكد انه مش فى 84 %
لانه حاسة انى شوفته

لو حضرتك حابب الهندسة جدا ممكن تدور على اى معهد خاص (ادعى انك تلاقى )بس اعرف انك الى هتلاقيه هيبقى مستواه مش كويس اوى يعنى مثلا السلاب اخد من 89%
بس انت هتروحه وتحول لمعهد عدل بعد سنه اولى (ده لو انت بتحب الرياضة بجد وحاسس انك هتكون مهندس بجد مش مجرد شهادة معادلة )

ربنا يوفقك

4- ك.ت. فني صناعى المطرية
يعني المعهد الفني الصناعي بالمطرية (التابع للكلية التكنولوجية بالمطرية)
هو معهد تابع لوزارة التعليم العالي
الدراسة به مجانية ولمدة سنتين
بعد السنتين بتدخل تنسيق الشهادات الفنية
وليك في التنسيق كليات الهندسة والتربية والتربية النوعية والتعليم الصناعي والجامعات العمالية ومعاهد خاصة
والحد الأدنى للقبول بكليات الهندسة من المعهد 90% تقريباً (كان يتراوح بين 87% و 89% الثلاث سنوات السابقة)
ومن السهل الحصول على نسبة أعلى من 90% إن شاء الله
بالحضور والمذاكرة والسلوك الحسن مع المهندسين

طيب هو لازم يكون علمى رياضه علشان يخش المعهد ده

طيب هو لازم يكون علمى رياضه علشان يخش المعهد ده
من الاتنين علمي علوم وعلمي رياضة
لأن المعاهد الفنية الصناعية في دليل القبول على موقع التنسيق تندرج تحت البند الآتي
الكليات الجامعية والكليات التكنولوجية والمعاهد التي تقبل من الشعبتين العلمية والهندسية

طيب ونخش من علمى هندسه ازاى ممكن توضح

طيب ونخش من علمى هندسه ازاى ممكن توضح
هو دخول هندسة من المعهد بيكون بشهادة المعهد الفنية بس
ورغم اللي مكتوب في دليل القبول لكن أنا عن نفسي ما قابلتش حد في المعهد علمي علوم
يا ريت تروح المعهد تستفسر أو الأحسن مكتب التنسيق الرئيسي هم هناك متعاونين جدا